Falsfrétt í boði Sameinuþjóðanna

 

Samviskusamlega birt af Áróðurseild Hamas á fréttaritstjórn Morgunblaðsins.

Falsfrétt því hún segir ekki satt og rétt frá.

 

Ég held að það dragi það enginn í efa, allavega ekki fjölmiðlar í Ísrael, að þarlendir hermenn hafi skotið á mannfjölda við matardreifingarstöðvar, sem og öryggisverðir hinna meintu hjálparsamtaka sem sjá um dreifingu matvæla.

Falsið í framsetingu Sameinuðu þjóðanna er að það eru átök á Gasa og tveir herir eigast við, þeir eiga í átökum eins og sagt var þegar þekking var þekking, og blaðamenn fengu vinnu vegna hæfni sinnar til að afla frétta, greina að stæður, og virðilegum fjölmiðlum eins og Morgunblaðinu og Rúv, vegna þess að þeir kunnu að segja satt og rétt frá.

Og þessir tveir herir skjóta á hvorn annan þar sem saklaust fólk er á milli.

 

Það vinna fleiri en vanhæfir á Morgunblaðinu og þann 1. júlí síðastliðnum birti blaðið frétt þar sem vitnað var í Jerúsalem Post þar sem blaðið hafði undir höndum upptökur af samtölum óbreyttra borgara á Gasa þar sem þeir svo ég vitni í Moggann; "Sam­kvæmt hljóðupp­tök­un­um segja íbú­ar Gasa Ham­as-liða hafa hafið skot­hrin­ur ná­lægt dreif­ing­ar­stöðvum og full­yrt síðan að söku­dólgarn­ir hafi verið IDF-liðar. Ham­as hafi einnig falsað mynd­efni og gefið út til þess að styðja við „upp­spunn­ar tölu­leg­ar upp­lýs­ing­ar um fjölda­mörg dauðsföll.".

Það eru til myndir af vettvangi sem sýna Hamas liða gera svona skotárásir, bæði skjóta á sitt eigið fólk sem og skjóta á ísraelska hermenn sem svara skothríðinni.

Í þessu samhengi megum við ekki gleyma að ísraelskir hermenn eru aðeins dropi í mannhafinu, slaki þeir á í aðeins eina sekúndu bíður aðeins dauðinn þeirra.  Enda hafa margir þeirra dáið í þessum átökum.

Myndin hér til hliðar tók ég úr myndbandi af síðu náunga sem var og líklegast er ennþá leiðsögumaður í Jerúsalem en hefir frá því að átökin byrjuðu einbeitt sér að gera vídeó þar sem hann fjallar um stríðið á Gasa, sögu átaka araba og gyðinga og svo framvegis.

Hamas Kills Gazans, Blames Israel — And the Media Goes Along travelingisrael.com

Í þessu vídeói sýndi hann líka myndskeið af börnum á húsþaki hjá einum af eldflaugaskotpöllum Hamas, þeirra var gætt af vopnuðum vörðum sem mannlegir skildir.

 

Guðmundur Örn, sá mæti félagi okkar hér á Moggablogginu vakti athygli mína á youtube vídeói eftir breska blaðakonuna Melaine Philips þar sem hún fjallar um fals breskra fjölmiðla þar sem þeir endurróma samviskulaust áróður Hamassamtakanna eða hreinlega sjálfir falsa fréttir.

An updated note from the resistance

 

Það er ágætt að byrja hlusta á hana frá rúmlega 5. mínútu, það er ef fólk vill hlusta á og kynna sér rök þeirra sem tala gegn þessu falsi margra vestrænna fjölmiðla, falsi og falsfréttum sem Sameinu þjóðirnar eru greinilega hluti af.

Melaine spyr grundvallarspurningarinnar; Af hverju ættu Ísraelsmenn að fremja fjöldmorð á fólki þegar þeir loksins eru búnir að koma dreifingu matvæla úr höndum Hamas þannig að samtökin geti ekki lengur fjármagnað stríð sitt með því að fjárkúga sitt eigiið fólk, selja því matvæli sem á að dreifa endurgjaldslaust.

Svo rekur hún hvernig þessar falsfréttir urðu til og það er fróðlegt að hlusta á hana svo vægt sé til orða tekið.

 

Skeptískir myndu segja að þetta eru orð, og því er til að svara að rökfesta Melaine er með því besta sem ég heyrt langalengi, hún er bara eins og góð sönnun í stærðfræði. En einnig þá staðfesta myndskeið þessar ásakanir hennar á hendur Hamas samtökunum um að skjóta á sitt eigið fólk, eða koma á stað átökum við ísraelska herinn þar sem óbreyttir borgarar eru á milli.

Svo eru það hljóðupptökurnar í Jerúsalem Post, sem og að Hamas er farið að berjast við aðra vopnaða hópa á Gasa sem hafa rofið einokun samtakanna á matvæladreifingu í gegnum svarta markaðinn.

 

Hvað er rétt eða rangt þegar tveir hópar deila, þar er alltaf efinn.

En þegar alþjóðasamtök, og það sjálf Alþjóðasamtökin, Sameinuðu þjóðirnar taka aðeins undir einhliða málflutnings annars aðilans, aðila sem hóf þessi átök, aðila sem vissi fyrirfram nákvæmlega hvaða hörmunar myndu bíða almennings á Gasa eftir voðaverkin 7. október 2023, þá er ekki hægt að tala um hlutleysi, heldur þátttöku.

Og hluti af þeirri þátttöku er að dreifa svona falsfréttum.

Hvað Mogganum gengur svo til, jæja það má guð vita.

 

Á meðan þjást íbúarnir á Gasa, algjörlega að óþörfu.

Og meðvirknin með Hamas, eða beinni þátttöku með samtökunum, dregur aðeins þjáningu íbúanna á langinn.

 

Það breytir samt ekki því að ríkisstjórn Ísraels bar að standa við þá friðarsamninga sem hún gerði við Hamas í byrjun þessa árs, þá var ljóst að hún hafði ekki bolmagn til að frelsa gíslana með hervaldi.

Frekari átök hvað því verið úr ranni voðverka en ekki hernaðaraðgerðir sem hægt er að réttlæta.

 

Það afsakar samt ekki lygina og falsið í svona áróðursfrétt, þegar alltaf er látið eins og það sé bara einn aðili að herja á Gasa, líklegast að berjast við sjálfan sig á milli þess sem hann er að tilefnislausu að sprengja óbreytta borgara í loft upp.

Því það er í raun gjaldþrot vestrænna borgarlega fjölmiðla.

Að þeir séu í raun engu betri en Prada sáluga.

 

Og það fyrir voðamennin í Hamas.

Íslamista sem hafa farið með bál og brandi fyrir botni Miðjarðarhafs, framið ólýsanleg voðaverk.

Fólk sem hefur einbeittan vilja að drepa okkur hin.

 

Það er hið sorglega í þessu öllu saman.

Kveðja að austan.

 

 

 

800 drepnir í leit að hjálpargögnum

Athugasemdir

[Ómar Geirsson, 12.7.2025 kl. 12:48]

Það má reyndar til gamans, fyrst það er alltaf verið í falsfréttum að tala um yfirvofandi hungursneyð á Gasa, og það svo lengi að flestallir þar ættu fyrir löngu vera fallnir úr hungri, að þá tók leiðsögumaðurinn þarna í Jerúsalem þessa sögn fyrir, munum við ekki eftir þessum 14.000 börnum sem áttu vera dáin innan tveggja sólarhringa.

Og þegar ég segi til gamans þá er ég að hæðast að þessum falsfréttaflutningi en ekki alvarleikanum sem íbúar Gasa búa við, og hvað er betra til að afhjúpa fals hins einhliða fréttaflutnings en vídeó sem fjallar um 5 bestu veitingahúsin á Gasa, og þau eru til í alvörunni, á þessu stríðshrjáða svæði, í miðjum átökunum.  

Linkurinn kemur hér fyrir neðan en ég vil vekja athygli þegar hann fjallar um hungursneyðina, að hann sýnir þar mynd af börnum sem búa við raunverulega hungursneyð og ber saman við fréttamyndir af börnunum á Gasa.

Hvað græða vestrænir fjölmiðlamenn á svona lygaáróðri.  Óttast þeir hálhöggvun líkt og Íslamistar gerðu við frönsku blaðamennina sem voguð sér að fara gegn skoðnakúgun þeirra. 

Spyr sá sem ekki veit en hér er linkurinn, veit ekki hvort hann birtist þannig að hægt sé að klikka á hann, en alltaf hægt að hægrismella.

https://youtu.be/DFjhyAsHYFo  Top 5 Restaurants in Gaza – Summer 2025 (Genocide Never Tasted So Good)