Gapið.

 

Þegar svo er komið fyrir einni þjóð að vegna ranghugmynda í umhverfismálum getur hún ekki lengur lagt nothæfa vegi eða byggt hús sem endast, að þá er henni fyrirmunað að kjósa sér forseta sem heldur sig við raunveruleikann.

 

Íslensk þjóð á undir högg að sækja, markvisst hefur verið unnið að því að skipta um þjóð í landinu, hátt í þriðjungur hennar er af erlendu bergi brotinn, með farandvinnuafli slagar það hátt í helming.

Með til dæmis þeirri augljósu afleiðingu að íslensk tunga stefnir beint á válista, síðasta Pisa könnun gefur sterkar vísbendingar um það.

Vaxtabrjálæðingar eru síðan að gera landið óbyggilegt ungu fólki, rökin eru síþenslan á húsæðismarkaði höfuðborgarsvæðisins sem er bein afleiðing af þjóðarskiptunum, einhvers staðar þarf jú allur þessi innflutningur að búa.

Síðan eru sameignir þjóðarinnar hægt og rólega bútaðar niður og seldar eða kvótasettar.

Venjulegt fólk skilur ekki bullið sem vellur um á þingi dag og nótt, á meðan ekkert er gert til að takast á við vanda þjóðarinnar.

 

Á svona tímum hefur þjóðin ekkert að gera við forseta sem heldur að hún sé Vigdís, og árið sé 1980.

Og Morgunblaðið setur niður að taka þátt í þeim leik.

 

Það getur betur en þetta.

Kveðja að austan.

Þarf að sýna í verki að hún sé traustsins verð

Athugasemdir

[Helga Kristjánsdóttir, 3.8.2024 kl. 15:46]

Ílensku gapuxarnir vinna eftir fyrirfram gerðri áætlun global sem hyggjast stjórna öllu í heimi hér.

[Ómar Geirsson, 3.8.2024 kl. 15:51]

Blessuð Helga.

Það er svo sem farið að hvarfla að mér, hver svo sem skýringin er að fá endurtekið efni frá Vigdísi, 40 árum seinna, í samfélagi sem fátt sameiginlegt, í gjörbreyttum raunveruleik.

Ósagt skal ég hvort globalið sé skýringin, það eina sem ég veit er að á þessu er skýring.

Kveðja að austan.

[Guðmundur Örn Ragnarsson, 3.8.2024 kl. 17:20]

Sjá, ég geng nú veg allrar veraldar.

En þér (Íslendingar) skuluð vita af öllu hjarta yðar og af allri sálu yðar, að ekkert hefir brugðist af öllum þeim fyrirheitum, er Drottinn (Jehóva) Guð yðar hefir gefið yður.

Öll hafa þau ræst, ekkert af þeim hefir brugðist.

En eins og öll þau fyrirheit, sem Drottinn Guð yðar hefir gefið yður, hafa ræst á yður, eins mun Drottinn láta allar hótanir sínar rætast á yður, uns Hann hefir gjöreytt yður úr þessu góða landi (Íslandi), sem Drottinn Guð yðar hefir gefið yður.

Ef þér rjúfið sáttmála Drottins Guðs yðar, þann er Hann fyrir yður lagði, og farið og þjónið öðrum guðum (Mammons) og fallið fram fyrir þeim, þá mun reiði Drottins upptendrast í gegn yður, og þér munuð fljótt hverfa úr landinu góða, sem Hann hefir gefið yður. (Jós. 23:14-16).

[Ómar Geirsson, 3.8.2024 kl. 20:06]

Blessaður  Guðmundur Örn.

Núna ertu að fara tala tungum sem ég skil; " farið og þjónið öðrum guðum (Mammons) og fallið fram fyrir þeim".

Hvort þjóðin sé að hverfa út landinu góða á eftir að koma í ljós.

En ákaflega mikið bendir til þess.

Kveðja að austan.

[Landfari, 4.8.2024 kl. 12:26]

Ótímabært hjá þér Ómar að agnúast út í forsetann eftir nokkra klukkutíma í embætti.Skynsamlegra að dæma um hæfi og gjörðir þegar hún hefur haft tækifæri til að láta verkin tala.

Hún var ekki mitt fyrsta val frekar en meirihuta kjósanda en það er virkilega ósanngjarnt ef ekki hreinlega fordómar að spyrða hana saman við frú Vigdísi að óreyndu þó þar sé virkilega ekki leiðum að líkjast.

Við fáum fljótlega að kjósa aftur og þá um þá aðila sem halda á þeim málum sem við báðir, og að ég held meirihluti þjóðarinnar, hefur áhyggjur af og þú nefnir í pistli þínum.

[Ómar Geirsson, 4.8.2024 kl. 12:41]

Blessaður Landfari.

Halla steig út úr friðhelgismöppunni þegar hún í sína fyrsta viðtali eftir kosningarnar, lét sem undirmál Kristrúnar og félaga í Samfylkingunni hefðu í raun verið afleiðing af öflugri og kraftmikilli kosningabaráttu hennar, sem hefði alltí einu skilað þessum risarárangir 12 tímum fyrir kosningar.

Mér geðjast ekki að fólki sem lýgur uppí opið geðið á þjóð sinni.

Það er síðan uppgjör í nánd við öflin sem standa að baki Höllu, glóbalið sem er að flytja inn nýja þjóð í góðu samstarfi við Góða fólkið.

Ekkert að því að þjófstarta, svo fannst mér líka tími Vigdísar vera liðinn.  Og það er viðtalið sem spyrðir hana við Vigdísi, ekki ég.

En varðandi hæfni Höllu þá hef ég ekki í mínútu dregið hana í efa.

Það er bara önnur ella.

Kveðja að austan.

[Landfari, 4.8.2024 kl. 23:37]

Ef þú ert Ómar að vísa í "taktísk" atkvæði Höllu þá held ég það dyljist engum sem fylgdist með kosningabaráttunni að Halla getur þakkað Katrínu Jakobs drjúgan hluta atkvæða sinna. Þeir voru ófáir sem kusu eftir skoðanakönnunum til að forða okkur frá alltumlykjandi faðmi fyrrveranandi forsætisráðherra. Sérstaklega þegar í ljós kom að efitirréttur framboðs hennar var vegtilla Bjarna sem nýverið hafði þurft að eigin áliti og þjóðarinnar að segja af sér ráðherrastól í uppistandi sem sjálfur Ari Eldjárn á erfitt með að toppa. Katrín fór hinsvegar létt með það.

Ég er nú svo grænn að ég hélt að hálfur sigur væri unninn í andspyrnu við þjóðskiptin að Katrín komst ekki að. Trúlegast hefði Arnar verið skárri kostur en Halla að því leiti en ég hef góðar vonir um að allir hugsandi menn séu búnir að sjá það núna að óbreytt ástand er ekki valkostur. Nema náttúrulega að menns sætti sig við að gefa velferðarkefið og réttarríkið algerlega upp á bátinn líkt og gert hefur verið nú þegar varðandi menntun grunnskólabarna. Þar hinsvegar veldur hver á heldur í dómsmálaráðuneytinu frekar en í forsetaembættinu þó vissulega skipti allir hlekkir í keðjunni máli.

Biðst velvirðingar á Vgdísarþætti athugasemdarinnar, hef ekki séð eða heyrt viðtalið og fannst  þessi tenging svolítið út úr korti.

[Ómar Geirsson, 5.8.2024 kl. 14:24]

Blessaður Landfari.

Við getum alveg verið álfar út úr hól ef við viljum, játað til dæmis á okkur að við kusum gegn en ekki með, en nýkjörinn forseti hefur ekki efni á slíku, það er hennar að slíðra, ná sátt, en ekki láta eins og ekkert sé gagnvart undirmálum.

Fylgissveiflan sem tryggði Höllu þennan góða sigur, kom öll síðasta sólarhringinn, og frá frambjóðanda Samfylkingarinnar, Baldri Þórhallssyni.  Aðeins eitt getur skýrt svona mikla sveiflu á einum sólarhring, frá einum frambjóðanda, og það er undirmálflokksmaskínu.

Í fyrsta sinn í sögu íslenska lýðveldisins nær manneskja kjöri vegna einhvers annars en eigin verðleika, og það þetta annað er  stjórnmálarefjar.

Þú breiðir ekki yfir þær refjar með tali um einhverjar Tik Tok herferðir, að þannig hafi náðst til unga fólksins líkt og Rúv tók þátt í með Höllu.

Varðandi viðtalið þá er þessi frétt tengd því, mjög auðvelt fyrir þig að lesa áður en þú tjáðir þig.

Hins vegar Landfari minn góður er nákvæmlega ekkert að því að tjá sig, hvað þá að fá umræðu um þá tjáningu.

Kallast umræða.

Kveðja að austan.

PS. Katrín eins ágæt og hún er, bæði með sínum kostum og göllum, hefur þó unnið sér það til óhelgi að fá Góða fólkið uppá móti sér.  Halla er beinn frambjóðandi glóbalsins, hún kom nokkrum vikum fyrir kosningar, henti af sér bissness dragtinni og fann alþýðuklæði í rykugri kistu uppá háalofti, og gerðist alþýðustelpa.  Erlendir fjölmiðlar áttuðu sig strax á tengingunni og einn virtur benti á í fyrirsögn sinni að frambjóðandi með tengsl við glóbalið hefði verið kosinn forseti á Íslandi.  Aðrir létu sér nægja að benda á hið augljósa, öllum nema íslensku sveitarfólki, að bissnesswoman hefði verið kosin forseti Íslands.  Þú getur séð það í fréttum Ruv, á sjómannadeginum síðasta.  Finnur þáttinn í hlaðvarpi Rúv.