Fréttaritstjórn Morgunblaðsins ennþá á lægsta plani Hamas áróðurs.

 

Það geisar stríð á Gasa þar sem tveir herir takast á, annars vegar Ísraelsher sem réðst inná Gasaströndina í kjölfar voðaverka Hamas þann 7. október 2023, og vígamenn Hamas sem verjast þessari innrás af fullri hörku.

Hundruð ísraelska hermanna hafa fallið í þessari innrás, þúsundir eru særðir.

 

Á móti því mannfalli koma þúsundir Hamasliða sem hafa fallið, margfalt fleiri hafa særst.

Samt mun færri en mætti halda því varnartaktíkt þeirra byggist á skyndiárásum, sprengjugildrum og öðru því sem leiðir ekki til beinna átaka við innrásarherinn, eftir árásirnar leita vígamenn Hamas í skjól í þéttriðnu neti neðanjarðagangna á meðan almenningur ofanjarðar tekur skellinn.

 

Markmið innrásar Ísraela er annars vegar að reyna að frelsa sem flesta gísla og þá á lífi og hins vegar að hrekja Hamas frá Gasa.

 

Þess vegna er ömurlegt að lesa í frétt þar sem Trump er hvattur til að skera á þann hnút sem öfgamenn beggja vegna víglínunnar hafa hnýtt svo enginn endir verður á þessum átökum, að stríðið á Gasa sé kallað hefndarárás Ísraelsmanna; 

"Að minnsta kosti 66.005 Palestínumenn hafa verið drepnir í hefndaraðgerð Ísraelsmanna á Gasasvæðinu, sömuleiðis flestir almennir borgarar".

Eins og ekkert sé stríðið þar sem tveir herir takast á og vanbúnir vígamenn Hamas hafa haldið sjó í tæp ár gegn þungvopnuðum her Ísraels.

Bara 66 þúsund drepnir í hefndarárásum.

 

Lágpunktur fréttamennsku Morgunblaðsins í rúmlega 100 ára sögu þess var þegar einfeldningur tók viðtal, og fékk það birt, við sérstakan útsendara áróðursdeildar Hamas sem böggaði fólk á förnum vegi í Reykjavík síðastliðið sumar.

Ég segir einfeldningur, því aðeins mjög einfaldur maður hefur eftir fulltrúa morðingja og voðamenna að þeir séu friðelskandi  sem vilji lifa í sátt við nágranna sína í Ísrael, sem og við önnur trúarbrögð, kristna og gyðinga.

Því enginn er svo rotinn að innan að geta haft svona þvætting eftir í ljósi voðaatburðanna 7. október þar sem meðal annars hundruð ungmenna á friðartónleikum voru skotin á færin, það er þau sem voru svo heppin, því sumum var nauðgað og á blóðvellinum var erfitt að áætla fjölda fallinna því líkamspartar limlestingar með sveðjum var úti um allt.

 

Í þessari vonarfrétt nær fréttaritstjórn Morgunblaðsins alls ekki sama lágpunkti ómennsku og óeðlis, en þetta er samt mjög slæm fréttamennska.

Að endurvarpa svona áróðri Hamas og þannig leggja sitt á vogarskál samtakanna; vitna í viðtal CNN við einn af samningamönnum samtakanna: ""You know what is the benefit of October 7 now?" Hamad asked, before listing off growing international support for a Palestinian cause. "I think this is a golden moment for the world to change the history," he said."

Til hvers að hætta að fórna sínu eigin fólki á meðan hinir meðvirku ganga í takt með áróðri Hamas.

 

Morgunblaðið er borgarlegt blað.

Borgarleg blöð ganga ekki erinda hryðjuverkasamtaka.

 

Þau falsa ekki og afskræma raunveruleikann.

Kveðja að austan.

 

 

 

Fjölskyldur hvetja Trump til dáða

Athugasemdir

[Bjarni (IP-tala skráð) 29.9.2025 kl. 14:07]

STFU