Viðreisnar Páll segir.

 

Ha!!!!???

Þegar störfin byrja þegar að tapast úr Eyjum vegna ofurskatta Viðreisnar.

 

Í alvöru, Páll Magnússon formaður bæjarstjórnar Vestmannaeyja lét eins og hann hefði hvorki búið í Vestmannaeyjum eða yfir höfuð á Íslandi síðast liðna 8 mánuði eða svo.

Að umræðan um ofurskatt Góða fólksins í 101 Reykjavík hefði algjörlega farið framhjá honum, eða kannski það sem verra er, að hann sem fulltrúi sjálfstæðismanna í Evrópuframboði þeirra sem kennt er við Viðreisn, sé svo heimskur að hann fatti ekki afleiðingar ofurskatta á sjávarbyggðir landsins.

Páls vegna vona ég að heimskan sé ekki skýringin, þó hún sé skýring þess sjálfstæðisfólks sem gekk í faðma við græðgina, fórnaði þjóð og þjóðerni fyrir von um innlimun Brussel á sjálfstæði okkar, kallar sig í dag; Við erum jú í Viðreisn.

 

Hvort sem er, þá er hitt verra að Páll skuli rífa kjaft við heimamanninn, formann stéttarfélagsins Drífanda.  Svo ég vitni í aðra frétt Mbl.is þar sem tekið er viðtal við Arnar Hjaltalín, formann Drífanda;

Hann bend­ir á að fisk­ur­inn sem unn­inn hafi verið í Leo Sefood fari fram­veg­is á markað að mestu leyti og megnið fari síðan til vinnslu er­lend­is. "Þar eru laun­in 25% af því sem þau eru hér á landi," seg­ir hann. Spurður hvort hann ótt­ist að um frek­ari upp­sagn­ir verði að ræða hjá sjáv­ar­út­vegs­fyr­ir­tækj­un­um í Vest­manna­eyj­um seg­ist Arn­ar ekki bíða spennt­ur eft­ir frek­ari tíðind­um af þeim vett­vangi. "Við bú­umst al­veg eins við því að um frek­ari upp­sagn­ir verði að ræða, en ég vona ekki. Það er strax byrjað að draga sam­an í fjár­fest­ing­um og viðhaldi hjá fyr­ir­tækj­un­um," seg­ir Arn­ar.

Á mannamáli, aðeins verra er í vændum.

 

Hvernig Vestamanneyingar gátu setið uppi með Viðreisnar dindil eins og Pál Magnússon,sem formann bæjarráðs sem ekkert þykist vita, rífur kjaft við vinnandi fólk sem er að missa vinnuna, sem og það fólk sem mun missa vinnuna. 

Veit enginn nema sá sem við horfum til himins og kennum við almættið.

 

Vegna atlögu Evrópusinna Sjálfstæðisflokksins, Viðreisn, Nýfrjálshyggju Þorsteins Pálssonar sem í áratugi hefur krafist veiðigjalda sem bíta og eyða, draga saman byggð, flytja atvinnu úr landi, að lokum aðeins auðn og dauði fyrir áður sjálfstæðar sjávarbyggðar landsins.

Dindils sem ekki þykist vita neitt, og kemur ofan úr hæstu fjöllum í forundran líkt og lesa má í viðtengdri frétt.

 

Einhvern tímann, og það er ekki svo langt síðan, hefði svona dindli verið hjálpað sjálfviljugum í sjóinn, svo reyndar hefði verið drukkin hestaskál, á öllu eru jú tvær hliðar.

Í dag, er þetta bara svona, fólk kaus þetta yfir sig.

Vonandi er samt hestaskálinn drukkinn.

 

Vonandi því sú skál er aðeins vísbending um það sem koma skal.

Og á eftir að verða verra.

 

Eitthvað sem enginn í Eyjum vildi.

En varð.

 

Hverjum sem um var að kenna.

Kveðja að austan.

.

Ekki ljóst hvar aflinn verður unninn

Athugasemdir

[Grímur Kjartansson, 2.9.2025 kl. 18:29]

Þegar Páll var útvarpsstjóri þá las hann yfirleitt upp allar fréttir sjálfur í sjónvarpsfréttunum og var þá best launaði þulur landsins

Hvar aflinn er unninn og hver les fréttirnar.
Virðist ekki skipta máli hjá Páli

[Magnús Sigurðsson, 2.9.2025 kl. 21:16]

Blessaður Ómar, -það má svo sem reyna.

En þetta með hestaskálina, -þjóðin hún lækar því þjóðin er glöð.

Með þyngri kveðjum en tárum taki úr efra, í votviðrið í neðra.

[Ómar Geirsson, 2.9.2025 kl. 22:22]

Blessaður Magnús.

Ég átti aðeins við að þó einhver hendi einhverjum í sjóinn, að gefnu tilefni eða kannski ekki að mjög svo gefnu tilefni, þá væri alltaf drukkin hestaskál á eftir.

Kannski byggðist þessi myndlíking mín á minni liðinna daga hér fyrir austan, flestar deilur komu þegar fólk var við skál, oftast að fara ball eins og Bjartmar söng svo vel um.

Síðan urðu menn eiginlega oftast dús, hvort sem hestaskál var drukkin eður ei.  

Allavega vildi ég ekki að orð mín yrðu skilin á þann veg að það að henda í sjóinn væri eitthvað varanlegt líkt og þegar norskir eða danskir ribbaldar sem kóngur sendi hér til lands í árdaga, voru settir í poka og bundið fyrir.

Ég er eiginlega bara ekki fyrir svoleiðis, kann betur við hestaskál sem og að pissa í kross út í skurð í Atlavíkinni, eða þannig.

En já Magnús, það má svo sem reyna.

Þú ert helv. góður þegar þú reynir vel.

Kveðja úr votviðrinu í neðra, sem á stundum lék fyrir okkur kafla úr Gamla testamentinu, það er sögnina um Nóa og syndaflóðið.

[Ómar Geirsson, 2.9.2025 kl. 22:23]

Blessaður Grímur.

Ég er að verða eins og endurtekið efni, en það verður svo að vera.

Nákvæmlega Grímur.

Kveðja að austan.