Konur eða fyllibyttur??

 

Það er það eina sem mér dettur í hug þegar ég les þessa veruleikafirringu, þessa árás á raunveruleikann.

Þó það sé farið að halla á efri ár hjá Kveðjunni að austan, þá man hún samt eftir því að Samfylkingin í bandalagi við hinar ýmsu hækjur, hefur stjórnað borginni á annan áratug.

Ber beina ábyrgð á óreiðunni, hvort hún sé fjármálaóreiða, skipulagsóreiða, eða umferðaróreiða, almenn sóun fjármuna þar sem miklir fjármunir fara inní borgarkerfið en sorglega lítið kemur til baka.

 

Auðvita er það fyrsta sem maður dettur í hug eru fyllibyttur, hver kann ekki sagnabálkinn um Sumarliða sem er fullur, og getur allt, og kann allt.

En á Íslandi í dag dugar að viðkomandi árás á raunveruleikann sé framin af konum.

Ruglið og bullið í boði kvenna, sé eitthvað sem er hafið yfir dómgreind og almenna skynsemi.

 

Við sjáum þetta á nýliðnum landsfundi Sjálfstæðisflokksins þar sem holdgervingur barnaskapar og dómgreindarleysis, beinn talsmaður alls fávitaháttarins sem kenndur er við Vók eða pólitískan rétttrúnaðar, tapaði naumlega kosningum um formann flokksins.

Vegna þess að hún var kona, ung kona, þá skiptu staðreyndir engu máli.

Hjá flokki sem þurfti lífsnauðsynlega að gera upp við forheimsku Rétttrúnaðarins og marka sér tæra hægri stefnu gegn rugli og bulli.

Þá reyndi hann samt að kjósa sína feigð, því feigðin bauð fram unga konu.

 

Við sjáum Valkyrjustjórnina sem lofar öllu fögru, en ætlar sér ekki að gera neitt.

Nema þá að koma Íslandi á klafa skrifræðis ESB.

En vegna þess að það eru konur sem ljúga, þá er lygin tekin góð og gild.

 

Svo gera menn grín að fyllibyttum.

Kveðja að austan.

 

 

 

 

 

 

 

Svipta hulunni af 25 aðgerðum í borginni

Athugasemdir

[Guðmundur Örn Ragnarsson, 4.3.2025 kl. 19:54]

Eftir Syndfallið bannaði Guð KvenMönnum að stjórna. Aðeins KarlMenn máttu halda um stjórnartauma. Í dag hefur þetta boð Guðs verið margbrotið með fjölda kvenþingmanna sitjandi á bekkjum Alþingis Íslendinga. Og því fylgir að sjálfsögðu niðurbrot grunnstoða þjóðfélagsins.

Hver er uppruni þessa mikla böls sem yfir okkur er komið?

Um það má lesa hér: Þá myndaði Drottinn Guð Manninn af leiri jarðar og blés lífsanda í nasir hans, og þannig varð Maðurinn lifandi sál. Drottinn Guð plantaði aldingarð í Eden langt austur frá og setti þar Manninn, sem hann hafði myndað. (1. Mós. 2:7-8).

Drottinn Guð sagði: Eigi er það gott, að Maðurinn sé einsamall. Ég vil gjöra honum meðhjálp við hans hæfi. Þá myndaði Drottinn Guð af jörðinni öll dýr merkurinnar og alla fugla loftsins og lét þau koma fyrir Manninn. (1. Mós. 2:18-19).

En Maðurinn var ekki sáttur við dýrin sem meðhjálp. (1. Mós. 2:20).

Þar missteig Maðurinn sig. Þá bætti Guð örlitlum þætti við, sem ekki heyrði til hinni upprunalegu sköpun:

Þá lét Drottinn Guð fastan svefn falla á Manninn. Og er hann var sofnaður, tók hann eitt af rifjum hans og fyllti aftur með holdi. Og Drottinn Guð myndaði Konu af rifinu, er hann hafði tekið úr Manninum, og leiddi hana til Mannsins. Þá sagði Maðurinn: Þetta er loks bein af mínum beinum og hold af mínu holdi. Hún skal KvenMaður kallast, af því að hún er af KarlManni tekin. (1. Mós. 2:21-23).

Við vitum hvernig fór, Syndafall fylgdi í kjölfarið: KarlMaðurinn lét ekki tælast, heldur lét KvenMaðurinn tælast og gjörðist brotlegur. (1. Tím. 2:12-14).

Nokkuð gott Feðraveldi komst samt á og hélst blessunarlega vel allar aldir fram á 19. öld, en þá fór að bera á uppreisn kvenna á tilskipun Guðs um Feðraveldið. Þegar kom fram á 20. öldina á Íslandi, eða þann 19. júní árið 1915 samþykkti þáverandi Danakonungur, Kristján X, nýja stjórnarskrá fyrir Ísland. Með hinni nýju stjórnarskrá fengu illu heilli, konur á Íslandi, 40 ára og eldri, kosningarétt og kjörgengi til Alþingis. Ingibjörg H. Bjarnason var fyrsta íslenska konan til að taka sæti á Alþingi. Hún sat á Alþingi 1922–1930. En heimur versnandi fer, því nú sitja á Alþingi 29 KvenMenn af 63 þingmönnum og þeir sitja í helstu ráðherraembættum.

[Ómar Geirsson, 5.3.2025 kl. 07:57]

Já þú segir það Guðmundur Örn.

Það má alveg deila um nytsemi feðraveldisins og ég hef þá bjargfasta skoðun að flestir eiginmenn lifðu ekki daginn ef þeir hefðu ekki eiginkonur til að stýra þeim.

Breytir því samt ekki að það er sorglegt að horfa uppá þessa meðvirkni fjölmiðlafólks gagnvart ruglandanum, bara vegna þess að hann er í kvennaboði.

Fyrst og fremst gerir þetta mjög lítið úr helming mannkyns.

Kveðja að austan