Pútin hótar kjarnorkustyrjöld.

 

Spurningin er hvort Vesturlönd lúffi??

 

Fyrir rúmum 80 árum síðan stóðu vestræn ríki sundruð gagnvart svipaðri hótun, Hitler hótaði stríði, og hann var keyptur til friðs.

Nema Hitler hætti ekki

Hann vildi bara meira og meira og allir vita hvernig sú saga endaði.

 

Pútín leikur sama leikinn, og alveg eins og fyrir 80 árum síðan eru til auðtrúa fífl sem vilja lúffa fyrir hótunum hans.

Það megi ekki stigmagna átökin, slík stigmögnun leiði til kjarnorkustyrjaldar.

Sönnun; Pútín heimilar beitingu kjarnavopna gegn kjarnorkuvopnalausa þjóðum.

Forheimskan sú að það sé eins og Hitler og Pútín þurfi einhverja löglega heimild til að beita vopnum, eða ráðast á smærri nágranna sína.

 

Sú viðleitni Pútíns að endurreisa áhrifasvæði gömlu Sovétríkjanna er vissulega bein ógn við líf okkar og tilveru, við framtíð heimsins, því kjarnorkuvopn eira engu.

Svarið er samt ekki að lúffa, það er aðeins ávísun á eitt; beitingu kjarnavopna.

Því sá sem hótar, hann framkvæmir hótun sína að lokum.

 

Mjög heimskt fólk  heldur að það ógni heimsfriðnum að leyfa fólkinu sem ráðist er á, að beita vopnum gegn þeim sem réðst á það.

Því þá hóti Pútín kjarnavopnum.

 

Hliðarsaga er að eins sorglegt og það er, þá hefur þetta mjög heimska fólk yfirtekið varnar þjóðar okkar gegn ásælni ESB, þannig að þau samtök sem við áttum gegn þeim öflum sem vilja selja þjóð okkar til Brussel, eru hlægilegur brandari í dag.

Pútínistar eða eitthvað þaðan verra, eftir stendur þjóð þar sem engin samtök verja sjálfstæði hennar.

 

Gott og vel, kannski skiptir slíkt engu máli í heimi sem á aðeins fáa mánuði eða frekar fá ár eftir ólifað, því siðmenning okkar lifir ekki af kjarnorkustyrjöld Pútíns.

Sá heimski, og þá er ég virkilega að tala um heimskt fólk, reyndar áður óþekkta heimsku, segir; lúffum fyrir Pútín, hann hafði eitthvað til síns máls.

Svona alveg eins og Hitler hafði þegar hann vísaði í Versalasamningana sem voru ávísun á nýja styrjöld í Evrópu.

 

Svar hinna heimskustu, að lúffa, er samt ekki svarið.

Og þar bind ég vonir um Trump, að hann sé laus við alla forheimsku Rétttrúnaðarins, og þar með þann skugga sem gerði annars ágætt fólk, ekki mjög gáfað.

 

Eina svarið er að rússneskur almenningur, rússneskir hermenn, rússneskir auðjöfrar, fái að vita að ef þeir ganga í takt með Pútín.

Þá þýði það endalok Rússlands, Rússland verði þurrkað út.

Líf þess og tilvera.

 

Því Trump býr að vörnum gegn kjarnorkuflaugum sem Pútín býr ekki yfir.

 

Dramatískt??, Pútín, leppar hans líkt og má lesa í viðtengdri frétt, hóta endalokum heimsins.

Í þeirri trú að heimskur, að heimskari, og jafnvel sá heimskasti, lúffi, og hætti að styðja þá þjóð sem draumur Pútíns um endurheimt ríkis Stalíns verði að veruleik, þjóð sem var fyrsta skref Pútíns í þeirri endurheimt.

 

Trump er ekki heimskur.

Þar misreiknar Pútín sig.

 

Trump mun standa ístaðið.

Hann ætlar jú að verða forseti í þriðja skiptið.

 

Yfir lífi en ekki dauða.

Kveðja að austan.

Næsti fasi stríðsins hafinn

Athugasemdir

[Ómar Geirsson, 19.11.2024 kl. 17:13]

Og eins sorglegt og það er þá er Selenski með kjarna málsins.

Kjarna sem sker úr um hvort börnin okkar lifi af.

Vitna í þann kjarna; "Þessi bar­dagi snýst um alla Úkraínu, bar­dag­inn snýst um alla Evr­ópu, um lög og reglu eða ringul­reið fyr­ir all­an heim­inn".

Þarna er ekkert val.

Kveðja að austan.

[Ásgrímur Hartmannsson, 19.11.2024 kl. 17:38]

Glóbalistarnir eru með alla anga úti til þess að magna upp stríð.  Þeir sjá að þeir hafa bara 2 mæánuði til þess.

Æsispennandi dagar framundan.

[Ingólfur Sigurðsson, 19.11.2024 kl. 19:21]

"Sá vægir sem vitið hefur meira" var mér kennt af ömmu og afa. Það heyrði maður oft sem krakki í slagsmálum eða þegar aðrir slógust.

Eina vitið eru friðarsamningar. 

Þú ert fullharður gegn Pútín.

Sumt af þessu sem þú fullyrðir um hann finnst mér ekki svo víst.

Í fyrsta lagi er það þessi fullyrðing um að hann haldi áfram, sem maður les svo víða og heyrir svo víða.

Hann hefur að minnsta kosti haldið áfram að herja á Úkraínu en ekki önnur lönd í bili.

Hann hefur ekki hörfað eins og hræddur rakki frá Úkraínu. Tjetsjeníusagan er líka á þá leið, hann nær þeirri bráð sem hann ætlar sér.

Þetta er það sem við vitum um Pútín. Hann ætlar sér að sigra og hefur nóg af vopnum.

Allar fullyrðingar um að hann ætli sér heimsyfirráð eins og Hitler eru vafasamar.

Ef menn skoða það sem Pútín hefur sagt þá er það að endurreisa Sovétríkin, ekki að ná heimsyfirráðum.

Það er að vísu þannig með Finnland eða Svíþjóð, og aðrar Natóþjóðir, að Pútín hefur sagt að EF HONUM er ógnað muni hann svara, jafnvel með kjarnorkuvopnum. Það gerir engin þjóð með viti að beita kjarnorkuvopnum þegar til eru vægari vopn, jafnvel efnavopn og sýklavopn. Þau eru til af mörgum tegundum. Kjarnorkan berst um alla jörðina og drepur, jafnvel eftir litlar sprengjur, og situr í landinu mannsöldrum saman og gerir það óbyggilegt! Þess vegna hef ég verið á þeirri skoðun lengi að það eigi að banna kjarnorku miklu frekar en efnavopn og sýklavopn. Ég kynntist nokkrum herstöðvarandstæðingum fyrir nokkrum árum og var alveg sammála þeim, en lítið heyrist í þeim eftir að VG skrapp saman í mýflugumynd eftir þetta ofurfemíníska samstarf þeirra.

Það er ekkert sniðugt að vera með hræðsluáróður um Pútín.

Svo ég vitni bara í annan bloggara sem ég held að margir meti mikils. Hann sagði að Bandaríkjamenn hefðu fyrstir beitt kjarnorku og það er rétt. Glæpurinn gegn Japönum var glæpur gegn mannkyni. 

Hingað til eru ekki vitað til þess að Rússar hafi notað "óhreinar" sprengjur (með geislavirkum úrgangi) en það er vitað til þess að Úkraínumenn hafi gert það. 

Fólk sem hefur hlustað á Útvarp Sögu hefur heyrt Hauk Hauksson og fleiri fjalla um þetta. Jafnvel er talið að Úkraínumenn hafi beitt efnavopnum eða sýklavopnum á Rússa. Fréttir bárust um lík Rússa sem voru "skaðbrennd", ekki hægt að þekkja þau, andlitin sviðin og holdið morkið. Þetta eru djöflar í mannsmynd þessir demókratar á bak við Úkraínustjórn.

Hvað segir það okkur um Pútín að hann hefur ekki fyllzt af örvæntingu og notað gereyðingarvopn eins og kjarnorkuvopn hingað til?

Jú, hann hefur ekki misst skynsemina enn. Hann hefur úr svo mörgu að velja í sínu vopnabúri og svo margar þjóðir sem kannski fara inní þetta með honum, eins og Kínverjar, sem vilja nú í skugga WW3 yfirtaka Taiwan býst ég við.

Vesturlönd eru löngu, löngu fallin, dauð og ónýt. Þau féllu fyrir femínisma og glóbalisma. Það eru örfáir einstaklingar, ofurríkir sem stjórna Vesturlöndum. Það eru verstu glæpamennirnir.

Ólígarkarnir í Rússlandi eru að reyna að leika þann leik. Kannski einhverjir með lappirnar í Elítuklúbbnum.

Það þarf að róa þetta niður.

Landsvæði sem tapast í svona styrjöld til Rússa þarf ekki að vera að eilífu glatað. Reynið að hætta að láta óttann stjórna ykkur. Það eru miklu fleiri ógnir að Vesturlöndum en Rússar!

Auk þess, hvað ef Trump getur samið um að Rússar fái aðgang að vestrænu samstarfi og mörkuðum í þessum komandi friðarsamningum? Gæti ekki verið að Pútín láti eftir landsvæði?

Þetta er óljóst enn.

[Hördur Thormar (IP-tala skráð) 19.11.2024 kl. 19:51]

Pútin varð forseti Rússlands um aldamótin 2000. Árið 2003 hélt Otto von Habsburg, fyrrv. arftaki austurríska keisaradæmisins, ræðu þar sem hann lýsti Pútin sem stórhættulegum manni og varaði eindregið við honum. Forsagan þess var sú að hann var staddur í Dresden haustið 1989 þegar Múrinn féll. Hitti hann þá af tilviljun fanga KGB sem nýlega höfðu verið látnir lausir og spjallaði hann við þá. Lýstu þeir Rússunum sem gættu þeirra. "Þar var einn sem skar sig úr fyrir hrottaskap, hann hét Pútin". Hann fór svo að kynna sér Pútin og framabraut hans sem byggðist ekki síst á því að klaga og troða á öðrum.

Otto von Habsburg var 91 árs gamall þegar hann hélt þessa ræðu og tók enginn mark á honum.                                          Über Putin: Wie Otto von Habsburg ihn einschätzte (2003 und 2005)           

[Bjarni (IP-tala skráð) 20.11.2024 kl. 00:21]

Við getum alveg andað rólega.  Megnið af þessum kjarnorkuflaugum rússa eru frá því áður en Jonh hitti Yoko. Þær sem ná flugi, ef einhverjar, verða skotnar niður yfir kreml.

Til þrautavara, ef litli ljósálfurinn Putin skyldi nú láta sér detta í hug að senda á okkur einhverjar flaugar þá er tilvalið að koma upp Himas loftvarnarkerfi á Austfjörðum og skjóta þær niður yfir Færeyjum. Er ekki pláss fyrir slíkt í þínum garði Ómar?

[Ingólfur Sigurðsson, 20.11.2024 kl. 02:57]

Mér leiðist að svara Selenskívinum. Mér leiðist að Ómar leggist svona lágt. Bjarni hérna með heimskulegustu athugasemd sem ég hef lesið lengi. Eins og kjarnorkuvopnabeiting eða kjarnorkustríð sé grín!

Ringulreiðin er löngu skollin á sem Ómar reynir í skáletrinu í fyrstu athugasemd að vara við að geti skollið á.

Árás Hamas á Ísrael í fyrra af þessari stærðargráðu var ekki tilviljun á þessum tímapunkti. Heldur ekki fólskulegt svarið í Zionistunum.

Ég var búinn að skrifa um það að það væri við því að búast að fleiri eldglæringar stríðs myndu vakna strax og Pútín vaknaði 2022.

Lög og regla?

Hafa ekki wókistar, demókratar og mannréttindabrjálæðingar hent þessu öllu í ruslið og brennt til ösku með því að gera ríkisstjórnir Vesturlanda að hringleikahúsi fáránleikans? Það eru engin lög lengur til eða nein regla, bara upplausn! Það eru engin fjandans kyn til lengur heldur bara það sem fólk heimtar og fullyrðir að það sé!

Allar þessar alþjóðastofnanir vinna glæpaverk gegn lífinu, Guði og mannkyninu! Satan allsstaðar, eins og Guðmundur Örn Ragnarsson hefur skrifað.

Ef Ísraelsmönnum tekst að koma á skipulagi sem er Guði þóknast, þá er það ágætt, en það virðist ómögulegt, því mótstaðan er svo mikil í konunum sem öllu ráða á Vesturlöndum, það er Eva, eins og hann skrifar, sú er olli syndafallinu.

Um athugasemd Bjarna hér fyrir ofan vil ég segja:

1) Mannkynið ber ábyrgð á dauða fjölmargra dýrategunda. 

2) Mannkynið ber ábyrgð á mengun jarðarinnar, sem er að eyðileggja Guðs heilögu sköpun.

3) Það er fólk eins og Bjarni í athugsemdum og Ómar pistlahöfundur sem eru samsekir, og við öll. 

4) Það er ekki nóg með að þetta djöflamannkyn sem við tilheyrum sé að rústa plánetunni. Við erum að drepa okkur sjálf, og það sést með lækkandi fæðingartíðni allsstaðar í hinum vestræna, "siðmenntaða (eða hitt þó heldur) heimi.

 

Það er glæpur gegn öllu heilögu að standa með Vesturlöndum. Sá sem ekki hefur viðbjóð á því þjóðfélagi sem við tilheyrum er ekki skárri en verstu djöflar Vítis.

 

Þar fyrir utan, það skiptir ekki máli, Bjarni, hvort kjarnorkuvopn séu frá 1950 eða öðrum tímum.

Þetta eru þessi Satansvopn sem stórveldin nota til að byggja á hroka sinn og drottnun á þegnum sínum. Alveg sama hvort það er Ísrael, Bandaríkin, Rússland, Kína eða Indland.

Hvernig dettur þér í hug að stórveldin láti eitthvað úreldast við þessi vopn, hvort sem það eru stýrikerfi eða annað?

Vopn Rússa eru eins nútímaleg og hægt er. Enda hefðu þeir ekki varizt Natóvopnunum öðruvísi í öll þessi ár síðan þetta stríð hófst, 2022.

En ég skal endurtaka annað að lokum.

Þeir sem þykjast ekki hræðast hótanir Pútíns ættu að hlakka til að hverfa til Helvítis. 

Já, við eigum endilega að gera lítið úr kjarnorkuþjóðum.

Við eigum endilega að vera skotmörk.

Það er Guð almáttugur sem þurrkar okkur út hér á þessari jörð fyrir að brjóta Hans lög. Það gerir hann með því að láta Pútín eða aðra byrja kjarnorkustríð. 

Nema ég hefði haldið að helvíti eins og þessi jörð okkar gengi útá að láta okkur þjást sem lengst og mest hér. 

En hvað veit maður um það?

 

[Ómar Geirsson, 20.11.2024 kl. 08:16]

Blessaður  Ásgrímur.

Sá sem hótar beitingu kjaravopna magnar upp stríð en ekki öfugt.

Og ég stend við spá mína um að Trump vill taka sitt þriðja kjörtímabil yfir lifendum en ekki dauðum.

Trump er með þetta.

Kveðja að austan.

[Ómar Geirsson, 20.11.2024 kl. 08:18]

Blessaður Bjarni.

Þetta er alveg rétt hjá Ingólfi, þú ert bjánaprik.

Skammastu þín.

Í hófi samt.

Kveðja að austan.

[Ómar Geirsson, 20.11.2024 kl. 08:25]

Blessaður Hörður.

Margar styrjaldir hafa byrjað vegna þess að þeir yngri hafa ekki hlustað á þá eldri.

Ef ég man það rétt þá fór Bismarck að rækta grænmeti í bakgarðinum hjá sér eftir að Vilhjálmur II hætti að hlusta á hann, allir vita hvernig það fór. 

Það má vel vera að Pútín hafi verið rétti maðurinn til að hindra upplausn Rússlands, sú upplausn hefði alveg getað endað á versta veg vegna kjarnorkuvopna gömlu Sovétríkjanna.

En lausn á einum vanda bíður oftast upp á annan vanda, og núna þarf að bregðast við þeim fyrirætlunum Pútíns að endurreisa hið gamla veldi Rússlands.

Það verður ekki gert með því að lúffa.

Segir sagan.

Kveðja að austan.

[Ómar Geirsson, 20.11.2024 kl. 08:45]

Góðan daginn Ingólfur.

Þér er mikið niður fyrir enda umræðuefnið svo sem ekkert grín.

Þú orðaðir kjarna málins; "Ef menn skoða það sem Pútín hefur sagt þá er það að endurreisa Sovétríkin, ekki að ná heimsyfirráðum.", nema það hefur enginn haldið því fram að Pútín stefni á heimsyfirráð.

Það gengur ekki á 21. öldinni að smærri ríki lifi í stöðugum ótta við innrásir stærri ríkja ef þau lúta boðvaldi þeirra ekki í einu og öllu.  Slíkt endar alltaf í allsherjarstríði.

Það gengur ekki á 21. öldinni að stærri ríki ráðist inní smærri ríki til að breyta landamærum einhliða, og hóti síðan að beita kjarnorkuvopnum ef þau fái ekki frið til að sprengja viðkomandi land aftur á steinöld.

Það gengur ekki vegna þess vopnin okkar eru þannig; Búmm og allt er búið.

Það skiptir ekki máli hver á í hlut, hvaða nafni hann nefnist, og hvaða nafni þeir nefnast sem verja lönd sín og þjóðir.

Þetta bara gengur ekki.

Rjúfi svo einhver grið við siðmenninguna með því að hóta að beita kjarnorkuvopnum, fái hann ekki að terrorista nágrannalönd sín, þá er ljóst að viðkomandi skilur aðeins eitt og það er hörku því allir ofbeldisseggir eru með hérahjarta innst inni.

Sá sem hins vegar vægir gagnvart slíkum mönnum endar aðeins á tvenna vegur, sem þræll eða dauður.

Það segir sagan.

Kveðja að austan.

Ps. Hættu að trúa því sem þú heyrir og lest á fjölmiðlum eins og Útvarpi Sögu, það er ekki að ástæðulausu að framleiðsla frétta er blómstrandi atvinnugrein.  Það gerir sko eftirspurnin.

Ps.Ps. Reyndar ætti loftslagstrúboðið að vera mjög ánægt með þá viðleitni Rússa að sprengja Úkraínu aftur á steinöld, það er jú markmið tillaga þeirra í lofslagsmálum, að koma mannkyni aftur á hestöld.

[Bjarni (IP-tala skráð) 20.11.2024 kl. 17:51]

Óþarfi að tap sér í hömlulausu hræðslukasti. Kjarnorkuflaugar verða ekki uppfærðar, þær eru í dag eins og þær voru á fyrsta degi, fyrirferðamiklar og hægfleygar.  Loftvarnakerfi nútímans skjóta niður um 70-80% nýjustu árásarflauga og dróna sem þó eru miklu minni og hraðfleygari en hálfrar-aldar gamlar kjarnorkuflaugar. Þá eiga allir viti bornir sð vita að eitthvað sem hefur staðið óhreyft í áratugi er ekki eitthvað sem hægt er að stóla á að virki nú eins og það átti að gera fyrir áratugum.

Varðandi snilli rússa við að smíða ofurhraðfleygar eldflaugar er skemmst að minnast ofurflaugarinnar sem átti að umturna öllu en við fyrst tilraun með hana þá sprakk hún í skotrörinu án þess að lyftast um millimetra. Andið róleg, verði einhverri kjarnorkuflaug skotið á lof eru engar líkur á að hún nái skotmarki sínu.

[Ómar Geirsson, 21.11.2024 kl. 08:44]

Bjarni.

Bööö- og haltu svo áfram að skammast þín.

Í hófi reyndar.

Kveðja að austan.