Við ljúgum ekki, við semjum fréttir!!

 

Upphrópunarmerkið er vegna skáldsagnarhöfundarins Helga Seljan.

Eftir stendur rest af viðtali við ömurlega manneskju, því aðförin að lífinu, sem Rúv hóf, á sér engar aðrar skýringar, nema að viðkomandi sé ömurleg manneskja.

Sé einhver í vafa, þá skal viðkomandi lesa þessa réttlætingu, á lygum og rangfærslum, "við stöndum við orð okkar", eða þannig.

 

Áður er óþekkt að Morgunblaðið ljái línur fyrir lygavaðal fréttastjóra Rúv.

Að baki býr fáheyrð samsekt.

Morgunblaðið er mjög aumt á eftir.

 

Fyrir einhverja stórskrýtna tilviljun ræðst frjálshyggja Viðreisnar að atvinnulífi landsbyggðarinnar.

Hefnt skal fyrir þegar Þorsteinn Pálsson, guðfaðir Viðreisnar náði ekki að eyða sjávarbyggðum þjóðarinnar, líkt og hugmyndafræði Frjálshyggjunnar tókst á Nýja Sjálandi, og Þorsteinn grét yfir á meðan þjóðleg öfl settu hann af sem formann Sjálfsæðisflokksins.

 

Núna skal þeim eytt.

Og Snorrabúð Morgunblaðsins er stekkur fyrir vörn byggðar og mannlífs.

 

En húmorinn lifir, glæpablaðamenn verjast árásum,

Að sögn þess ver banatilræði, skáldaðar fréttir, rangfærslur og lygar.

 

Af sem áður var.

Kveðja að austan.

Blaðamenn verjast árásum

Athugasemdir

[Magnús Sigurðsson, 27.3.2025 kl. 18:07]

Blessaður Ómar, -ertu viss um að þú hafir lesið fréttina.

Ekki það að ég ætli að ómaka mig við að lesa hana.

En ég hjó eftir feita letrinu, -þetta kallast á fjölmníðslu að veita valdhöfum aðhald.

Með kveðju úr grámyglunni að ofan

[Landfari, 27.3.2025 kl. 18:50]

Fyrirgefðu fáviskuna Magnús en hvaða aðhald fólst í þessari falsfrétt um Ásthildi?

Ekkert af því sem kom fram í fréttinni fékk staðist skoðun. Það sést best á staðreyndaupptalningu fréttastjóra rúv. Þar ber mest á alvarlegum afleiðingum rógsferðar rúv en minnst á efnisatriðum fréttarinnar.

[Ingólfur Sigurðsson, 27.3.2025 kl. 19:10]

Ég tek það þannig að Magnús fatti þetta, og þetta sé háð hjá honum. Annars fannst mér það kjarkmikið af Ómari í gær að hjóla í Ölmu. Mjög sannfærandi pistill í gær og áhugaverður, en þetta er mæðraveldisklíka eins og kom fram hjá starfsmanninum í háði eða alvöru. Og femínistarnir nota sömu aðferðir og karlrembusvínin, hylma yfir, neita. Kvenrembugyltur var þetta eitt sinn nefnt og á vel við.

Það er þarft málefni sem Ómar hreyfði við, en hann var kannski of stóryrtur til að það hefði áhrif nema til að ögra.

En ég segi það, að nú vona ég að Páll Vilhjálmsson fái sýknu úr sínu dómsmáli þegar kemur í ljós að hann hafði rétt fyrir sér með starfsaðferðir RÚV. Hann hefur staðið sig með prýði og staðið sig eins og hetja, eins og þú Ómar.

Þetta Ásthildar-mál hefur vakið marga til umhugsunar. Það sér maður á athugsemdum í DV-og þar er nú oftast mikið um vinstrafólk og jafnaðarfólk, sem hefur fengið nóg af svona blaðamennsku.

[Ómar Geirsson, 27.3.2025 kl. 20:10]

Blessaður Ingólfur.

Stóryrði eru ekki til á þessari síðu, eins og þú veist, en stundum er sannleikurinn sagður umbúðalaus, það var reyndar meiri dýpt i pistli mínum um Ölmu, ef guð og gæfan gefa mér smá viðbót, þá er pistillinn upphaf af falli hennar.

Í mínútu Ingólfur skaltu ekki halda að ég viti ekki hvað ég er að gera,  en þessi frétt gekk á orku sem var ekki til staðar, ég naut þó góðs af því að fá meintan heilbrigðisstarfsmann inná pistil minn, sem hlóð orku sem allavega nærði húmor minn.  Ég held að húmorinn sé það element sem síðast hverfur.

En andskotans væl er í mér Ingólfur, það er mér heiður að fá athugasemdir frá þér, þær eru djúphugsaðar, og nálgast fíl þekkingarinnar á allt annan hátt sem hvorki ég eða þeir sem hugsa á svipuðum nótum og ég, gátu hvorki séð eða skynjað þegar við hugsuðum, og spáðum í.

Það er ákkúrat þetta Ingólfur sem ég hef nefnt við þig um gæði fram yfir magn, þekki það sjálfur úr mínum ranni, flestir af mínum bestum pistlum í upphafi náðu ekki 100 í IP tölum.

Vissulega breyttir tímar í dag, en vonandi ekki svo breyttir, að önnur nálgun, að málefnalegar athugasemdir, fái ekki sitt vægi og gildi.

Og Ingólfur, þó vissulega séum við Páll ekki sammála um margt, enda báðir ákveðnir turnar, þó ég sé ekki að líkja mér saman við hann, þá mun Páll sigra, Páll er sigurvegari þessa máls.

Því Páll sagði satt frá fyrsta degi, og hann kann að segja frá staðreyndum svo undan svíði, enda marglögsóttur fyrir vikið.

Annað Ingólfur, að fá nóg af róg og slúðri hefur ekkert með meinta vinstri mennsku að gera, enda flestir nú-hneykslaðir hluti af mykju og skítadreifara samfélagi Samfylkingarinnar, hins vegar er ég stoltur af tvennu.

Samhljómun mína með Gunnari Smára, liggur við að hann hafi komist í vinabók mína, sem og að hið kristna Ísland stóð með Ásthildi Lóu.

Í þeirri samhljómun fann ég fegurð sem fékk mig til að horfa til himins.

Upplifði einhverja von.

Kveðja að austan.

[Ómar Geirsson, 27.3.2025 kl. 20:23]

Blessaður Landfari minn góður.

Magnús var að stríða mér, sem og að minna mig á að röflandi menn missa af blíðvirðinu, hvort sem það er af sunnan, norðan eða austan, þegar annað skiptir máli, þegar þeir gleyma kjarnanum, að blíðvirðið er leið almætisins til að dreifa orku og innri gleði til þreyttra og þjakaðra sem reyna þó að halda sér á fótum.

Vonandi lifum við Magnús af þetta vor, hlöðum orku inní sumarið, og verðum keikir í sumarlok.

Tel að við báðir höfum eitthvað að segja, annar þó skáldmæltari en hinn.

Við horfum til himins Landfari, kannski mun ég einn daginn í föruneyti mér vitrari manna, sjá Dyrfjöllin opnast fyrir ljósi lífsins, kveikja elda á himninum, elda sem fjöllin höfðu byrgt sín.

Eða eitthvað annað.

Kannski fæ ég heilbrigðan starfsmann til að skemmta mér.

Kannski á ég eftir að lesa ljóð frá skáldi sem afneitar því ekki að hann sé Héri, en fékk skáldagyðju sína frá dulúð og þoku sem breytti umgjörð Djúpavogs í heim ævintýra sem skáld og draumórafólk fékk numið og skynjað.

Veit ekki Landfari, en sá sem lifir, vonar og dreymir, veitir jafnvel valdhöfum aðhald.

Þó vissulega gerir Rúv það ekki.

En fréttamaður okkar fyrir austan er ágætur.

Kveðja að austan.

[Ómar Geirsson, 27.3.2025 kl. 20:40]

Blessaður Magnús.

Það er eiginlega pínu ljótt af þér að fá mig til að játa að ég hafi ekki beint lesið fréttina, og það er kannski ekki alveg í fyrsta skiptið sem svpo er.

Hættur og síðan steinhættur, ég varð að sneiða að þeirri blöðru sem "sýnd" Ölmu Möller er, alvarleiki þess að þegja er of mikill.

Ekki að ég kunni ekki að þegja, í alvöru, ég þekki dæmi þess.

Og ég vil þegja til að opna huga og önd fyrir smáatriðum lífsins, sem þú hefur verið svo duglegur að fræða mig á, sem og svo marga aðra.

Það koma samt ekki Skáld frá Héraði, Hákon er jú úr Jökuldalnum og Páll langfrændi konu minnar, hann er örugglega ættaður hérna niðri af fjörðum.

Stefán gerði svo Djúpavog ódauðlegan, alla vega fékk hann mig til að lesa, og það gera hvorki einhleypingar eða tvíhleypingar, en Hérar, þeir kunna aðeins að versla i kaupfélaginu.

En úr þessari visku sem mér finnst gáfuleg, allavega betri en þunnt kaffið sem ég fékk þar-þar-síðast í Húsasmiðjunni (var einhver veikur?? eða hvað) yfir í landsins gagn og nauðsynjar.

Í alvöru Magnús???, heldur þú að Heiðar sé svona heimskur líkt og orð hans gefa til kynna??

Ég held ekki, vísa þar í líffræði heilans.

En hvað veit ég.

Rúnar Snær er samt ágætur.

Kveðja að austan.

[Ómar Geirsson, 27.3.2025 kl. 21:08]

Og já, já, smá mistök, ekki mér að kenna, hvað þá teljara Morgunblaðsins sem telur lestur, þó lítill sé að baki.

Það vantaði orðið "Ekki", inní fyrirsögn þessa pistils.

Eins og það hafi hvarflað að mér að Heiðar lygi, veit aðeins til að hann og fréttastofa hans semji fréttir, sem vissulega eru oft skáldskapur, en laug Laxness??

Var hann þjóðskáld vegna þess að hann laug??

Held ekki, hann aðeins skáldaði en var ekki svo heppinn að almenningur borgaði laun hans líkt og heppni sveitunga míns, Helga Seljan er.

Metum samt skáldin.

Kveðja að austan.

[Grímur Kjartansson, 27.3.2025 kl. 21:54]

Þú minnist á "sjávarbyggðum þjóðarinnar"
Að afhenda yfirráð yfir atvinnustarfsemi sjávarútvegsfyrirtækja er það sem helst stendur í vegi fyrir vilja fólks að ganga í ESB

Því hefur Hanna Katrín boðað lagafrumvarp um að leggja atvinnuveginn bara niður og þá hindrar ekkert lengur inngöngu Íslands í ESB 
en lítil þjóð eins og Ísland mun aldrei eiga þaðan afturkvæmt miðað við hvernig gekk hjá stórveldinu Bretlandi að komast út

[Ómar Geirsson, 27.3.2025 kl. 22:11]

Blessaður Grímur.

Nær hefðu ekki fá orð náð að orða hugsanir mínar í dag og í gær.

Nema, þetta er ekki mitt stríð, ógæfa þjóðarinnar er að ekki svo of vel gefið fólk heldur uppi vörnum.  Án þess að ég sé að móðga leikskóla, þá hugsaði ég þegar ég sá viðtal Rúv við Hildi, og Sigmund minnir mig, skyldi vera hægt að nota Hildi sem starfsmann á leikskóla, hún hafði allavega útlitið með sér í það starf.

Ég er gamall eins og þú Grímur, við heyjum ekki stríð barna okkar fyrir sjálfstæði þjóðarinnar, þar erum við úr leik.

Þetta er eins og það er, hið  svartasta af öllu hinu svörtu sýgur núna lífsþróttinn úr byggð minni, sem og öðrum byggðum á landsbyggðinni.

Við vörðumst þó þessu skrímsli í rúm 30 ár, það má telja það okkur til tekna.

Fornar bækur segja samt að uppgjör við hið svarta, við svertuna sé í nánd.

Allavega þá vona ég það.

Kveðja að austan.

[Guðni Björgólfsson, 27.3.2025 kl. 22:44]

Sæll Ómar.

Ég fæ ekki betur séð en Ásthildur Lóa hafið hlotið sömu meðferð og búast mátti við 33 áruþúsundumb fyrr.

Kristni er æðiþröng og henni er ekki viðbjargandi.

Pannig er þetta í sömu stöppu og sömu skál 2035.

Vei þeim er þannikpma fram?!

[Ómar Geirsson, 27.3.2025 kl. 23:17]

Blessaður Guðni.

Sjálfsagt mikið til í þessu eins og mörgu öðru, og ég tek heilshugar undir lokaorð þín.

En að Heiðar skuli ekki sjá þetta, læra af þessu, skilja af hverju það er vík á milli þjóðarinnar og fréttastofu Rúv.

Það á ég kannski erfiðast með að skilja í öllu þessu máli.

Kveðja að austan.

[Magnús Sigurðsson, 28.3.2025 kl. 05:57]

Blessaður Ómar, -ég held nú lítið um það sem þegar hefur verið skrifað á heiðan himinn.

En þegar valkyrjurnar, skrímsladeildin og ríkisútvarpið eru samstíga um að níða niður æruna opinberlega af kristinni konu vegna þess að hún átti barn fyrir 35 árum, -já og okkar maður að austan einn gerandinn, sá sem ekki beint var eyrnamerktur skrímsladeildinni,  -svo því sé haldið til haga, -þá er þotu slóð á heiðum himni eftir nornakústinn yfir þessu ógeðslega þjóðfélagi.

Nú þarf ekki lengur að spá í skýin, þetta mark skoffínsins er meir að segja til í sauðfjár markaskránni; -sneitt hjá að framan vinstra, hælbitið að aftan hægra. 

Já Heiðar er markaður heimskunni, -hann hefur nú markað sig sjálfur þjóð án sóma, -eins og ákvæðaskáldið kvað í upphafi, en fær sjálfsagt áfram aur fyrir sínum Tene-túr.

Já aum er sú þjóð og þarf ekki lengur óöld og hungursneið til glata frelsinu, -en sturlunin kom fyrst á öldum áður með sín óhæfu verk, hungursneyðin fylgdi í kjölfarið. Þjóð án sóma væri vert að minnast þess.

Með kveðju úr hrollkaldri aftureldingu úr efra.