Sameinuðu þjóðirnar eiga að krefjast rannsóknar.

 

Og það fyrir löngu um hvort hæft sé í ásökunum Ísraelsmanna um að Hamas noti sjúkrahús sem skálkaskjól í hernaði sínum gegn innrásarliði Ísraels.

 

Reyndar er ekki að marka orð af því sem Hamas segir, eða það segja alla vega staðreyndir sem ítrekað hafa afhjúpa rangfærslur og lygar samtakanna, en það vill bara svo til að hjá Sameinuðu þjóðunum og undirstofnunum samtakanna er litið svo að orð Hamas sé ígildi þess að sjálfur guð hafi sagt þau, og meitlað í stein.

Hamas mun útskýra sína hlið í þessari rannsókn, Ísraelsmenn munu þá þurfa að leggja fram gögn sem staðfesta ásakanir þeirra.

Sem Ísraelsmenn hafa reyndar hafa verið mjög óduglegir við, þeir fullyrða eitthvað, sem gæti alveg verið satt, en mappan með gögnum þar um virðist yfirleitt vera tóm.

 

En allavega, úr þessu þarf að skera þegar gagnkvæmar ásakanir ganga á víxl og mannslíf eru undir.

Ónýt sjúkrahús sinna ekki sjúkum og særðum.

 

Varðandi meintu fréttamennina, sem eiga aldrei að vera skotmark í stríði, má hins vegar deila.

Liðsmenn Hamas sem kalla sig fréttamenn, eru svona álíka fréttamenn eins og þeir fréttamenn Göbbels, áróðursmálaráðherra nasista, sem fóru til dæmis til í Ravensbrück,stærstu  útrýmingarbúðir nasista ætlaðar konum, tóku myndir af sællegum eiginkonum fangavarðanna sem höfðu klæðst splunkunýjum fangabúningum, sýndu svo erindrekum Rauða krossins með því fororði; það er gott að vera í Ravensbrück.  Vinnan gerir fólk frjálst, eða þannig.

Sovétmenn skutu allavega þessa meintu fréttamenn á færi og Ísraelsmenn virðast hafa tekið upp þá taktík, þó þeir segi opinberlega; Úps, óvart.

 

Sameinuðu þjóðirnar hafa vissulega tekið beinan þátt í áróðursstríði Hamas gegn Ísrael, sem er beint hugsað til þess að vera fyrsta skrefið í að útrýma þessari 9 milljóna manna þjóð gyðinga, en ef þessu tilgangslausu drápum í stríðinu endalausa á að linna, þá þurfa samtökin að gyrða sig í brók.

Sinna hlutverki sínu í þágu allra þjóða heims, en ekki þeirra sem borga mest beint í vasann, ekki í vasa samtakanna heldur þeirra sem spillingin hefur hafið þar til valda og áhrifa.

Borin von kannski en lengi má gjörspillinguna reyna.

 

Allavega þarf þessu stríði að ljúka, og átti að ljúka í febrúar síðastliðnum.

Þegar Ísraelsmenn gátu endað sitt réttláta stríð með sóma, vopnahléi, lausn gísla og síðan endurreisn Gasa.

En kusu í stað þess að rjúfa vopnahléð og hefja stríð dauða og eyðileggingar án nokkurs tilgangs annars en að drepa og eyðileggja.

 

Það er mál að linni.

Fyrsta skref í þá átt er að skora lygar og áróður á hólm.

Krefjast staðreynda, halda sig við staðreyndir.

 

Það er til dæmis engin hungursneyð á Gasa nema sú sem Hamas skipulagði og kom í verk með góðri hjálp Sameinu þjóðanna.

Hver dreifir ekki hjálpargögnum í miðri meintri hungursneyð vegna þess að hann er andsnúinn þeim leikreglum sem stjórnvöld viðkomandi landsvæða setja um dreifingu þá lífsnauðsynlegra matvæla inn á svæði hinna meintu hungursneyðar??

Drepur börn vegna meintra prinsippa!!

 

Við þessu er aðeins eitt svar.

Kveðja að austan.

Morðin ættu að hneyksla heiminn

Athugasemdir

[Bjarni (IP-tala skráð) 26.8.2025 kl. 18:49]

Sjúklingar og heibrigðisstarfsfólk staðsett í sjúkrahúsi!!!! Helvítis hamas!!

Auðvitað átti að vera með heimahjúkrun.

Þú ert slefandi fáviti.

Kveðja úr neðra.

[Sigurður Kristján Hjaltested, 26.8.2025 kl. 21:55]

Augljóslega einhver gleymt að taka töflunar sínar.

[Ómar Geirsson, 27.8.2025 kl. 07:14]

Takk fyrir innlit og athugasemd félagar.

Bjarni minn; Bööö.

Samt finnst mér skrýtið að þú skulir ekki fatta að mig grunar Ísraelsmenn sterklega um að vera slátra meintum fréttamönnum, ef þetta er ekki sett up þá veit ég ekki hvað.

Kveðja að austan.

[Ásgrímur Hartmannsson, 27.8.2025 kl. 20:47]

Það þarf ekki að rannsaka neitt, þetta hefur allt verið vitað ansi lengi.

Ekki velta þér of mikið uppúr þessu annars, kemur okkur ekkert við.

Við ættum að segja okkur úr sameinuðu þjóðunum, tilþess að vera alveg lausir við allt þessu tengt.

[Ómar Geirsson, 28.8.2025 kl. 07:13]

Blessaður Ásgrímur.

Þó við lifum orwelska tíma þá skipta staðreyndir, það sem rétt er, máli.

Sbr. að eini vitnisburður Sameinuðu þjóðanna um hina meintu hungursneyð á Gasa er myndir af langveikum börnum og svo orð.

Og já ég má vera leiður á stjórnvöldum sem segja eitt og annað, en reyna ekki að staðfesta fullyrðingar sínar.

Svo við setjum upp plan Ásgrímur og skipuleggjum rannsóknanefndir.

Kveðja að austan.

[Jónatan Karlsson, 28.8.2025 kl. 07:49]

Fjölmennar Friðargæslusveitir Sameinuðu Þjóðanna eru afboðaðar af gyðingum, sem segjast geta séð um sín mál sjálfir, að venju með hefðbundnum stuðningi stuðningi Bandaríkjanna og auðvitað sitja flest önnur ríki aðgerðalaus í makindum hjá, líkt og þau íslensku, þrátt fyrir að lögum samkvæmt geti það varðað all að tveggja ára fangelsi að bregðast ekki við og koma fólki í neyð til hjálpar ef mögulegt er.

[Ómar Geirsson, 28.8.2025 kl. 14:05]

Blessaður Jónatan, skil ekki baun um þetta með friðargæslusveitirnar.

En mikið sammála þér með þetta; "þrátt fyrir að lögum samkvæmt geti það varðað all að tveggja ára fangelsi að bregðast ekki við og koma fólki í neyð til hjálpar ef mögulegt er.".

Skyldu þessi lög náð yfir þau hjálparsamtök sem neituðu að dreifa matvælum á Gasa þrátt fyrir meinta hungursneið sbr. "Úr frétt Mbl.is 09. júní; "Mannúðarsamtök hafa gagnrýnt GHF og Sameinuðu þjóðirnar neita að vinna með samtökunum vegna áhyggna af starfsháttum þeirra og hlutleysi.".

Hvers eiga hungraðir að gjalda??

Kveðja að austan.