Meðvirkni Góða fólksins.

 

Talar um barnahermenn frá Svíþjóð.

Og það sem sker í eyru, að talað er um viðkomandi börn sem Svía, en ekki fórnarlömb innflytjenda stefnu Góða fólksins til langs tíma.

 

Eru það Svíar sem halda heilu hverfunum í gíslingu glæpagengja og ofbeldis, eru það Svíar sem hafa glæpavætt úthverfi innflytjenda þannig að sænsk lögregluyfirvöld koma aðeins þungvopnuð inní þau hverfi??

Var svarti strákurinn frá Senegal sem keppti fyrir hönd Svíþjóðar fyrir nokkrum árum síðan; Svíi eða það sem hann var, innflytjandi frá Senegal??

 

Hver eru endamörk þessarar meðvirkni gagnvart ógöngum Góða fólksins sem í samstarfi við alþjóðleg glæpasamtök, Flótta og Mannsalsiðnaðinn, hafa yfirfyllt norrænar þjóðir af fólki sem hefur engin tengsl við land og íbúa, önnur en þau að hafa verið hleypt inní landið??

Í Svíþjóð er þegjandi samkomulag milli krata og Svíþjóðarkrata að vopnvæða sænska herinn til að mæta þessum glæpalýð innflytjenda, þar skilur ekki á milli Svía sem hafa átt heima í Svíþjóð í mörg hundruð ár, og Svía sem hafa átt heima í Svíþjóð í mörg hundruð ár, og deila um hvort þeir séu sænskir kratar eða Svíþjóðarkratar.

Mistök voru gerð, og þau mistök verða aðeins kæfð með vopnavaldi.

 

Þær augljósu staðreyndir hafa algjörlega farið framhjá Femínistanum á Morgunblaðinu sem ennþá kennir Ríki í ríkinu, glæpasamtök innflytjenda við þjóðerni Dana eða Svía, eins og þessi innflutti lýður hafi eitthvað með danskan eða sænska uppruna að gera.

Þessi sami Femínisti þurfti staðfestingu frá Mannréttindavakt Sameinuðu þjóðanna sem mörg hundruð dögum seinna eftir 7. október varð að viðurkenna að voðamenni Hamas frömdu áður óþekkta stríðsglæpi í hinum vestræna heimi.  Fram að því var árásaraðilinn, Hamas, aðeins fórnarlömb meintrar árásgirni Ísraela.  Aldrei sagði Femínistinn sögur af voðaverkum Hamas, fyrir utan eitt skylduviðtal við Birgi Þórarinsson alþingismann, sem gat ekki þagað, og Femínistinn birti viðtal við hann í trausti þess að ekki sála tæki mark á Birgi.

 

Skíturinn í þessari frétt segir allt um fólkið sem getur ekki horfst í augun á að innflytjendur í Skandinavíu hafa breytt áður friðsömum samfélögum í vígvöll sem áður voru aðeins þekktir í fjarlægum löndum, reyndar á heimaslóðum hinna sömu innflytjenda.

Skíturinn stækkar þegar ekki er hægt að segja satt um hreiðrið sem voðamenn Hamas komu sér upp á Íslandi, og hafa notað til að ógna samfélaginu, stjórnvöldum okkar, í mikilli og góðri samvinnu við innlenda samstarfsaðila á þingi sem og hið meinta Góða fólk sem starfar í þágu alþjóða glæpasamtaka, Mannsals og Flóttamannaiðnaðarins (númer 2 eftir eiturlyfjaiðnaðinum í gróða og umfangi).

Að segja satt um að Free Palestína er knúið áfram af nokkrum innlendum viðrinum, þar í hópi viðbjóður sem réttlætir voðaverk Hamas, en að megninu til að innfluttum Hamas liðum og fylgifólki þeirra.

 

Það ber allt að sama brunni í þessari frétt um meinta barnahermenn frá Svíþjóð.

Brunni sem er þegar þurrkaður upp af gjaldþroti Góða fólksins í Svíþjóð og Danmörku, er kominn í botn í Noregi.

Brunni sem Góða fólkið vill samt grafa hér á Íslandi.

Og Femínistinn á Morgunblaðinu, þessi þarna sem beint veður ekki í vitinu, en er vissulega með próf frá Háskóla Íslands, hann grefur með.

 

Til háðungar og smánar borgaralegum gildum, sögu Morgunblaðsins, raunveruleikanum, staðreyndum.

Og Dabbi greyið trónar á toppnum.

 

Sumir þurfa ekki að taka út refsingu sína í næsta lífi.

Þeir afplána nú þegar.

Kveðja að austan.

Panta „barnahermenn“ frá Svíþjóð

Athugasemdir

[Bjarni (IP-tala skráð) 18.7.2024 kl. 18:32]

Austfjarðargoðinn eitthvað krumpaður í dag.  Verð að valda þér vonbrigðum og get ekki boðið þér uppá heiftarlegt rifrildi þar sem ég er sammála þér.

Auðvitað er góða fólkið rígmontið af því afreki sínu að hafa flutt hingað til lands tugi hælisleitenda sem vitað var að gætu aldrei aðlagast íslensku samfélagi.  Þau geta nú strokið á sér kvðinn, ropað og rekið í þeirri fullvissu þeirra verki er lokið og íslenska velferðakerfið mun hýsa það og framfæra og fjòlskylduhjálpin mun sjá um það sem uppá vantar.  Því ekki er þetta fólk komið til að vinna fyrir sér sjálft.

[Bjarni (IP-tala skráð) 18.7.2024 kl. 18:34]

Austfjarðargoðinn eitthvað krumpaður í dag.  Verð að valda þér vonbrigðum og get ekki boðið þér uppá heiftarlegt rifrildi þar sem ég er sammála þér.

Auðvitað er góða fólkið rígmontið af því afreki sínu að hafa flutt hingað til lands tugi hælisleitenda sem vitað var að gætu aldrei aðlagast íslensku samfélagi.  Þau geta nú strokið á sér kvðinn, ropað og rekið við í þeirri fullvissu þeirra verki er lokið og íslenska velferðakerfið mun hýsa hælisleitendur og framfæra og fjòlskylduhjálpin mun sjá um það sem uppá vantar.  Því ekki er þetta fólk komið til að vinna fyrir sér sjálft.

[Ásgrímur Hartmannsson, 18.7.2024 kl. 19:32]

Hættu að kalla þessi úrkynjuði gerpi "góða fólkið."  Þetta hyski skilur ekki íróniu.

[Geir Ágústsson, 18.7.2024 kl. 22:21]

Heyr, heyr.

[Pétur Örn Björnsson (IP-tala skráð) 19.7.2024 kl. 00:05]

Þörf ádrepa.

Tvískinnungur og hræsni hænsnfugla moggans er orðið með ólíkindum.  Púdda, púdd.

[Ómar Geirsson, 19.7.2024 kl. 07:08]

Góðan daginn félagar og takk fyrir innlit og athugasemdir.

Bjarni, það er óþarfi að auglýsa að þú sért sammála mér með því að senda inn sömu athugasemd tvisvar.

Ásgrímur, það er ekki mér að kenna að Góða fólkið er kallað Góða fólkið, reikna með að það hafi eitthvað með ætlaða gæsku þess að gera.

Annars sést bara til sólar hér fyrir austan eftir þarfa rigningu.

Kveðja að austan.

[Atli Steinn Guðmundsson, 19.7.2024 kl. 14:02]

Sérstaklega þessi ljóshærði stuttklippti sem Sjællandske Nyheder lýsa í gæsluvarðhaldsþinghaldinu Ómar, hann er innflytjandi frá Austurlöndum, hefur bara aðlagast sænsku samfélagi svona líka vel: 

Den 16-årige dreng, der har lyst, kortklippet hår, har en tolk med til retsmødet. Han har været varetægtsfængslet, siden han 23. april blev anholdt i Københavns Lufthavn...

Þakka annars háttvísina, forvitnilegt að sjá fullorðið fólk verða tólf ára bak við lyklaborð.

[Ómar Geirsson, 19.7.2024 kl. 16:56]

Blessaður Atli Steinn.

Ég man svo sem ekki  hvernig það var að vera 12 ára, mig minnir samt að ég hafi verið læs á texta, forvitinn og fróðleiksfús.

Miðað við athugasemd þina hefur þú eitthvað verið öðruvísi 12 ára og það er bara svo, það býr hver að sínum ranni.

Og mér sýnist að lesskilningur þinn hafi ekki vaxið með árunum, það er ef ályktun mín er rétt um að þú hafir ekki verið læs á texta 12 ára, eða eitthvað sem þú kaust hér að ofan að eigna 12 ára gömlum börnum.

Það er náttúrulega augljóst mál að í pistli mínum er ég að tala um breytingarnar á norrænum samfélögum, sérstaklega því sænska, sem og að Danir séu um margt í svipuðum fótsporum.  Áður friðsöm samfélög, fyrirmyndir í samfélagi þjóðanna, orðnar að Harlem vestrænna landa, nema að Harlem sjöunda og áttunda áratugarins er ekki Harlem í dag, en Svíþjóð er með sömu óöldina, sömu upplausnina, jafnvel í friðsömu hverfum er fólk ekki lengur óhult vegna átaka glæpagengja.  Og þó ég færi í stílinn, eins og ég geri oft þá gengur ekki lengur slefan á milli krata og Svíþjóðarkrata um að innflytjendastefna undanfarinna áratuga sé komin á endastöð, og ástandið sé þannig að það þurfi afl til að breyta því.

Svo ég vitni í sjálfan mig; "að talað er um viðkomandi börn sem Svía, en ekki fórnarlömb innflytjenda stefnu Góða fólksins til langs tíma.  Eru það Svíar sem halda heilu hverfunum í gíslingu glæpagengja og ofbeldis, eru það Svíar sem hafa glæpavætt úthverfi innflytjenda þannig að sænsk lögregluyfirvöld koma aðeins þungvopnuð inní þau hverfi??".  Ég er að vísa í ástand sem er sannarlega staðreynd, en ekki að tala um að meintir barnahermenn séu svartir, hvítir, brúnir, rauðir, hottintottar eða Svíar, innfæddir eða innfluttir.

Því gerandinn er aukaatriði málsins, það er ástandið sem er aðalatriðið.  Og þetta ástand, þessi óöld og glæpavæðing samfélagsins, er afleiðing af gjaldþrota innflytjendastefnu, og það snertir alla í lægstu lögum samfélagsins. Miðað við sænska og danska félagssögu þá hafa bæði Stokkhólmur og Kaupmannahöfn árhundruð gamla sögu um úrköst samfélagsins, hina allra fátækustu sem gátu ekki framfleytt sér nema með glæpum, hvort sem það var þjófnaður eða vændi.

Það hefur ekkert breyst en samfélagið hefur breyst, það er mikill munur á þessari frétt og grínmyndum Svía frá sjöunda áratugnum um "Jónasar" glæpagengið svo ég vitni í myndir Prime veitunnar eða var það Netflix, man það reyndar ekki, en hef horft á eina eða tvær.

Um þessar staðreyndir er ekki rifist, allavega eru Svíar hættir að gera það, þeir eru á fullu að vígvæða herinn til að mæta þessari ógn glæpagengjanna, en af einhverjum óskiljanlegum ástæðum finnur þú þig knúinn til að tala niður þetta grafalvarlega ástand með ómerkilegum aulahúmor.

Eins og þú fattir ekki að þegar alvaran er rædd, þá afhjúpar aulahúmor afneitunarinnar aðeins aula.

Það er bara svo, og fátt um það að segja.

Hvarflar ekki að mér að spá í hvað þér gengur til.

Kveðja að austan.

[Atli Steinn Guðmundsson, 26.8.2024 kl. 17:31]

Sæll á ný Ómar

Ég ætla ekki að falla niður á það stig að fullyrða að fólk sem ég þekki ekki neitt „stigi ekki í vitið“, líklega er það dómur þinn um flesta sem þú ákveður að þér mislíki. Ég var alinn upp við að sýna öðrum kurteisi, fólki sem ég þekki jafnt sem þekki ekki. Ég reikna enn fremur með að fréttamenn ríkisútvarps Dana og Sjællandske nyheder hafi fengið sams konar póst frá þér, þeir skrifuðu jú fréttirnar sem ég skrifa upp úr og þar kemur allt fram sem ég skrifa. Hefurðu áttað þig á því? Er ég að setja fram einhvers konar skoðanir mínar þegar ég skrifa erlendar fréttir upp úr erlendum miðlum?

Ég hef nákvæmlega enga skoðun á því sem er að gerast í því máli sem ég skrifa um í téðri frétt. Þú tengir efni hennar engu að síður við mig og mínar skoðanir, þær hafa nákvæmlega ekkert með fréttaskrif mín að fera. Þú mátt kalla mig femínista, sem síðast þegar ég frétti var ekki sérnafn og því ekki skrifað með hástaf (nú ætti ég líklega að skrifa hér að þú stigir ekki í vitið en þar sem ég hef enga sérfræðiþekkingu til að leggja mat á gáfnafar fólks (þú hefur það greinilega, a.m.k. að eigin áliti) ætla ég ekki að láta slík orð falla, ég legg það ekki í vana minn að fullyrða um gáfnafar fólks sem ég þekki ekki neitt, allra síst á lýðnetinu, niðrandi orð í garð annarra eru ekki kurteisi, gleymdist ef til vill að kenna forvitna og fróðleiksfúsa drengnum það í æsku? Leitt var það).

Ég bendi á að erlendar fréttir endurspegla ekki skoðanir eða gáfnafar þeirra sem þær skrifa, alltént ekki á fjölmiðlum sem leggja einhvern metnað í slík skrif. En fólk sem stígur ekki í vitið, eins og ég (og líklega margir aðrir sem þér er í nöp við vegna erlendra frétt og guð má vita hvers annars), veit þettq auðvitað ekki. Við teljum fréttir eiga að setja fram skoðanir (og erum „Femínistar“ og „Góða fólkið“, hvort tveggja með stórum upphafsstaf, líklega til áherslu). Ekki var mér kunnugt um að ég tilheyrði þessum flokkum, ég geri það hins vegar núna af þvi að það hefur maðurinn sem allt veit úrskurðað, Ómar Geirsson, maðurinn sem stígur í vitið, er mun betur gáfum prýddur en aðrir landsmenn og getur í krafti þessa slegið því fram í opinni dagskrá á alnetinu að aðrir stígi ekki í vitið. Hann veit það nefnilega mun betur en aðrir, hann hefur rétt, fullt umboð og gáfnafar til að segja að aðrir stígi ekki í vitið. Jafnvel þótt grundvallarreglur í réttritun skolist til. Svona er lífið.

Ekki fell ég þó í þá gryfju að víkja einu styggðaryrði að Ómari Geirssyni. Ég fullyrði ekki að hann stigi ekkui í vitið, fyrir það fyrsta veit ég það ekki og í annan stað félli ég síst niður á það plan að fullyrða um gáfnafar annarra á niðurlægjandi hátt. En ég er jú auli, „aulahúmor afhjúpunarinnar afhjúpar aðeins aula“ skrifar Ómar Geirsson, maður sem sannarlega er ekki auli, hann veit hins vegar hverjir aðrir eru aular og stíga ekki í vitið. Hreint valmenni þar.

Ég vona að danskir fréttamenn hafi fengið sama dóm um að þeir stígi ekki í vitið, Ómar, höfundar frumfréttanna í þessu máli. Kallaðirðu þá ekki örugglega líka femínsta og góða fólkið (með stórum upphafsstaf)? Sanngjarnt, ánægjulegt og einkar vel ígrundað að beina spjótum þínum að blaðamanni á Íslandi sem þú telur að setji skoðanir sínar fram í erlendum fréttum.

Ég bið kærlega að heilsa þér Ómar, raunar kveðja að austan þar sem ég bý í Noregi og telst austar en þú (ef við sem stígum ekki í vitið skiljum svo mikið sem hvað er austur og vestur, mér er það auðvitað til efs). Þú tekur kannski eftir því að mér kemur ekki í hug að víkja að þér einu styggðaryrði, fávitinn og femínistinn leyfir sér einfaldlega að svara því sem hann telur fullkomlega ómaklega árás og hreinan dónaskap með fullyrðingum um gáfnar, bendlun við femínisma (stefnu sem ég hef raunar ekkert á móti) og aðrar fullyrðingar sem ég átta mig illa á af hvaða rótum eru runnar, en ég á auðvitað ekki að dirfast að draga í efa orð af því sem þú ritar enda telst ég í besta falli einfrumungur í samanburði við þá háþróuðu lífveru sem hér drullar yfir mig í máttlausri heift og er auk annars fær um að meta greindarstig fólks alla leið að austan... og það út frá frétt danskra fjölmiðla, synd að ekki eru veitt Nóbelsverðlaun í sálfræði, þau færu lóðbeint austur.

Ég bið bara fyrir eitt að lokum í framtíðarskrifum þínum um okkur hálfvitana sem stíga ekki í vitið (skrifa þetta einnig fyrir hönd fréttamanna DR og Sjællandske nyheder sem ég treysti á að hafi fengið sömu ákúrur frá konungsvaldinu...gerðu þeir það ekki örugglega? Þeirra frétt frá upphafi, þeirra femínismi, torgreind og mistök í lífinu).

Vertu kurteis og sýndu öðrum virðingu og háttsemi í því sem þú hefur ákveðið að séu þeirra skoðanir, heimska og annað sem þú kýst að úrskurða sem þeirra eiginleika. Gagnrýndu endilega erlendar fréttir og efni þeirra, en helst án þess að tengja þær við skoðanir þeirra sem taka þær upp úr erlendum miðlum, ég set ekki eina einustu skoðun fram í þessari frétt...raunar aldrei í fréttum, en það veist þú betur en ég, þú stígur í vitið, ekki hinir sem þú hefur ákveðið að stigi ekki í það. Segir þú það efar enginn að þar fari hinn æðsti dómur. 

Kurteisin kostar ekkert sagði móðuramma mín sáluga sem þú hefur líkast til umboð og forsendur til að ákveða líka að stigi ekki vitið, líklega hefur enginn í minni ætt gert það, það veist þú flestum betur, þú hefur jú umboð almættisins til að skrifa að annað fólk stigi ekki vitið, séu femínistar, góða fólkið og ég veit ekki hvað. Sannarlega vona ég að ég komist einhvern tímann með tærnar þar sem þú hefur hælana þarna fyrir austan. Með stórum staf og upphrópunarmerki.

Annar okkar setur fram köguryrði og hreinan dónaskap í skrifum sínum, treystirðu þér til að leggja mat á hvor það er? Ég ætla ekki að svara þér frekar hér, lwyfi þér að eiga síðasta orðið enda er það fullkomlega ofvaxið okkur vanvitunum að standa uppi hárinu á þeim sem hafa þekkingu til að dæma okkur með litla fingri og ákvarða auk þess skoðanir okkar og greind. Líklega veistu líka hvaða skónúmer ég nota, hvað ég borðaði í morgun og í hvaða blóðflokki ég er...notist svo frumstæðar lífverur yfir höfuð við blóð.

Ég mun ekki svara frekar í þessum þræði, leyfi þér auðvitað að eiga síðasta orðið, heimskinginn og femínistinn beygir galtómt höfuð sitt í auðmýkt fyrir herra Ómari Geirssyni, enda veit hann jú allt...og meira til. Ég rétt ræð jú við að klæða mig sjálfur eins og frétt DR og Sjællandske nyheder ber glöggt vitni um, hvort sem hún er komin frá mér eða ekki, það skiptir auðvitað engu máli. Þú veist það betur en ég kæri Ómar.

Kær kveðja að vestan,

Fávitinn, femínistinn, góða fólkið (og allt annað sem þú kýst að ákvarða mér í hárnákvæmum og kórréttum dómum þínum),

Atli Steinn Guðmundsson

[Ómar Geirsson, 28.8.2024 kl. 13:02]

Blessaður Atli Steinn.

Ég hef sjaldan fengið furðulegri athugasemd, hef ég þó fengið þær margar í gegnum tíðina.

Lestu athugasemd þína, lestu svo mína athugasemd, og síðan pistil minn.

Ef þú gerir það þá skilur þú afhverju þú kemur ekki með efnislegt svar.

Og þar sem þú virðist vera eitthvað þjáður á sinni þá skal ég að lokum benda þér á að ef þú þráir vinsemd og virðingu, þá er góð regla að temja sér hana við fyrstu kynni.

Alveg ótrúlegt hvað slíkt helst í hendur.

Kveðja að austan.