24.6.2025 | 16:35
Trump friður.
Ef eitthvað getur mælt óendanleikann, þá er það brigslyrði, vandlæting, "við vitum betur", og þá vísa ég aðeins í jákvæð ummæli um Donald Trump, að viðbættu miður fallegum athugasemdum eða áliti, lagt saman, þá færi það nærri því að mæla þennan meinta óendanleika
Samt tókst þessum umdeilda manni að temja bæði klerkana í Íran og öfgaöflin í ríkisstjórn Ísraels.
Friður var saminn og frið skal halda.
Hvað sem verður þá er ljóst að miðaldafólkið í ríkisstjórn Ísraels fær ekki að skapa ófrið á meðan Trump segir að það sé friður.
Hvað gerist í Íran, veit varla guð, í vísan "það má guð vita", en þá kemur ófriðurinn þaðan, ekki frá Ísrael, enda Ísrael ekkert án stuðnings Bandaríkjanna.
Núna reynir á borgaralega fjölmiðla, hvort þeir hætti að ljá röddum efasemdar eða beinnar þráar eftir ófrið og óöld, pláss og athygli, og fari að tala um frið.
Á Íslandi snýst þetta ekki um skoffínin á Rúv, sem alla daginn styðja voðaverk og morðæði Íslamistanna í Hamas eða Íran, heldur hvort Morgunblaðið taki til og hreinsi út innplantaða útsendara Hamas á ritstjórn blaðsins.
Að blaðið átti sig á að tungutak og áherslur Góða fólksins er búið að vera, beggja vegna Atlantsála hafa hæstaréttar kveðið upp úrskurð um hið sjálfsagða, að kynin séu tvö, konur og karl, Pútín sagði að með vopnum skal land ásælast, og aðeins vopn fá það hindrað líkt og meginefni Nató fundarins í Brussel fjallar um.
Og morðóðir Íslamistar eru ógn, en ekki bandamenn.
Krafan er einfaldlega að segja satt og rétt frá.
Slíta tengsl við kostaða áróðursvél Góða fólksins sem Evrópusambandið auk fleiri fjármagnar, slíta tengsl við hið morðóða fármagn Íslamista sem streymir frá Saudi Arabíu, Katar og í minna mæli frá öðrum olíuríkjum miðalda múslima.
Segja bara fréttir, ekkert annað.
Og frétt dagsins er um Trump frið.
Hvernig hann svínbeygði öfga ófriðar öflin í ríkisstjórn Ísraels.
Fréttin er ekki hvernig gamalmenni líkt og gamalmennið sem fékk stærstu frétt morgunsins, sem taldi að árásirnar á Íran hefðu leyst öfgaöfl úr læðingi, þegar öllum með þokkalegu viti, jafnvel þeir sem elliærir eru, er ljóst að gagnárásir Ísraels á hryðjuverkasamtök sem eru kostuð af klerkastjórninni í Teheran, ásamt inngripum Bandaríkjanna á kjarnorkuvígbúnað klerkanna í þeirri sömu borg, hafa dregið tennur úr þessari hryðjuverkaógn, þannig að í dag er hún aðeins minningin ein.
Fréttin er um hvernig Trump greip inní í og tuktaði öfganna sem aðeins sjá ófrið, sjá ógnir og dauða, en ekki hvernig friður gagnast öllum í heimi þar sem loftslagsbreytingar ógnar öllum mannlífi fyrir botni Miðjarðarhafs.
Þar geta gyðingarnir í Ísrael bjargað miklu, kennt hvernig nýta á vatn þannig að hrjóstrug eyðimörk verður blómleg og skilar ávöxtum jarðar til að fæða og næra í fyrirsjáanlegum heimi þar sem vatnsskortur ógnar lífi og byggð.
Sem og sú mikla menningarþjóð, Persarnir, hún hefur vitsmuni og andlega styrk til að tækla þau vandamál sem ógna lífi, til að nýta þekkingu mannsandans til að verja byggðir og samfélög.
Það er allt í húfi að friður náist.
Og af öllum ólíkindatólum heims þá er það Donald Trump, sem þvingar öfganna til að slaka á, til að gefa komandi kynslóðum lífsrými og framtíð.
Ekki vanvitið, ekki Góða fólkið, heldur sá úthrópaði.
Donald Trump.
Vissulega er þessi friður brothættur, en hann stóðst áskorun dagsins.
Og hann á að breyta fjölmiðlaumfjölluninni frá ótta til vonar.
Skaðar ekki að smá trú verði krydduð inní nálgun vestrænna fréttamiðla.
Trú á lífið og framtíð þess.
Kveðja að austan.
![]() |
Trump tókst að koma í veg fyrir fleiri árásir |
Tilkynna um óviðeigandi tengingu við frétt |
Flokkur: Stjórnmál og samfélag | Breytt s.d. kl. 16:38 | Facebook
Um bloggið
Ómar Geirsson
Færsluflokkar
Bloggvinir
Heimsóknir
Flettingar
- Í dag (16.7.): 161
- Sl. sólarhring: 241
- Sl. viku: 5060
- Frá upphafi: 1466504
Annað
- Innlit í dag: 138
- Innlit sl. viku: 4277
- Gestir í dag: 127
- IP-tölur í dag: 121
Uppfært á 3 mín. fresti.
Skýringar
Athugasemdir
Til að ítreka hve illa er komið fyrir Morgunblaðinu, þessu blaði sem áður var brjóstvörn borgaralegra gilda, þá vil ég vitna í nýjustu frétt sem sorinn sem hefur grafið um sig á blaðinu, og er greinilega fjármagnaður, það er að segja blaðið hlýtur að þiggja fjármuni líkt og margir aðrir borgaralegir fjölmiðlar í Vestur Evrópu, af miðaldaöfgum olíu-mútufjárins við Persaflóann.
Það eru margar leiðir til að orða hlutina, en sorinn, þessi þarna sem styður þjóðarmorð Hamas á íbúum Gasa, hann nýtir sér skjólið og skjöldinn sem arfleið Morgunblaðsins virkilega er.
"Mark Rutte, framkvæmdastjóri Atlantshafsbandalagsins, sendi Donald Trump Bandaríkjaforseta smjaðursleg skilaboð fyrr í dag þar sem hann kallaði aðgerðir forsetans í Íran "sannarlega ótrúlegar".
Trump friðurinn er vissulega ótrúlegur, að losa heimsbyggðina við kjarnavopnaógn miðaldaklerkana í Íran, er eitthvað sem engin sá fyrir, og engum hafði tekist áður.
Aðeins þeir sem þjóna morðóðum Íslamistum, orða þessa frétt á þann hátt, að kalla þessa hrifningu Rutte; smjaðurslega.
Gleymum ekki að útsendari áróðursdeildar morðingjanna í Hams hitti ákveðin blaðamann Morgunblaðsins, að hans sögn á förnum vegi, og blaðið birti í kjölfarið hreinræktaðan áróður morðingjana í Hamas, athugasemdarlaust og ef sá sori hefði verið prentaður, þá hefði miðopna Sunnudagsblaðsins ekki dugað fyrir þá upphafningu mannlegs viðbjóðs sem telur morð, limlestingar, nauðganir, misþyrmingar barna, íkveikju þeirra á meðan þau eru lifandi og Morgunblaðið undir ritstjórn Davíðs Oddssonar lagði blessun sína á.
Eftir stendur spurningin, hve þungt var silfrið í vasa ritstjórans sem og framkvæmdarstjóra blaðsins, og fylgdu fögur fyrirheit um frekari silfur frá miðaldaskrílnum við Persaflóann??
Áróðursviðtalið gat verið mistök en þá hefði ritstjórn blaðsins gripið til aðgerða, til dæmis kært viðkomandi blaðamann til hryðjuverkadeildar Ríkislögreglustjóra, en í reynd jókst aðeins upphefð hans.
Sem og fréttaflutningur í þágu Hams og þjóðarmorðs þeirra á samlöndum sínum á Gasa.
Og núna þegar reynir á Trump-friðinn, þá grefur sorinn, hin fjármagnaða áróðursdeild Hamas á ritstjórn Morgunblaðsins, undan þeim frið með neikvæðum gildishlaðnum fréttaflutningi.
https://www.mbl.is/frettir/erlent/2025/06/24/sendi_trump_halfgert_astarbref_fyrir_fundinn/
Er fólkið þarna í Móunum með réttu ráði, eða erum við að upplifa nútímanálgun á B-horror myndinni; Invasion of the Body Snatcher, að fjandsamlegar geimverur hafi yfirtekið vit og skynsemi ritstjórnar þessa áður borgarlega blaðs.
Hvaða tilgangi þjónar svona fréttamennska fyrir eigendur blaðsins??
Eða heldur aumingja Davíð að einhver leiðari eða Reykjavíkurbréf fái bætt úr þessum sora, þessari þjónkun við morðóða Íslamista eða það sem mætti halda að væri augljós kostun miðaldafjármagnsins við Persaflóa.
Þegar heimsbyggðin þráir frið, þá hefur sorinn, í þágu dauðans, dýrkenda dauðans, grafið um sig á ritstjórn Morgunblaðsins.
Og við þegjum öll, bendum aðeins á Rúv og vanvit Góða fólksins.
Þegar krabbameinsæxlið liggur okkur nær.
Svei attan.
Kveðja að austan.
Ómar Geirsson, 24.6.2025 kl. 17:21
Góð grein að vanda. Skrýtið hvað fjölmiðla- og stjórnmálaelítunni í Evrópu gengur illa að átta sig á staðreyndum lífsins. Það er eins og þau hafi farið á woke námskeið og komist ekki út úr því.
Trump sló á allar efasemdaraddir með því að gangast fyrir vopnahléi í von um að það náist friður. Spurning hvað segja þeir sem fordæmdu hann í gær.
En svo er mest spennandi að vita hvað segja þær Kristrún og Þorgerður Katrín á leiðtogafundi NATO sem byrjar í kvöld.
Kveðja góð,
Jón Magnússon, 24.6.2025 kl. 17:42
Ekkert lát á inntómum, heimskulegum langlokum að austan. Er enga vinnu að hafa?
Bjarni (IP-tala skráð) 25.6.2025 kl. 00:03
Bjarni, bö bö.
Með kveðju að austan.
PS. Þetta var ekki langt hjá mér, miklu frekar í styttra lagi.
Ómar Geirsson, 25.6.2025 kl. 07:01
Blessaður Jón.
Það verður fróðlegt.
En það er ekkert sem toppar Macron þegar hann sagðist óttast að Íranar héldu bara áfram í leyni að þróa kjarnavopn. Eins og það væri hægt að hafa það mikið leynilegra en grafa þetta djúpt í jörðu.
Þess vegna þarf að semja sko.
Þetta kallar maður að lemja hausnum í stein og stórskaða sjálfan sig í leiðinni.
Kveðja að austan.
Ómar Geirsson, 25.6.2025 kl. 07:05
Bæta við athugasemd [Innskráning]
Þú ert innskráð(ur) sem .
Innskráning