Erlend afskipti af kosningum!!

 

Og vísað í orð höfð eftir Bjarna Ben, forsætisráðherra.

Og það eina sem maður getur sagt; Kanntu annan!!

 

Þessi fullyrðing er álíklega gáfuleg eins og að þegar ég horfi á pólskumælandi bílstjóra Samskips, og saki pólsk stjórnvöld um afskipti af íslenskum vinnumarkaði.

 

Hvað sem sagt verður um þessa tekjuöflun ísraelska stjórnvalda, að selja fagþekkingu Mossad í verktöku til allra sem vilja kaupa, þá er ljóst að það er kaupandinn sem ber ábyrgðina, í þessu tilviki sá íslenski auðmaður sem keypti þjónustu Black Cube.

Að fabúlera um einhver erlend afskipti af íslenskum stjórnmálum, vegna þess að verktakinn er erlendur, er á pari við þá frægu íslensku minnimáttarkennd sem Laxness gerði ódauðlega í Brekkukotsannál, við erum ekki svo fræg í útlöndum og við viljum halda.

Hvað þá að nokkur útlendingur sé að eyða krónum til að hafa áhrif á kosningar hérlendis enda vandséð hvaða áhrif það hafi á úrslit þeirra og myndun ríkisstjórnar eftir kosningar, hvort Sjálfstæðisflokkurinn fái 13% fylgi eða 15% fylgi.

 

Hins vegar skiptir það kannski Sjálfstæðismenn máli, og í því ljósi má kannski skoða þessar stórfurðulegu yfirlýsingar.

Eyddi kannski einhver vildarvinur flokksins einhverjum milljónum til að búa til meint fórnarlömb erlendra afla sem vilja ráða hér öllu??

Fáheyrt í ljósi þess að eina stefnumál Sjálfstæðisflokksins er að selja land og þjóð í hjáleigusamband við Brussel og ESB.

 

Ekki að ég trúi því að sjálfstæðismenn séu svona hugmyndaríkir í örvæntingu sinni.

Og svo mælir gegn augljós vinnubrögð glæpaklíkunnar meðal fjölmiðlamanna sem hefur haldið þjóðmálaumræðu í heljargreip sinni um langt árabil.

 

En hvað sem þetta er, þá eru þetta ekki erlend afskipti.

Ekki frekar en bílstjórar Samskipa, pólsku ræstingarkonurnar eða önnur dæmi um erlenda verktöku.

 

Vinnubrögð Rúv og Heimildarinnar eru hins vegar siðlaus.

En Embætti ríkislögreglustjóra rekur ekki siðdeild.

Ekki frekar en Háskóli Íslands.

 

En sem þjóð eigum við ekki að líða þau.

Kveðja að austan.

Ríkislögreglustjóri kannar málsatvik

Athugasemdir

[Ingólfur Sigurðsson, 13.11.2024 kl. 22:19]

Þarna verð ég að vera ósammála þér. Ekki nóg með það, það eru til sannanir (eða mjög mikil líkindi) fyrir erlendum afskiptum af kosningum, eða pólitíkusum. Sven Bergman, starfsmaður hjá sænsku ríkissjónavarpsstöðinni SVT tók viðtal við Sigmund Davíð. Atlagan að Sigmundi Davíð var fullkomlega pólitísk og átti að sanna spillingu hér á Íslandi. Ég geri því skóna að SVT sé sjónvarpsstöð sem styður fjölmenningarstefnu flestra sænskra flokka sem hafa verið við völd og gert Svíþjóð að gróðarstíu fyrir islamska hryðjuverkamenn og jafnvel af öðru tagi líka.

Jóhann Kr. Kristjánsson er frekar vinstrisinnaður en hægrisinnaður skilst mér. Þessir menn tóku fræga viðtalið á RÚV sem "opinberaði" hann og Wintrismálið. Báðir þessir menn held ég að aðhyllist fjölmenningu, og séu pólititískir andstæðingar Sigmundar Davíðs.

Hvaða hag höfðu Sven Bergmann og Jóhannes Kr. til að taka þátt í að ómerkja Sigmund Davíð?

Jú, þeir hata Svíþjóðardemókrata. Þeir hata líka alla í útlöndum sem eru sammála þeim. (Eins og Sigmund Davíð, jafnvel Bjarna Ben). Markmið þeirra er að vinna gegn þjóðernisflokkum sama í hvaða landi þeir eru.

Þeir skipta sér af pólitík í útlöndum. Það gerir George Soros líka, Bill Gates kannski og fleiri.

Nákvæmlega sama og með kommúnistaflokkinn sovézka hér í denn sem borgaði íslenzku kommunum, hélt blöðunum þeirra uppi og slíkt.

Þetta er eins og með Úkraínumennina sem taka þátt í alþjóðlegum samtökum sem eiga að þagga niður í þeim sem eru ósammála þeim og fjölmenningunni, jafnvel með ofbeldi.

Það er varla nein pólitík þjóðleg lengur, við erum öll hluti af alþjóðaneti.

Það eru til fjölmargir Svíar sem líta þannig á að falli eitt Evrópuland eins og Ísland burt af RÚV-demókratabrautinni, ÞÁ MUNI HIN LÖNDIN FALLA Á EFTIR.

Síðan ef þú lest pistil Björns Bjarnasonar í dag, og ég er sammála þeim pistli, þá tengir hann viðtalið í Kastljósi við Jón Ólafsson við hvalavini, kannski Sea Shepherd og Paul Watson - og það er nú sakamaður.

Þannig að maður getur valið og gizkað á hvaða alþjóðlega pólitík var að verki með Black Cube. Voru það hvalavinir eða glóbalistar?

En nóg er um siðleysið og spillinguna á Íslandi. Þar hittir þú oft í mark.

[L. (IP-tala skráð) 14.11.2024 kl. 01:11]

Erlend afskipti eru í tísku.

það ætti ekki að koma ÞÉR að óvart.

VG auðvitað hefði ekki brotið hefðina nema fengið stsðfest að þetta væri í vændum.

Alþýðubandalagsmaður sem var algjörlega stuðningsmaður hvalveiða en snerist í 90 gráður á móti hvalveiðum.

Hvers vegna?

[Ómar Geirsson, 14.11.2024 kl. 07:47]

Blessaður Ingólfur.

Þetta með Wintris er frekar reglan sem sannar undantekninguna um Garðars Hólm heilkennið.  Sænska sjónvarpsstöðin var að vinna efni úr Panamaskjölunum og það lentu fleiri í þeirri kvörn, alþjóðlega.  Af hverju Sigmundur Davíð??, fyrir utan framboð af viljugum hjálparkokkum, þá líklegast tengist það því að í örskamma stund eftir fjármálahrunið, þá komst Ísland í umræðuna fyrir okkar ofvaxna fjármálakerfi.

Flest annað sem þú telur þarna upp Ingólfur er úr ranni þess að ef maður fer of mikið á lendur samsæriskenninganna, þá fara þær að lifa sjálfstæðu lífi í höfði manns, greinarmunur á tilbúningi og raunveruleik verður óljós, máist jafnvel út.

Björn Bjarnason var að fjalla um hina ótrúlegu nálgun Jóns Ólafssonar að þessu máli, hvernig hann gjaldfeldi sjálfan sig og þá stofnun sem hann vinnur hjá. Jón hafði ekki rauðvínsglasið sér til afsökunar þegar hann gaspraði um gaspur sonar einhvers.

Síðan hefur Jón Gunnarsson engin áhrif til eða frá í íslenskum stjórnmálum, ekki nema hann hefði ákveðið eftir slátrun sína, að taka poka sinn og skipta um skip og áhöfn líkt og Sigríður Andersen.  Það hefði gefið honum vægi í Miðflokknum, ásamt því að geirnegla fylgi hægri arms Sjálfstæðisflokksins yfir til Miðflokksins.

Það eyðir enginn pening í að njósna um son manns sem er núll og nix, við Ingólfur þurfum ekki að hafa áhyggjur að því að einhver bjóði okkur fría máltíð.  Eftir stendur því þetta afmarkaða svið sem er ætlað meint leyfi stjórnvalda til Hvals hf um hvalveiðar, þar gæti Jón haft áhrif, og fyrir manneskju sem brennur fyrir hvali en síður fyrir fólk, og á pening, að viðkomandi gæti hafa trúað því að Bjarni myndi taka VG á þetta og gera eitthvað sem hann má ekki gera sem ráðherra í starfsstjórn, og hefði átt vin sem hefði bent henni á fagfólkið í bransanum.

Skyndiredding sem kostar einhverjar tugi milljóna, en hvað er það á milli vina hjá fólki sem brennur fyrir velferð hvala en ekki fólks.

Láttu þig ekki dreyma um aðkomu erlendra atvinnugóðmanna í hvalabransanum.  Í fyrsta lagi þá taka atvinnugóðmenni við peningum, gefa þá ekki frá sér, og í öðru lagi, til að geta tekið við peningum þá þarf hvalveiðar.  Hagsmunir þessara samtaka sem þú minnist á liggja í því að Hvalur drepi hvali, þá geta þeir mótmælt, keðja sig við báta og svo framvegis.

Og að lokum Ingólfur, næstu kosningar geirnegla erlend yfirráð á Íslandi, en ekki öfugt.  Jón er í áhöfn á einu af því svikafleyjum sem sigla hraðbyri inní ESB.  Það liggja engir hagsmunir í að trula það sem þú þegar stjórnar.

Kveðja að austan.

[Ómar Geirsson, 14.11.2024 kl. 07:48]

Blessaður L.

Ég skil þig nú ekki alveg, er ég þó þekktur fyrir að vera djúpur.

En fyrir forvitnissakir, hvaða gamli kommi hringsnerist í hvalamálum??

Kveðja að austan.