Rektor tjáir sig um menntamorð.

 

Silja Bára Ómarsdóttir, rektor Háskóla Íslands, hefur loksins opnað munninn og tjáð sig um það sem hún lýsti sem menntamorði, þegar akademísk umræða væri kæfð með ofbeldi og hótunum.

Síðan gerist hún sjálf sek um sama hlutinn, að styðja menntamorð, fyrst með þögninni þegar hún átti strax að grípa inní og fordæma ofbeldi innan Háskóla Íslands, ofbeldi sem var beint hugsað til að hindra fræðimann að tjá sig um fræði sín, og síðan að reyna réttlæta viðkomandi ofbeldi með orðunum að hún telji að "báðir aðilar hafi eitthvað til síns máls".

 

Kennarar og aðrir starfsmenn háskóla sem meina fræðimanni að tjá sig innan veggja háskólans, á grundvelli þjóðernis hans, eru ekki bara sekir um rasisma, heldur líka sekir um menntamorð eins og Silja Bára lýsti svo ágætlega í innsetningarræðu sinni.

Þeim er fullkomlega frjálst að hundsa viðkomandi fræðimann, til dæmis með því að mæta ekki á fyrirlestur hans, eða mæta og tjá andmæli sín við skoðanir hans og fræði.

En ofbeldið, að koma í veg fyrir fyrirlesturinn með hávaða og látum, og þá á grundvelli þjóðernis viðkomandi fræðimanns, er þeim ekki frjálst.

 

Og það á að vera brottrekstrarsök.

Háskóli sem virðir akademískt frelsi, líður ekki menntamorðingja innan sinna raða.

 

Það sama gildir um rektor hans.

Kveðja að austan.

Telur að „báðir aðilar hafi eitthvað til síns máls“

Athugasemdir

[Grímur Kjartansson, 2.9.2025 kl. 12:15]

Sama aðferðafræði á að nota á Snorra og þagga niður hans skoðanir með öskrum á samfélagsmiðlum

og á meðan heilaþvo Samtökin 78 (með myndarlegum styrk frá ríkinu) sína Jugend í skólunum

[Ómar Geirsson, 2.9.2025 kl. 13:45]

Vissulega Grímur.

En ég vil samt hrósa þeim blaðamanni Mbl.is sem skrifaði frétt um þetta fræga Kastljós viðtal, fyrir að fara rétt með og gefa sjónarmiðum Snorra rými.

Ólíkt Rúv sem ástundar mannorðsmeiðingar með því að tala við fólk sem endurtekur sömu síbyljuna um ofbeldi og svo framvegis, tengir Snorra við eitthvað sem hann hefur aldrei sagt, eða einhver öfl eða sjónarmið sem hann tengist ekki á nokkurn hátt.

Dæmigerð vinnubrögð fjölmiðla alræðisríkja.

Kveðja að austan.