Þegar lygin ræðst á raunveruleikann.

 

Þá er fokið í flest skjól ríkisstjórnar Kristrúnar Frostadóttur.

Fjármálaráðherra reyndi að slátra frumvarpi Ingu Snæland um að tengja bætur almannatryggingakerfisins við launavísitölu, að kalla slíkt einhug nær ekki einu sinni að vera öfugmæli.

 

Góð blaðamennska tekur núna viðtal við fjármálaráðherra, spyr hann um þennan meinta einhug og hvort hann hafi ekki frétt að því að þetta frumvarp var kynnt sérstaklega þegar forystukonur ríkisstjórnarflokkanna kynntu hina nýju stjórn sína.

Spyrja hann hvað honum gangi til með að vinna gegn þessari yfirlýstu stefnu.

Spyrja hvað honum gangi til með því að setja forsætisráðherra í þá stöðu að þurfa að ítreka að þetta frumvarp Ingu væri einmitt stefnumál ríkisstjórnar hennar.

Spyrja hann af hverju hann er í stjórnarandstöðu í hans eigin ríkisstjórn.

 

Það viðtal getur aldrei orðið annað en grafarskrift Valkyrjanna eða Daða.

Því til lengdar er ekki hægt að stjórna á lyginni einni saman.

Kveðja að austan.

 

Einhugur í ríkisstjórn

Athugasemdir

[Rúnar Már Bragason, 4.6.2025 kl. 10:28]

Málið er að þetta fólk lýgur mest að sjálfu sér og þess vegna hjarir þetta áfram með þrjú hjól undir bílnum.

[Ómar Geirsson, 4.6.2025 kl. 17:25]

Blessaður Rúnar.

Ég er ekki alveg sannfærður um þetta fólk ljúgi af sjálfur sér varðandi brakabrestina í ríkisstjórnarsamstarfinu, ég get alveg ímyndað mér uppnámið í bakherbergjum hennar, en út á við þarf að ljúga. Um einingu sem er ekki til staðar.

Og þessi pistill minn er meðal annars um að fjölmiðlafólk, og þá það sem er á Mogganum, ennþá, láti ekki lygina komast upp með að ráðast á raunveruleikann.

Hið fornkveðna; Með lögum skal land byggja, er vissulega í fullu gildi, en illt er komið fyrir þjóð sem bekennir að; Með lygi eigi landi að stjórna.

Við því þarf að bregðast.

Kveðja að austan.