Stigmögnun átaka í boði Sameinuðu þjóðanna.

 

Það þarf ekki mikið innsýni til að fatta að Ísraelar munu svara drónaárásum Hisbollah-samtakanna með því að herða á sprengjuregni sínu á borgir og bæi Líbanon.

Því fleiri velheppnaðar drónaárásir, því fleiri borgir og bæir verða teppalagðir, og þá litlu skeytt um líf og örlög óbreyttra borgara sem hafa ekkert annað sér til saka unnið en að búa í landi þar sem stjórnvöld eru ófær um að stöðva árásir vígasveita yfir landamærin á Ísrael.

Eftir verður rjúkandi rústin, óbyggilegt land líkt og Gasaströndin er í dag.

 

Það er auðvelt að benda á miðaldaskrílinn við Persaflóann, þar sem Íran fer fremst, og segja að þessi ófriður er í hans boði, Hamas og Hisbollah séu aðeins verkfæri til að auka völd og áhrif viðkomandi ríkja í Mið-Austurlöndum.

Skítt með líf og limi almennings á átakasvæðunum.

Þetta eru jú píslavottar.

 

En Persaflóaríkin, þó auðug séu, eru vanþróuð, kannski að Íran undanskildu, þjökuð af trúarofstæki, kynkúgun, og þeirri karllægu menningu að telja sig æðri, bæði hinu kyninu sem og öðrum þjóðum sem deila ekki sömu siðum og menningu.

Vissulega geta þau kynnt undir ófrið, en sá ófriður verður aðeins að ófriðarbáli ef þessi hegðun er liðin, að það sé talið í lagi að vígahópar ráðist á sjálfstætt ríki með þeim eina tilgangi að útrýma því.

Og þar liggur sökin hjá hinu svokallaða alþjóðasamfélagi sem Sameinuðu þjóðirnar fara fyrir.

 

Það væri enginn ófriður á Gasa í dag, tugþúsundir saklausra hefðu ekki látið lífið, að ekki sé minnst á alla þá særðu, á eyðilegginguna, rústirnar, ef Sameinuðu þjóðirnar hefðu strax stigið niður fæti, fordæmt voðaverk Hamas, og krafist þess að samtökin slepptu gíslum sínum og leggðu niður vopn, tæku svo ábyrgð á voðaverkum sínum.

Það væri enginn ófriður í Líbanon í dag, borgir og bæir væru heilir, ef hið svo kallaða friðargæslulið Sameinuðu þjóðanna hefði stöðvað eldflaugaárásir Hisbollah á Ísrael.  Í stað þess að horfa á og klappa.

Ekkert ríki sem mannar friðargæsluliðið, ekkert ríki sem á fulltrúa í Öryggisráði Sameinuðu þjóðanna, ekkert ríki sem á aðild að Sameinuðu þjóðunum, myndi líða slíkar flugskeytaárásir á eigin borgir og bæi.

Af hverju ætti þá Ísrael að gera það??

 

Litla fingri hefur ekki verið lyft til að stöðva Hamas eða Hisbollah eða gera stjórnvöldum í Teheran það ljóst að það yrði ekki liðið að þau kynntu undir ófriðarbál fyrir botni Miðjarðarhafs.

Þeim mun fleirum hefur verið lyft til að stöðva varnarárásir Ísraela.

Núna síðast gengur Alþjóða glæpadómstóllinn erinda miðaldaskrílsins við Persaflóa. Tekur augljósa afstöðu með því að gera rangt að réttu.

 

Örvitar og stjórnmálalegir dvergar í Evrópu ganga í takt með Íran við að kynda ófriðarbálið.

Örvitinn reyndar fattar það ekki en hvernig dettur dvergunum það í hug að þjóð sem þeir eru að hjálpa Íslamistum við að útrýma, að hún hætti varnarstríði sínu, þegar ósigur þýðir aðeins útrýming, þó leppar Persaflóaauðsins gefi út handtökuskipun á leiðtoga hennar??

Slíkt eykur aðeins völd og áhrif þeirra sem vilja ganga lengst í að sprengja allt í loft upp.

Og á meðan deyja saklausir sem þurfa ekki að deyja.

 

Hlálegast er að Evrópa, sem getur ekki einu sinni staðið í Rússum án mikillar hjálpar frá Bandaríkjunum, telur sig geta farið gegn stjórnvöldum í Washington með stuðningi sínum við Hamas, Hisbollah og móðurríkið Íran.

Eitthvað sem er jafnvel of heimskt fyrir örvita.

Það verður gaman að sjá örvitana og póltísku dvergana að fara næst í bónarferð til Washington, biðja um meiri stuðning til að standast Rússa.

En fyrst og síðast, hve heimsk getur ein manneskja orðið??, svona almennt séð.

 

Raunveruleikinn, átökin fyrir botni Miðjarðarhafs og viðleitni Pútíns til að endurreisa völd og áhrif Rússlands í Mið Asíu og Austur Evrópu, hefur sópað froðu rétttrúnaðarins af borði stjórnmálanna.

Evrópa á um tvennt að velja, læra að standa á eigin fótum, og það gerir hún ekki undir forystu dverga og örvita, eða halda áfram að lúta leiðsögn Bandaríkjanna.

Raunveruleikinn býður ekki uppá þriðja valkostinn, áframahaldandi afneitun á honum.

Verkfæri raunveruleikans heitir Donald Trump og hann tekur við völdum í janúar á næsta ári.

 

Trump mun ekki líða misnotkun Sameinuðu þjóðanna í þágu Íslamista.

Og hann mun ekki þola örvita og pólitíska dverga, hjálpa þannig raunveruleikanum að hreinsa út í Evrópu.

 

Spurning hvað verður þá um Ísland.

Raunveruleikinn hefur ekki alveg náð að kveikja á okkur.

Froða og bull rétttrúnaðarins mun sigra í næstu kosningum.

Í heimi sem er að vígbúast því raunveruleikinn skerpir átakalínur.

 

Tíminn einn veit svarið við þeirri spurningu.

Það er hve langan tíma það tekur raunveruleikann að slökkva á bullinu.

Hvenær við lokum landamærunum og hættum að ganga erinda morðingja Íslamista.

 

Eina sem er öruggt er að það mun gerast.

Kveðja að austan.

Skutu 250 eldflaugum á Ísrael

Athugasemdir

[Guðmundur Jónsson, 25.11.2024 kl. 12:22]

Þetta er að mörgu leiti ágæt hjá þér Ómar. Stærsta villan þessu er sú að þú heldur glóbalistagengið eða USA geti gert eitthvað meira en þeir hafa verið að gera til að hemja arabana í miðausturlöndum. Eftir farmgöngu Bibi og Likud flokksins síðustu ár er raunveruleikin sá að það blasir ekkert við Ísraelsríki annað en útrýming.  Trump getur engu breytt þar um, það er við hernaðarlegt og viðskiptalegt ofurefli að etja. 

[Ómar Geirsson, 25.11.2024 kl. 13:50]

Blessaður Guðmundur.

Þetta er ekki að mörgu leiti ágætt hjá mér, þetta er ágætt. Tekur á mannamáli á öllu því sem skýrir stigmögnun átakanna, ábyrgðaraðilana og hvaða pólar takast á í heiminum í dag.

Það verður uppgjör við Íslamista í nánustu framtíð, hvort sem menn afneita því eður ei, og það uppgjör mun skekja Norður Evrópu í hatrömmum innanlandsófrið.

Þú hefur rangt fyrir þér með Bandaríkin, þó Biden sé maður glóbalistana, þá þegar á reyndi, gengu hagsmunir hersins fram yfir hagsmuni þeirra auðmanna sem markvisst hafa veikt Vesturlönd, og þar með talin Bandaríkin, og Biden stjórnin hefur bæði stutt Ísrael í varnarstríði sínu, sem og staðið gegn hinum keyptu hjá Alþjóðaglæpadómstólnum.

Valdataka Trump var síðan á forsendum þjóðríkisins, gegn vilja og fjármögnun auðsins, þannig að ég skil ekki tengingu þína við glóbalið varðandi stjórn mála vestra næstu 4 árin.

Það er síðan ranghugmynd, sem ég vissulega var haldinn á einhverjum tímapunkti að valdataka Likud eftir morðið á Rabin, sé skýring ófriðarins í dag.  Mér varð það ljóst þegar ég sá hrópið og blístrið, jafnt á Gasa sem í borgum Vestur Evrópu, eftir voðaverk Hamas, voðaverk sem enginn siðaður maður getur réttlætt.

Voðaverk sem hingað til hafa tengst Ríki Íslams.

Þá áttaði ég mig loksins á því að vandinn liggur ekkert hjá öfgaöflum í Ísrael, eins lítt geðfeld og þau eru, eða í sjálfu ríki gyðinga, heldur í hugmyndaheim fólks sem réttlætir svona voðaverk, finnst þau í raun sjálfsögð þegar meintir trúleysingjar eru fórnarlömb þeirra.

Þetta fólk ætlar sér að útrýma ríki gyðinga, telur sig hafa rétt til þess, og þar skiptir engu hvort haukar eða friðardúfur stjórni Ísrael.

Síðan er ekkert við eitthvað hernaðarlegt eða viðskiptalegt ofurefli að etja, aðeins algjöra yfirburði hvað mannafla snertir. Arabaríkin eru vanþróuð, og allur nútíminn í til dæmis í olíuríkjunum við Persaflóa, er aðkeyptur, það er varla að heimamenn kunni að skipta um ljósaperur.

Ísraelsmenn búa hins vegar yfir tækni til að verja sig, og það á miklu drastískari hátt en þeir hafa þegar sýnt. Verði ógnin þeim ofviða, þá brenna Mið Austurlönd, og ekkert eftir til að ráða yfir.

Ég treysti hins vegar Trump til að stöðva þá þróun í tíma.

Kveðja að austan.