Flöggum með þjóðarmorðingjum

 

Fáni Palestínu er allra góðra gjalda verður, sjálfar Sameinuðu þjóðirnar samþykktu að hluti hernámssvæði Breta fyrir botni Miðjarðarhafs, svæði sem Bretar tóku af fallandi veldi Osmana eftir fyrra stríð, yrði sjálfstætt ríki arabískra íbúa hins gamla gyðingalands sem féll í hendur Rómar á undir lok fyrstu aldar núverandi tímatals.

Af því varð ekki vegna þess að nágrannaríki hins nýstofnaða gyðingaríkis, sem fékk hinn hluta hins gamla gyðingalands, réðust á hið nýstofnaða ríki, og þegar þau töpuðu þeirri styrjöld, þá annars vegar hertók Jórdanía, ríki sem var líka stofnað úr hernámssvæði Breta líkt og Írak og Sýrland, Vesturbakka Jórdan sem átti að vera kjarnasvæði hins nýja ríki Palestínuaraba.

Egyptar hertóku síðna Gasa ströndina, en hún átti líka að tilheyra hinu nýja ríki.

 

Það sem er kallað hernám Ísraela í dag yfir Palestínu er hernám Ísraela í sífelldum stríðum þeirra við arabísku nágrannríki sín, Ísrael hefur aldrei lagt undur sig hið meinta sjálfstæða ríki Palestínu Araba.

 

Hugmyndin um raunverulegt sjálfstætt ríki Palestínu varð eftir samkomulag Yasser Arafat, leiðtoga Palestínuaraba við Ísrael, friðarsamkomulag sem kennt er við Camp David, og kvað á um hina margumtöluðu Tveggja ríkja lausn.

Margt eyðilagði það samkomulag og um það ætla ég ekki að fjalla um hér.

 

En þó hið nýfrjálsa ríki Palestínuaraba hefði verið undir hæl Ísraelsmanna, þá fékk það sinn fána, og sinn forseta.

Skömmu seinna klofnaði það vegna innbyrðis átaka, annarsvegar milli miðaldaöfgamanna kennda við Íslamista, Hamas, og hins vegar veraldlega þenkjandi stjórnmálamenn í Fatah hreyfingu Yasser Arafats, sem hélt Vesturbakkanum en tapaði borgarstríðinu við Hamas á Gasa.

Eftir þau átök myrti Hamas þúsundir liðsmanna Fatah hreyfingarinnar, hóf að ofsækja nútímann, leið ekki samkynhneigð, kvenfrelsi eða annað sem talið er sjálfsagt í nútíma samfélagi.

 

Það var Hamas sem hóf stríðið við Ísrael með því að ráðast yfir landamærin og myrða og nauðga óbreytta borgara á sem viðbjóðslegan hátt.

Það var Hamas sem tók gísla, bæði lifandi sem lík, og flutti þá í skjól neðanjarðargagna sinna, sem meðal annars voru grafin fyrir meinta þróunaraðstoðar íslenskra stjórnvalda.

Það var Hamas sem kallaði hörmungarnar yfir þjóð sína, og ennþá berjast Hamasliðar við Ísraelsmenn, og þverkallast við að láta lausa hið hertekna fólk, jafnt lifandi sem dauða.

 

Það er Hamas sem notar sitt eigið fólk sem mannlega skildi.

Um það eru til fjölda ljósmynda teknar af drónum sem og gervihnöttum.

Sárasta mynd sem ég hef séð um ævina, fyrir utan gyðingabörnin sem áttu aðeins klukkutíma eftir ólifaða áður en gasklefinn tók við þeim, er hreyfimynd frá dróna sem sýnir vopnaða Hamasliða halda börnum í gíslingu við einn af eldflaugaskotpall þeirra.

 

Og það er Hamas sem velur sér skóla eða sjúkrahús til að verjast árásum Ísraelahers, siðblinda samtakanna er algjör því tölvusamskipti milli æðstu yfirmanna samtakanna í aðdraganda voðaverkanna 7. október hafa verið afhjúpuð, þar tala þeir um píslarvætti síns eigin fólks, samtökin geti fórnað þúsundum óbreyttra borgara til að hafa áhrif á fjölmiðlaumfjöllun vestrænna miðla.

Eins og þeir hafi ekki vitað af fjárstuðningnum frá Persaflóanum sem mengar alla umfjöllun vestrænna fjölmiðla um stríðið á Gasa.  Spyrjið bara Morgunblaðið.

Siðblindan að fórna sínu eigin fólki, að nýta börnin sín sem mannlega skildi, stendur eftir sem áður, afhjúpar miðaldafólk sem á ekkert erindi í nútímann, og ef það er meðal vor, þá er aðeins dauðinn og djöfullinn sem fylgir í fótspor þeirra.

 

Borgarstjórn Reykjavíkur ákvað að flagga með þessum þjóðarmorðingjum.

Íslamistunum sem hata kvenfrelsi, hata hinsegin fólk, og sannarlega drepa það hvar sem þeir ná í það, íslamistum sem lögðu sitt eigið fólk á höggstokkinn.

 

Það er gott að sjálfstæðismenn í borgarstjórn Reykjavíkur hafi kjark til að mótmæla þessari flöggun, þessari upphafningu á þjóðarmorðum Íslamista Hamas á sínu eigin fólki.

Það þarf kjark til að fara gegn almannarómi Góða fólksins á Íslandi í dag.

 

En fyrst og fremst sýnir þetta hve mannlegur viðbjóður og ógeð hefur grafið um sig meðal Góða fólksins.

Það hefur engan sið eða sóma, kinnroðalaust gengur það erinda öfga og dauða Íslamista sem ógna öllu mannlífi, bæði innan hins múslímska heims, sem og hjá okkur hinum, sem eru réttdræpir trúleysingjar í þeirra augum.

Aldrei hefur risið á Góða fólkinu verið lægra en með þessari flöggun.

 

Það styður ekki aðeins þjóðarmorð Hamas á sínu eigin fólki, heldur það markmið Íslamista, og reyndar hluta af arabaheiminum, að útrýma 9 milljóna manna þjóð gyðinga.

Svo tala menn um nasistana og kommúnistana á síðustu öld, þeir áttu sér allavega hugsjónir.

Og drápu og myrtu í nafni þeirra.

 

En Góða fólkið, það á sér enga hugsjón.

Engan sið eða sóma.

 

Það er ekkert nema Tómið eitt.

Kjarni úrkynjunar mannsins á tímum þegar mannkynið berst fyrir tilveru sinni.

Hvort sem það eru loftslagsbreytingar, ógnin af gervigreindinni, eða stríðstali um að heyja næstu styrjöld með gjöreyðingarvopnum.

 

Eitthvað sem mennskan getur mætt og tekist á við.

En Tómið ekki. 

 

Því Tómið er ekkert.

Hefur hvorki sál eða vitund.

Er ómennskara en sjálf gervigreindin.

 

Fyrirlitlegra getur eitt fólk ekki orðið.

Kveðja að austan.

 

Óábyrgt að taka afstöðu með þessum hætti

Athugasemdir

[Grímur Kjartansson, 3.7.2025 kl. 17:19]

Fyrir utan að vera flagga þessum fána þá er sífellt verið að heimta sniðgöngu á öllum vörum tengdum Ísrael

Þetta gengur svo langt að nú er hvatt til sniðgöngu á vörum frá VOLVO vegna þess að tæki frá þeim eru notuð á Gasa

" Volvo machinery has been used to raze Palestinian areas" - Human Rights Council 

[Ómar Geirsson, 4.7.2025 kl. 13:25]

Blessaður Grímur.

Það er réttur allra að vera vitlaus, en það fæ ég ekki skilið að þegar ég kveiki á útvarpinu til að fá fréttir af landi og miðum, að þá skuli ég þurfa að hlusta á þetta orðagjálfur og vitleysu.

Það er stríð í heiminum milli vestrænna gilda og miðaldagilda Íslams, og af einhverjum ástæðum þá virðast miðaldagildi Íslams hafa undirtökin í umfjöllun vestrænna fjölmiðla sem og hjá stofnunum Sameinuðu þjóðanna.

Ef ég vill hlusta á áróður þá ég að þurfa leita annað en að kveikja á fréttrásum ríkisfjölmiðilsins, við lifum sko ekki í Sovétríkjunum sálugu þar sem Prada var sannleikurinn.

Eða í löngum eins og Rússlandi, Íran, Saudi Arabíu eða Norður Kóreu.

Eða það hélt ég ekki.

Kveðja að austan.