Veruleikafirring vestrænna ríkja þekkir fá mörk.

 

Það er gott og blesað ef vestræn ríki ákvæðu að viðurkenna sjálfstæði Palestínu, þó eftir standi spurningin, af hverju gerðu þau það ekki fyrr??

Til dæmi strax eftir árásarstríð arabaríkja á Ísrael 1948 þegar það átti að þurrka út hið nýstofnaða ríki gyðinga.

Því það stríð endaði með því að arabaríki hertóku það landsvæði sem Palestínuaröbum var ætlað, og þau landsvæði komust fyrst undir stjórn Ísraela eftir að þeir hertóku Gasa og Vesturbakkann í 6 daga stríðinu, af annars vegar Egyptalandi og hins vegar Jórdaníu.

 

Í dag virkar svona viðurkenning aðeins hlægileg, svona eins og Jack Ripper hefði fengið viðurkenningu fyrir að myrða vændiskonur með þeim orðum að það þurfti að fækka þeim á götum Lundúna.

Þjóðarmorð Hamas á íbúum Gasa hófst með yfirlýsingunni um að markmiðið væri að útrýma Ísrael, og hvaða sjálfstæð þjóð sættir sig við slíkt??

 

Eins er hræsnin yfirgengileg.

Ætlar Ástralía til dæmis að viðurkenna rétt frumbyggja landsins til sjálfstæðs ríkis, og á þá að skila öllu landi þeirra til baka, svona 99% af Ástralía?

Eða Kanada, ætlar ríkisstjórnin þar að hefja viðræður við frumbyggja landsins um sjálfstæði landssvæða þeirra, á landi sem þeir búa á í dag, sem og á því landi sem stolið var af þeim??

 

Hugsanlega yrði lausnin einhver 2-ríkja lausn, en þá yrðu einhverjir frumbyggjar viðkomandi landa sárir, vildu meira, og ef þeir tækju þá uppá því að skjóta fólk á færi í bæjum og borgum Ástralíu eða Kanada, yrðu viðkomandi stjórnvöld ánægð með það.

Og ítrekuðu markmið sín um 2-ríkja lausn.

 

Eða hefðu Bretar sætt sig við það að Írar í breskum borgum á meðan borgarstyrjöldin stóð yfir á Norður Írlandi, að þeir hefðu skotið fólk á færi líkt og palestínski vígamenn hafa gert í bæjum og borgum Ísrael.

Tugir slíkra árása hafa dunið á óbreytta borgara Ísraels, þeirra eini tilgangur að drepa.

Væri það innfalið í sjálfstæði Norður Írlands að Írskir skæruliðar mættu halda áfram slíkum árásum.

Nei, ég held ekki.

 

En ef þú ert nógu mikið fífl og sérstakur verndari múslímskra nauðgara í heimalandi þínu, þá lætur þú kannski þetta úr úr þér; ."Í dag, til þess að blása lífi í hugmyndina um tveggja ríkja lausn, lýsir Bretland opinberlega yfir stuðningi við sjálfstæði Palestínu".

Nei ég held samt ekki, því það er vandfundið það viðrini sem hylmir yfir nauðganir múslímskra innflytjenda á barnungum stúlkum, og það er leitun af svona heimsku fólki sem talar um 2 ríkja lausn þegar horft er yfir rústir Gasa í dag.

Líkurnar á að þetta tvennt fari saman eru eiginlega engar, en samt er einn maður sem uppfyllir bæði skilyrðin, Keir Starmer forsætisráðherra Bretlands.

Maðurinn sem verðlaunar Hamas, maðurinn sem styður Hamas.

 

Og fylgdarríki hans eru ríki sem hafa ekki gert upp blóðuga kúgunarsögu sína gagnvart frumbyggjum viðkomandi landa.

Hræsnin á svo auðvelt að setja sig á hærri hest gagnvart þjóð sem berst fyrir lífi sínu, í heimi sem áttar sig ekki á hve mikla ógn honum stafar af Íslamistum og voðaverkum þeirra.

 

Á meðan heldur stríðið óendanlega út í eitt.

Kveðja að austan.

Bretland, Ástralía og Kanada viðurkenna Palestínu

Athugasemdir

[Bjarni (IP-tala skráð) 21.9.2025 kl. 17:52]

Aðeins fullkomnum fábjána dettur í hug bera saman tíðarananda átjándu aldar við þann 21 aldarinnar. Flest erum við komin lengra en hugarfar átjándualdar, en sumum er ekki við bjargandi.