Eru engin mörk á áróðri Hamas deildar Morgunblaðsins??

 

Hvers á borgarlegt fólk að gjalda??

Hversu heimsk getur ein borgarleg ritstjórn verið að láta svona áróður morðóðra Íslamista seytla inn á síður blaðsins, hvort sem það er á pappír eða í netútgáfu??

Formaður Samtaka hernaðarandstæðinga, af öllum víðáttuvitleysingum sem blaðið gat fundið, þá er hann álitsgjafi blaðsins í dag.

 

Það má deila um vit og vitsmuni þeirra íslensku stjórnmálamanna sem viðurkenna ógnina af kjarnavopnum í höndum morðóðra Íslamista, en á sama tíma fordæma árásir þeirra ríkja sem leitast við að útrýma þeirri ógn.

Sjálfsagt að koma sjónarmiðum þeirra á framfæri, þau sjónarmið endurspegla í stærra samhengi áhrifaleysi Evrópu, af hverju enginn tekur mark á henni í dag.

 

En að gefa þessari úrkynjun vitsmuna rödd, er fyrir neðan virðingu Morgunblaðsins, sem og allra borgaralegra blaða.

Morgunblaðið er ekki Stundin, og lesendahópur þessara miðla skarast ekkert.

Samt efa ég að ritstjórn Stundarinnar sé svo heimsk að fatta ekki ógnina af kjarnavopnum í höndum morðóðra Íslamista.

 

Þessi áróður er ekki blaðamennska.

Hún er firring veruleikafirrts fólks sem ástundar áróður fyrir morðingja, fyrir voðamenni þar sem blóðslóðin fylgir hverju fótspori.

Þá er ég ekki að vísa í formann Samtaka hernaðarandstæðinga heldur útibú áróðursvélar Hamas á Morgunblaðinu.

 

Borgarleg ritstjórn, sem líður þennan áróður dauðans.

Er ekki starfi sínu vaxin.

 

Það er mál að linni.

Kveðja að austan.

 

Óttast allsherjarstríð í Persaflóa

Athugasemdir

[Guðmundur Ásgeirsson, 24.6.2025 kl. 01:58]

Þetta bjargaðist: Trump tilkynnir vopnahlé

[Ómar Geirsson, 24.6.2025 kl. 07:02]

Blessaður Guðmundur.

Sé ekki alveg samhengið milli efni pistils míns og þess að Trump hafi tilkynnt vopnahlé.

En Trump segir svo margt, þó kostur að hann er ekki málpípa morðóðra Íslamista og líkt og hluti ritstjórnar Morgunblaðsins.

Kveðja að austan.

[Guðmundur Ásgeirsson, 24.6.2025 kl. 13:36]

Þetta var nú aðallega kaldhæðni því eins og ég bjóst allt eins við þá virðist þetta svokallaða vopnahlé strax vera að fara út um þúfur.

[Ómar Geirsson, 24.6.2025 kl. 16:49]

Blessaður Guðmundur, ég skildi það alveg sko.

En eins og ég benti þér á í athugasemd minni þá var ég að fjalla um sora sem hefur grafið um sig á ritstjórn Morgunblaðsins, og kemst átölulaust upp með að þjóna morðæði Íslamista, bæði þeirra í Teheran sem og þjóðarmorðingjana í Hams.

En ég las samt fréttir morgunsins, og pistlaði út frá þeim, svo bætti ég nýjum pistli núna rétt áðan, Trump virðist vera með þetta.

Veika forsenda hans var einbeittur vilji öfgaafla innan ríkisstjórnar Ísraels, skoffína sem greinilega eru á máli hjá þeim sem græða formúlur á ófrið og dauða, það er enginn svona heimskur í alvöru, en hann rak neglu í þann leka, líkt og gömlu karlarnir sem gerðu skektur sínar sjófærar.

Honum er nákvæmlega sama þó klerkarnir brjóti þetta vopnahlé, þá fær hann aðeins tækifæri til að sprengja meira, til dæmis eftirlifandi leiðtoga Írans, sem eiga ekkert byrgi sem skýlir þeim gagnvart stóru sprengjum Bandaríkjamanna.  Leyndin er ekki þeirra því Mossad veit nákvæmlega hvar þeir eru frá degi til dags.

Hóparnir sem þykjast sjálfstæðir, til dæmis í Írak, þeir fá einföld skilaboð, hættið árásum eða Teheran verður sprengd í loft upp.

Ennþá er Trump með þetta hvað sem síðar verður.

Kveðja að austan.