Almenningur gaf Góða fólkinu fingurinn.

 

Upp í óæðri endann á sér.

Enda við hæfi, megnið af því styður hommahatarana í Hamas og propagandastríð þeirra við Ísrael sem hefur kostað yfir 30 þúsund samlanda þeirra lífið og skilið Gasa ströndina nánast eftir í rústum.

Og hinn þögli meirihluti skilur ekki þetta áróðursstríð, skilur ekki hvernig öfgalýður getur gert sinni eigin þjóð þetta.

 

Íslendingar eru á pari við Evrópu sem kaus ísraelska lagið eftir verðleikum og kannski umfram það því óneitanlega var franska lagið betra, flutt af besta söngvara keppninnar.

En þetta extra sem ísraelska lagið fékk má skrifast á andúð á mötun rétttrúnaðarins sem gat ekki aðskilið söngvakeppnina frá sinum eigin áróðri fyrir morðingja Hamas, áróðri sem fólk keypti einfaldlega ekki.

 

Dómnefndir flestra landa gerðu hins vegar í brækurnar, þeirra hlutverk var að meta gæði, bæði laga og flytjanda.

Hánið frá Sviss var ekki með besta lagið og alls ekki með besta flutninginn, hvað þá að hann væri besti söngvarinn.

En hann var hán og það skýrði 12-urnar sem það hann fékk, fagfólkið hæddi sem sagt listgrein sína, hæfileika og fagmennsku; Fyrir rétttrúnaðinn.

 

Stóra skitan var hins vegar hundsun ísraelska lagsins, ef fagmennskan réði mati þá gat ekki eitt af 5 bestu lögun keppninnar fengið 0,0 frá hverri dómnefndinni á fætur annarri.

Það var eins og dómnefndirnar héldu að þær væru að greiða atkvæði um frið á Gasa á vettvangi Allsherjarþing Sameinuðu þjóðanna.

Þó ber að hrósa þeim sem þorðu og þar ber hæst faglegt atkvæði þýsku dómnefndarinnar með sín 10 stig á Ísrael, þau stig ásamt stigum nokkurra annarra þjóða forðaði hinni faglegu stjórnun söngvakeppninnar frá algjöri niðurlægingu.

Því það er algjör niðurlæging að skipa fólk í faglegar dómnefndir sem fyrirfram er búið að ákveða hvernig það dæmir, og þá út frá þjóðerni eða kynupplifun flytjenda, en ekki það sem keppnin snýst um, söngva og söng.

 

Öll umgerð keppninnar hefur verið ríkisútvarpinu til skammar, áróðurinn gegn henni, stuðningurinn við morðingjalýð Hamas, lágpunkturinn var líklegast eina stigið sem stjórnandi og álitsgjafar Alla leið gáfu ísraelska laginu.

Vissulega þeirra ákvörðun en þar með átti að hætta sýningu þessara þátta, ríkisútvarpið er í nauðungaráskrift og getur því ekki hagað sér eins og einhver einkastöð sem boðar rasisma og kynþáttahatur.

Eins og einhver Ku Klux Klan stöð.

 

Mál er að linni.

Þjóðin vill ríkisútvarpið sitt aftur.

Hlutlaust en ekki áróðursstöð rétttrúnaðarins.

 

Hvað er svo flókið við það.

Kveðja að austan.

 

PS. Mikið var nú hressandi að vera laus við aulahúmor Gísla Marteins, hrós til Gunnu og Gunnars.

Ísland gaf Ísrael 8 stig

Athugasemdir

[Helga Kristjánsdóttir, 12.5.2024 kl. 01:33]

´Þurrkaðst allt út og ég er sauðþrá; held áfram og skoða a mogun.Var að minnast á breytingu  eftir hrun alltaf hallaði a M-flokkinn se ég kaus og alitsgjafar voru fannst mér óréttlátir. Mb.Kv.

[Bjarni (IP-tala skráð) 12.5.2024 kl. 03:06]

Æ! Var morðingjaskrílnum frá ísrael ekki fagnað sem hetjum? Kannski að morðingjarnir þurfi bara að bæta við 50.000 fleiri morðum á ferliskrána þá vinna júðarnir sigur næst.  Ekki fælir það siðlausa skíthæla eins og þig frá stuðningi.

[Jón Magnússon, 12.5.2024 kl. 06:57]

Þakka þér fyrir þessa færslu Ómar. Hverju orði sannara allt sem þú skrifar í þessum pistli. Ánægjulegt að sjá að almenningur í Evrópu stendur með Ísrael og lætur ekki blekkjast af áróðursmiðlum ríkisfjölmiðla og fjölmiðla í eigu arabískra olíufursta og afvegaleiddum sögulausum fulltrúum dekurkynslóðar Vesturlanda. Þú átt heiður skilið fyrir að þora að bera sannleikanum vitni. 

[Jónatan Karlsson, 12.5.2024 kl. 07:30]

Ef reynt er að líta björtu hliðar hræðilegrar meðferðar gyðinga á heimamönnum í Palestínu, þá gæti ég trúað að fyrir hvern einn sem þeir murka lífið úr, þá spretti upp hundruðir eða þúsundir víðsvegar um heiminn og þá að lokum munu óþokkarnir hljóta makleg málagjöld - ímynda ég mér.

[Ómar Geirsson, 12.5.2024 kl. 09:33]

Blessuð Helga.

Það er þetta með álitsgjafana.

Kveðja að austan.

[Ómar Geirsson, 12.5.2024 kl. 09:59]

Blessaður Bjarni minn.

Ég skal núna loksins veita þér athyglina sem þú þráir vegna þess að þú komst inná einn punkt sem mig langaði til að fjalla um hér að ofan, en þar sem ég ætlaði að vera hnitmiðaður, það er að hætti hússins, þá lét ég mig duga að tala um hommahatarana í Hamas í stað morðingjalýðsins sem þeir sannarlega eru.

Baulið hjá hommunum í Málmey var álíka hlálegt eða óeðlilegt eins og að í hvert skipti sem réttað er yfir meðlimum Ku Klux Klan í Suðurríkjunum, að þá mættu forsvarsmenn svartra mannréttindasamtaka og bauluðu og púuðu  að dómurunum, til stuðnings þeim rétti Klananna að ofsækja og pína svarta.

Hamas, ásamt systursamtökum sínum Ríki Íslams og nokkurra staðbundinna lærisveinasamtaka, hafa farið yfir hommasamfélög Mið-Austurlanda með báli og brandi og skilið eftir sig sviðna jörð, eirt engum.

Ef það væri eitthvað milli eyrnanna hjá þessum hommum, þá myndu þeir vissulega mæta með skilti til Málmeyjar; Free Palestína, en bæta við; From Hamas.  En það er víst ekki.

Fyndnasta athugasemdin sem ég hef fengið í langan langan tíma fékk ég frá fornvini mínum Ásgrími Hartmannssyni sem mætir reglulega til að hrósa eða skammast, og það var athugasemd sem ég fékk við pistil þar sem ég skammaði Spursmál fyrir smækkun.  En athugasemdin var þessi; "Það væri alveg ágætt að vita hvort forseti tilvonandi hefur birst í homma-klámmynd eða ekki. Ef svo er... beint til Katar með kauða. Opinber heimsókn með öllu. Það verður mjög fyndið".

Segir allt sem segja þarf um þessa nýjustu vini homma og femínista.

Hafðu það gott í sólinni í dag Bjarni minn.

Kveðja að austan.

[Ómar Geirsson, 12.5.2024 kl. 10:20]

Takk fyrir það Jón.

Það er illa komið fyrir einu samfélagi þegar fólk hættir að þora gefa hinum Þögla rödd.  Sem betur fer höfum við þessa eyju í Netheimum sem Moggabloggið er, sæmilegur friður fyrir hælbítum rétttrúnaðarins.

Ég er sem betur fer ekki einn um þessa röddun, mig langar að vitna í einn góðan frá því í morgun;

"Á sama tíma og stjórnmálamenn víða í vestur Evrópu m.a. hér á landi sýna algjört hugleysi í málum, sem varða Ísrael og dauðakúltúr Hamas, þá sýnir almenningur að þrátt fyrir skefjalausan áróður þá láta síður en svo allir blekkjast.".

Hamas og morðæði þeirra er ekki Free Palestína.

Heldur helsi sem hinir huglausu þora ekki að takast á við.

Kveðja að austan.

[Ómar Geirsson, 12.5.2024 kl. 10:45]

Blessaður Jónatan.

Það eru tvær hliðar á svokallaðri hræðilegri meðferð gyðinga á heimamönnum í Palestínu. Fólk af arabískum uppruna í Ísrael, sem og aðrir minnihlutahópar sem eru ekki gyðingar, njóta í dag fullra borgaralegra réttinda í Ísrael, svo hefur verið frá því um 1970. Ísrael er eini staðurinn á þessu svæði þar sem hommar og lesbíur geta komið út úr skápnum eða ungar konur kastað tákni kvenkúgunarinnar, slæðunni.

Ástandið er miður hvað varðar hernumdu svæðin, vissulega hefur ógnarstjórn Hamas séð um að kúga og pína íbúa Gasa og á því bera Ísraelsmenn vissulega óbeina ábyrgð, en á Vesturbakkanum hefur framferði Ísraelsmanna verið óásættanlegt, og lítil afsökun að vitna stanslaust í fjölda hryðjuverka gegnum tíðina.  Múrar gettósins geta aldrei verið svarið, það ættu Ísraelsmenn að þekkja vel úr sinni eigin sögu.

Ef þú ert að vísa til núverandi atburða á Gasa, þá veistu mætavel Jónatan að Hamas hóf þessi átök og viðheldur þeim með því að verjast innan um íbúana, nema þeir hafa skjól neðanjarðarganganna sem heimamenn hafa ekki.  Það fellur fólk í stríðsátökunum, og ef menn vilja ekki mannfall síns eigin fólks, þá hefja menn ekki stríðsátök, hvað þá að gera morðárásir á miklu öflugra herveldi.

En ég er alveg sammála þessum orðum þínum; "þá spretti upp hundruðir eða þúsundir víðsvegar um heiminn", þess vegna var það ekki hið gáfulegasta í stöðunni að ráðast strax inní Gasa, það hefði átt að fullreyna getu alþjóðasamfélagsins að koma lögum yfir morðingja Hamas og leysa gíslana úr haldi.  Það hefði örugglega ekki tekist en þá hefði það verið fullreynt.

Þú kallar þá óþokka sem reyna að verjast morðárásum öfgalýðs sem vill útrýma þeirri eigin þjóð.  Þú ert ekki sá eini sem hefur notað það orð í gegnum söguna.  Hitler kallaði Churchil óþokka og íbúar í brenndum borgum Þýskalands voru örugglega sammala honum, svona er mat fólks bara afstætt.

Og verður alltaf.

Kveðja að austan.

[Ómar Geirsson, 12.5.2024 kl. 11:03]

Blessaður aftur Jónatan.

Svona svo það fari ekki á milli mála að þó við sjáum ábyrgð átakanna ekki sömu augun, þá er ég ekki bara sammála þér um að fyrir hvern Hamasliða sem fellur við vörn Gasa, þá spretta upp 33 í hið minnsta, og að blóðátök hafa aldrei skilað friði.

Heldur líka deilum við líka sömu skoðun að þessum átökum eigi að linna, og það fyrir löngu.  Á það benti ég í pistli mínum hér á undan þar sem mér ofbauð orðræða kerfislögfræðinga um að beiting vopna til að drepa fólk gæti brotið á mannréttindum þess.  Og sagði svo þetta; "

"Það er tímabært að Bandaríkjamenn segi við Ísraelsmenn að núna sé þetta orðið gott, nú hætti þeir að stríða gegn því að fá alla gísla til síns heimahaga.

Íbúar Gasa munu síðan sjá um að refsa hinum seku í Hamas, þeir fái til þess stuðnings alþjóðasamfélagsins sem sendi friðargæslulið inná Gasa og í skjóli þeirra verði bundið endi á ógnarstjórn Hamas.

Svo ein nálgun sé rædd.".

Þú þarft ekki að vera sammála mér um að íbúar Gasa sjái sjálfir um að refsa Hamas ef alþjóðasamfélagið bindur enda á ógnarstjórn þeirra á Gasa, en tekur örugglega undir það fyrra.

Það verður friður í dag sagði Biden forseti, það er í gær á morgun, og í dagurinn í dag er sá morgun.

Vonandi er þetta ekki enn eitt þusið í elliærum karli, Bandaríkjamönnum ber að stöðva þennan ófrið ef Hamas fellst á að frelsa alla gísla.  Þá er nákvæmlega ekkert sem réttlætir þennan ófrið

Eftirmálin eru svo seinni tíma.

Kveðja að austan.

[Sigurður Kristján Hjaltested, 12.5.2024 kl. 11:15]

Frábær pistill Ómar og svo sannarlega sannur. Bjarni karl greyið skilur ekki ásamat fleiri afvegaleiddum HAMAS elskendum að ástæðan

fyrir þessu öllu saman eru þau samtök. HAMAS hefur aldrei verið til friðs frá því þau komust til valda 2006 og loforðin um

frjálsar kosningar hafa að sjálfsögðu aldrei verið efnd. Ábyrgðin fyrir öllum þeim þúsund sem hafa látið lífið frá 2006 er alfarið

á ábyrgð þeirra og engra annarra. Svo einfalt og skírt er það.

Að vera vitni svo af því að sjá homma og lesbíur styðja þessi samtök er fyrir utan minn skilning og sérstaklega í ljósi þess

að HAMAS myndi með ánægju myrða og pynta þau til dauða á viðbjóðslegan hátt eins og þeirra er siður.

Er nema furða að spurt sé, er fólk heimskt..??

[Bjarni (IP-tala skráð) 12.5.2024 kl. 11:44]

Sæll  Ómar og afsakaðu orðbragðið í fyrri athugasemdum.  Við erum sammála um að hommahatandi morðóðum hryðjuverkaskríl eins og Hamas er best komið í gröfinni.  Þeir hafa fyrirgert rétt sínum til lífs. Það sem okkur greinir á um er að morðæði eins réttlætir ekki morðæði annara. Það er engin réttllting fyrir morðæði israela.

Sögunni verður ekki breytt svo glatt, með stofnun israel hröktust 700.000 Palestínumenn á flótta frá því sem nú heyrir undir ísrael en hafði verið þeirra heimkynni um aldir.  Þeirri útþennslustefnu ísrael lauk ekki 1948, hún hefur haldið áfram linnulítið í yfir tæp 80 ár. Það er eðlilegt að þeir sem hafa í áratugi sætt ofsóknum spyrni við fótum og drepi einhverja af kvölurum sínum við og við.  Skiptir ekki máli þó landtökuræningjarnir stimpli sig sem hommaelskandi friðarsinnar. Þeir verða dæmdir af því sem þeir er, ekki af því sem þeir segjaat vera.

[Jónatan Karlsson, 12.5.2024 kl. 12:23]

Sæll Ómar.

Fyrst þakka ég þér fyrir yfirvegað og kurteislegt svar þitt, þó nokkuð beri okkur á milli, t.d. hvað upphaf hryllingsins sem þú rekur til árásar Hamas þann 7. okt á meðan ég álít upphafið auðvitað vera grimdarlegt landrán gyðinga allt frá 1948 og í raun og veru engu betra en framferði svokallaðra landnema í Bandaríkjunum og Ástralíu gagnvart frumbyggjum þeirra heimsálfa.

Í öðru lagi þá voru Hamas lýðræðislega kjörin til valda og njóta enn stuðnings meirihluta almennings eftir því sem ég best veit og af heimamönnum álitin vera andspyrnuhreifing, líkt og t.a.m. irgun þeirra Begins og Sharons sjálfra og auðvitað andspyrnunar gegn þjóðverjum í hernumdum löndum í heimstyrjöldinni síðari, sem kölluðust einmitt líka hryðjuverka samtök á þeim tíma.

[Ómar Geirsson, 12.5.2024 kl. 14:31]

Blessaður Bjarni, þú getur þetta alveg.

Ég ítreka að Hamas ber ábyrgð á drápunum á Gasa í dag, það voru þeir sem hófu átökin, það voru þeir sem tóku gísla og fluttu til Gasa, það er þeir sem verjast innan um óbreytta borgara.  Þeir bera jafnmikla ábyrgð á hörmungum sinnar þjóðar og nasistar báru ábyrgð á hörmungum þýsku þjóðarinnar þar á meðal eldárásunum á Hamborg 1943 og Dresden 1944 ef ég man ártölin rétt.  En þær árásir voru einn mestu viðbjóður stríðsins, þjónuðu engum tilgangi öðrum en að brenna óbreytta borgara lifandi, í tugþúsunda tali.

Það er ekkert sem réttlætir voðaverk Hamas, og það fyrsta sem flaug í huga mér, áður en ég komst að því hvaða mannlegur viðbjóður var á ferðinni, var; Hvað eru þeir að gera sínu eigin fólki??

Og þó að stríð sé morðæði þá er það samt svo að stríð eru ennþá viðurkennd sem sjálfsvarnarréttur þjóða en árásarstríð hins vegar fordæmd.  Sama hver málstaðurinn er, þá eru árásarstríð fordæmd, það er eitthvað sem Pútínvinir eiga erfitt með að skilja, og núna Hamasvinir.

Hvað eiga á ríki að gera sem ráðist er á, voðaverk framin, gíslar teknir og fluttir yfir landamæri???  Svaraðu þessu heiðarlega Bjarni og ég skal halda áfram umræðunni við þig.

Ég hef sjálfur bent á að fyrir utan beina ábyrgð Hamas, þá er þetta stríð á ábyrgð alþjóðasamfélagsins, það gerði ekki strax það sem það átti að gera til að stöðva þessi átök í fæðingu.

Að segja hins vegar að það hefði ekki átt að gera neitt er hins vegar hræsni á hæsta stigi, allar þjóðir hefðu brugðist við svona voðaverkum og gíslatöku, en viðbrögð þeirra vissulega farið eftir styrk þeirra sem og styrk árásaraðilans.

Bandaríkin brugðust harkalega við eftir árásina á Tvíburaturnana og eru ennþá í því stríði, með þátttöku flestra bandamanna sinna í Nató, ég man ekki betur en að bæði Danir og Norðmenn hafi sent hermenn til Afganistan. Og núna er Evrópusambandið í beinu stríði við Rússa, einmitt vegna árásarstríðs Pútíns.

Þetta er raunveruleikinn Bjarni og þeir sem díla með mannslíf í ákvörðunum sínum vita af þessum raunveruleik.  Og það að lýsa honum þýðir ekki það sama að maður sé sammála honum, og tek heilshugar undir að morðæði afsaki ekki morðæði.  Og það væri morðæði ef Ísraelsmenn héldu áfram að sprengja og drepa fólk eftir að Hamas legði niður vopn, en það hefur bara ekki reynt á þann möguleika.

Vegna þess að Hamas berst á meðan samtökin gera sér minnstu vonir um sigur í því Propaganda stríði sem þeir hófu þann 7. október 2023, sú von beið hnekki í gærkveldi, og eykur þar með lífslíkur barnanna á Gasa.

Það verður vonandi samið um varanlegt vopnahlé eftir nokkra daga, báðir aðilar eru komnir út í vegg í stríðsátökum sínum, Bandaríkjamenn þurfa núna að sýna forystu sem forysturíki gera.

Varðandi þetta með sem gerðist 1948 og árunum þar á eftir höfum við fullrætt, ég hef bent þér á staðreyndir sem þú hefur kosið að svara ekki.  Enda ekki hægt, maður rífst ekki við staðreyndir.

Og maður á hafa þann sið að vita að það er ekki allt leyfilegt þó fólk berjist fyrir tilveru sinni.

Hamas fór út fyrir þau mörk.

Kveðja að austan.

[Ómar Geirsson, 12.5.2024 kl. 15:12]

Blessaður Jónatan, ég veit ekki hvað ég á að segja, ég hef rætt þetta svo oft áður, bæði í pistlum mínum og athugasemdarkerfi.

Grundvöllur umræðunnar er að það réttlætir ekkert voðaverkin 7. október, sama hver forsaga þeirra er sem berjast á banaspjótum. Þeir sem geta ekki verið sammála um þetta hafa í raun ekki meir til að tala um, því þá er óbrúanleg gjá í siðferði og menn skilja ekki tungutak hvors annars.

En átök og deilur eiga sér rætur, og þó menn deili ekki um það, þá geta menn haft ólíka sýn á þessar rætur.  Síðan má aldrei vanmeta innbyrgða reiði hinna kúgaðra, það fengu til dæmis arabar Zanzibar að kynnast eftir að Tanganyika tók yfir eyjuna 1964.  Þetta má lesa í Wikipedíu; "However, just a month later, on 12 January 1964 Sultan Jamshid bin Abdullah was deposed during the Zanzibar Revolution.^[43] The Sultan fled into exile, and the Sultanate was replaced by the People's Republic of Zanzibar, a socialist government led by the Afro-Shirazi Party (ASP). Over 20,000 people were killed – mostly Arabs and Indians – and many of them escaped the country as a consequence of the revolution".

Það sem vantar er að fólk var drepið á hinn hryllilegastan hátt án dóms og laga og þó þú myndir vísa í þrælahaldið og allt sem því fylgir, þá fengir þú mig aldrei til að viðurkenna Jónatan að þessi dráp hafi verið réttlætanleg á nokkurn hátt. Eins var það með morðæðið í Prag 1945, eftir að borgin var frelsuð.  Þar voru yfir 50 þúsund Súdetaþjóðverjar myrtir, flestum var kastað í ána sem rennur í gegnum borgina, með hendurnar bundnar fyrir aftan bak með gaddavír, þó var sú miskunn sýnd að pör voru oft bundin saman eða börn við mæður sínar.  Þú færð mig ekki heldur til að viðurkenna Jónatan að það sé eitthvað sem réttlætir þetta.

Víkjum þá að "landrán gyðinga allt frá 1948 og í raun og veru engu betra en framferði svokallaðra landnema í Bandaríkjunum og Ástralíu gagnvart frumbyggjum þeirra heimsálfa". 

Í það fyrsta var Ísraelsríki stofnað á löglegan hátt með íhlutun Sameinuðu þjóðanna þegar bresku Palestínu var skipt upp milli ríkis araba og gyðinga.  Þó þeir sem við köllum Palestínuaraba hafi verið fjölmennastir þá var breska Palestína byggð mörgum mismunandi þjóðernishópum, fólki sem átti rætur sínar til Egyptalands, Kákasus, Bedúínar, Drúsar, Samverjar og gömlu og nýju gyðingarnir.  Eins og var með öll önnur ríki sem voru stofnuð á þessum tíma.

Í öðru lagi varð stríð, og í stríðsátökum flýr fólk og því miður er það þannig að það á oft ekki tök á að snúa til baka, fólkið sem flúði Ísrael var aðeins broti af þeim hópi sem flúði í Seinna stríði og árunum þar á eftir, eins voru miklir þjóðernisflutningar í fyrra stríði og árunum þar á eftir.

Hundruð þúsunda Finna þurfti til dæmis að flýja Kirjalahérað eftir að Rússar hernámu það, eins Austur Prússar, mættu þeir snúa til baka og útrýma þeim sem fyrir er með vísan í að afi og amma áttu heima þarna??

Og þó ég viti að það hafi mikið gengið eftir stríðið 1948 og ísraelsk stjórnvöld litu á alla arabíska íbúa landsins sem hugsanlega andstæðinga, þá sjatlaðist ástandið og í dag njóta þeir fullra borgarlegra réttinda.  Sé því ekki samanburðinn og er ég þó ágætlega að mér í sögu.

En varðandi það hvort menn séu kallaðir hryðjuverkamenn eða ekki, þá er það bara gömul saga og ný og sá veldur sem heldur.

Það breytir því samt ekki að hryðjuverk eru hryðjuverk, og þó menn verði þjóðarleiðtogar þá þvær ekki út hryðjuverkin úr ferilskrá þeirra.  Hins vegar eru það ekki hryðjuverk að ráðast á hernaðarleg skotmörk eða hermenn andstæðingsins, þó þeir sem verða fyrir þeim árásum noti orðið hryðjuverk.

Hryðjuverk eru skilgreind á ákveðin hátt og árás Hamas 7. október var viðbjóðslegt hryðjuverk, eini samanburðurinn á þessu svæði eru voðaverk Ríki Íslams, og þó kalla menn ekki allt ömmu sína á þessum slóðum.

En versta hryðjuverk Hamas var að kalla yfir sína eigin þjóð innrás Ísraela sem þeir vissu að myndi kosta tugþúsundir lífið.  Ég held að jafnvel Stalín hefði hugsað sig tvisvar um áður en hann hefði kallað slíkar hörmungar yfir þjóð sína, kallaði hann ekki heldur allt ömmu sína.

Þetta eru voðamenni Jónatan og maður á að fordæma þá.

Kveðja að austan,

[EINAR S HÁLFDÁNARSON (IP-tala skráð) 12.5.2024 kl. 18:27]

Sæll Ómar

Þekking Jónatans er jafnan á sama veg. En fyrst af tvískinnungi dómnefndar.

Evróvisjón í Aserbaídsjan             

Árið 2016 tók Ísland þátt í Evróvisjón sem þá var haldin í Aserbaídsjan. Landið er múslimaríki. Innan núverandi landamæra þess bjó minnihluti Armena frá aldaöðli, að miklu leyti á afmörkuðum svæðum sem síðar urðu sjálfstjórnarhéraðið Nagorno-Karabakh. Armenar eru fyrsta kristna þjóðin í heiminum. Allan Sovéttímann var Armenum mjög mismunað í Aserbaídsjan og yfirvöld reyndu af ákefð að bæla niður armenska menningu. Azerar neyddu Armena til að yfirgefa umrædd svæði og hvöttu aðra Azera til að setjast þar að. Armenar voru þó áfram meirihluti íbúa. Á síðasta áratug 20. aldar voru Armenar reknir frá Aserbaídsjan í stórum stíl og stríðsátök hófust milli Armena og Azera.

Þjóðernishreinsun Azera í Aserbaídsjan

Staða Armena í Aserbaídsjan fór versnandi allan annan áratug þessarar aldar. Fjögurra daga átök í apríl 2016 leiddu til falls hundraða manna. Armenar í Aserbaídsjan voru hálf milljón fyrir u.þ.b. 30 árum. Nú er svo komið að saga Armena í Aserbaídsjan er öll. Þjóðernishreinsum Azera er fullkomnuð. Hið einkennilega bandalag „vók“ vinstrielítunnar, öfgafemínista og öfgamúslima (sem fagna) lætur sér þetta í léttu rúmi liggja. Armenar hafa ekki framið eitt einasta hryðjuverk til að hefna harma sinna. Armenar eru kristin þjóð. - Víðtæk mannréttindabrot voru framin  í Aserbaídsjan í aðdraganda Evróvisjón til að líta vel út í Evróvisjón. Ekkert stoppaði þátttöku Íslands í Evróvisjón í Aserbaídsjan.

Hvað skyldu nú vera margir gyðingar í arabalöndunum sem voru fleiri enn milljón í lok seinna stríðs? Arabar sem flúðu núverandi Ísrael voru um 700 þúsund.

RÚV og RÚV2 (Stöð2) stunda allt annan fréttaflutning af máli Ísraels en vandaðir, vestrænir fjölmiðlar. Hér er þeirri skoðun haldið á lofti að gyðingar frá Evrópu hafi flutt til til lands sem heitir „Palestína“ og stolið því af íbúunum. Sannleikurinn er allt annar. „Palestína“ var stórt landsvæði, eins og þú tókst fram, sem náði yfir núverandi Ísrael og Jórdaníu og inn í önnur lönd að hluta. Mikill fólksflótti varð á svæðinu eftir lok seinni heimsstyrjaldar. Gyðingar hópuðust til suðvesturhlutans frá löndum sem lentu undir stjórn araba og arabar (samt mun færri en gyðingarnir) í hina áttina. (Þetta er svipað því sem gerðist á Balkanskaganum fyrir 30 árum). Fjöldinn var ekki nema brot af þeim mikla fjölda sem þá varð að flýja heimkynni sín í Evrópu. Fjöldaflótti Evrópubúa frá heimkynnum sínum í Austur-Evrópuí stríðslok, flestra af þýsku bergi brotnir (milli 12 og 15 milljónir), varð ekki tilefni neins hryðjuverks. – Ekki eins einasta.

Það er súrrealískt að verða vitni að femínistum og samkynhneigðu fólki styðja hatursmenn sína í Hamas með ráðum og dáð í miðborg Reykjavíkur. Hafandi ekki hugmynd um sögulegar staðreyndir, hvorki um veldi Ottómana né uppruna Ísraelsmanna, svo fátt eitt sé nefnt. Að ekki sé nú talað um íslenskt listafólk.

[Jónas Gunnlaugsson, 12.5.2024 kl. 18:48]

Þakka kennsluna Ómar Geirsson.

Gyðingunum, sem voru reknir út úr löndum Islam 1948, var... - jonasg-egi.blog.is  

Egilsstaðir, 12.05.2024   Jónad Gunnlaugsson

[Ómar Geirsson, 12.5.2024 kl. 20:02]

Takk fyrir innlit og athugasemd Einar.

Já það er ekki alveg sama hjá Góða fólkinu sem fékk puttann, Jón eða séra Jón, kristnir eða aðrir, en ég held að skýringin sé einhver mandra sem stríðsæsingaröfl hafa magnað upp í skjóli almennrar fáfræði fólks. Sömu stríðsæsingaröflin sem drápu Rabin og friðarferlið, og láta svona atburði alltaf dúkka upp þegar ástandið róast og einhverjir mánuðir líða án þess að menn séu að drepa hvora aðra.

En burtséð frá öllu, öllu, þá skil ég ekki hvernig Góða fólkið, í góðmennsku sinni, finnst það í góðu að styðja öfgalýð sem vill útrýma rúmlega 9 milljóna manna þjóð.  Þetta er eitthvað svo helsjúkt.

En hvað um það, varðandi spjall mitt við Jónatan þá eftir smá núning í byrjun þá höfum rætt ágreining okkar þannig að sjónarmið beggja hafa komið fram.

Ekki nema gott um það að segja.

Kveðja að austan.

[Ómar Geirsson, 12.5.2024 kl. 20:04]

Takk fyrir þitt innlegg Jónas.

Kveðja að austan.