Línur skýrast í íslenskum stjórnmálum.

 

Flokkarnir sem vilja opin landamæri, sem vilja flytja inn fátækt eins og formaður Fjölskylduhjálparinnar orðar í annarri frétt, eða svo það sé sagt hreint úr; Óöldina í Svíþjóð, mættu allir sem einn á samstöðufund með Hamas samtökunum í Tjarnabíó í gær.

Þrír flokkar, Sjálfstæðisflokkurinn, Miðflokkurinn og Frjálslyndi flokkurinn mættu ekki á þennan samstöðufund, og þar með er ljóst að vatnaskil eru orðin í íslenskum stjórnmálum.

 

Það eru sem sagt til flokkar á Íslandi sem láta ekki hina stýrðu umræðu Góða fólksins kúga sig til að styðja það sem er ekki hægt að styðja, það er voðaverk Hamas og systursamtaka þeirra; Ríki Íslams, að meðalið þjóni ekki alltaf tilganginum.

Þessi afstaða hlýtur að móta samstarfið á þingi, því hvernig getur siðað fólk, fólk sem þrátt fyrir allt þekkir muninn á réttu og röngu, starfað í ríkisstjórn með fólki sem ekki bara styður ólýsandi ómennsku, heldur þykir hún allt í lagi???

Þessi lína er þá allavega komin á hreint.

 

Það er óþarfi að eyða orðum á flokkana sem eru að detta út á þingi; Framsókn, Pírata og VG, síðan er stuðningur við mannlegan viðbjóð geirnegldur inní nafn Sósíalistaflokksins, miðað við stefnuskrá flokksins má ætla að nú þegar hafi flokkurinn sent fólk til Moskvu til að fara á safn og læra þar allt um hreinsanir Stalíns, hvernig á að svelta fólk til dauðs eða murka úr því lífið í fangabúðum.  Einnig má reikna með að þeir sem hafi átt að læra slík þarfaverk sósíalista hafi síðan haldið til Asíu, fyrst til að kynna sér sósíalísk verk Pol Pots um hvernig á að þurrka út borgarastéttina og loks endað í Peking til kynna sér til dæmis Stóra stökk Maós sem kostaði tugmilljóna bænda lífið.

Flokkur eins og Sósíalistaflokkurinn getur nefnilega mikið lært af skilvirkni Hamas og Ríki Íslams.

Samfylkingin og Viðreisn eiga sér hins vegar enga afsökun með því ganga erinda Hamas á Íslandi.

 

Sigmar Viðreisnarmaður talar um þjóðarmorð á Gasa og það er rétt. 

Tilgangur Hamas með voðaverkum sínum var að fremja þjóðarmorð á íbúum Gasa. 

Þess vegna myrt þeir börn og ungmenni á sem viðbjóðslegan hátt, nauðguðu sum fórnarlömb sín áður en þeir drápu þau, önnur voru limlest, skorin lifandi í tætlur, líka ung börn. Og til að samtökin yrðu örugg með fyrirhugað þjóðarmorð sitt, þá tóku þau fjölda gísla svo öruggt yrði að Ísraelsher kæmi á eftir þeim.

Og öruggir í fylgsnum sínum skutu þeir þúsunda eldflauga á Ísrael, frá íbúðablokkum, úr kraðaki flóttamannabúða, allt gert til að tryggja sem mest mannfall samlanda sinna.

 

Allt skynsamt fólk sér samhengi hlutanna, hver í raun ber ábyrgð á þjóðarmorðinu á Gasa.

Og þetta er svo augljóst að jafnvel fávíst fólk gerir það líka.

Aðeins siðblindinginn, sá sem sér ekkert rangt við útrýmingarbúðir nasista eða Gúlag Stalíns, sér heldur ekkert athugavert við þessi voðaverk Hamas og tilgang þeirra.

 

En það þarf ekki samhengi hlutana, það nægir að vitna í orð leiðtoga Hamas, bæði fyrir og eftir voðaverka þeirra.

Þau varpa ljósi á einbeittan vilja til þjóðarmorðs á íbúum Gasa.

 

Í frétt Mbl.is frá 12. júní má lesa þessi orð; "Skila­boð sem Ya­hya Sinw­ar, leiðtogi Ham­as-sam­tak­anna, hef­ur sent sýna að Sinw­ar trúi að frek­ari blóðsút­hell­ing­ar palestínskra íbúa geti aðeins hjálpað sam­tök­un­um í stríði þeirra við Ísra­el.".

I grein sem Magnús Magnússon rekstrarhagfræðingur og friðarsinni skrifaði í Morgunblaðið þann 26. júlí og fjallar um heljartök Hamas á íbúum Gasa, bendir Magnús á viðtal sem tekið var við þennan Yahya Sinwar, þá lifandi leiðtoga Hamas, "Yahya Sinwar sagði í viðtali við sjónvarpsstöð í Sádi-Arabíu fyrir ekki svo löngu að hann væri tilbúinn að fórna meira en 100.000 Palestínumönnum í hinu "heilaga stríði" gegn Ísrael.".

 

Þetta finnst meðreiðasveinum Hamas á Íslandi góð latína, að sjálfsagt sé að fremja þjóðarmorð á sinni eigin þjóð, og það eigi að halda áfram að egna Ísraelsmenn þar til 100 þúsund samlanda þeirra séu fallnir.

En íbúarnir á Gasa, fórnarlömbin sjálf, eru ekki sammála hinum íslensku meðreiðarsveinum.

Magnús vitnar í BBC og ég ætla að gefa honum orðið;

"Hinn 4. júlí síðastliðinn birti BBC afar athyglisverða frétt, bæði á netinu og í útvarpi BBC. Fréttin er skrifuð af tveimur fréttamönnum BBC í Mið-Austurlöndum og á Gasa. Í fréttinni er fjallað um hina auknu andstöðu almennings á Gasa-svæðinu í garð Hamas-hryðjuverkasamtakanna. Fyrirsögn fréttarinnar er "Hamas stendur frammi fyrir aukinni andúð (í sinn garð) á sama tíma og fjarar undan stuðningi (fólksins á Gasa) við stríð Hamas á Gasa". ...

Gagnrýnin hefur meðal annars snúið að því að Hamas-liðar hafa verið að skjóta flugskeytum á Ísrael frá svæðum þar sem almennir borgarar búa og að Hamas hefur verið að fela gíslana sem þeir tóku 7. október í fyrra meðal almennra borgara. Ef Hamas er mótmælt er fólk tekið og því misþyrmt eða drepið. ....

Í frétt BBC kemur einnig fram að öllum fréttaflutningi af Hamas og gjörðum þeirra er vandlega stjórnað af vel skipulögðu neti sem stýrir öllum fréttum af Hamas. Þess er vel gætt að engar „vondar“ fréttir berist af Hamas og voðaverkum þeirra. Ef einhver Gasa-búi reynir að koma gagnrýni á Hamas á framfæri er viðkomandi annaðhvort barinn til óbóta eða drepinn af böðlum Hamas eins og fram kemur í frétt BBC frá 9. júlí síðastliðnum.".

Þessar fréttir um þjáningar íbúa Gasa eða þá kúgun sem þeir sæta eru ekki birtar í íslenskum fjölmiðlum, hvorki hjá Rúv eða Morgunblaðinu. Morgunblaðið eyðir hins vegar miklu bleki í að endurróma áróður Hamas samtakanna, blaðið er í raun stuðningsblað samtakanna.

 

Á laugardaginn ætla margir samlandar okkar að kjósa þau Þórunni Sveinbjörnsdóttir og Sigmar Guðmundsson en þau voru fulltrúar Samfylkingar og Viðreisnar á þessum fundi.

Þessum samlöndum okkar finnst sem sagt voðaverk vera í góðu lagi

En skyldi þeim finnast það ef þau beindust að þeim og þeirra nánustu??

 

Myndi amman sem ætlar að kjósa Samfylkinguna eða Viðreisn vera sátt við að ef barnabörn hennar hefðu verið á friðartónleikum og hermdarverkamenn í nafni einhvers málstaðar myndu drepa barnabörn hennar á þann hátt sem Hamas gerði við ungmennin sem voru á friðartónleikum í eyðimörkinni við landamærin að Gasa.

Friðartónleika sem voru einmitt haldnir til að mótmæla öfgum og árásargirni ríkisstjórnar Ísraels.

Er amman virkilega sátt við þetta sem má lesa um í frétt BBC frá 5. desember 2023.

"Several people involved in collecting and identifying the bodies of those killed in the attack told us they had seen multiple signs of sexual assault, including broken pelvises, bruises, cuts and tears, and that the victims ranged from children and teenagers to pensioners.

Video testimony of an eyewitness at the Nova music festival, shown to journalists by Israeli police, detailed the gang rape, mutilation and execution of one victim.

Videos of naked and bloodied women filmed by Hamas on the day of the attack, and photographs of bodies taken at the sites afterwards, suggest that women were sexually targeted by their attackers.

Few victims are thought to have survived to tell their own stories.

Their last moments are being pieced together from survivors, body-collectors, morgue staff and footage from the attack sites.".

Þetta er aðeins upphafið á lýsingu á ólýsanlegum voðaverkum Hamas á ungu fólki, sem öll voru barnabörn einhvers.  Og íslenska amman telur það í góðu lagi að kjósa fólk sem styður og réttlætir þennan viðbjóð.

Frétt BBC má lesa í þessum link.

Israel Gaza: Hamas raped and mutilated women on 7 October, BBC hears

 

Það fylgir nefnilega ábyrgð atkvæðum.  Ef þú kýst þá sem réttlæta óréttlætanleg voðaverk, þá ertu samsekur, og ef þér finnst í lagi að einhver geri öðrum þetta, þá hlýtur þú um leið að skilja að einhver annar gæti talið það réttlætanlegt að gera þér og þínum þetta.

Foreldrið sem kýs fólk sem réttlætir voðaverk Hamas, og styður þjóðarmorð samtakanna á Gasa, er um leið að leggja blessun sína á voðverkin sem beindust að börnum landnemanna sem voru drepnir í árás Hamas.

Morgunblaðið hefur að sjálfsögðu ekki fjallað um þau, það er engin frétt í blaðinu eða á Mbl.is sem hægt er að vísa í, en það eru sem betur fer ekki allir fjölmiðlar á Íslandi sem ganga taktinn með Hamas.

 

24. október 2023 birti Vísir.is frétt þar sem mátti lesa um voðaverk Hamas sem beindust að börnum.  Sláandi er myndin sem fylgdi fréttinni, hún er af blóðugu barnarúmi þar sem nokkuð ljóst er að viðkomandi barn sem var drepið í rúmi sínu, var höggvið í tætlur með sveðju.

Þar má líka lesa þessa frásögn um voðaatburð sem Hamasliðar tóku upp á búkmyndavélar sínar; "..annað mynskeið sýndi faðir og tvo syni hans hlaupa í nærfötunum, að því er virðist í átt að sprengjuskýli. Hamas-liði kastar handsprengju að þeim og drepur föðurinn. Strákarnir sjást hlaupa áfram, blóðugir. "Pabbi er dáinn, þetta var ekki hrekkur," hrópar annar. "Ég veit, ég sá það," svarar hinn. "Af hverju er ég lifandi?“ öskrar hann síðar.".

Það þarf ekki að taka það fram að þetta voru síðustu orð þessara ungu drengja en eftir stendur spurningin, er þetta það sem íslenskir feður vilja drengjum sínum??

 

Eða móðirin sem ætlar að kjósa Samfylkinguna eða Viðreisn, hvað segir hún um þessa frásögn??; "Á öðru myndskeiði sem sýnt var blaðamönnunum sjást árásarmennirnir fara inn á heimili og ræða við stúlku sem felur sig undir borði. "Eftir orðaskipti skjóta þeir hana og drepa," tísti blaðamaðurinn Jotam Confino að lokinni kynningunni. Stúlkan hafi virst vera á aldrinum sjö til níu ára.".

Finnst henni sjálfsagt að börnum sé gert þetta til þess eins að egna til þjóðarmorðs á eigin fólki??

Eða svo ég haldi áfram að vitna í Vísi; "Meðal þess sem bar fyrir augu voru morð á börnum og afhöfðun sumra fórnarlambanna.  ...Á myndum mátti sjá afhöfðuð lík og brunnin lík barna.".

 

Eiginlega á íslensk tunga ekki til orð sem ná að lýsa því fólki sem réttlætir þessi voðaverk og gengur erinda leiðtoga Hamas, leiðtoga Hamas sem víla sér ekki að fórna lífi og limum tugþúsunda samlanda sinna til að ná því markmiði sínu að útrýma 9 milljóna manna þjóð.

Ég hef talað um mannlegan viðbjóð en það er eiginlega móðgun við mannlegan viðbjóð.

Þetta fólk hefur ekki trúarofstækið sér til afsökunar líkt og leiðtogar Hamas.

 

Kannski er það svo heimskt að það fattar ekki hverjum það þjónar eða svo siðblint að það telur þjóðarmorð Hamas á Gasa góða leið til útrýma heilli þjóð, sé því sammála þessum orðum Ayatollah Ali Khamenei æðstiklerk­s Írans  þegar hann seg­ir "að hryðju­verk Ham­as-sam­tak­anna í Ísra­el fyr­ir tæp­lega ári hafi verið rök­rétt og lög­mæt aðgerð og að Palestínu­menn hafi haft rétt fyr­ir sér." Og að "íslamsk­ar víga­sveit­ir í Mið-Aust­ur­lönd­um muni sigra".

Ég veit það ekki, það er bara ekkert mennskt í þessu.

 

Í sögu þjóðar okkar eru dæmi um fólk sem studdi og réttlætti voðaverk nasista og tók í hljóði örugglega undir þau orð Göbbels að Bandamenn fremdu þjóðarmorð með árásum sínum á Þýskaland.

Það er líka til fólk sem studdi og réttlæti voðaverk Stalíns, voðaverk Maós og svo síðast voðaverk Pol Pots sem er síðasti kommúníski fjöldamorðinginn, sumt af því fólki er í samtökunum Ísland-Palestína og bregst ekki innræti sínu og styður og réttlætir voðaverk Hamas.

 

Þetta fólk hefur samt alltaf verið örminnihluti þjóðarinnar, þar til í dag.

Núna ætlar meirihluti þjóðarinnar að kjósa svona fólk.

Fólk sem í þágu málstaðar styður og réttlætir það sem ekki er hægt að réttlæta.

Sama hver málstaðurinn er.

 

Það segir mikið um íslensku þjóðina.

Eiginlega meira en nokkur orð fá lýst.

 

Sem betur fer er til fólk sem hafnar þessari meðvirkni.

Hafnar þessum stuðningi

Lætur ekki misnota sig í þágu morðingja og voðamenna.

 

Það ber að þakka.

Kveðja að austan.

 

Er afstaða til Gasa afgerandi fyrir stjórnarmyndun?