Er ekki tími til kominn að þessu linni??

 

Og það fyrir mjög mörgum mánuðum síðan.

 

Atvinnugóðmenni, mörg hver í vinnu hjá stofnunum Sameinuðu þjóðanna, hafa viðhaldið þessum tilgangslausum manndrápum, með því að síbenda fingur á hernað Ísraela eins og engin sé ábyrgðin hjá Hamas, sem hóf þetta stríð með voðaverkum sínum, og viðheldur stríðinu með því að verjast innan um óbreytta borgara Gasastrandarinnar.

Samt ættu atvinnugóðmennin að vita að það var einmitt tilgangur voðaverkanna, varnarinnar innan um óbreytta borgara, að nota blóð sem fóður í áróðursstríði.

 

Hamas treysti einnig á leyndarþræðina frá Persaflóa sem lágu til múslima í alþjóðlegum stofnunum, voðaverkin spruttu ekki uppúr engu, þau voru vandlega skipulögð, línur lagðar, aðeins heimskt fólk bendir putta á Íran, vissulega miðaldaríki við Persaflóa, en fjárstreymi leyndarþráðanna kemur frá miðaldaríkjum Arabaskagans.

Þessir leyndarþræðir hafa tryggt Hamas yfirburði í áróðursstríðinu.

 

Eini feillinn var að þjóð sem á að útrýma, bókstaflega, hún skeytir ekki um ímynd eða skor í hliðarveröld sýndarheimsins sem Hamas og miðaldafólk Persaflóans treysti á að myndi knésetja gyðingana í Ísrael.

Gyðingarnir höfðu vopn og getu til að svara fyrir sig og miðaldafólk hefur líka mikil ítök í stjórn landsins.

 

Þess vegna er fólk bara drepið og drepið.

Fólk sem er alveg eins og ég og þú.

Var ekki spurt, aðeins fórnað á altari Hamas og þeirrar drápsmiðaldahugmyndafræði sem Persaflóinn fjármagnar.

 

Breytir því ekki að þennan vítahring drápa og eyðileggingar þarf að rjúfa.

Og þann hring geta Bandaríkjamenn rofið.

 

Það var ekki nóg að láta Öryggisráðið samþykkja ályktun um vopnahlé, það þarf að framfylgja þeirri ályktun.

Annað er bara Kínalegt eða Rússalegt, innantómt orðagjálfur á skjön við raunveruleikann.

 

Ísrael mun aldrei sigra Hamas, líkt og ísraelski herinn gerir sér grein fyrir.

Tilraun miðaldamanna í ríkisstjórn landsins til þess, er aðeins hjakk í sama hjólfarinu, hjakk sem smán saman fær fólk til að leggja þá að jöfnu við voðamenni Hamas.

Sem er réttmætt, miðaldagyðingar og miðaldamúslímar, boðandi hatur og heift, í grunninn er ekki nokkur munur þar á.

 

Bandaríkjamenn eiga og áttu að taka af skarið.

Öll dráp í dag, og í gær, og lengra síðan, eru á ábyrgð stjórnvalda í Washington.

Sem og dráp morgundagsins.

Allt þar til drápin er stöðvuð.

 

Þessu þarf að linna.

Þessu á að linna.

 

Annað er sigur fyrir hatur, öfga og heift.

Sigur fyrir Hamas.

 

Og hver vill það??

Kveðja að austan.

 

Á þriðja tug drepnir nálægt byggingu Rauða krossins

Athugasemdir

[Sigurður Þorsteinsson, 23.6.2024 kl. 09:53]

Heill og sæll Ómar. Þetta er stórt mál. Arabaríkin lögðu fram tillögu um átökin á Gasa  á Allsherjarþingi Sameinuðu Þjóðanna. Kanada lagði fram breytingatillögu vegna þess að tillagan frá Arabaríkjunum var mjög hliðholl Hamas. Þó breytingatillaga Kanada hafi fengið meirihluta atkvæða fékk tillagan ekki aukinn meirihluta. Evrópuríkin greiddu öll atkvæði með tillögu Kanada, en þegar breytingatillagan náði ekki í gegn, ákváðu Evrópuríkin að sitja hjá. Ísland sat að sjálfsögðu hjá eins og hinar Evrópuþjóðirnar, Noregur ákvað hins vegar að fylgja öðrum ekki eftir, þar sem þeir eru að leita að sérstöðu fyrir Noreg á alþjóðasviðinu, þar sem olíulindir þeirra koma sterkt við sögu. Þá verður allt vitlaust á Íslandi, góða fólkið, sem ég reyndar kalla ,,skítapakkið", sem er nær lagi, með Þorgerði Katrínu Gunnarsdóttur og Kristrúnu Frostadóttur í fararbroddi mótmæltu afgreiðslu Bjarna Benediktssonar sem þá var nýtekinn við sem Utanríkisraðherra. Skítapakkið eins og í Rauða krossinum og ýmiss konar samtökum, jafnvel Amnesty International á Íslandi sem yfirleitt leitast við að vera hlutlaus voru plötuð á vagninn,RÚV sendir reglulega fréttir þar sem Hamassamtökin senda þeim reglulega fréttir af dauða barna og kvenna. Flett hefur verið ofan af þeim fréttaflutningi. Það er engin spurning að styðja Hamas og Ísraela stríðið er báðum að kenna. Það að ,,skítapakkið"  telji sér skylt að draga aðeins annan aðilann til ábyrgðar er sóðalegur máflutningur. 

[Ómar Geirsson, 23.6.2024 kl. 11:20]

Blessaður Sigurður.

Já, þetta er báðum að kenna, það er leitun af sakleysi þegar átök eru annars vegar, sem og að átök ýta undir öfga, og það er öfgarnar sem bera ábyrgð á ástandinu í dag.

Samt er sumt þess eðlis að það er aldrei hægt að réttlæta, sama hvað menn telja sig kvalda og pínda.  Voðverkin 7. okt. er dæmi um slíkt, og tilraun til slíkrar réttlætingar dæmdi til dæmis framkvæmdarstjóra Sameinuð þjóðannar úr leik strax þann sama dag. Síðan er það afstaða að láta eins og bara annar aðilinn sé í stríði, og þá líklegast að berjast við sjálfan sig.  Svoleiðis láta aðeins atvinnugóðmenni sem hafa hag og framfærslu af hörmungum og átökum.

Síðan má ekki gleyma þeirri frumhvöt lífsins að þegar einhver vill drepa þig og þína, útrýma ykkur, þá reynir þú að verjast slíkum atlögum. Sú frumhvöt spyr ekki um málstað, ástæður eða annað, hún snýst aðeins um það að lifa, að lifa af.

Engu síður er mál að linni og það fyrir löngu. Vonandi tekst Bandaríkjamönnum að stöðva þessa styrjöld, þó það væri ekki annað en vegna þess að frekari átök eru í þágu Hamas og öfganna.

Öfgarnar eiga ekki að stjórna heiminum.

Kveðja að austan.

[Sigurður Þorsteinsson, 23.6.2024 kl. 13:52]

Ómar hvað við erum sammála. 

Með bestu kveðjum frá Vatnsenda