Steinhissa femínisti.

 

Femínistinn á Morgunblaðinu, þessi þarna með menntun í fjölmiðlafræðum frá Háskóla Íslands, sérhæfing að kópa og peista glósur, verkefni, próf, hefur líklegast ekki lítið í bók, fyrir utan íslenskar nútíma bókmenntir, söguþekking á pari við vel upplýstan bandarískan almenning, sérfræðingur í ófræðum ýmiskonar eins og um fjölda kynja, veit ekki ennþá hvernig börnin hans urðu til, er steinhissa að Ísraels hafi komist áfram í Eurovision.

Hann, sem var búinn að flytja frétt eftir frétt af fámennum mótmælum í Málmey, útverði Íslams í norðri (þar sem fréttin er hve mótmælin eru fámenn miðað við fjölda araba í borginni) og að Möggu Stínur Svía hefðu orðið sér til skammar, enn einu sinni, með skrílslátum, skilur ekki í að Evrópa hafi kosið lag út af eigin verðleikum, en ekki eftir áróðri stríðsæsingamanna sem styðja morðingjana í Hamas með ráðum og dáðum.

Eins og hann er búinn að ítreka svo oft í fréttum sínum þegar hann fjallar um söngvakeppnina kennda við Evrópu að "Þykir það m.a. skjóta skökku við að Ísra­el sé heim­iluð þátt­taka en Rússlandi hafi verið meinuð þátt­taka í kjöl­far inn­rás­ar þeirra í Úkraínu".  Að söngvakeppnin snúist um það og ekkert annað.

 

Femínistinn er ekki vel gefinn, við skulum hafa það á hreinu.

Þess vegna má alveg fyrirgefa honum steinhissa sitt, hann fattar bara ekki greyið að Evrópa gerir greinarmun á stríðsátökum þar sem tveir deila, og þó það sé leitun að fólki, fyrir utan háværan stuðningshóp morðingjanna í Hamas, í Evrópu sem vill ekki að átökunum linni strax, helst áður en þau hófust, að þá skilur það gildi svona sameiginlegra atburða til að hrista hjörtu fólk saman og gera heiminn örlítið betri á eftir.

Næg er sundrungin í heiminum samt þó sundrungaröflin komist ekki upp með að sundra því litla sem við ennþá eigum sem sameinar.

 

Hvað þá með að Rússlandi var vikið úr Eurovision, frá íþróttakeppnum og svo framvegis?

Svarið við því er mjög einfalt eða svo ég vitni í Pet Shop Boys; It´s a sin.

Það mætti halda að Pútín sjálfur hefði tekið þessa ákvörðun til að þjappa saman Rússum um stríðsbrölt sitt og geðveiki.

Samtalið, þátttakan, það hefði verið erfitt fyrir ritskoðara Kreml að hafa fulla stjórn á því öllu saman, rússneska þjóðin hefði séð hina hliðina, það væri til frelsi og það væri til heimur án stríðsátaka.

 

En það þýðir lítið að útskýra þetta fyrir femínistanum, hann heldur að skammsýni vestrænna stjórnmálamanna sé meitlað í skýin líkt og regla Pýþagórasar.

Og krefst að það sama gangi yfir alla.

Í fáfræði sinni heldur hann að Palestína taki þátt í Eurovision og vegna glæpa morðingja Hamas, eigi að vísa þjóðinni úr söngvakeppninni.

Vitið er bara ekki meira en það.

 

Rússar hófu stríðsátökin með árás sinni á Úkraínu, Hamas hóf átökin með árás sinni á landamærabæi Ísrael og ólíkt Rússum sem reyndu að skjóta hermenn Úkraínu, þá sannar myndefni sem Hamasliðar sjálfir tóku, að markmið þeirra var að skjóta óbreytta borgara, sérstök áhersla var að leita uppi friðelskandi fólk sem fordæmi öfga og árásarstefnu ríkisstjórnar Netanyahu, enda hefur hann og Hamas lengi gengið í takt til að koma í veg fyrir frið í Miðausturlöndum.

Þetta skilur femínistinn ekki því hann hefur ekki vitsmuni til þess, hann hamrar á að það eigi að reka Ísrael úr keppninni fyrir að svara árás Hamas og reyna frelsa gíslana sem samtökin rændu.

 

Það eins og Rússarnir segir femínistinn, en Ísraelsmenn eru gera eins og Úkraína, verjast og svara árásum.

Vissulega með miklu öflugri her, en halda menn að Úkraínumenn hefðu ekki notað her sinn til að verjast og sækja að Rússum ef her þeirra væri öflugri??

Fáviskan er því algjör því krafa femínistans á Morgunblaðinu er í raun að það eigi að reka Úkraínu úr Eurovision fyrir að verjast árásum Rússa og myrða rússneska hermenn umvörpum svo ég vitni í þekkt orðalag úr fréttum sem femínistinn skrifar hér á Mbl.is.

 

Auðvitað eru fleiri svona fávísir og ekki betur gefnir en þetta, femínistinn á Morgunblaðinu á margar bræður og systur um alla Evrópu, en þó hávær sé, þá er þetta mjög fámennur minnihluti, fyrir utan að margir arabar í Evrópu styðja sitt fólk, sem gefur að skilja.

Þessi fámenni minnihluti tekst ekki að eyðileggja Eurovision.

Þess vegna komst ísraelska lagið áfram, það var einfaldlega það gott og vel flutt.

 

Átökin á Gasa halda áfram óháð því.

Og gera það þar til Bandaríkjamenn segja hingað og ekki lengra.

Það er óskiljanlegt að ef frelsun gísla er í boði, að Ísraelsmenn skuli ekki láta af hervirkjum sínum og semja frið.

Þar liggur meinið.

 

Við hin getum hins vegar bætt heiminn örlítið með því að tralla með Europabba.

Eða rokka með Króötum eða Norðmönnum.

Um það snýst þetta.

 

Um það snýst þetta.

Og ekkert annað.

Kveðja að austan.

 

 

Ísrael komst áfram í Eurovision

Athugasemdir

[Ómar Geirsson, 10.5.2024 kl. 18:03]

Svona þegar ég hæðist að femínistunum á Morgunblaðinu, þetta fólk sem gerir venjulega heimsku, gáfaða, þá situr í mér sjúkleikinn sem ég bloggaði um fyrir nokkrum vikum síðan.  Það  er þegar Mogginn gekk beinna erinda hinna viðbjóðslegu morðingja Hamas, nenni ekki að rifja það upp en Davíð, sem ber höfuðábyrgð á viðurstyggðinni, varð mjög smár á eftir í mínum huga.

En kannski var kallinn bara veikur í öndunarvél á sjúkrahúsi, án rænu í viku eða svo og þá samkvæmt skipuriti hafi femínistinn fengið frjálsar hendur til að sanna að það væri lítið á milli eyrna hans.  Sjúkleikinn hafi sem sagt verið tær heimska, ekki vel gefins fólks þó það hafi beina þekkingu á hinum meintu 27 kynjum skaparans, sbr. að mýsnar fari á stjá þegar kötturinn er vant við látinn.

Veit ekki, en viss von um að fáráðið og forheimskan hefðu ekki algjörlega yfirtekið Morgunblaðið, af sjúkrabeði sínu hefði Davíð náð að setja inn leiðara sem lýsir mjög vel ástandinu á Gasa og þeim áskorunum sem alþjóðasamfélagið þarf að takast á við þar.

Leiðara sem hljómar svo sem vel við margt af því sem ég hef skrifað um og fordæmingu mína á þeim viðbjóð samlanda okkar að upphefja voðaverk Hamas, og styðja fram yfir rauðan dauða dauða óbreyttra borgara þar, sjálf í öruggu skjóli, teljandi sig gott fólk.

Ætlaði að setja inn leiðara Davíðs hér á eftir, en þar með er innslagið orðið of langt, leiðarinn kemur í næstu athugasemd.

Á meðan er það kveðjan að austan.

[Ómar Geirsson, 10.5.2024 kl. 18:07]

Skelfingarástand

Föstudagur, 10. maí 2024

Ástandið á Gasa er skelfilegt og verður vart lýst með orðum. Þar ríkir stríðsástand, neyðarástand, og eðlilega hefur fólk samúð með þeim sem þar búa og verða að ósekju fórnarlömb aðstæðnanna. Þá er freistandi að vilja að hernaðaraðgerðir séu stöðvaðar, en er málið svo einfalt að þá falli allt í ljúfa löð og hægt sé að byggja upp heilbrigt samfélag í framhaldinu? Nei, því miður er málið flóknara því að hryðjuverkasamtökin Hamas, sem réðust inn í Ísrael 7. október í fyrra og myrtu á hrottalegan hátt á annað þúsund manns, auk þess að taka um 250 gísla og halda enn um helmingi þeirra, eru enn starfandi. Þau halda til, með fjögur herfylki að því er talið er, í síðasta vígi sínu, í borginni Rafah, nærri landamærum Egyptalands.

Hryðjuverkasamtökin Hamas hafa stjórnað Gasa í hátt í tvo áratugi eftir að hafa unnið einar kosningar og ekki leyft aðrar síðan. Þau hafa beitt ógnarstjórn, myrt andstæðinga sína og barið niður þá litlu andstöðu sem almenningur hefur þorað að sýna. Þá má aldrei gleyma því að þau standa fyrir viðurstyggilega hugmyndafræði þar sem konur eru kúgaðar og samkynhneigðir eru drepnir fyrir að vera eins og þeir eru. Þau fyrirlíta Vesturlönd og vestræna menningu, ekki síst stuðning okkar við jafnrétti kynjanna og almenn mannréttindi, réttarríki og fleira sem við teljum sjálfsagt. Allt er þetta eitur í beinum Hamas og annarra íslamskra öfgahópa sem vaxið hafa upp í Miðausturlöndum, einkum með stuðningi klerkastjórnarinnar í Íran, sem er rótin að mörgu því illa sem þar á sér nú stað.

Furðulegt er að fylgjast með skipulögðum mótmælum á Vesturlöndum til stuðnings þessum hryðjuverkasamtökum, til að mynda í bandarískum háskólum þar sem slíkur stuðningur hefur fengið að vaða uppi, ekki aðeins sem friðsæl lögmæt mótmæli áhyggjufullra námsmanna, heldur vel skipulagður stuðningur við Hamas og fjandskapur við Ísrael og gyðinga, sem hafa búið við ógn víða á háskólasvæðum í Bandaríkjunum, svo ótrúlegt sem það nú er. Meðal þeirra sem staðið hafa á bak við þessi mótmæli eru samtök sem heita því sakleysislega nafni Students for Justice in Palestine, Námsmenn fyrir réttlæti í Palestínu. Þau samtök fögnuðu morðæði Hamasliða 7. október og skipulögðu aðgerðir þegar í framhaldi af þeim óhugnaði, áður en Ísraelsher brást við.

Ekki má heldur gleyma því að ástæða þess hve hægt og erfiðlega gengur að ráða niðurlögum Hamas-samtakanna er að þau hafa alla tíð, og gera enn, byggt varnir sínar og öryggi á að vera í skjóli almennings. Þessu var lengi neitað, en eftir að Ísraelsher hefur fundið og sýnt mikið af göngum og neðanjarðarbyrgjum, meðal annars undir skólum, skrifstofum UNRWA, hjálparsamtaka SÞ, og sjúkrahúsum, þá er engum blöðum um þetta að fletta lengur. Hryðjuverkasamtökin hafa líka hindrað almenning í að flýja þegar Ísraelsher hefur opnað möguleika á það, sem hann hefur iðulega gert til að forðast mannfall eins og frekast er unnt. En þegar hryðjuverkamennirnir vilja að sem flestir falli þar sem áróður þeirra byggist ekki síst á því að birta tölur um slíkt, að vísu mjög vafasamar, og þar með að Ísrael beri að hætta aðgerðum sínum, þá er erfitt við þetta að eiga. Það þýðir þó ekki að Ísrael beri að hætta aðgerðum og láta hryðjuverkamönnunum Gasa eftir og leyfa þeim að byggja sig upp á nýjan leik.

Framtíðin getur ekki falist í því að hryðjuverkasamtökin Hamas, eða aðrir útsendarar Írans eða ámóta illþýði, geti áfram haldið úti starfsemi á Gasa og ógnað þannig Ísrael og kúgað íbúa svæðisins. Eina lausnin er að uppræta hryðjuverkasamtökin Hamas og um leið að setja aukinn þrýsting á írönsk stjórnvöld um að hætta að ýta undir ófrið í Miðausturlöndum. Ísraelsmenn hafa hafið takmarkaðar aðgerðir í Rafah og meðal annars fundið göng sem notuð hafa verið til að smygla vopnum inn á svæðið. Slíkar aðgerðir þurfa að halda áfram eigi að ráða niðurlögum hryðjuverkamannanna, en þær verður vitaskuld að framkvæma af varúð og Ísrael hefur til að mynda dreift miðum á svæðinu þar sem íbúarnir eru hvattir til að færa sig yfir á öruggt svæði sem búið er að útbúa utan Rafah og þar sem hryðjuverkamennirnir njóta ekki skjóls af almennum borgurum líkt og þeir vilja. Allt er þetta flókið í framkvæmd og hættulegt, en í stað þess að gagnrýna Ísraelsmenn fyrir að vilja ljúka við að uppræta hryðjuverkasamtökin Hamas ættu Vesturlönd að styðja þá í þeirri viðleitni og um leið að aðstoða þá eins og frekast er unnt við neyðaraðstoð við almenning og að forðast mannfall meðal almennra borgara.

 

Og þetta skilja allir nema bein fífl, sem og þeir sem genetískt upphefja fjöldamorð og voðaverk, foreldrar þeirra klöppuðu fyrir Pol Pot, þar á undan Maó formanni, og arfleiðin var upphafning Stalíns og Léníns.

Og þar sem Þjóðviljinn er dauður, þá hélt femínistinn á Morgunblaðinu að hans hlutverk væri að taka við þar sem Þjóðviljinn hætti, í að upphefja blóðuga morðingja og allar þær þjáningar sem þeir leggja á þjóðir sínar.

Nema að Þjóðviljinn var löngu hættur því, en femínistinn bara fattaði það ekki.

Kveðja að austan.

[Bjarni (IP-tala skráð) 10.5.2024 kl. 19:40]

Ertu kominn á það stig að sá eini sem eyðir á þig svari ert þú sjálfur?

[Ómar Geirsson, 10.5.2024 kl. 20:03]

Íssssssskur.

Kveðja að austan.

[Ásgrímur Hartmannsson, 10.5.2024 kl. 20:24]

Alveg er mér nú sama um júra visjón eða Gasa.

Mér finst hinsvegar fyndið að Ísrael gæti unnið keppnina.

Extra fyndið ef það væri af pólitískum ástæðum, þ.e. að fólk bara hreinlega hati Gasa, Hamas og alla sem því tengjast.

[Ómar Geirsson, 10.5.2024 kl. 20:36]

Blessaður Ásgrímur, ég skal játa að það væri fyndið.

Hef samt ekki trú á því, ekki frekar að eftir að þú hefur lesið langa löngu mína um Euro og Gasa, þá segir þú að þér sé sama um Gasa.

Það er engum sama um Gasa.

Fólk á ekki að deyja á Gasa.

Svo við höfum það á hreinu.

Kveðja að austan.

[Jónatan Karlsson, 11.5.2024 kl. 07:50]

Það vitlausasta er sennilega að eyða tíma í lestur þvælunar og örugglega enn vitlausara að reyna að fræða eða útskýra ástandið, en bendi þó aðeins á að Ísrael er t.d. ekki Evrópuþjóð.

[Ómar Geirsson, 11.5.2024 kl. 10:30]

Blessaður Jónatan.

Það er lágmarkið að þegar menn telja sig svo vígfima að þeir ætla að gerast riddarar umræðunnar og byrja að setja sig á háann hest, að þeir missi ekki einhverja vitleysu út úr sér.

Hvað kemur það þessu máli að Ísrael er ekki Evrópuþjóð??

Ég kann líka fullt af svona staðreyndum, til dæmis að egg eru ekki ferköntuð og Biden er elliær, og já ein í viðbót, Kínverjar eru ekki heldur Evrópuþjóð.  Og fullt fullt fleiri.

Þú örugglega líka Jónatan en til hvers varst að söðla háan hest til að tilkynna mér hvað þú veist??

Bara spyr.

Kveðja að austan.

[Jónatan Karlsson, 11.5.2024 kl. 10:53]

Sæll Ómar

Þú verður að fyrirgefa mér orðfærið, en það fýkur bara í mig þegar fullorðið og að því virðist heilbrigt fólk sýnir því skilning og ber jafnvel í bætifláka fyrir hræðilegt þjóðarmorð gyðinga á heimamönnum og landráni þeirra með þeim rökum að guð hafi gefið þeim landið.

[Ómar Geirsson, 11.5.2024 kl. 11:34]

Blessaður Jónatan.

Það fer þér betur að hafa jörð undir fótum, þá skil ég betur að þú mikið niðri í þér komst inná síðu mína til að rífast við einhverja aðra en mig.

Þegar minnst hefur verið á landránið í skrifum mínum þá hef ég alltaf bent á að landnemabyggðirnar á herteknu svæðum er kolólöglegar samkvæmt alþjóðalögum og alþjóðasamfélaginu til skammar að hafa ekki stöðvað það í fæðingu, það sem slíkt er rót þess ófriðar sem síðar varð.

Ekki veit ég hvar þú hefur lesið meint rök um að guð hafi gefið þeim landið, hef ákveðinn mann undir grun, en nafn hans byrjar ekki á Ó, og síðan held ég að þú sért að taka skrif hans úr samhengi.

Varðandi hið meinta þjóðarmorð gyðinga á heimmönnum þá er það mjög einfalt samkvæmt alþjóðalögum að stríðsátök eru ekki þjóðarmorð, vilhallur Alþjóðadómsstóll í Haag gat ekki skautað framhjá þeirri staðreynd en taldi ýmsa meinbugi á því að svelta vísvitandi óbreytta borgara á stríðsátakasvæðum, og af lögfræðingum að vera var það merkilega fast að orði komist.

En ef þér finnst það þjóðarmorð að óbreyttir borgar falli í stríðsátökum þá ættir þú Jónatan, ef þú vilt vera sjálfum þér samkvæmur, að senda æðsta ráði Hamas skeyti þar sem þú fordæmir að þeir skuli hafa hafið þessi stríðsátök með morðum sínum á óbreyttum borgurum, og síðan varist innrásarliði Ísraela innan um óbreytta borgara.  Svo ég vitni í óbreyttan borgara á Gasa, þess sem líf er undir, og Hamas vonandi ekki búið að skjóta;

"að Hamas hefði átt að vita að árásin á Ísrael þann 7. október myndi hafa miklar afleiðingar og að samtökin hefðu átt að gera meira til að vernda almenna borgara. Þess í stað hafi liðsmenn samtakanna látið sig hverfa ofan í göngin undir Gaza og hafi skilið óbreytta borgara eftir varnarlausa."Þeir hefðu átt að sjá viðbrögð Ísraels fyrir og hugleiða hvað myndi verða um þær 2,3 milljónir sem búa á Gaza og hafa engan öruggan stað til að fara á. Þeir hefðu átt að takmarka þetta við hernaðarleg skotmörk" sagði Nassim, embættismaður á eftirlaunum, í samtali við Financial Times og vísaði þar til þess að meirihluti þeirra 1.200 Ísraelsmanna, sem féllu í árás Hamas, voru óbreyttir borgarar. Walid, sem starfar við neyðarhjálp á miðhluta Gaza, sagði í samtali við dagblaðið Science Monitor að honum finnist að "Hamas hafi lagt líf okkar að veði í leik og tapað".".

En auðvitað gerir þú það ekki Jónatan, það er þér mikilvægara að vera reiður.

Kveðja að austan.