Ég er svo sæt.

 

Er megin stef kosningabaráttu Höllu Hrundar.

Sem hún er, um það þarf ekki að rífast.

 

Ég er svo ung er annað stef, og  um það er ekki heldur deilt.

Og óspilt, en um það má efast.

 

Fyrir utanaðkomandi, sem fellur ekki fyrir þeirri ímyndunarsmíð sem einhver hæfur auglýsingamaður hefur hannað um framboð Höllu Hrundar, blasir við að Halla Hrund hefur í þessari kosningabaráttu umgengist Orkustofnun sem eitthvert einkafyrirtæki, sem hún ráði og megi ráðstafa gögnum og gæðum hennar í kosningarbaráttu sinni.

Starfsmenn sem óvart gleymdist að taka af launum þegar einhentu sér í að vinna fyrir framboð Höllu Hrundar.

Vinir sem fengu verkefni hjá Orkustofnun, örugglega hæfastir en þar með komin vanhæfni við að vinna fyrir framboð hennar.

Og núna myndband sem Orkustofnun var búin að greiða fyrir.

 

Myndbandið sem slíkt getur verið mistök, en hinar loðnu útskýringar kosningateymis Höllu eru ekki mistök.

Í stað þess að segja satt og biðjast afsökunar á mistökunum því að mörgu er að hyggja í svona kosningaspretti og því getur alltaf eitthvað misfarist, þá er grafin einhver þekkt spillingargröf, ekki kannast við neitt, boðið uppá skýringu sem treyst er á að ekki sé hægt að sannreyna.

 

Þetta segir svo margt þegar eitthvað er hannað af auglýsingastofu.

Það er eins og ímyndin komi raunveruleikanum ekkert við, og því megi svo margt sem annars væri ekki gert í raunveruleikanum.

 

En látum það vera, miklu fróðlegra væri að vita hvað býr að baki ímyndinni??

Af hverju var Halla Hrund látin bjóða sig fram, kornung manneskjan með framtíðina fyrir sér??

Og fyrir hvað??

 

En hún er sæt, um það er ekki deilt.

Kveðja að austan.

Kveðst engar kvittanir hafa fengið frá Höllu Hrund

Athugasemdir

[Geir Ágústsson, 28.5.2024 kl. 10:53]

Er ekki búið að "grooma" hana vel og lengi í þetta starf? En til vara eitthvað vel launað hjá Sameinuðu þjóðunum eða Evrópusambandinu þar sem hennar góðu kostir fá að njóta sín. Eða bæði. 

Hún fékk að setja alla uppbyggingu á orkuframleiðslu í handbremsuna, afleiðingalaust, fyrir utan þinn langa lista af "afrekum" hennar, fyrir utan allt sem við vitum ekki ennþá (ef beinagrindurnar eru orðnar svona margar þá eru þær eflaust fleiri).

[Ómar Geirsson, 28.5.2024 kl. 13:33]

Blessaður Geir.

Ég verð að játa að ég er ekki mikið fyrir samsæriskenningar, nema þá þær sem ég sem sjálfur mér til skemmtunar, en þetta er samt stór spurning hjá þér.

Það er eitthvað sem gengur ekki upp þegar svona tilbúin auglýsingaímynd dúkkar allt í einu upp og stefnir á Bessastaði.  Burt séð frá öllum beinagrindum inní skáp, þá er engin forsaga að baki framboðs hennar.

Því sem næst óþekkt í þjóðlífinu, eins og er oftast með ungt fólk sem er að hefja sinn feril, hefur ekki tekið þátt í þjóðmálaumræðunni, þannig séð skoðanalega óþekkt, og ímynd hennar er seld út það að hún sé geðþekk stelpa.

Sem er náttúrulega í góðu lagi, hver vill ekki fá geðþekka stelpu á Bessastaði?? Það er ef þjóðin gerir ekki meiri kröfur en það um væntanlegan forseta sinn.

En að stilla framboði hennar þannig upp að hún sé án tengsla, komi hrein og nýþegin inní þetta framboð eins og það sé verið að lýsa Barbí dúkku nýkominni úr umbúðum, ég kaupi þetta eiginlega ekki lengur.

En hvað veit ég svo sem??

Kveðja að austan.

[Ómar Geirsson, 28.5.2024 kl. 16:37]

Og án þess að ég vilji þakka mér nokkuð, en vissulega ánægður með glöggskyggnina, sbr; "Í stað þess að segja satt og biðjast afsökunar á mistökunum því að mörgu er að hyggja í svona kosningaspretti og því getur alltaf eitthvað misfarist, þá er grafin einhver þekkt spillingargröf, ekki kannast við neitt, boðið uppá skýringu sem treyst er á að ekki sé hægt að sannreyna.", þá segja síðustu fréttir að kosningateymi Höllu Hrundar hafi rifið sig uppúr spillingargryfjunni, og játað sekt sína og syndir.

Beðist svo afsökunar.

Segi bara, betur er seint en aldrei, og þó seint sé, þá er alltaf virðingarvert að kannast við mistök, játa þau og biðjast afsökunar.

Geri menn að meiri.

Sem ber að virða.

Kveðja að austan.

[Geir Ágústsson, 28.5.2024 kl. 21:10]

Ómar,

Ég segi "groomuð" því hún er búin að ferðast um heiminn, heilsa mörgu fyrirmenninu, lofa fyrir hönd íslenska ríkisins án umboðs, hefur fengið að nota Orkustofnun eins og klúbb þar sem hún raðar vinum sínum á launaskrá, fengið að koma að stofnun samtaka að smekk WEF (Halla Hrund Logadottir | World Economic Forum (weforum.org)), og ég veit ekki hvað.

Ekki vammlaus opinber embættismaður, heldur kona með merkimiða á sér, og stórt apparat sem framleiddi til að mynda langa auglýsingu sem ég losnaði á tímabili ekki við á jútjúb. 

Kona orkuskorts og skrifræðis.

[Ómar Geirsson, 28.5.2024 kl. 23:10]

"hana vel og lengi kom svo", sem bendir til geranda í dæminu.

Annars var þetta bara inngangur hjá mér til að halda áfram þar sem frá var horfið hjá þér Geir.

Og ég fæ ekki betur séð en þú hafir svo tekið við keflinu og haldið áfram með spunann eða pælingarnar.

Ég hef allavega velt fyrir mér einhverju sem hefur haft færri staðreyndir til að styðjast við.

Samt flott hjá henni að hætta spunalyginni og segja bara afsakið uppá gamla mátann.

Ekki alls varnað, en svo sá ég einhvers staðar á feisinu, því feisið er fullt af kosningatrúboði, að spuninn var svo notaður sem dæmi um ofsóknir, að vondir karlar hefðu gert mál úr þessu.

Tefflon hvað???

Er arftaki Bjarna fundinn??

Kveðja að austan.