Hvaða sjúkleiki stýrir Morgunblaðinu í dag??

 

Látum það vera þegar Evrópusambandið tók loksins afstöðu gegn nauðgunum, limlestingum og drápum Hamasliða á saklausu fólki í Ísrael.

 

Fyrir utan morðin og viðbjóðin þegar ungt fólk á friðartónleikum var skotið á færi, eða fjölskyldufólkið sem var myrt í bílum sínum, líka ungabörn, eða ungabörnin sem voru skorin í tætlur í rúmum sínum, að þá þarf mikinn kulda, jafnvel siðblindu, til að kalla þær refsiaðgerðir svo ég vitni beint í fyrirsögn Morgunblaðsins "Hryðjuverkasamtökum refsað fyrir kynferðisbrot" væru vegna kynferðisbrota.

Svona í ljósi þess til dæmis að þegar Albert Guðmundsson átti stórleik í síðasta landsleik, að þá gat Morgunblaðið ekki fjallað um það afrek án þess að hnýta við að hann hefði verið kærður til lögreglunnar vegna kynferðisbrots.

Án þess að ég þekki nokkuð til málavaxta, þá ræð ég yfir þeim málskilningi að gera greinarmun á nauðgun og kynferðisbroti, og í öllu því fári var aldrei talað um nauðgun, eða kynferðisglæpi þegar fjallað var um meint kynferðisbrot Alberts.

Hvað þá að hann hafi myrt unglingsstelpur, skorið þær í tætlur eða nauðgað þeim áður en hann myrti þær.

 

Allt heilbrigt fólk áttar sig á sjúkleikanum að nota sama orð yfir meinta glæpi vonarstjörnu íslenska karlalandsliðsins og þeirra voðaverka Hamas sem Evrópusambandið ákvað loksins að refsa fyrir.

Við erum ekki að tala um fjölmiðil í Norður Kóreu sem telur það glæp hjá unglingum að klæðast gallabuxum eða horfa á vestrænt sjónvarpsefni, eða siðgæðislögguna í Íran sem drepur ungar konur fyrir að nota ekki kúgunartækið slæður á réttan hátt, eða siðgæðislögguna í Saudi Arabíu sem pyntaði til dauðs unga konu fyrir þann glæp að aka bíl.

Hvað þá að við séum að tala um þá aumkunarverðu stofnun sem kennir sig við ríkið, við erum að tala um ritstjórn og ritstjórnarstefnu eina borgarlega fjölmiðilsins sem ennþá starfar á Íslandi.

 

Jafnvel Skoffín myndu skammast sín fyrir þessa fyrirsögn sem núverandi ritstjórn Morgunblaðsins býður lesendum sínum uppá, eldra fólki, borgarlegu íhaldsfólki.

Gleymum aldrei að Morgunblaðið á sér yfir hundrað ára sögu að þjóna þessum lesendahópi.

 

Skoffín hafa nefnilega æru þó smá sé.

Þau vita að sumt má ekki, og sumt er aldrei hægt að réttlæta.

 

Þau stýra samt ekki Morgunblaðinu í dag.

Skoffín myndu aldrei ganga erinda Hamas og þess lýðs sem fórnaði konum og börnum á Gasa fyrir áróðursstríð sem Global auðurinn fjármagnar í dag.

Þessi sami og fjármagnar stjórnmálamenn í Evrópu til að skattleggja álfuna aftur á hestöld, á meðan valkosturinn er þrælabúðir Glóbalsins í Asíu sem blása margföldum koltvísýringi út í andrúmsloftið miðað við hina drepnu framleiðslu í Evrópu.

 

Enda stýra skoffín ekki Morgunblaðinu í dag.

Þau eru aldrei svona sjúk.

 

Fólk sem kallar Glæpi gegn mannkyni kynferðisbrot, fólk sem talar um stríð Ísraelsmanna til að frelsa gísla Hamas sem hefndaraðgerð, að mannfall í stríði sé dráp á fólki, eða einhliða bardaga þar sem ísraelskir hermenn skjóta á hvora aðra, drepa hvora aðra, og sprengja í millitíðinni allt í loft uppá Gasa.

Svona á milli þess sem þeir drepa konur og börn.

Það birtir líka svona frétt.

 

Að strákurinn sem Góða fólkið fékk til Íslands til að svívirða íslenskt tónlistarfólk í þágu þess málstaðar að geta ekki fordæmt glæpi Hamas gegn palestínsku þjóðinni, að hann tæki núna þátt í einhverri keppni.

Eins og lesendum Morgunblaðsins komi það nokkuð við.

 

Fréttin var hugsanlega að homminn sem var ekki drepinn af Hamas á Gasa því hann leitaði skjóls hjá gyðingum í Jerúsalem, að hann gæti ennþá svívirt glæpi Hamas gegn sinni eigin þjóð með því að minnast aldrei á ástæðu stríðsins, það er voðaverka Hamas.

En að sjálfsögðu hvarflar það ekki að þeim sjúkleika sem upphefur voðaverkin á Gasa og stjórnar Morgunblaðinu í dag.

Áfram skal höggvið í þeim knérum sem gerir feitu strákana á Rúv gáfaða.

 

Það þarf mikla sorg í hjarta til að skrifa þennan pistil.

Blaðið sem ég las frá unga aldri því þrátt fyrir allt var það blaðið sem sagði satt og rétt frá, það er í fréttum, þó deila mætti mjög um ritstjórnina.

Alinn upp af Matthíasi og Styrmi þó ég muni óljóst eftir Eyjólfi Konráð.

Á þeirri vegferð hef ég lesið hrósyrði gamalla andstæðinga vinstra megin við miðju, að fréttamennska Moggans hélst sig við staðreyndir.

Eitt besta viðtal, af mörgum góðum, var viðtalið sem Morgunblaðið tók við sinn gamla andstæðing og fyrrum ritstjóra Þjóðviljans, Árna Bergmann.

 

Þetta er saga sem maður rífst ekki við.

Þetta er saga sem maður virðir.

 

Þeim mun sárara er að sjá að myglan, að rotnunin, að dauðinn og djöfullinn hafi yfirtekið ritstjórn blaðsins.

Að þjónkunin við Glóbalið sé þess eðlis að enginn sé botninn í því sem ætti að vera lægst, og ekki ætti vera hægt að fara lægra.

 

Já það var þetta með kynferðisbrotin.

Eða alla sem voru drepnir í hefndarárásum Ísraela.

 

Ég sem hafði lesið um stríð og átök, og hve margir féllu í þeim átökum, líka almennir borgarar.

Ég vissi ekki að á sandeyjunni Iwo Jima, sem myndin Flag of your fathers fjallaði um, að þar hefðu bandarískir hermenn drepið yfir 20.000 japanska hermenn, vá hvílík hefndarárás, Japanir felldu aðeins tæplega 3.500 bandaríkjamenn í árás sinni á Pearl Harbor, svo voru það allir Japanirnir sem voru drepnir á herskipum sínum í hefndarárás bandaríkjamanna við Midway, eða á eyjunni Okinawa, á Filippseyjum og víðar, hundruð þúsunda í þessum hefndarárásum vegna þessara 3.500 sem féllu í Pearl Harbor.

Svo var það eldárásin á Toykíó, sem drap yfir hundrað þúsund íbúa borgarinnar, að ekki sé minnst á kjarnorkuárásina á Nagasaki og Hirosima.

 

Og Bretarnir sem misstu hátt í 40 þúsund í loftárásum Þjóðverja á breskar borgir, í hefndarárásum sínum drápu þeir yfir hálfa milljón Þjóðverja í Frakklandi og Niðurlöndum, fyrir utan alla Þjóðverjana sem þeir drápu á þýskri grund.

Svo voru það öll morðin og drápin í loftárásunum í borgir Þýskalands, hundruð þúsunda á hundruð þúsunda ofan.

 

Svo voru það allar milljónirnar sem Rússarnir drápu í Austur Evrópu, Austur Prússlandi eða á þýsku landsvæði.

Hvað sagði aftur fréttastofa Hamas um drápin í Berlín, þúsundir voru drepin í borginni á hverjum degi, aðallega konur og börn, sjúkrabílar sprengdir í loft upp, í morðæði Rússa voru byggingar sprengdar í loft upp, Berlín rústir einar.

Líklegast vegna þess að alveg eins og á Gasa, þá skutu rússneskir hermenn á hvora aðra, börðust innbyrðis á Gasa, nei alveg rétt í Berlín, og borgin rústir einar, ótrúlegt hvað svona innrásarher getur barist innbyrðis.

 

Eða þannig, þannig er fréttamennska Rúv, bein árás á söguna og heilbrigða skynsemi fólks.

 

En Rúv hefur lengi þjónað hagsmunum, auðs og auðróna, og þeir hagsmunir ráða EKKi vel gefið fólk til vinnu.

Heldur fólk sem hefur einfaldlega ekki vitsmuni til að sjá fáránleikann við að lýsa mannfalli í stríði sem dráp annars aðilans, eða að rústirnar eftir bardaga séu einhliða sprengingar og skotárásir innrásarliðsins sem í þorsta sínum eftir bardögum, skjóti á sjálft sig með tilheyrandi mannfalli sinna eigin liðsmanna.

Síðan séu það aðeins konur og börn sem séu drepin, engir vígamenn eða hermenn sem berjist við innrásarliðið.

Að það féllu engir japanskir hermenn í stríðinu við Kyrrahaf, eða þýskir hermenn á vestur eða austurvígstöðvunum

Að stríðið við Japani eða Þjóðverja hafi verið beinar hefndarárásir Bandamanna vegna óvart árása Þjóðverja í upphafi Seinni heimsstyrjaldar, sem var ekki styrjöld heldur hefndarárás Bandamanna.

 

Og það hvarflar ekki að mér í eina mínútu að feitu strákarnir viti betur.

Vitið er aldrei meir en guð gaf.

 

En ritstjórn Morgunblaðsins veit betur.

Það er ekki heimska sem stýrir ritstjórn blaðsins, heldur sjúkleiki í sinni tærustu mynd.

Afsökunin er engin, og svikin eru algjör.

 

Við genginna ritstjóra, við genginna blaðamenn.

Við stofnendur og síðan eigendur blaðsins í gegnum tíðina.

Við borgarleg gildi, og borgarlegar lífsskoðanir.

 

Við lesendur blaðsins.

 

Hvað skýrir þennan sjúkleika??

Ég bara spyr.

 

Það er ekkert eðlilegt við hann.

Það er ekkert eðlilegt við að upphefja glæpi voðamanna.

Það er ekkert eðlilegt að upphefja voðamenn.

 

Sjúklegast er samt að kalla Glæpi gegn mannkyni; kynferðisbrot.

Orðin "eðlilegt" eða "óeðlilegt" ná ekki til að skýra þann sjúkleika.

 

En það sem íslenskt mál á ekki orð yfir, skýrir þann knér sem höggvinn er í með svona Ófrétt.

Það fyndna er að íhaldsmenn sjá aðeins flísina hjá Rúv en ekki bjálkann hjá sínum eigin og eina fjölmiðli.

Fatta ekki að kuldinn sem nístir þá inn að beini stafar af þeirra eigin klæðaleysi.

 

Á meðan grasserar það sem íslenskt mál á ekki orð yfir til að lýsa.

Á vakt Davíðs Oddsonar.

 

Fáheyrt er að orðstír hafi lagst lægra.

Jafnvel þó alheimurinn sé undir.

Kveðja að austan.

 

 

Bashar Murad tekur þátt í Falastinvision

Athugasemdir

[Guðmundur Örn Ragnarsson, 19.4.2024 kl. 13:40]

Í forsætisráðherratíð sinni sagði Golda Meir eitt sinn:

Ef arabar legðu niður vopn sín í dag, væri ekki meira ofbeldi. Ef Gyðingar hins vegar legðu niður vopn í dag, væri Ísrael ekki lengur til.

Ísraels Guð hefur sannarlega útvalið Ísrael til hjálpræðis og blessunar fyrir allar þjóðir, enda sagði Gyðingurinn, og Ísraelsmaðurinn, Jesús Kristur: Hjálpræðið kemur frá Gyðingum.

Þess vegna hatar Djöfullinn Gyðinga og Ísrael og hefur blekkt þjóðirnar til að fylgja sér gegn þeim.

En skemmtum ekki SKRATTANUM, köllum ekki yfir okkur bölvanir, með því að fara á móti Guðs útvöldu þjóð.

Tökum heldur við þeim blessunum sem Guð vill blessa okkur með í gegnum Ísrael og blessum Ísrael til baka.

[Ómar Geirsson, 19.4.2024 kl. 13:49]

Blessaður Guðmundur Örn.

Það sem er ekki þessa heims er fyrir utan mín þekkingarsviðs, en Golda Meir orðaði bara raunveruleikann sem blasir við þjóð gyðinga.

Og mér finnst menn oft gleyma því að það eru rúm 70 ár síðan Ísrael var stofnað, á eins löglegan hátt eins og hægt er að stofna ný þjóðríki, og samt vilja menn ennþá útrýma því og þeim rúmum 9 milljónum sem þar búa.

Og svo kallar þetta fólk sig; "Góð fólkið".

Ég held að skrattanum sé ekki einu sinni skemmt.

Kveðja að austan.

[Jónatan Karlsson, 19.4.2024 kl. 17:49]

Sjötíu saklaus börn myrt að meðaltali á dag!

[Bjarni (IP-tala skráð) 20.4.2024 kl. 06:06]

"Ísrael stofnað á eins löglegan hátt og hægt er"

Annað hvort ertu húmoristi eða heimskingi.  Hallast að því að þú sért hinn fullkomni heimskingi.

Kveðja úr neðra.

[Ómar Geirsson, 20.4.2024 kl. 09:22]

Jónatan.

Það eru ekki 70 börn myrt að meðaltali á dag, það falla 70 börn að meðaltali á dag í bardögum milli vopnaðra Hamasliða og innrásarliðs Ísraels.  Og þá samkvæmt tölfræði manna sem kannast ekki við voðaverk sín og nýta börn sín og konur sem mannlega skildi.

En börn deyja, um það er ekki deilt, lík þeirra er ekki feikuð. En börn er ekki myrt í stríð, þau falla og á þessu er grundvallarmunur sem allir átta sig á, líka ritstjórn Morgunblaðsins.

Þess vegna hefja menn ekki stríð, vilji þeir ekki að óbreyttir borgarar fallir.  Þú ert ekki öruggur þó þú ráðist á óbreytta borgara í öðru landi og drepir þá, líkt og Hamas gerði. Það eru til margar ljós og kvikmyndir af fagnandi íbúum Þýskalands þegar fréttir bárust af sigrum hers þeirra í öðrum löndum.  Nokkrum árum seinna voru borgir landsins í rjúkandi rústum, milljónir fallnir, vopnin snérust í höndum þjóðarinnar.

En jafnvel harðasti andkommúnisti heldur því ekki fram að Rússar hafi myrt hin föllnu börn Berlínar í umsátri þeirra um borgina enda fögnuðu fallbyssurnar um leið og Þjóðverjar gáfust upp.

Þessi fáviska umræðunnar var óþekkt þar til Glóbalið fór að breyta tungumálinu, og forheimska fólk.

Greinilega með góðum árangri.

Kveðja að austan.

[Ómar Geirsson, 20.4.2024 kl. 09:35]

Blessaður Bjarni minn.

Það er lágmarkið í sniðugheitum þínum að þú gerir þig ekki að fífli við þau.

Skipting Palestínu milli ríki gyðinga og araba byggist á samþykkt Sameinuðu þjóðanna númer 181, svo ég vitni í Britannicu; "United Nations Resolution 181, resolution passed by the United Nations (UN) General Assembly in 1947 that called for the partition of Palestine into Arab and Jewish states".þ´

Síðan gefur þú greinilega upp falskt heimilisfang, hlýtur að vera fluttur úr neðra, sá andskoti er ekki fávís.

Treysti samt á að ég geti sent kveðjuna að austan því austar er ekki hægt að komast hér á landi, nema þá út á rokrassgatið út á bökkum.

Svo kveðjan er að austan.

[Óskar Helgi Helgason (IP-tala skráð) 20.4.2024 kl. 12:55]

Sæll Ómar æfinlega; sem aðrir þinna gesta !

Ómar !

Í upphafi; skyldi endinn skoða ekki satt, fornvinur góður ?

Gyðingar (Ísraelsmenn) halda bara áfram - að vera sjálfum sjer

og öðrum til fullkominna leiðinda - stærstu mistök Vesturlanda

leiðtoga á fyrri hluta síðustu aldar voru þau, að koma ekki á

samkomulagi við Síberíu- Rússa um, að þeir útveguðu væna óbyggða

spildu austur í Yakútíu, hvar Gyðingarnir hefðu getað rízlað sjer

í rólegheitunum / í stað þess að hola þeim niður í Filistealandi

(Palestínu) að þeim heimamönnum:: algjörlega forspurðum.

Þessi helvítis kredda um; að einhver tiltekinn landshluti í

Mið- Austurlöndum sje eitthvað heilagra land en önnur á hnettinum

er fyrir löngu úr sjer genginn Ómar minn / þó flónið Guðmundur Örn

Ragnarsson stórfrændi minn hangi á því roðinu:: út í 1.

Israelsmenn nútímans (Zíonistar); eru svona álíka meinvarp í

mannlífsflórunni, og Þýzku og Austurrísku Nazistarnir reyndust

vera á 4. og 5. áratugum síðustu aldar.

Löngu tímabært; að láta af dekrinu við Gyðinga fíflín - lið::

sem í gegnum veraldarsöguna hefur verið sjálfu sjer sem og

öllum annarra, til hinna mestu leiðinda - ekki satt ?

Guðmundur Örn !

Það er þjer til vanza mikils; að ÞORA ekki að svara mínum

athugasemdum, sem jeg hefi komið á framfæri á þinni síðu /

ekki síður en á ýmsum annarra:: hjer, á blog punkti is.

Jónatan !

Vonum; að Ómar síðuhafi rumski til frekari skilnings, á

hinum raunverulegu aðstæðum Mið- Austurlanda - Austfirðingnum

mæta væri sómi einn, að því.

Bjarni !

Jeg mótmæli harðlega; ljelegum ákúrum þínum, til handa Ómari

vini mínum - menn lesa sjer bara misjafnlega til, um aðstæður

og staðhætti ýmsa, á Heimskringlunni.

Að endingu piltar; hefðuð þið sjeð / Ísraelsmenn gefa Írönum

72veggja klukkustunda fyrirvara, fyrir rakettu sendingar frá sjer,

líkt og raunin varð af Írana hálfu, að kvöldi hins 13. IIII. s.l. ?

Íranir; hafa ekki hafið styrjöld við aðra, síðan á 16. öld, svo

fram komi einnig - Írakar rjeðust á Íran 1980, styrjöld: sem

stóð til ársins 1988, eins og við munum.

Með beztu kveðjum; sem endranær - af Suðurlandi /

[Ómar Geirsson, 20.4.2024 kl. 14:22]

Takk fyrir innlitið Óskar Helgi.

Kveðja að austan.

[Bjarni (IP-tala skráð) 20.4.2024 kl. 18:47]

Ekkert vald, hvort sem það kallar sig Sameinuðu Þjóðirnar eða Ísafjarðarbæ, hefur löglega heimild til að svipta þjóð landi sínu og færa annarri til eignar. Slíkt er glórulaus valdníðsla og stenst engin alþjóðalög.

Kveðja úr neðra.

[Ómar Geirsson, 20.4.2024 kl. 19:42]

Bjarni, það var engin þjóð svipt landi sínu, hvaða kjaftæði er þetta??

Ríki gyðinga var stofnað á eins löglegan hátt og alþjóðalög leyfðu á þeim tíma, á mun skýrari hátt en til dæmis Líbanon, Jórdanía, Sýrland og Írak eftir fyrra stríð.  Þau lönd eru ekki hrein þjóðríki, hvað þá að íbúar játi sömu trú.

Íbúar Ísraels af arabískum uppruna njóta fullra réttinda í Ísrael, tal um annað er rugl.

Kynntu þér málin betur Bjarni áður en þú ferð að fabelúra svona.

Spyrðu til dæmis gamla leigusala þinn, þekkingarskortur hefur aldrei þjáð þann í neðra.

Kveðja að austan.

[Guðmundur Örn Ragnarsson, 20.4.2024 kl. 20:08]

29. nóvember 1947 lagði sendiherra Íslands, Thor Thors hjá Sameinuðu Þjóðunum fram ályktunartillögu, við Allsherjarþingið til samþykktar, að leyfa stofnun tveggja ríkja fyrir botni Miðjarðarhafs, ríki Gyðinga og ríki Araba, á landi sem Bretar réðu yfir, og höfðu hertekið af Tyrkjum.

Í landinu bjuggu þá mörg þjóðarbrot. Áratugina á undan höfðu Gyðingar keypt stóran hluta landsvæðisins af Tyrkjum. Allsherjarþingið samþykkti tillögu Thor Thors.

Vorið eftir var Ísraelsríki stofnað. Arabar drógu hins vegar á langinn stofnun ríkis.

Þessi aðkoma okkar Íslendinga að stofnun Ísraelsríkis hefur orðið okkur til mikillar blessunar æ síðan.

[Óskar Helgi Helgason (IP-tala skráð) 20.4.2024 kl. 21:05]

Sælir; á ný !

Guðmundur Örn !

Svona álíka blessun; af hálfu heimskulegrar aðkomu Thor Thors

að stofnun hins illyrmislega ríkis Gyðinganna á sínum tíma, líkt

og dekur óþægilega margra samlanda okkar í dag, við fjöldamorð 

Rússneska fávitans Vladimír´s Pútín á Úkraínumönnum, t.d.

Ertu fífl að upplagi Guðmundur minn; eða þá svona foráttu

heimskur, að geta ekki skilið hismið frá kjarnanum ?

Eða; er megin ástæðan kannski, áunnið trúarofstæki þitt í

bland við illa skakka Heimsmynd þína, vesalings frændi 

minn ?

Kannski; Rauðu Khmerarnir austur í Kambódíu (1975 - 1979)

hefðu fallið eins vel í kramið hjá þjer, og Zíonista gerpin

suður í Mið- Austurlöndum: jafnvel ?

Hvern fjárann á maður að halda; eins og komið er fyrir þjer

drengur - hugmyndafræðilega / sem og siðferðilega ? ? ?

Með sömu kveðjum; eftir sem áður - þrátt fyrir ískyggilegar meinlokur Guðmundar Arnar /

[Bjarni (IP-tala skráð) 21.4.2024 kl. 10:10]

Var engin þjóð svipt landi sínu? Það vekur mér endalausa furðu að illa upplýstir einstaklíngar eru að storma fram á ritvöllinn, vopnaðir fávisku, og ætlast til að vera teknir alvarlega. Ef þú þekkir ekki söguna ættir þú að þegja, hafir þú vit til.

Kveðja úr neðra.

[Ómar Geirsson, 21.4.2024 kl. 14:13]

Blessaður Bjarni, hvað er að þér, ertu algjörlega út af þekju í sögu Mið-Austurlanda eða veistu ekkert um hvernig ríki gamla Ottómanveldið var??

Heldur þú að þekking felist í að lepja upp frasa og áróður??  Trúri þú því kannski að ungir kínverski námsmaðurinn sem stöðvaði för skriðdrekanna á Torgi hin himneska friðar hafi ógnað öryggi skriðdrekanna og því hafi þeir þurft að keyra yfir hann??  Og að hann hafi verið skemmdarverkamaður því það sást víst eitthvað á belti skriðdrekans eftir að keyrt var yfir hann??

Fyrir utan hvað það er heimskt að skrifa svona fúkyrði án þess að færa nokkur rök fyrir máli sínu.

Í dag er sagan opin bók á netinu, þú þarft ekki að eiga staflana af sagfræðibókum til að vita hvað þú ert að segja, og eða sækja í heimildir til að rökstyðja mál þitt.  Sem þú gerir ekki Bjarni því þú getur það ekki.

Ottómanveldið var heimsveldi en ekki þjóðríki, og þegar það gliðnaði í smærri ríki þá var ekkert af þeim ríkjum hrein þjóðríki, og annað hvort hervald eða reglustrika stórveldanna Breta og Frakka bjó til landamæri þeirra.

Palestínuarabar hafa aldrei átt sitt eigið ríki, ekki fyrr en þá eftir Óslóarsamkomulagið, sem var löngu eftir þann tíma sem tilvitnun mín um stofnun Ísraels nær til.

Gyðingar voru ekki ráðandi afl í Palestínu, hvorki á dögum Ottómana eða Breta, þeir stálu því ekki landi eða sviptu fólki landi.  Þú getur ekki nefnt eitt dæmi um það á árunum eða áratugunum fyrir stofnun Ísraelsríkis 1948. Þeir fluttu hins vegar til Palestínu, gerðu það löglega samkvæmt lögum og reglum Ottómana, og seinna Breta. Ekkert óeðlilegt við það, flutningar fólks innan Ottómanheimsveldisins var mjög algengur eftir því hvar hagsældin var mest hverju sinni, og til Palestínu flutti ekki bara gyðingar heldur líka fólk af arabískum uppruna.

Ef landi var stolið frá einhverjum 48 þá var það Bedúínar sem misstu hefðbundin beitilönd sín þegar gyðingarnir fóru að rækta upp grjótið í eyðimörkinni, en tilkall þeirra var sögulegt, þeir eins og aðrir hirðingjar höfðu ekki skjalfestan eignarrétt á eyðimörkinni.  Og áður en þú afhjúpar enn og aftur vanþekkingu þína, þá líta Bedúínar ekki á sig sem araba, hvað þá Palestínuaraba.

Fólk af arabískum uppruna nýtur fullra lagalegra og pólitískra réttinda í Ísrael nútímans, um og uppúr 1970 var öll mismunun með vísan í stríðsástands (herlaga) afnumin.

Ef þú ert að vísa í landtökubyggðirnar á Vesturbakkanum þá voru þær ekki til staðar 1948, eitthvað sem gerist seinna virkar ekki aftur á bak til að gera eitthvað sem var löglegt, ólöglegt ef þú ert eitthvað að gæla við þá rökvillu.

Landtökubyggðirnar eru hins vegar ólöglegar þó ísraelska þingið hafi sett lög þar um.  Það er vegna þess að bæði Vesturbakkinn og Gasa eru hernumin landsvæði, annars vegar frá Jórdaníu og hins vegar frá Egyptalandi.  Alþjóðlög leggja þær kvaðir á hernámsveldi að tryggja réttindi og eigur íbúa hinna herteknu svæða. Þess vegna eru lögin um landnemabyggðirnar ólögleg samkvæmt alþjóðalögum en ekki til dæmis þau lög á Íslandi sem hafa gert eignir fólks víða til sjávar og sveita ólögleg.  Því miður er landsbyggðin ekki hernumin af höfuðborgarsvæðinu, þess vegna er hægt að svipta fólk lífsafkomunni og gera eignir þeirra í kjölfarið verðlausar.  Og við getum ekki kært til Haag. 

Ég held samt að það hvarfli ekki að neinum landsbyggðarflóttamanninum að fara vopnaður sveðjum og byssum út á landi, og drepa og nauðga hina nýfluttu sem fengu eigur þeirra fyrir slikk.

En hvað veit maður á tímum þar sem voðaverk eru upphafin og það sem aldrei er hægt að réttlæta, réttlætt.

Sjúkleikinn á sér kannski engin mörk.

Kveðja að austan.

[Bjarni (IP-tala skráð) 21.4.2024 kl. 16:25]

Þú ert haldinn þeirri þráhyggju áð þetta landsvæði hafi verið óbyggt þegar gyðingar settust þar að.  Staðreyndin er sú, og fyrir því óyggjandi heimildir, að þetta landsvæði var í byggð áður en landnám Evrópu hófst.  Setið land í þúsundir ára á meðan Evrópa var ónumin.  Það hvort það var undir stjórn rómverja, ottómana eða breta breytir engu um þá staðreynd að þarna hafði þjóð búið í þúsundir ára og var hrakið burt af gyðingum með vopnavaldi.  Rómverjar, ottómanar eða bretar höfðu enga heimild, hvorki siðferðislega né lagalega heimild, til að svipta þjóð landi sínu sem hafði verið þeirra í þúsundir ára. Það sama gildir um Sameinuðu Þjóðirnar.

[Ómar Geirsson, 21.4.2024 kl. 20:39]

Hvaða bull er í þér Bjarni, hvaðan hefur þú þessa visku þína??

Ertu að vitna í biblíuna??

Ertu að tala um Kanaaníta, þegar Jósúa  blés í lúðurinn??, það er eina þjóðin sem gyðingar hafa hrakið burt með vopnavaldi ef hægt er að nota orðið þjóð um þessa innbyrðis baráttu semískra hirðingja um landsvæði og völd yfir borgum í því sem mætti kalla Stór Sýrland.

Byggðin þarna hefur þanist út og dregist saman í aldanna rás, oft hálfgjörð auðn eftir stórstyrjaldir, blómlegri á friðartímum, en þegar Ottómanar tóku við völdum þarna af egypsku mamelúkunum þá var íbúafjöldinn aðeins skugginn af íbúafjölda fornaldar, réði þar mestu um hnignun borgasamfélaga á svæðinu.  Íbúafjöldinn jókst svo á 19. öldinni og það var vegna innflutnings fólks, ekki fólksfjölgunar í frumstæðum bændasamfélögum Jórdandalsins.  Svo ég vitni í Wikipedíu "For several centuries during the Ottoman period the population in Palestine declined and fluctuated between 150,000 and 250,000 inhabitants, and it was only in the 19th century that a rapid population growth began to occur.^[118] This growth was aided by the immigration of Egyptians (during the reigns of Muhammad Ali and Ibrahim Pasha) and Algerians (following Abdelkader El Djezaïri's revolt) in the first half of the 19th century, and the subsequent immigration of Algerians, Bosnians, and Circassians during the second half of the century."

Og áður en þú fellur í þann fúla pytt illra menntaðra kennara að gera lítið úr Wikpedíu án þess að kanna heimildarvinnu að baki greinanna þar, þá læt ég fylgja með í næstu athugasemd þá linka sem þessi málsgrein byggist á. 

Áður en þessir fólksflutningar hófust, þá voru innbyggjarnir múslímar, kristnir og gyðingar, sem bjuggu þarna í þokkalegri sátt og samlindi.

Það er fólkið sem þú segir Bjarni að hafi búið þarna í þúsundir ára og verið síðan hrakið á burt af gyðingum með vopnavaldi og hafi jafnvel átt heima þarna áður en landnám Evrópu hófst. Hvaðan þú hefur þá visku veit ég ekki, en ég hef undanfarna vikur lesið mikið um fyrstu íbúa Evrópu, og þér að segja þá fór Evrópa aldrei úr byggð á ísöldinni, menn þraukuðu á svæðinu kringum Gíbraltar og víðar.

En fullyrðingar byggðar á vanþekkingu eru eitt, gildishlaðnar fullyrðingar byggðar á áróðri og bábiljum er annað. 

Það þarf mjög brenglað gildismat til að telja innflytjendur á 19.öldinni rétthærri til búsetu en innflytjendur á 20. öldinni, eins gott að þessi brenglun fréttist ekki til Ameríku eða Ástralíu, eða alla þá sem fluttu í ný heimkynni eftir styrjaldirnar miklu í Evrópu á 20. öldinni.

En þó ég sé að fjalla um í pistli mínum um alvarlegan andlegan sjúkleika sem hefur grafið um sig á ritstjórn Morgunblaðsins, þá hef hef ég í þessum andsvörum mínum við þig fjallað um staðreyndir eins og sagan best þekkir þær, út frá þeirri vanþekkingu þinni að þú þekkir ekki til ályktunar  Allsherjarþings Sameinuðu þjóðanna númer 181, sem stofnun Ísraelsríkis byggist á.

Þessum staðreyndum svarar þú í besta falli með alvarlegri vanþekkingu á þeim, áttar þig ekki á að það voru engin þjóðríki þarna fyrir frá því í árdaga sögunnar.  Og ekkert af þeim ríkjum sem urðu til eftir upplausn veldi Ottómana er hægt að kalla þjóðríki, öll eru byggð mismundandi þjóð og trúarhópum.

Ríki gyðinga var þar engin undantekning, gyðingar voru þar í naumum meirihluta, en rest skiptist milli annarra trúarhópa, múslímar þar lang fjölmennastir en samt ekki einsleitir.  Svona svipað og þegar Belgía var stofnað sem þjóðríki úr héruðum Flæmingja og Vallóna, með sitt hvort tungumálið.  Sambúðin hefur gengið misjafnlega, Flæmingjar töldu sig lengi vel kúgaða, en þeir bitu það samt ekki í sig að lausnin á þeim sambúðarvanda væri að útrýma Vallónum.

Það vildu hins vegar Arabar gera við hið nýstofnaða ríki gyðinga, og það voru þeir sem hófu styrjaldarátökin, og það var í þeim átökum sem hluti af Palestínuaröbum flúði land.  Aðeins brotabrot af þeim var hrakið burt með vopnavaldi, margfalt færri en hefur verið hlutskipti gyðinga og kristinna í ríkjum Araba frá stríðslokum.

En það er rétt, flóttamennirnir hafa ekki fengið að snúa heim, en hvaða lógík er það fyrir gyðinga að hleypa aftur heim fólki sem lýtur stjórn manna sem hafa það eina markmið í lífinu að útrýma ríki þeirra???

Palestínuarabar voru ekki þeir einu sem lögðu á flótta vegna styrjaldarátaka í árunum 1940-1950, milljónir á milljónir ofan lögðu á flótta vegna stríðsátaka eða voru hrakin frá heimkynnum sínum af sigurvegurum stríðsins eftir að því lauk.

Fæst af því fólki hefur fengið að snúa heim í sín gömlu heimkynni þó byggð þeirra eigi sér árhundruð gamlar rætur, ekkert af þessu flóttafólki hefur gert hryðjuverk og ofbeldi gagnvart hinu nýju íbúum sinna gömlu heimkynna að lífsstíl, eða talið sig hafa rétt á að útrýma þeim.

Enda slík brenglun úrkynjun sem aðeins fársjúkt fólk styður eða réttlætir.

Hvað þá voðaverkin sem Hamas framdi í Ísrael 7. október í fyrra.

Trúðu mér Bjarni, ekki einu sinn sá í neðra.

Kveðja að austan.

[Ómar Geirsson, 21.4.2024 kl. 20:47]

Tilvitnunin hérna að ofan úr Wikipedíu byggist á heimildarnúmerum 118, 119 og 120.

118. Kacowicz, Arie Marcelo; Lutomski, Pawel (2007). Population Resettlement in International Conflicts: A Comparative Study. Lexington Books. p. 194. ISBN 9780739116074. Archived from the original on 29 November 2023. Retrieved 29 November 2023.

119. Grossman, David (2017). Distribution and Population Density During the Late Ottoman and Early Mandate Periods (9781315128825 ed.). New York: Routledge. pp. 44–52. doi:10.4324/9781315128825. ISBN 9781315128825. Archived from the original on 29 June 2023. Retrieved 29 November 2023. They came from Circassia and Chechnya, and were refugees from territories annexed by Russia in 1864, and the Bosnian Muslims, whose province was lost to Serbia in 1878. Belonging to this category were the Algerians (Mughrabis), who arrived in Syria and Palestine in several waves after 1850 in the wake of France's conquest of their country and the waves of Egyptian migration to Palestine and Syria during the rule of Muhammad Ali and his son, Ibrahim Pasha. [...] In most cases the Egyptian army dropouts and the other Egyptian settlers preferred to settle in existing localities, rather than to establish new villages. In the southern coastal plain and Ramla zones there were at least nineteen villages which had families of Egyptian origin, and in the northern part of Samaria, including the 'Ara Valley, there are a number of villages with substantial population of Egyptian stock

120. Frantzman, Seth J.; Kark, Ruth (16 April 2013). "The Muslim Settlement of Late Ottoman and Mandatory Palestine: Comparison with Jewish Settlement Patterns". Digest of Middle East Studies. 22 (1): 77. doi:10.1111/j.1949-3606.2012.00172.x. ISSN 1060-4367. Archived from the original on 5 March 2023. Retrieved 29 November 2023. Some of these Muslims were Egyptian and Algerian immigrants who came to Palestine in the first half of the nineteenth century from foreign lands. There were also Algerians, Bosnians, and Circassians, who came in the second half of the nineteenth century, but most were from within the borders of Palestine

[Bjarni (IP-tala skráð) 23.4.2024 kl. 00:12]

Þjóð er þjóð þó hún hafi ekki ríki eða landamæri. EOM.

[Ómar Geirsson, 23.4.2024 kl. 07:52]

Æ Bjarni, þú ert að verða eins og biluð plata.

Auðvitað er þjóð þjóð, það er ef viðkomandi skilgreina sig þannig, óháð landamærum.  Og fæstar þjóðir í heiminum lifa í því sem við köllum þjóðríki. Flest ríki eru blanda af þjóðum, oftast ein ráðandi og svo minnihlutaþjóðir.  Ísrael er þar engin undantekning og það gerir landið ekki ólöglegt fyrir vikið.

Í Palestínu var engin þjóð sem slík, fyrir innflutning fólks á 19. öldinni var fyrir í Palestínu samblanda þjóða, gyðinga, það sem hægt er að kalla Palestínu Araba, það er fólk sem hefur líklegast skilgreint sig sem araba ef einhver hefði spurt, Bedúína, Drúsa og smærri hópa.

Þegar Sameinuðu þjóðirnar lögðu til skiptingu hinna fornu Palestínu milli tveggja megin "þjóðanna", þá var ekkert verið að taka tillit til hagsmuna Bedúína eða Drúsa, heldur eins og venjulega, tveggja stærstu hópana.  Og Salómsdómurinn var að gyðingarnir fengu grjótið en Palestínuarabar jarðyrkjulandið.

Og skýring þess að Palestínumenn fengu ekki sitt ríki var ekki gyðingum að kenna, heldur nágrannaríkjunum sem hertóku þau landsvæði sem áttu að falla undir ríki Palestínumanna.  Vissulega tóku gyðingarnir bita líka en þeir hefðu örugglega skilað því fyrir varanlegan frið.

Það reyndi aldrei á varanlegan frið heldur hafa íbúar hinnar gömlu Palestínu orðið leiksoppur öfgamanna með þeim þjáningum sem allir þekkja í dag.

Kveðja að austan.