Morgunblaðið í falsfréttum.

 

Það er siðleysi í blaðamennsku að tengja saman óskylda hluti til að sverta einhvern eða rægja.

 

Í þessari frétt er fyrirtækið sem sér um öryggisgæslu hjálparsamtaka sem dreifa matvælum á Gasa, með menn í vinnu sem tengjast einhverju mótorhjólagengi, og það mótorhjólagengi á að vera andmúslímskt.

Og hvað, hver er svo fréttin??

Bolir, slagorð, eitthvað úr fortíð, eitthvað úr Fjarskaistan frá átökunum á Gasa, og það neikvæða er lesandinn látinn tengja við hjálparsamtök, þess glæpur að dreifa matvælum á landssvæði þar sem sögð er ríkja hungursneyð.

Miðað við þann alvarleik er svona blaðamennska sori.

 

Síðan endurtekur blaðið falsfréttina um "Hungursneyð ríkir á Gasa en hundruð almennra borgara hafa látið lífið við að sækja sér mat og neyðaraðstoð á skilgreindum mannúðarsvæðum bandarísk-ísraelsku mannúðarsamtakanna GHF undanfarna mánuði".

 

Í það fyrsta lýstu Sameinuðu þjóðirnar aðeins yfir hungursneyð í Gasaborg og svæðum þar nálægt, svæðum sem hin "umdeildu" hjálparsamtök dreifa ekki matvælum til, heldur Sameinuðu þjóðirnar, og skýring þess hungurs er að Hamas og samtök þeim tengdum stela um 85% af hjálparsendingunum samkvæmt tölum Sameinuðu þjóðanna.

Megnið af þeim hjálpargögnum er svo selt á svartamarkaði Gasaborgar, þar sem verðið er himinhátt vegna stöðugra peningasendinga góðmenna til Gasa, og þeir sem njóta ekki slíkra sendinga svelta.

Þetta er hin meinta hungursneyð á Gasa, og þetta er skýring hennar.

 

Ef fólk trúir þessu ekki í þá getur það spurt sig þeirrar einföldu spurningar, af hverju fær það ekki að sjá myndir af þessari sömu hungursneyð, nægar myndir voru sýndar fyrir Band-aid tónleikana af hungruðu fólki í Eþíópíu eða frá Biafra á sínum tíma.  

Nefni þessar hungursneyðir því Sameinuðu þjóðirnar sögðu ástandið sambærilegt en engar myndir.

Aðeins myndir í falsfréttum af langveikum börnum, svo augljóst fals því engin hungurmerki sjást á aðstandendum hinna langveiku barna.

 

Síðan geta menn spurt sig, af hverju er ekki til eitt myndskeið af ísraelskum skriðdrekum eða herþyrlum að skjóta á matarbiðraðir kringum dreifingarstöðvar hjálparsamtakanna??

Myndskeiðin með fréttunum er næstum öll eins, æst fólk sem segir að það hafi verið skotið á það, helst í nærmynd, en tækjabúnaður þeirra blaða og ljósmyndara sem Ísraelsmenn hafa verið að skjóta á færi, sína öflugar myndvélar með aðdráttarlinsur af fullkomnustu gerð.

"hit by gunfire from tanks, helicopters and quadcopter drones" er ein magnaðasta lýsing almannavarna á Gasa á þessum meintum drápum, voru drápstækin ósýnileg venjulegum myndavélum?

 

Í öllum fréttatímum Rúv var aðeins einu sinni sýnt myndskeið, sem AP fréttastofan hafði undir höndum og var tekið á síma ónefnds hjálparstarfsmanns, sem mátti túlka sem hugsanlega skotárás.

Hugsanlega, svo á fólk að kaupa það að fólk sé drepið í hundraðatali í þessum matarbiðröðum.

 

Morgunblaðið sem borgarlegur fjölmiðill með yfir 100 ára gamla sögu, á að vera hafið yfir svona blaðamennsku, það er ekki hlutverk þess að starfa í þágu Hamas.

Þjóðarmorðingjanna sem vissu nákvæmlega hvað biði íbúa Gasastrandarinnar eftir voðaverkin 7. október, og þær hörmungar voru einmitt tilgangur árásanna.

"We know very well the consequences of our operation on Oct. 7", emphasizing that Palestinian lives must be sacrificed in the quest for liberation". Við gerum okkur vel grein fyrir afeiðingunum, paletínskum lífum verður að fórna fyrir málstað frelsunarinnar. 

 

Skýrar er ekki hægt að orða einbeittan vilja til að fremja þjóðarmorð á sínu eigin fólki.

Og til hvers?? "with a call for the elimination of Israel".

Jú, til að fremja þjóðarmorð á annarri þjóð.

 

Þetta er fólkið sem er skuggastjórnendur fréttaritstjórn Morgunblaðsins.

Sem skýrir falsfréttirnar.

Kveðja að austan.

Umdeild hjálparsamtök á Gasa með tengsl við gengi

Athugasemdir

[Grímur Kjartansson, 10.9.2025 kl. 14:24]

Fyrir mér er þetta einfalt

HAMAS stýrir, stjórnar og tekur "toll" af hjálparstarfi á Gasa

Mannúðarsamtök eins og GHF og fleiri sem ekki borga tollinn þarf að sverta og eyðileggja á allan hátt

aðferðin er þekkt úr öllum Mafíu myndum nema þar verð þeir sem ekki borga fyrir "óhöppum" en í þessu tilfelli er "óhappið" óhróður sem fréttamiðlar gleypa hráan

[Ómar Geirsson, 11.9.2025 kl. 09:47]

Blessaður Grímur.

Mikið rétt og ég skil alveg Hamas, ef ég væri mafíósi sem er sviptur tekjum mínum þá myndi ég örugglega reyna eitthvað svipað.

En ég ætla ekki að eyða orðum á vestræna falsfréttamiðla, þætti samt fróðlegt að sjá hvaðan fjárstreymið, sem skýrir þessar falsfréttir, kemur.

Heldur hef ég miklar áhyggjur af Morgunblaðinu og arfleið þess.

Þú getur alveg sagt fréttir af hörmungunum á Gasa, nægar eru þær sannarlega, en þú þarft ekki að ljúga, trekk í trekk, í þágu Hamas.

Og lygin verður ekkert betri þó hnýtt sé við hana; skv. frétt BBC, eða að sögn Sameinuðu þjóðanna eða almannavarna Gasa eða heilbrigðisyfirvalda. Og það er enginn kattaþvottur að bæta við að viðkomandi séu undir stjórn hryðjuverkasamtakanna Hamas.

Þú frýjar þig ekki frá lygi með því að bera þekktan lygara fyrir henni.

Hungursneyð á Gasa, sleppum því að Sameinuðu þjóðirnar hafa aðeins lýst yfir hungursneyð á yfirráðasvæði Hamas á Gasa, og þá vegna þess að samtökin stela megnið af hjálpargögnunum og selja þau svo dýrum dómi til íbúanna þar.

Sleppum því en spyrjum okkur að því af hverju hefur Morgunblaðið ekki birt eina mynd af langsoltnu barni eða barni sem hefur dáið úr hungri á Gasa. Sem og það hefur ekki birt eina mynd af mannfjölda sem sannarlega þjáist af hungri.

Nægar voru myndirnar fyrir Bandaid-tónleikunum, eða frá hungursneyðinni miklu í Sómalíu.  Og ég er nógu gamall að muna sem barn eftir myndunum af uppþemdum maga hungraðra barna í Biafra, og borðaði samviskusamlega hafragrautinn minn á morgnanna og fiskinn í hádeginu eftir að minnst var á þau blessuð börn.

En í dag þegar það eru til fleiri myndavélar en fólk, þá eru aðeins birtar falsfréttamyndir af langveikum börnum.

Ég hef áður birt myndir af langsoltnu fólki í Sómalíu, ætla ekki að gera það aftur, en þessi mynd hér að neðan er tekin úr fréttum 5. júlí, daginn eftir að Spegillinn á Rúv hafði fullyrt að hundruð barna hefðu dáið úr hungri á Gasa og tugþúsunda biðu sömu örlaga, og fréttin var um ógnir matarbiðraðarinnar. Viðtal við föður  sem hafði farið þrisvar í röðina þann daginn, og svo sýnd mynd af honum með börnum sínum.

Svona er ekki ásýnd hungursins þar sem tugþúsunda barna bíða þeirra örlaga að deyja úr hungri næstu daga.

Ég get sýnt mynd máli mínu til stuðnings, Mogginn getur það ekki.

Samt er hann borgarlegur fjölmiðill með yfir 100 ára sögu.

Segir allt sem segja þarf um fagmennskuna og siðferðið þar á bæ.

Kveðja að austan.