Efling flengir Finnboga.

 

Forseta ASÍ, mann sem ég hélt að væri verkalýðsleiðtogi, en eftir að miðstjórn ASÍ fór gegn landsbyggðinni með stuðningi við ofurskatta Samfylkingarinnar á sjávarbyggðir, þá fattaði ég að Finnbogi er bara dindill, og þar með skyldi ég að þótt hann væri hvorki vel máli farinn, eða rökfastur, þá fékk hann starf sitt sem forseti ASÍ vegna refja fyrrum stuðningsmanna Gylfa forseta og fjárkúgunar hans gagnvart íslensku þjóðinni.

Það að vilja þrælka launafólk í þágu ESB trúarbragða var óþekkt lágkúra vestrænnar verkalýðsbaráttu, eitthvað sem mátti skýra með skort á menntun og sjálfsvirðingu þáverandi verkalýðsforystu, fyrir utan náttúrulega beinan stuðning hennar vegna flokkstengsla við VG og Samfylkinguna, en ætti núna að vera liðin tíð.

Þess vegna var jú Drífu Snædal hent út, hún var beint afsprengi þessarar flokkshollustu, menntakona sem hafði aldrei dýft hendi sinni í kalt vatn, var sett af þegar uppvíst var að hún barðist gegn kjarabaráttu ómenntaðra láglaunakvenna.

 

Finnbogi lofaði þannig séð góðu.

Hann er ekki heimskur og hefur oft og vissulega staðið  með erfiðum málum sem brjóta á hagsmuni og kjörum launafólks.

Samfylkingarmaður vissulega en einu sinni voru jafnaðarmenn baráttufólk fyrir bættum kjörum verkalýðsins.

Ég taldi alltaf að þar væru rætur hans sterkari en einhver meint þjónkun við Nýfrjálshyggju Samfylkingarinnar, að hann væri ekki Dagisti eða heimskasti, Þrastar eða Bollaisti (tveir afdankaðir nýfrjálshyggju hagfræðingar í Samfylkingunni), að hann væri aðeins það sem rætur hans gefa til kynna.

Alþýðumaður sem fékk vegsemd vegna þess að hann er bara einn af okkur.

Ekki sá gáfaðasti, en ekki sá heimskasti.

 

Við megum ekki gleyma að öll verkalýðsfélög sjávarbyggða, að allar sveitastjórnir sjávarbyggða, óháð flokkum og stimplum, andmælti nýlendutilburðum 101 Reykjavík, kennt við ofurskatta á sjávarútveginn, einna atvinnugreina.

Þess vegna var stóri rýtingur miðstjórnar ASÍ þegar hún ályktaði til stuðnings ofursköttum Samfylkingarinnar og Viðreisnar, með orðavaðli sem gerir jafnvel heimskan mann gáfaðan, áfall gegn þeirri dómgreind að  halda að Finnbogi væri allt í lagi, þó hann seint kæmist inná topp 20 lista um mestu skörunga sem hafa gegnt forsetaembætti ASÍ, aukaatriði að þeir hafa ekki ennþá náð 20-tölunni.

 

Ég ætla ekki að hafa um þetta fleiri orð, Sólveig Anna flengir Finnboga frá A til Ö, sem og  þetta aumkunarverða fólk sem kallar sig jafnaðar og félagshyggju fólk, en gengur beint erinda auðs og hinna ofurríku.

"Gagnrýni stjórnar Eflingar snýr að því að henni þykir vera vitundarleysi um eðli stéttaskiptingar í ummælum forseta ASÍ. Í stað þess að viðurkenna að erfið staða verkafólks á íslenskum vinnumarkaði sé tilkomin vegna kerfislægra þátta, líkt og kröfu atvinnurekenda um ódýrt vinnuafl til að knýja áfram hjól atvinnulífsins, leiti hann í yfirborðskenndar og villandi greiningar. Samtök atvinnulífsins hljóti að fagna skoðunum forseta ASÍ sem leysi atvinnurekendur undan ábyrgð á ólíðandi ástandi og varpi henni þess í stað á opinber kerfi og einstaklingsbundna þætti, eins og menntunarstig.".

Reyndar er langt síðan að ég hef lesið skarpari texta sem greinir jafn vel þá aumkunarverðu lágkúru sem fylgir Samfylkingarfólki sem og leyfum þeirra sósíalista sem einu sinni voru, og eru ekki einu sinni minning þess sem var, og hafa hlotið skjólhús hjá VinstriGrænum.

 

Finnboga er samt sú vorkunn að hann skilur ekki þessi orð, eða af hverju hann var flengdur svona rækilega.

Hann fékk jú hrós frá Kristrúnu og öllum hinum á þingi Samfylkingarinnar, fékk jafnvel að taka þátt í pallborði þar sem ekki mikið var hlegið að honum.

Hin menntaða yfirstétt kann jú sína mannasiði, eða þannig.

 

Eftir stendur Sólveig Anna.

Hvöss, beitt, áður hataðasta manneskja hjá þeim aurapúkum sem hafa brotið niður kjör og réttindi vinnandi fólks.

En í dag langtum hataðri hjá hinni menntuðu yfirstétt sem leiðir Samfylkinguna.

Því hún sagði sannleikann um hræsni og skinhelgi hennar.

Um samstarf hennar og samstöðu við aurapúkana við að brjóta niður kjör og réttindi vinnandi fólks.

 

Segi samt.

Aumingja Finnbogi.

Kveðja að austan.

Gagnrýna ummæli forseta ASÍ í viðtali á mbl.is

Athugasemdir

[Magnús Sigurðsson, 2.10.2025 kl. 17:14]

Blessaður Ómar, -fanta góður pistill hjá þér í dag úr hatblíðunni í neðra.

Þarna hittir Eflingar fjallkonan enn einu sinni naglann svo rækilega á höfuðið að ASÍ slektið má halda um rassgatið.

Svo var formaður SA að senda veruleikafirrtu landráða hyskinu tóninn í dag, -sem ekki veitti af að einhver málsmetandi maður gerði.

https://www.mbl.is/frettir/innlent/2025/10/02/vinnudagurinn_snyst_ekki_um_ad_greida_skatta/

Með blíðviðriskveðju úr haustlitunum í efra.

[Magnús Sigurðsson, 2.10.2025 kl. 17:14]

, , , úr haustblíðunni, -átti það að vera

[Ómar Geirsson, 2.10.2025 kl. 17:49]

Blessaður Magnús.

Vissulega hefur haustblíðan bæði bætt kæti og geð, fyrir utan fegurðina í sólarblíðunni þar sem haustlitirnir fá að njóta sín, og þetta er bara upphafið.

Ég var reyndar að yfirgefa þennan vettvang í bili, annað verkefni fangar athygli mína næstu daga, eða fram yfir næsta þriðjudag.

Ég las þessa frétt sem þú linkaðir á, nennti því ekki áður, en fyrir þín orð þá gerði ég það.

Ókei, SA, en það er bara langt síðan sem ég hef lesið eins gott viðtal, þetta minnir mig á þá gömlu daga þegar kommarnir, það er í minni heimabyggð, gátu rifist út í eitt við íhald og framsókn, en svo bara sameinuðust allir um það að senda Lúðvík, okkar eina þingmann, suður í Landsbankann til að tryggja fjárstreymi til að halda Síldarvinnslunni gangandi, ekki vegna þess að afli og sá auður sem honum fylgdi, væri ekki nægur, heldur það fyrirbrygði, sem þá hafði ekki verið skilgreint, en auðvita var þetta ein birtingarmynd nýlenduarðráns 101 Reykjavík, sem var röng gengisskráning sem saug auð úr sjávarbyggðum landsbyggðarinnar.

Þá hefðu mörg þessi orð geta verið mælt, sérstaklega þessi; "... að atvinnulífið sé til fyrir ríkissjóð en ekki fyrir eigendur sína, starfsfólk og nærsamfélög", í tilviki byggðar minnar var Síldarvinnslan í eigu okkar, Norðfirðinga, við rifumst vissulega, en hún var okkar fyrirtæki.

Sólveig Anna er eiginlega síðasti Móhíkaninn, svo ég vitni í bók æskunnar, hefur ekkert að gera með lélega Hollywood kvikmynd, hún er í dag Hrópandinn í eyðimörkinni.

Allt sem hún sagði, eða er sagt er eftir henni í þessari frétt, er rétt og satt.

Fólk getur vissulega verið ósammála um hvort ómenntað láglaunafólk eigi að njóta einhverra réttinda umfram hið nútímaþrælahald í boði Góða fólksins í samstarfi með Mannsals og Flóttamannaiðnaðinn, en forseti ASÍ á allavega ekki að vera á vagni hinnar menntuðu yfirstéttar sem sér fátt athugavert með þessu nútímaþrælahaldi.

Til skamms tíma hélt ég að vissar rætur mæti rekja til Samtaka Atvinnulífsins, en miðað við orðin hjá Jóni Ólafi þá er fullur skilningur á að heilbrigt atvinnulíf snýst um framleiðni, framlegð ásamt hagstæðu umhverfi fyrir fyrirtæki og launafólk.

Ekki nútíma þrælahald þar sem allir brestir óskilvirkni, ofurskattlagningar eða annað er falið með því að gera síárásir á laun og kjör vinnandi fólks, þar sem valkosturinn er framandi ódýrt vinnuafl sem sættir sig við næstum því hvað sem er.

Til hvers þarftu Magnús að fá réttindi til að steypa með iðnnámi og síðan 2 ár í Meistaraskólanum, ef það dugar að tala ekki íslensku, heldur útlensku, og þá færðu starfsréttindi sem "sérfræðingur" á staðnum, ekki að sunnan, heldur sérfræðingurinn sem vinnur fyrir langtum lægri laun en íslenskir iðnaðarmenn eða í atvinnugreinum þar sem krafist er starfsréttinda, á milli er enginn kostnaður við menntun þína eða þeirra krafna að standa undir skyldum þínum sem íslensku þegn, í íslensku samfélagi, að sjá fyrir fjölskyldu með maka þínum, koma börnum ykkar til manns??

Flenging Sólveigar á Finnboga er hluti af réttlætisbaráttu, af kjarabaráttu, sem og þeirri baráttu sem er háð um framtíð þjóðar okkar, menningu og tungu.

Að við séum við sjálf og líðum ekki nútíma þrælahald Góða fólksins í samstarfi við hinu svörtu sál aurapúka sem fyrirlíta samfélag okkar og þá mennsku sem byggði það upp og mótaði gildi þess.

Takk fyrir athugasemd og innlit Magnús.

Með kveðju úr hauststillunni í neðra.