Við erum ekki Hamas.

 

Segir Abbas forseti Palestínu, segir að voðaverkin 7. október 2023 endurspegli ekki fólkið í Palestínu.

 

Vonum að það sé rétt en óneitanlega vakna efasemdir um þessa fullyrðingu þegar haft eru í huga fagnaðarlæti Palestínuaraba á götum bæja og borga í Evrópu, til dæmis hér í Reykjavík, þegar fregnir af voðaverkum Hamas spurðust út.

Og mér vitanlega hefur enginn Palestínuarabi á Íslandi fordæmt opinberlega þessi voðaverk, eða hvatt Hamas til að leggja niður vopn og skila gíslum sínum.

 

Binda þannig enda á átökin á Gasa.

Binda enda á þjáningar og hörmungar samlanda sinna þar.

 

Orð Abbas eru engu að síður sönn og ættu að lesast af öllum þeim sem lepja upp áróður Hamas, og ganga þar með í takt með samtökunum í þjóðarmorði þeirra á íbúum Gasa.

"Þrátt fyrir allt það sem fólkið okkar hefur gengið í gegnum erum við andsnúin því sem Hamas gerði 7. október – verknaður þar sem skotmarkið var ísraelskur almenningur og þeir teknir sem gíslar – vegna þess að þessi verknaður endurspeglar ekki almenning í Palestínu og hann endurspeglar ekki heldur baráttu hans fyrir frelsi og sjálfstæði,".

Skyldi til dæmis fréttaritstjórn Morgunblaðsins skilja þessi orð, til dæmis næst þegar hún endurrómar áróðurinn um hungursneyðina miklu á Gasa, líkir henni til dæmis við alvarlegustu hungursneyðir síðustu aldar, til dæmis í Biafra eða Eþíópíu.

Eða talar um stríð Ísraela við Hamas sem þjóðarmorð.

 

Abbas hefur líka manndóm til að fordæma gyðingahatur.

Hann á aðeins eftir að taka næsta skref og fordæma þá sem útbreiða gyðingahatur, fólk eins og utanríkisráðherra Íslands, biskup Íslands sem hefur breytt kirkjum Íslands í áróðursstöðvar fyrir Hamas eða rektor Háskóla Íslands sem með þögninni samþykkir stækt gyðingahatur innan skólans.

Svo stækt að það er veist af fræðimönnum og þeim meinað að ræða fræði sín vegna þess eins að þeir eru gyðingar.

Líkt og við séum stödd á götum Berlínar 1936.

 

Forseti Íslands þegir um þetta gyðingahatur.

Forseti Palestínu fordæmir það.

 

Forseti Palestínu segir að við erum ekki Hamas.

Íslensk góðmenni segja; Við erum Hamas.

 

Það er svo.

Það er svo.

Kveðja að austan.

 

 

Segir árásina ekki endurspegla fólkið í Palestínu

Athugasemdir

[Theódór Norðkvist, 26.9.2025 kl. 10:03]

Sæll Ómar og takk fyrir góða kveðju í fyrri umræðuþræði.

Að efni þessa pistils. Þú segir:

Hann á aðeins eftir að taka næsta skref og fordæma þá sem útbreiða gyðingahatur, fólk eins og utanríkisráðherra Íslands, biskup Íslands sem hefur breytt kirkjum Íslands í áróðursstöðvar fyrir Hamas eða rektor Háskóla Íslands sem með þögninni samþykkir stækt gyðingahatur innan skólans.

Þetta eru frekar alvarlegar ásakanir. Geturðu gefið mér einhverjar tilvísanir í ÞKG eða í stólræður þjóðkirkjupresta, sem sýna ótvírætt útbreiðslu Gyðingahaturs eða sýna að kirkjurnar séu áróðursstöðvar fyrir Hamas?

[Ómar Geirsson, 26.9.2025 kl. 12:01]

Blessaður Theódór.

Aðeins stækt gyðingahatur getur skýrt hina einhliða fordæmingu á hernaði Ísraela á Gasa.

Fordæmingu sem þjóðkirkjan tók þátt í á deginum þar sem gengið var í takt með þjóðarmorði Hamas á eigin þegnum.

Hitt skýrir sig sjálft.

Kveðja að austan.