Smán saman er Alma Landlæknir afhjúpuð.

 

Samfylkingin taldi hana feng, en spáði ekki í störf hennar sem Landlæknis, að baki shóvinu og sýndarmennsku Möllers slektsins væri manneskja sem væri ekki starfi sínu vaxin.

Að hún væri fulltrúi gjaldþrota heilbrigðiskerfis þar sem óhemju fjármunum væri varið í úrelt kerfi miðaldra karlmanna sem aldrei hefðu reynt að takast á við vangreiningar, starfsafglöp, vanþekkingu á nútímanum og þeim sjúkdómum sem herja á fólk í dag, en eru ekki kenndir við Læknadeild bræðralags miðaldra karla Háskóla Íslands.

Óhemjufjármunum varið til að vísa sjúklingum út og suður, í stað greininga sem taka nokkrar mínútur ef hinn miðaldra karl myndi nenna að hlusta, og kynna sér sjúkdómssögu, afla sér upplýsinga, greina rétt, hefja rétta meðferð.

 

Korteri fyrir kóvid var haldin ráðstefna á vegum félagasamtaka, þar sem bandarískur sérfræðingur um alvarlegan sjúkdóm, illa eða aldrei greindur hjá bræðralagi hinna miðaldra karlmanna, Me-síþreytu, sjúkdóm sem hann benti fréttamanni Kastljós á að um 2% jarðarbúa þjáðust af honum, frá Nílarveikinni til Akureyrarveikinni, embættti Landlæknis var þar víðs fjarri, þó hlutverk þess sé að gæta að raunþekkingu gegn vanhæfni vanhæfra lækna sem næstum því afgreiða öll frávik með geðlyfjum, verkjatöflum, eða það sem kannski algengast er, með smánun.

Svo kom kóvid, og framlag Ölmu Möller var samkomutakmarkanir sem lifðu langt fram yfir nauðsyn og tilefni, en í millitíðinni voru ráðnir kvikmyndagerðarmenn sem fönguðu meinta samúð Ölmu með eldra fólki sem fékk kóvid. 

Meint samúð því ekki er þekkt eitt tilefni þar sem Alma hefur komið eldri konum sem eru fórnarlömb bræðralagsins um fækkun þeirra með því að taka af þeim lífsnauðsynleg lyf, með einni undantekningu eftir fjölmiðlafár, til bjargar eða hjálpar, enda myndavélar víðsfjarri.

 

Kóvidið magnaði hins vegar upp sjúkdóminn sem Me-síþreytufélagið hélt, í dag er talið að rúmlega 3.000 manns þjáist af eftirköstum þessa illvíga vírussjúkdóms, síðkóvid, reyndar án þess að embætti Landlæknis hafi hvorki hóstað eða stunið yfir því, að baki þeirri fullyrðingu eru margar frásagnir fórnarlamba síðkóvidsins sem alls staðar komu að lokuðum dyrum.  Ekki bara hjá bræðralagi miðaldra karla sem höfðu ekki lært um þennan sjúkdóm, heldur vegna þess að embætti Landlæknis hundsaði þrautaúrræði þessa fólks, svaraði hvorki erindum, eða reyndi á nokkurn hátt að samhæfa heilbrigðiskerfið til að takast á við þessa miklu heilbrigðisvá.

En á Akureyri var krabbameinslæknir, sem þekkti til alvarleik þessa sjúkdóms sem smitveirur geta valdið hjá fólki, hann náði sambandi við heilbrigðisráðherra, Willum Þór, og fjármagn var tryggt í Akureyrarklínikuna.

Af því tilefni baðst forstjóri Landspítalans afsökunar á vangreiningum, sem og hroka fávísra lækna, sem níddust á sjúklingum sem leituðu til þeirra með þennan alvarlega sjúkdóm.

 

Munum að á milli eru 5 ár sem jafnvel hinn fávísasti getur ekki skýlt sér að baki að hann hafi ekki vitað betur.

Og að embætti Landlæknis, að Alma Möller landlæknir átti fyrir löngu að vera búið að grípa inn í.

Nema þá að hún var að panta kvikmyndagerðarmenn og undirbúa framboð sitt til heilbrigðisráðherra.

 

Sjónvarpið sýndi núna um daginn heimildarmynd um afglöp bræðralagsins, um afglöp þess embættis þjóðarinnar, Embætti landlæknis, sem á samkvæmt lögum að sjá til þess að íslenska heilbrigðiskerfi tileinki sér þekkingu, sé upp tú deit eins og sagt er á útlensku, heimildarmynd um legslímuflakk.

Myndin hér Endú, var ekki gerð af embætti Landlæknis þegar Alma Möller stýrði þar bræðralaginu, heldur af félagasamtökum um þann alvarlega sjúkdóm.

Sjúkdóm sem heldur þúsunda kvenna í gíslingu verkja, þrekleysis, sem og örvæntingar þegar engin hjálp er í boði.

 

Reyndar er sú hjálp í boði, alveg eins og hjá Akureyrarklíníkunni, nema fæstir í bræðralaginu bjóða upp á þá hjálp, þeir dreifa hins vegar verkjalyfjum, og þegar þjáningarnar verða óbærilegar, þá geðlyfjum, sbr. að kona með verki hlýtur að vera þunglynd.

Samt liggja allar upplýsingar fyrir, og einn og einn læknir, yfirleitt konur, þekkja þær, og greina, nema að enginn veit af þeim, eða vissi fyrr en samtökin um Endó voru stofnuð.

Ölmu var hins vegar alveg sama.

 

Lengi má halda áfram að telja en fyrir nokkrum árum síðan var meðlimur í bræðralaginu staðinn að því að taka lífsnauðsynleg lyf af nokkrum sjúklingum sínum, konum að sjálfsögðu, án tengsla inní bræðralag auðs og valda, höfðu örugglega aldrei gert annað en að koma börnum til manns, og sinna grunnstoðum samfélagsins með vinnu sinni, og því þannig séð öruggt að valda ótímabæru andláti þeirra.

Ekki æmti landlæknir, ekki æmtu þeir læknar bræðralagsins sem sáu hvað gerðist þegar hin lífsnauðsynlegu lyf voru fjarlægð, en einn aðstandandi fórnarlambs þessarar siðblindu bræðralagsins tók ekki skýringar hins morðóða læknis til greina, eða samþykkti hundsun allra hinna sem horfðu á, en gerðu ekki neitt.

Þetta voru jú langveikar konur, fyrrum vinnandi konur, láglaunakonur, höfðu aðeins haldið samfélaginu gangandi með láglaunavinnu sinni.

Hver grætur þeir þegar við gangsterarnir í hvítum sloppum eru annars vega.

 

Nema að DV hlustaði á ættingjann sem sá móður sína verða fárveika eftir að gangsterinn í hvíta sloppnum tók af henni lyf sem hún hafði haft í langan tíma, og héldu hennar alvarlega sjúkdóm í skefjum.

Og eftir fjölmiðlaumfjöllunina, sem vakti athygli á fjöldamorðum gangseters eða gangstera í hvítum sloppum því augljós spurning er af hverju aðrir læknar gripu ekki inní, þá neyddist Embætti landlæknis að grípa inní, ég er að vísa í fjöldamorðin í Keflavík þar sem allavega 6 konur dóu ótímabærum dauða svo ég vitni í orð Ölmu Landlæknis.

 

Þau orð hefðu getað verið sönn, þá var hún kannski ekki í leið í framboð, en hvað gerðist svo??

Næstu fréttir af hinum meinta fjöldamorðingja, meintum því eru konur menn??, var að hann fékk vinnu hjá Landspítala Íslands, það fylgdi með að hann yrði aldrei settur í þær aðstæður að hann gæti myrt fleiri eldri sem og veikar konur.

Svona eins og dómsyfirvöld á 17. öld hefðu talið það óþarfi að handtaka og rétta yfir fjöldamorðingjanum Axlar-Birni, hann hefði jú aðeins drepið fólk sem falaðist eftir gistingu hjá honum, ef hann fengi ekki lengur að selja gistingu, þá dræpi hann ekki fleiri.

 

Fáránleikinn er algjör, og ekki kom stuna að athugasemd frá Ölmu Möller, enda farin að undirbúa framboð sitt.

Bræðralagið hins vegar, hefur svæft þetta mál gagnvart meintum fjöldamorðingja, og býr þar a reynslu annarra bræðralaga í hinum vestræna heim.

Belgar súpu seyðið og risu upp gegn þessu bræðralagi miðaldra karla, þegar barnaníðingurinn og morðinginn Marc Dutroux skók belgískt samfélag, vísum í fréttir; "Glæpirnir sem Dutroux framdi voru einstaklega ógeðfelldir. Hann rændi ásamt samverkamönnum sínum sex ungum stúlkum og nauðgaði þeim. Hann drap tvær þeirra og tvær til viðbótar létustu úr hungri eftir að hann hafði skilið þær eftir einar og yfirgefnar í dýflissu sem hann hafði útbúið. Dutroux var dæmdur í lífstíðarfangelsi og hefur allar götur síðan verið einn hataðasti glæpamaður Belga.".

Meinið var að Dutroux komst upp með þetta og margt annað, vegna þess að hann var tengdur, tengdur inní lögreglu og dómskerfið, ef Bræðralagið hefði ekki verið til staðar, þá hefðu þessar fjórar ungu stúlkur ekki látist.

Barnamorðinginn þjónaði kerfinu og kerfið passaði uppá hann, nema kerfið gat ekki þaggað niður líkfund sem kom í kjölfar tregðu lögreglunnar til að svara kröfum aðstandenda um lögregluvinnu og rannsókn á vísbendingum.

 

Ástæða þess að ég vitna í þetta bræðralag sem hélst hlífðarskildi yfir barnaníðingi og barnamorðingja, er einföld, hefur bræðralag íslenskra lögreglumanna ákært fjöldamorðingjann af Suðurnesjum??

Hefur embætti Landlæknis krafið bræðralagið um aðgerðir, um að það rannsaki þessi fjöldarmorð?

 

Svarið er Nei, eins og svo mörg svör sem fólk sem vinnur að heilbrigði, sem hjálpar, sem skilar árangri, og fær Nei-ið eitt.

Eins og öðru væri að búast frá Ölmu Möller.

 

Aðför gangstera í hvítu sloppi að lífi eldra kvenna,sannarleg staðreynd af hverju læknar Hjartadeildar Landspítalans hundsa algengasta hjartasjúkdóm kvenna, smáæðakransæðasjúkdóminn, sjúkdóm sem allt að 40 prósent hjartasjúklinga þjáist að, og er ekki til samkvæmt bræðralaginu, það auk margs annars skýrir þetta neyðarboð Janusar, geðheilbrigðisþjónustu sem virkar, en Alma, núna heilbrigðisráðherra hundsar.

Vitnum samt í Janus;

"Heil­brigðisráðuneytið virðist ekki skilja þarf­ir þeirra sem notið hafa end­ur­hæf­ing­ar hjá Jan­usi. Þetta seg­ir Sigrún Birg­is­dótt­ir, ráðgjafi hjá Ein­hverf­u­sam­tök­un­um. Í sam­tali við mbl.is vís­ar hún til um­mæla Ölmu Möller heil­brigðisráðherra, sem féllu í Kast­ljósi á mánu­dag um að heil­brigðisráðuneytið greiði ekki fyr­ir starf­send­ur­hæf­ingu þar sem það sjái ein­ung­is um heil­brigðisþjón­ustu. „Þessi afstaða lýs­ir að okk­ar mati skiln­ings­leysi á þörf­um þessa hóps – það sjá það all­ir að um er að ræða geðheil­brigðisþjón­ustu sem vissu­lega heyr­ir und­ir ráðuneytið. Þessi hóp­ur þarf heil­brigðistengda geðend­ur­hæf­ingu á for­send­um virkni og bættr­ar líðan, ekki endi­lega starfstengda end­ur­hæf­ingu. Þau eru mörg hver ekki kom­in á þann stað og eiga langt í land með að vera fær um að sinna starf­send­ur­hæf­ingu,“ seg­ir Sigrún.".

Siðblinda á jú engin sín takmörk.

 

Réttlætið þekkir hins vegar ekki þau mörk.

Janus mun sigra, hjálp verður veit þeim sem hana þurfa.

 

Á milli liggur smán Samfylkingarinnar.

Kveðja að austan.

Segir afstöðu ráðherra lýsa skilningsleysi

Athugasemdir

[Pétur Örn Björnsson (IP-tala skráð) 26.3.2025 kl. 17:37]

Langur pistill, en þarfur.

Hafðu þakkir fyrir.

[Ómar Geirsson, 26.3.2025 kl. 18:49]

Blessaður Pétur Örn.

Núna minnir þú mig á mig sjálfan, líklegast alveg að verða 16, kannski 17, ég man það ekki alveg, þegar ég tók stærðfræðiáfangann sem kenndur var við rökfræði.  Það tók mig sirka  5 mínútur að skrifa svarið, sem var rétt, en ég fékk ekki mikið fyrir það, nema ég skrifaði 2-3 blaðsíður með rökfærslunni, og þar var engin miskunn gefin á greinarmerkjum á röngum stað, eða annað, skipti ekki máli að ég kynni, eða gerði næstum því allt rétt, ég átti að gera allt rétt.

Ennþá dag í dag met ég Bjössa Magg fyrir þessa kennslu, þó ég færi  seinna í stærðfræðideild Hamrahlíðar, þá fékk ég ekki betri kennslu, en á köflum jafn góða, þökk sé Rögnu og Stefáni.

Alma er umdeild Pétur, margir vega að henni, en fæstir með rökum.

Ég geri það hins vegar, hvert orð hér að ofan get ég staðfest með vísan í rök og staðreyndir.

Vissulega er Janus upphaf og endir þessa pistils, til að benda á ómerkilegheitin að baki ímyndinni Ölmu Möller, en í raun er pistill minn ákall um að kerfið, hvort sem það er Embætti Landlæknis, Umboðsmaður Alþingis, bræðralagið sem nær inní embætti Ríkissaksóknara, fái ekki þaggað niður aðför af lífi og heilsu eldri kvenna, hvað þá að myrða þær með köldu blóði, eða reyna að myrða þær og aðrir læknar í bræðralaginu horfi í hina áttina, að það þurfi aðstandendur sem af vanmætti grípa inní, til að krefjast réttrar meðferða, að lífsnauðsynleg lyf séu gefin, en ekki tekin af sjúklingnum til að valda ótímabæru andláti hans.

Ég minntist á bræðralag spilltra lögreglumanna sem nutu stuðnings dómskerfisins í Belgíu, bræðralag sem snérist um kynferðislega misbeitingu á ungum stúlkum, þess vegna naut barnaníðingurinn Dutroix friðhelgi, það þurfti lík stúlkna sem dóu úr hungri í dýflissum hans, vegna þess að hann sat inni fyrir óskilda smáglæpi, til þess að bræðralagið var afhjúpað.  Samt ekki þannig að það sætti ábyrgð, og barnaníðið og barnadrápin héldu áfram í skjóli þessa bræðralags miðaldra brenglaðra karla kerfið hundaði vandann í stað þess að takast á við hann.

Sama bræðralag, það er í eðli, þaggaði niður í áratugi beiðni frumbyggjasamfélags Kanada um rannsókn á örlögum barna þeirra sem voru send á meint barna og uppeldisheimili, og skiluðu sér ekki aftur.  Þegar bræðralagið gat ekki lengur þaggað, hafði þó gert það í um 30 ár, þá komu í ljós fjöldagrafir barna af frumbyggjaættum, á lóðum þessara barnaheimila.  Sem endaði með því að forsætisráðherra Kanada baðst afsökunar, ekki bara á hinni banvænu misbeitingu, heldur líka á áratuga þöggun bræðralagsins.  En hann baðst ekki afsökunar á yfirhylmingu kynferðisglæpa belgísku lögreglunnar eða dómskerfisins þar í landi, eða á ótímabærum dauða eldri íslenskra kvenna í þegjandi samþykki Embættis Landlæknis.  Hann hafði jú ekki lögsögu til þess.

Og gættu að Pétur Örn að Umboðsmaður Alþingis er jafnsekur í því máli, hann á sér samsvörun í hinu kanadísku bræðralagi sem reyndi í áratugi að þagga niður heiðarlega rannsókn á starfsemi meintra barnaheimila sem frumbyggjabörn voru send á.

Þetta snýst nefnilega ekkert um þjóðerni Pétur, heldur Bræðralagið.

Ég hef nefnt 2 dæmi um þetta bræðralag, frá Belgíu og Kanada, fyrir utan alvarleik þess sem Alma Möller ber beina ábyrgð á, þá má líka nefna dæmi um nýlega mynd í ríkissjónvarpinu þar sem fjallað var um þöggun bræðralags miðaldra karla á réttmætum ásökunum fyrrum kórdrengja í kirkjum Frakklands, fyrst sátu þeir upp með níðið um falskar ásakanir, svo þöggunina, Frakkar eiga jú sinn Umboðsmann, og loks ósigur bræðralagsins.  Sem og viðurkenningu kaþólsku kirkjunnar að hún væri kristin en ekki stofnun miðaldra karlmanna sem bera ábyrgð á, og þagga niður barnaníð, Frans páfi baðst afsökunar, fyrir hönd kaþólsku kirkjunnar, vegna fórnarlamba þessara barnaníðinga í hempu, um alla hina kaþólsku kirkju.

Enska biskupakirkjan baðst líka afsökunar, og í kjölfarið baðst yfirmaður hennar, biskupinn af Canterbury lausnar frá embætti, ekki vegna ósiðsamlegrar hegðunar hans, heldur vegna þess að hann tók þátt í þessari þöggun Bræðralagsins, miðaldra karla sem aldrei axla ábyrgð á gjörðum sínum.

Á Íslandi komast þeir upp með að hundsa sjúkdóma kvenna, jafnvel afneita þeim.  Og ef þeir eru sjúkir á sál og sinni, en út á við virðulegir í sínum hvíta læknaslopp, þá komast þeir upp með að leika guði, að taka lífsnauðsynleg lyf af kvenkyns sjúklingum sínum, og starfsbræður þeirra horfa í hina áttina.

Aðeins heimskur maður heldur að fjöldamorðin í Keflavík séu EKKI toppurinn á ísjaka, sem aðeins fór hátt, vegna þess að aðstandandi hafði samband við fjölmiðla, þegar honum var ljóst að Embætti Landlæknis gerði ekkert til að grípa inní fjöldamorðin, svo vitnað sé í Ölmu eftir að hún neyddist til að grípa inní, "að hafa valdið ótímabæru andláti", svo sem alveg það sama og Axlarbjörn gerði.

Nei Pétur, miðað við alvarleikinn, að Alma skuli fá æðsta vald, þá er ég mjög stuttorður.

Heila ritgerð mætti skrifa um hvert það sem ég ympra á.

Ölmu þarf að stöðva.

Aðeins þannig náum við til Bræðralagsins.

Þú áttir móðir Pétur sem fékk að deyja náttúrulegum dauða.

Ég á móðir þó gamall sé.

Allir sem málið varða eiga móður.

Samt verndum við þær ekki fyrir gangsterum í hvítum sloppum.

Hvað segir það um okkur??

Kveðja að austan.

[Heilbrigður starfsmaður (IP-tala skráð) 27.3.2025 kl. 01:19]

Hörku pistill.
Hefði kannski verið aðeins betra og skilað enn betri pistli ef bloggari vissi að heilbrigðiskerfinu er meira og minna stjórnað af konum.
Meira að segja krabbameinsdeildin er undir stjórn kvenna.
Gæti þó verið að það séu transkonur í bræðralaginu.
En sumsé, kerfið™ fylgist með, líka klíkubræðrum í bræðralaginu, og fylgist með sjúkdómsgreiningum ("hvernig veistu að þessi greining þín sé rétt"), og auðvitað lyfjagjöf.
En auðvitað hefur orðið bylting í þessum málum, nú má Gúggla allan fjandann, og þar með erum við komin með gríðarlega fjölmennan hóp fólks sem getur greint sjúkdóma, þó svo að læknar séu ófærir um það.
Það besta er að meðal Gúgglarinn þarf ekki að sitja fyrir svörum og verja sjúkdómsgreiningar og lyfjagjafir fyrir yfirmönnum.

Og öll höfum við yfirmenn, nema náttúrulega Gúgglararnir.
Næsta skref er auðvitað það að fá blogg-Gúgglara til að sjúkdómsgreina fólk, það er bæði ódýrara og útilokar mistök eða vangreiningar klíkubræðra.
Það fylgir líka í bónus að klíkubræður sleppa algerlega við álagið sem fylgir því að bera ábyrgð á heilsu fólks, og líka þeirri ábyrgð að vangreina það, og láta því í té meðferð sem gæti skaðað meira en læknað.

[Ómar Geirsson, 27.3.2025 kl. 08:48]

Góðan daginn ágæti Heilbrigði starfsmaður.

Smá hint til að byrja með, aulafyndni krefst hæfileika í tjáningu, annars virkar viðkomandi sem beitir henni bara eins og auli.  Önnur góð regla að ef maður gremst eitthvað í skrifum annarra, þá fjallar maður efnislega um það sem maður gremst, kemur jafnvel með rök á móti.

Sem þú gerir ekki fyrir kannski utan þá ágæta ábendingu að konur sem eru samsekar bræðralaginu, að þær séu þess vegna transkonur.  En eins og konur geta verið drengir góður, þá geta þær líka fengið inngöngu í bræðralagið, það er ef þær gangast undir vinnubrögð þess.

Það væri ágætt að læknar kynnu að gúgla, þá hefði til dæmis heimildarmyndin um Endú ekki verið framleitt, allavega ekki á þeim forsendum að fórnarlömb þessa sjúkdóms hefðu þurft að ganga svipugöng í heilbrigðiskerfinu vegna vangreiningar og fákunnáttu þeirra lækna sem þær leituðu til. Og Runólfur Pálsson hefði ekki þurft að biðja Me/síþreytu sjúklinga afsökunar á framkomu heilbrigðiskerfisins við þá í gegnum tíðina, þegar hann tók þátt í að opna Akureyrarklíníkuna.

Enda er þetta bara sjúkdómur sem þjáir aðeins um 2% mannkyns, það er fyrir kóvid, og þá í Bandaríkjunum aðeins rúmlega 30.000 læknar í samtökum CFS/ME sjúkdómsins.

Nei vanþekkingin er heilög kýr og hana skal virða.

Kerfisbundin vangreining á sjúkdómum kvenna er hins vegar stærsta kynbundið ofbeldi samtímans.  Það er ekki að ástæðulausu  að konur víða um hinn vestræna heim hafa stofnað samtök innan þarlendra hjartasamtaka, í Bandaríkjunum heita þessi samtök Go Red for Women og á heimasíðu þeirra má lesa til dæmis þetta um hið kynbundna ofbeldi:

"In the past, heart disease and heart attack have been predominantly associated with men. Historically, men have been the subjects of the research done to understand heart disease and stroke, which has been the basis for treatment guidelines and programs. This led to an oversimplified, distorted view of heart disease and risk, which has worked to the detriment of women. Because women have been largely ignored as a specific group, their awareness of their risk of this often-preventable disease has suffered.".

Ekki orð út í loftið, á heimasíðu Bresku hjartasamtakanna má lesa um niðurstöðu rannsóknar á þessu kynbundna ofbeldi innan heilbrigðiskerfisins undir fyrirsögninni; Women are 50% more likely than men to be given incorrect diagnosis following a heart attack. .

Konur innan heilbrigðiskerfisins, það er þær sem eru ekki meðlimir í bræðralaginu, gera sér grein fyrir þessum vanda, þær héldu fjölmenna ráðstefnu um þessa kerfisbundnu vangreiningu einhvern tímann á árunum fyrir 2020.  Með engum árangri eins og dæmin sanna.

Birtingarmynd þess er að Hjartadeild LÍ hafnar kransæðasjúkdómum kvenna, vangreina ekki heldur hafna.  Eru þar á steinöld að rífast við þekkingunna. Í skjóli bræðralagsins innan stjórnkerfisins sem vernda sína.

Hvernig miðar annars rannsókninni á fjöldamorðunum á Suðurnesjum?

Ó hvernig læt ég, þetta voru bara eldri veikar konur.

Nei, smánin er algjör og verst að fólk skuli vera samdauna henni.

Kveðja að austan.

[Heilbrigður starfsmaður (IP-tala skráð) 27.3.2025 kl. 10:24]

Aulafyndni hittir í mark þegar aulinn sem verður fyrir henni tekur henni illa.
Það gerist gjarnan þegar illa menntaðir menn tjá sig um málefni eins og þeir hafi vit á því, eftir Gúggl.
Þegar svoleiðis fólk er móðgað þá gerir það tilraun til að draga mann niður í forina til að berja á manni.
Og þangað vill ég ekki fara, þar sem þú myndir berja mig sundur og saman, þú hefur greinilega reynsluna.
Ég vildi bara í mesta bróðerni skila því til þín, að þú hefur ekki rassgatsvits á þessu, en Gúggl fyrirtækið er þér þakkátt fyrir klukkustundina sem þú nýttir til að læra allt.
Og það eina sem heilbrigðisstarfsmenn hafa til svara er að hrista hausinn svolítið, og tauta, "ó, enn einn svona"

[Ómar Geirsson, 27.3.2025 kl. 11:01]

Blessaður Heilbrgður starfsmaður.

Örugglega gerir hún það en þá þarftu að hafa vald á henni.

Þú gafst þér forsenduna um gúglið og hefur síðan rifist við sjálfan þig út frá henni.

Það kallast að rífast ó-efnislega, hápunkturinn er stoltið yfir að "þarna tók ég hann".

Þar sem ég er eldri en tvævetra á þessari síðu, þá þekki ég svona vinnubrögð, trúðu mér, þú fannst þau ekki upp.

Samt þakklátur fyrir bróðerni þitt og að þú skulir hafa gefið þér tíma til að tjá það.

Alltaf að meta það sem vel er gert.

Kveðja að austan.

[Ómar Geirsson, 27.3.2025 kl. 16:43]

Þess má bæta við minn kæri, heilbrigði, ekki vegna þess að ég skammast mín fyrir stafsetningarvillu mína hér að ofan, að baki bjó tímapressa, að frá upphafi þessa bloggs vorið 2009, þá hef ég í pistlum mínum fjallað um hitt og þetta, þar að margt sem ofurmenntaðir menn, í ICE-save deilunni, hagmenntaðir menn sem og tveir eða þrír lögfræðimenntaðir sem þóttust vita betur en kennarar þeirra, Stefán Már og Sigurður Líndal, og þeir mættu og færðu rök fyrir sínu máli.

Enda þjálfaðir í rökræðu, í þeirra fagi er það bein ávísun á mínús 4,5 ef menn búa sér til forsendu, og rífast svo við hana, telja sig jafnvel sigurvegara þess rifrildis.  Reyndar eitthvað sem vekur spurningu um vitsmuni þess sem gefur sér forsendu, og tapar svo þrasinu við sjálfan sig.  En ég held að það hafi ekki reynt á slíka vitsmuni í lögfræðinni eða hagfræðinni.

Seinna var tekinn slagurinn í Orkupakkaumræðunni, og þar margt sagt, sem og rifist um.  Einn merkilegasti lögfræðingurinn sem ég deildi þá við, Einar Hálfdánarson, hefur síðan seinna meir oft mætt inn á þessa síðu til að ræða pistla mína, gera við þá athugasemd, hvort sem hann er sammála eða sér hlutina öðrum augum.

Og þá hvarflaði að mér að þú værir bæði að ljúga til um ættir þínar sem og fyrri störf.

Er akademían í Læknadeildinni virkilega á svona lágu plani??, vissulega er vitað að númer klásus, eða var það bæjarfógetinn í Kardimommubæ??, að hann velur út páfagauka, en páfagaukar þurfa ekki að vera illa gefnir, ekki þannig séð.

Festir læknar sem ég hef hitt eru bara vel ágætlega gefið fólk.

En alveg eins og það er logið í athugasemdarkerfi DV, þá hvarflar núna að mér að ég sé fórnarlamb svipaðra sjónhverfinga, svona á pari við þá ágætu Nígeríubúa sem eru alltaf að segja mér á mjög slæmri íslensku að ég eigi pakka í póstinum, og geti sótt hann ef ég náðarsamlega gefi þeim upp númerið á öllum kreditkortareikningum mínum.

En þú segist vera heilbrigður, ég er nú bara aðeins gamall venjulegur maður, ættir því að vita hið sanna í málinu.

Er rökhyggjan sem kennd er í læknadeildinni á svona lágu plani??, eða hefur þú aldrei komið þar inn fyrir dyr??

Skrýtnar eru spurningar gamals manns, en það fylgir aldri og reynslu að taka ekki öllu miður augljósu sem gefnu, það minnir mig á eldgamlan sjónvarpsþátt sem ég gúglaði í árdaga (segðu svo að ég kunni ekki að gúgla), þar sem einhver svakalegur risi var aðeins gjammandi dvergur á baki seinþroska drengs sem var ofvaxinn.

En það hlýtur samt að vera eitthvað vit í læknadeild, þó blessunin hún Alma er eins og hún er, er það ekki annars??

Þekki það ekki en fékk kærkomið tilefni til að hætta því sem ég nennti ekki að gera, þannig að blessun lífsins leitar í óteljandi farvegi, flesta sem maður þekkir ekki, en kann að meta þegar þeir eiga leið hjá.

Til dæmis til að leiðrétta stafsetningarvillu.

Kveðja að austan.