Hvað er að lögum um hatursorðræðu??

 

Ef einhver missir það út sér að kynin séu aðeins 2 þá er hann ákærður fyrir hatursglæp hér á Íslandi, í Bretlandi, þar sem sérstakur verndari múslímskra raðnauðgara er forsætisráðherra og fyrrum varaforsætisráðherra er kona sem fasteignabraskaði með bætur fatlaðs sonar síns, þar má viðkomandi kallast heppinn ef þungvopnuð lögregla bankar fyrst áður en hún brýtur upp hurðar á heimili hans og handtekur fyrir hatursorðræðu.

Ennþá þyngri glæpur er það að bendla þá perra sem rembast við að gefa ungabörnum brjóst, án þess að hafa til þess líffræðilegar forsendur því þeir eru karlar, við perraskap eða mótmæla því að lífsskoðunarfélög eins og Samtök 78 séu á ríkisspenanum við að rugla í börnum í skólum um kynlíf og fjölda kynja.

En í Bandaríkjunum skjóta menn bara slíka hatursboðbera, svo ég spyr; Hvað er að lögunum um hatursorðræðu???

 

Ekki að ég þekki nokkuð til þessa manns sem var þaggað niður í gær, en miðað við texta í fréttinni um skoðanir hans sem hann ræddi við bandarísk ungmenni þá væri hann raðákærður af legberum réttarkerfis okkar, reyndar margsýknaður líka en það er önnur saga, en í Bretlandi væri vafamál hvort Tower of London dygði til að hýsa hann líkt gert var öldum áður við mestu stórglæpamenn þess tíma.

Sérstaklega hugsanaglæpamenn sem voguðu sér að hafa aðra trú en sá valdhafi sem ríkti í það og það skiptið.

 

Auðvita er ég að hæðast að Rétttrúnaðinum og hinni opinberi skoðun hans og óþoli hans gagnvart öðrum sjónarmiðum, hvort sem fyrir þeim eru færð rök eður ei.

Vissulega er fólk ekki skotið ennþá en er slaufun, þöggun eða beiting hins opinbera dómskerfis nokkuð mikið skárri aðferðir til að þagga niður í andmælendum sínum, öskra niður frjálsa hugsun og skoðanir annarra.

Jú, jú, það er eitthvað endanlegt við að skjóta fólk, en samfélög sem samþykkja hina þöggunina, eiga stutt eftir í að samþykja skotið þegar annað dugar ekki.

 

Það er nefnilega ekki langur vegur frá menntamorði líkt og viðgengst við Háskóla Íslands með þegjandi samþykki núverandi háskólarektors og hin eiginlega morðs.

"Ekki langur" í þeirri merkingu að vegurinn frá siðuðu lýðræðisþjóðfélagi í þjóðfélag þöggunar og skrílsláta Rétttrúnaðarins er mun lengri en vegurinn frá þjóðfélagi þöggunar og slaufunar yfir í það alræði þar sem hugsun getur varðað lífláti.

Það vita allar þjóðir sem þurftu og þurfa að þola alræði kommúnismans sem og nasismans.

Að ekki sé minnst á það sem þurfa að búa undir ofbeldi Hamas og annarra Íslamista.

 

Við sem þjóð erum á vegferð sem endar aðeins á einn veg.

Að aðeins verði leyfð ein skoðun, eitt viðhorf og tungumálið verði afskræmt í þágu þess alræðis.

 

Kannski verður ekki þörf fyrir byssukúluna.

En hver veit þegar hlið helvítis hafa verið opnuð.

Hjá þjóð sem er svo illa afvegleidd af áróðri og falsfréttum að hún gengur í takt með þjóðarmorðingjum.

 

Hver veit það sem tíminn veit ekki.

Kveðja að austan.

Umdeildur en áhrifamikill aðgerðasinni

Athugasemdir

[Júlíus Valsson, 11.9.2025 kl. 16:47]

Stöndum þéttan vörð um stjórnarskrána okkar. Hún bannar alfarið ritskoðun. 

[Ásgrímur Hartmannsson, 11.9.2025 kl. 17:11]

"Hvað er að lögunum um hatursorðræðu?"

Hver ákveður hvað það þýðir?

Sá sem það gerir hefur frípassa á að stinga öllum andstæðingum sínum í steininn.

[Ómar Geirsson, 11.9.2025 kl. 18:00]

Blessaður Júlíus.

Já kannski en það virðist ekki stöðva legberana í réttarkerfinu.

Og þú getur bókað það að ef legberavæðing Landsréttar hefði verið að fullu lokið þá hefði félagi Páll ekki verið sýknaður.

Alræði hinnar réttu skoðunar, stimpluð af þeim sem vita best í fræðum Rétthugsunarinnar á hverjum tíma, það er kannski ekki á bak við næsta húshorn, en allavega í sama hverfi.

Kveðja að austan.

[Ómar Geirsson, 11.9.2025 kl. 18:02]

Já líklegast Ásgrímur en er það ekki skárra en kúla í hausinn??

Niðurstaðan sú sama, að þagga niður meintar óæskilegar skoðanir.

Sérstaklega hatursorðræðuna.

Kveðja að austan.