Ríkissaksóknari gengur erinda alþjóðlegra glæpasamtaka.

 

Það er leitun af aumari manneskju en Sigríði Friðjónsdóttur ríkissaksóknara.

 

Vegsemd hennar byggist á að hún gekk erinda óhæfu Jóhönnu Sigurðardóttur og ríkisstjórnar hennar þegar Jóhanna lét Alþingi samþykkja að Landsdómur myndi ákæra Geir Haarde einan manna vegna meintrar ábyrgðar ríkisstjórnar hans á bankahruninu.

Þar gekk Sigríður beint í fótspor mannaumingja í lögfræðingastétt sem hafa látið  nota sig í pólitískum ofsóknum alræðis og öfgastjórna gagnvart lög og rétti.  Mannaumingja eins og þá saksóknara sem unnu fyrir Stalín í Moskvuréttarhöldunum eða sem nasistastjórn Hitlers notaði til að þagga niður í réttlætisrödd Hvítu Rósarinnar, svo þekktustu dæmin séu nefnd.

Svo er Sigríður kona, það er reyndar ekki aumt, á að teljast til tekna, nema þegar það að vera kona, telst forsenda meintrar hæfni.

 

Solaris eru sögð hjálparsamtök.

Margtuggið og margnotað orð, margnotað skálkaskjól glæpa og hryðjuverkasamtaka.

 

Þegar æðsti og öflugasti fjármagnari haturs og hryðjuverka Íslamista um allan heim, krónprins Saudi Arabíu og raunverulegur stjórnandi landsins, Mohammed bin Salman lét myrða bandaríska blaðamanninn Jamal Khashoggi, sem var af Saudi arabískum ættum og hafði afhjúpað leyndarþræði hryðjuverkastarfsemi Íslamista sem Salman skipulagði og fjármagnaði og Salman lét myrða í sendiráði Saudi Arabíu í Istanbúl, þá fékk Salman yfir sig kastljós sem hann hafði fram af þessu getað keypt sig frá.

Eitt af því sem kom fram að upphaf hryðjuverka úr hans ranni mátti rekja til hjálpar og góðgerðasamtaka sem hann fjármagnaði í Bosníu.  Samtaka sem slógu jafnvel Serba út í grimmd og viðbjóði, og voru upphaf af voðaverkum sem Íslamistar Ríki Íslams og Hamas hafa síðan gert af kennimarki Íslamista.

Meint hjálpar og góðgerðarsamtök voru síðan megin fingraför fjármögnunar Sauda auk annarra miðaldaríkja Persaflóans við hatursútbreiðslu Íslamista, voðaverk þeirra og hryðjuverk.

 

En Salman fann ekki upp þessa misnotkun á orðinu hjálpar- og góðgerðarsamtök, allir unnendur James Bond muna að heróínsalinn í Live and Let Die myndinni dreifði eiturlyfjum sínum í gegnum eitthvað álíka fyrirbæri.

Bíómynd vissulega, en byggðist á grjóthörðum raunveruleik hinnar skipulögðu glæpastarfsemi eiturlyfjahringanna.

Raunveruleik sem virkar vel fyrir glæpa og hryðjuverkasamtök til að búa til skálkaskjól um starfsemi sína.

 

Í dag, á eftir eiturlyfjaiðnaðinum er mannsals og flóttamannaiðnaðurinn sá glæpaiðnaður sem skilar glæpafólki mestum tekjum og gróða.

Verkfæri hans eru margs konar en mikilvægust eru ýmiskonar hjálpar og góðgerðasamtök ásamt tibúnum þrýstihópum, sem auðvelda mannsalið og sístreymi flóttafólks til vestrænna landa.

Þessi verkfæri stjórnar umræðunni, láta eins og enginn sé morgundagurinn og að auðugri samfélög Vesturlanda geti endalaust tekið við afurðum glæpaiðnaðarins, fólki fátækra landa sem er að leita að betri lífskjörum, eða fólki í flóttamannabúðum sem borgar glæpaklíkum fyrir að koma sér þaðan eftir þekktum flóttamannaleiðum til Vesturlanda, og þá er tikkað í box samvisku og góðmennsku, því hver vill ekki hjálpa fólki í neyð?

Á Íslandi í dag tala þessi verkfæri þannig að okkar rúmlega 300 þúsund manna þjóð, geti léttilega orðið að 400 þúsund manna þjóð, svo 500 þúsund, og svo, og svo, það er jú bara aðeins 100 milljónir flóttamanna í heiminum, og svo kannski 500-800 milljónir í viðbót sem vilja flýja slæm lífskjör heimaslóða, og í raun ekkert mál fyrir 300 þúsund manna þjóð að taka við þeim öllum.

 

Sú síbylja dynur á þjóðinni dag eftir dag, að baki liggur ekki hin augljósa heimska fáráðarinnar að 300 þúsund manna þjóð geti leyst allan flótta og lífskjaravanda heimsins, það er ekkert fólk svona heimskt nema kannski einn og einn fréttamaður á Mogganum og á Rúv, heldur er þetta fólk í vinnunni.

Það brýtur niður viðspyrnu og heilbrigða skynsemi þjóðarinnar. Í samkrulli við einhver ógnaröfl glóbalvæðingarinnar sem fjármagna forheimsku rétttrúnaðarins á Íslandi.

Þjóð án viðspyrnu er auðveld bráð.

 

Sekt Helga felst í að benda á sannleikann.

Benda á hlutverk hinna meintu hjálparsamtaka, benda á hlutverk atvinnugóðmenna, sem nýtt hafa sér bágindi heimsins til að útbúa svikamyllu handa sér og sínum, mergsjúga úr kerfinu fjármuni sem annars gætu farið í að hjálpa flóttafólki, börnum þess, útvega þeim heilbrigðisþjónustu og menntun þar sem þau dvelja í flóttamannabúðum.

En ekki hvað síst þá ber Helgi líklegast ábyrgð á því að Góða fólkið innan lögreglunnar komst ekki upp með samsekt mútugreiðslna og hins meinta stuðnings hinna meintu hjálparsamtaka við voðamennin í Hamas og voðaverk þeirra.

Líklegast hans stærsti glæpur að hafa krafið Góða fólkið innan lögreglunnar skýringa á þeirri samsekt að rannsaka ekki augljós brot á lögum um mútugreiðslur og stuðning við hryðjuverkasamtök.

 

Það er tímanna tákn að sá einstaklingur sem mest æpir í þágu þessa glæpaiðnaðar, ítrekaður sekur um hatursorðræðu gegn þjóðinni sem hýsir hann, skuli geta pantað svona aðför að íslensku réttarkerfi.

Komist hann upp með það, komist ríkissaksóknari upp með að ganga erinda glæpaiðnaðarins og vega af þeim embættismanni sem þorir að benda á staðreyndir mála og þorir að snúast gegn rétttrúnaðinum þegar hann gengur svo langt að halda hlífiskildi yfir mútugreiðslum og augljósum stuðningi við hryðjuverkasamtök Hamas, þá er ljóst að núverandi dómsmálaráðherra er ekki starfi sínu vaxin.

Aðeins enn ein brúðan úr ranni Valhallar, þjónandi einhverjum annarlegum hagsmunum glóbalsins, með alls ófær um að standa ístaðið fyrir þjóðina sem þó veitir henni þann trúnað að vera æðsti yfirmaður dóms og réttarkerfis þjóðarinnar.

 

Þá er runnin upp Ögurstund þjóðarinnar.

Spurning um sjálft sjálfstæði hennar og tilveru.

 

Spurningar sem krefjast uppgjörs.

Um hver stjórni í raun Íslandi.

Kveðja að austan.

 

 

Helgi verði leystur frá störfum tímabundið

Athugasemdir

[Landfari, 30.7.2024 kl. 00:50]

Óhætt að taka undir með þér og benda á nauðsyn þess að tekin verði til skoðunar ítrekaðar furðulegar ákvarðanir ríkissaksóknara á umliðnum árum.

Endurtekið hefur hún tekið upp mál sem lögreglan hefur fellt niður eftir rannsókn og krafist ákæru. Rekið þau í gegnum öll dómsstig með ærnum kostnaði fyrir skattborgarann og tapað. Flest þessara mála virðast tengjast persónulegum skoðunum ríkissaksóknara á málefninu frekar en mögulekum saksóknara til að vinna málið sjálft. Engu líkara en stundum sé markmiðið að sverta mannorð þeirra sem fyrir verða með opinberri ákæru þó vonlaust sé að vinna málið.

Nú reynir á ráðherra en ég legg fram kröfu um að ríkissaksóknari verði látinn víkja meðan rannsókn á störfum hennar fer fram. Það yrði henni þá kannski huggun harmi gegn að hún fengi sitt fram um að Helgi viki tímabundið úr starfi vara ríkissaksóknara meðan hann leysti hana sjálfa af sem ríkissaksóknari.

[Ómar Geirsson, 30.7.2024 kl. 07:49]

Blessaður Landfari minn góður.

Stundum þegar þú ert svona ekki úti að aka á skinnsokkunum þá ert há-orðið góður.

Þegar maður skrifar svona pistla á handahlaupum glími ég mjög oft við tilhneiginguna að vilja segja svo margt í einum pistli, fara með þá út og suður og enda mun seinna en ætlað var, þó ég reyni að hamla gegn því að veikum mætti.

Hér að ofan vildi ég margt sagt hafa, mun meir en ég sagði. Og eitt af því sem ég vildi sagt hafa, sagðir þú hér að ofan svo ekki verður betur sagt.  Með lokasetningu sem er tær snilld út frá fræðum okkar sem skrifum það sem ég kallaði einu sinni áróðurs og áreitnisblogg.

Takk fyrir þetta Landfari, það gleður mig líka að sjá núna í morgunsárið að þungavigtin hér á Moggablogginu hefur ekki brugðist skyldum málfrelsis og andæfir þögguninni, þegjandi verður henni ekki tekið.

Því ef við þegjum yfir þessu, þá getum við þagað yfir öllu.

Kveðja að austan.

[Bjarni (IP-tala skráð) 30.7.2024 kl. 07:54]

Flottur pistill frá þér en langorður eins og venjulega.

Fanst bara rétt á að benda þér á, áður en einhver drepleiðinlegur glottandi besserwisser kemur stormandi fram á ritvöllin, að sendiráð eru altaf í höfuðborgum ríkja.  Ankara er höfuðborg Tyrklands, ekki Istanbul. Þannig að morðið átti sér stað í ræðismannsskrifsofu Sáda í Ístanbul, ekki sendiráðinu. En Ístanbul er annars ekki bara söguleg heldur sögufrægasta borg heims og sú eina sem nær til tveggja heimálfa. Hef komið bæði til Istanbul og Ankara.

Reyndar spurning með Panama í Panama, alltaf verið svolítið óljóst þessi skil á milli N- og S- Ameríku.  Get þó upplýst að Panamaborg er öll sunnan skurðsins, eða kannski austan, hef líka komið þangað.

[Ómar Geirsson, 30.7.2024 kl. 08:15]

Jæja, jæja, jæja Bjarni, þó enskukunnátta mín er ekki betri en svo en að þýða consulate sem sendiráð þá hef ég það mér til afsökunar að ég kann ekkert í útlensku.

Þú ert víðförull, annað en við Landfari, en þú fékkst mig til að hugsa um borgina Anköru, hvort hún ætti sér einhverja merkilega sögu en borgin sem slík hefur aldrei komið fyrir í því sem ég hef lesið um þessa tíma.  Í mínum huga hefur hún alltaf verið eitthvað óspennandi nútímafyrirbæri full af gólandi Immum. En ég las mér til gagns, til dæmis að í borginni átti um það bil 200 þúsund manns heima á tímum Rómverja, og fyrr þá var hún miðstoð keltnesku ættbálkanna sem kíktu í heimsókn til Anatólíu einhverjum árhundruð fyrr.

Svona eru hugrenningartengslin út og suður Bjarni, miðað við það flæði er ótrúlegt hvað ég pistlar mínir eru stuttir þrátt fyrir allt.

Takk fyrir innlegg og athugasemd.

Kveðja að austan.

[Símon Pétur frá Hákoti (IP-tala skráð) 30.7.2024 kl. 12:31]

Vel mælt Ómar!

Sé að Sigmundur Davíð tekur einnig sama pól í hæðina þegar hann tjáir sig svo um hinn mikla alvarleika þessa máls:

" Það má ekki verða niðurstaðan að Helgi Magnús Gunnarsson verði hrakinn úr embætti vararíkissaksóknara að kröfu öfgamanna!

Maðurinn hefur mátt þola margra ára hótanir gagnvart sjálfum sér og fjölskyldu sinni án eðlilegra viðbragða eða stuðnings frá yfirvöldum.

Eftir þá miklu raun leyfði hann sér ekki annað en að benda mjög hóflega á þá hættu sem samfélagið allt stendur frammi fyrir. Hættu sem stjórnkerfið virðist að miklu leyti vera algjörlega sofandi gagnvart.

Ég skora á Guðrúnu Hafsteinsdóttur að fallast hvorki á varanlega né tímabundna lausn Helga frá störfum.

Það er hlutverk stjórnkerfisins að verja borgarana. Ef stjórnvöld bugast gagnvart valdbeitingu erum við komin í samfélagslegt þrot. "

[Bjarni (IP-tala skráð) 30.7.2024 kl. 16:06]

Ég veit ekki hvað er að gerast ì hausnum á þessu fólki.  Af hverju þeim er svo mikið í mun að skipta um þjóð í landinu sem það á allt sitt að þakka.  Hvort þjóðin sem bjó þeim bestu lífsgæði sem finnast í heiminum sé rétt að skipta út fyrir flóttafólk sem kemur frá örbyrgð og vesæld byggða upp af misheppnuðu fólki.

Það sem fer mest í taugarnar á feministum er að hvítir miðaldra karlar byggðu upp bestu þjóðfélög í sögu mannkyns.  Það er ekki hópur ungra kvenna og karla að leggja á sig lífshættulega ferð frá Evrópu til Afríku eða frá Texas til Mexico í leit að betra lífi.  Svo haldið kjafti og verið þakklát fyrir það sem þið óverðskuldað hafið fengið upp í hendurnar.

[Salah karim (IP-tala skráð) 30.7.2024 kl. 16:08]

Ég velti því fyrir mér hver, og ég spyr Sەma, getur eða þorir að gagnrýna tyrknesk stjórnvöld fyrir fjöldamorð gegn Kúrdum? Skrifaði hún eina línu gegn glæpum Erdogans gegn Kúrdum? Opnaði Sema munninn fyrir hernámi tyrkneska hersins á löndum nágrannalanda, eins og íraska Kúrdistans, eins og Afrin, og hins vegar austur af Efrat og sýrlenskum löndum? Þorir hún að gagnrýna stjórnvöld í Ankara fyrir að koma í veg fyrir Kúrda frá málfrelsi, eða er Sema pólitískur skíthæll að nýta sér íslendinga... ég vona Já að hún heyri orð mín og svara mér!

[Ómar Geirsson, 30.7.2024 kl. 20:29]

Blessaður Símon Pétur.

Það kemur fyrir að við Sigmundur Davíð erum eins og tvíburar í umræðunni, hann á sína spretti.

Kveðja að austan.

[Ómar Geirsson, 30.7.2024 kl. 20:33]

Blessaður Bjarni.

Ég er ekki alveg viss um að ég, kjöftugur, hefði þorað að láta það út úr mér í nálægð genginna kvenskörunga Norðfjarðar, að hvítir miðaldra karlmenn hefðu byggt upp samfélagið, velmegun þess og styrk.  Hef ég nú samt sagt ýmislegt.  Og ekki hvarflaði það að mér að ergja hinar öldnu konur Breiðabliks með slíkum orðum.

En ég skil pointið hjá þér.

Kveðja að austan.

[Ómar Geirsson, 30.7.2024 kl. 20:56]

Blessaður Salah, athugasemd þín hreyfði við gleymdum minningarbrotum, frá því að ég skrifaði um Erdogan og innrás hans inní kúrdíska hluta Sýrlands þar sem liðsmenn Ríki Íslams voru hans helstu vopnabræður og mönnuðu að mestu tyrkneska innrásarliðið.  Fletti upp á þessu og mikið rétt, þar skrifaðir þú athugasemd við pistil minn sem hét Tyrkir reyna að endurreisa Ríki Íslams.

https://omargeirsson.blog.is/blog/omargeirsson/entry/2212028/.

Og ég skrifaði í febrúar 2018, einmitt þegar Tyrkir sendu sérsveitir sínar til Afrin héraðsins.  Í svari mínu við athugasemd þinni sagði ég meðal annars að "Svona pistlar í lokuðum klúbb eins og Moggabloggið er hafa lítil sem engin áhrif á umræðuna, enda myndi ég setja hann fram töluvert öðruvísi ef ég reiknaði með að hann færi í almennan lestur", orð sem eru ennþá í fullu gildi, Sema les ekki pistla mína, hvað þá spurningar sem beindar eru til hennar í athugasemdarkerfinu.  Hins vegar ráðlagði ég þér að skrifa grein í Morgunblaðið; "Það skiptir ekki máli þó þú hafir ekki góð tök á málinu, fólk skilur alltaf þann sem skrifar frá hjartanu, því tungumál þess er sammannlegt".  Það ráð er ennþá í fullu gildi.

Hin æpandi þögn vestræna ríkja, og þá sérstaklega vestrænna íhaldsmanna gagnvart einum versta einræðisherra í sögu Evrópu, Erdogan Tyrklandsforseta, er vestrænum ríkjum til skammar, þögn íhaldsmanna gerir alla gagnrýni þeirra á þá fóstbræður Pútín og Lúkasjenkó markleysu eina.

Svona eru stjórnmálin, án allrar sannfæringu um hvað er rétt og hvað er rangt.

Sáir því í akur hræsni og tvöfeldni.

Því miður.

Kveðja að austan.