Það borgar sig að drepa gyðinga!

 

Gömul sannindi og ný, sérstaklega í Berlín og víðar á fjórða áratugnum.

Og í dag leiða slík dráp til viðurkenningar á ríki Palestínuaraba.

 

Sem er mikil smán, mikil skömm, því slík viðurkenning átti fyrir löngu að vera komin, og þá gegn því að Palestínuarabar lofuðu að haga sér eins og siðað fólk.

Því siðað fólk, burt séð frá öllum erjum við nágranna sína, sendir ekki vígamenn til að drepa óbreytta borgara þeirra.

 

Á þetta hefur aldrei reynt því öfgamenn sprengja og drepa, og þá er sprengt og drepið á móti.

Vítahringur ofbeldis og haturs sem seint virðist vera hægt að rjúfa.

 

En þegar Hamas framdi voðaverk sín í Ísrael í þeim eina tilgangi að kalla á heiftarviðbrögð Ísraela sem myndu örugglega ráðast inná Gasa, þá var nýtt met lágkúru slegið; fremjum þjóðarmorð á okkar eigin fólki og þá munu vestræn góðmenni örugglega styðja okkur.

Skil tilganginn en skil ekki vestrænu góðmennin sem féllu í gildru Hamas, að þjóðarmorð á eigin þegnum væru forsenda þess að þau viðurkenndu ríki Palestínuaraba.

Var ekki hægt að leysa þetta mál án allra þessara drápa??

 

Fyndnast er samt viðurkenning Bretlands og Frakklands á ríki Palestínu, ásamt hvatningu um 2-ríkja lausn því bæði ríki hafa þjóðabrot Kelta sem vilja sjálfstæði frá stórríkinu í París og London.

Sorglegust er hins vegar framganga gyðingahatarana í Madríd, þó þeir byggi á aldagömlu hatri, þá eru þeir nýbúnir að brjóta á bak aftur kröfu Katalóna um sjálfstæði frá Madríd.

Fangelsa forystufólk Katalóna, hóta hervaldi og blóði láti þeir sér ekki segjast.

Þar getur tvöfeldnin og hræsnin ekki orðið meiri, og Brussel kinkar kolli.

Í sameinaðri Evrópu hafa þjóðarbrot innan stærri ríkja engan rétt á hinni svokölluðu tveggja ríkja lausn.

 

Netanjahú má samt eiga að hann og öfgaöfl innan ríkjastjórnar hans, hjálpa þeim sem telja sig græða á drápi gyðinga, eða gyðingahatri líkt þjáir okkar ágætis utanríkisráðherra.

Það er eins og fótspor Hamas sé mátað í kyrrþey og reynt að finna stígvél sem passa.

 

En öfgamenn og fáráðlingar réttlæta samt ekki drápin, hvort sem það er dráp á gyðingum eða íbúum Gasa.

Samt ráða þeir för í allri þessari deilu.

 

Þar liggur harmurinn í Mið-Austurlöndum.

Kveðja að austan.

Fjöldi gekk út þegar Netanjahú hóf ræðu sína