Fall píslarvottanna

 

Að horfa á myndskeið í sjónvarpsfréttum Rúv þar sem dulbúnir ísraelskir sérsveitarmenn sáust ryðjast inná sjúkrastofu og skjóta mann og annan, var eins og að horfa á hasarmynd, í þá gömlu góða daga þegar hasarmyndir voru hasarmyndir en ekki tæknibrellur, eftir til dæmis sögum Alistair Maclean.

Til dæmis í myndinni Arnarborgin dulbjuggu sérsveitarmenn sig eins og þýska hermenn, komust inní kastalavirki og drápu nokkra SS-menn.  Þeir voru svona óþokkar, þekktir fyrir að drepa mann og annan, en voru ekki mikið fyrir að limlesta konur og nauðga, enda talaði enginn um þá sem píslarvotta.

Það var hins vegar samviskusamlega gert í þessari frétt Rúv, yfirmaður heilbrigðismál í hinni hernumdu borg Jenín á Vesturbakka Jórdan sagði fórnarlömb sérsveitarmannanna píslarvotta, enda hafði hann Mohammed Jalam­neh tekið þátt í að skipuleggja morðárásirnar á Ísrael þar sem fólk var ekki bara skotið á færi, heldur hvert tækifæri notað til að svívirða, limlesta, nauðga.

Menn hafa áunnið sér píslarvætti af minna tilefni.

 

Eins og til dæmis annar Hamas foringi sem var felldur í árás á flóttamannabúðir í útjaðri hinnar hernumdu borgar Jenín á Vesturbakkanum svo ég hafi alla rétthugsun blaðamanns Mbl.is á hreinu, hann var líka píslarvottur að sögn starfsmanna Rauða hálfmánans, enda hafði hann skipulagt árás á sub-human tegundina gyðinga þar sem kona í bíl sínum var stungin til bana og bíl hennar rænt og keyrður inní mannfjölda.

Því miður féll enginn í þeirri árás en viljinn var til staðar og því telst þessi Hamas foringi vera píslarvottur enda getuleysi undirmanna hans til manndrápa ekki honum að kenna.

 

Píslarvottar falla hver um annan þessa dagana og því fullt tilefni fyrir íslensk friðarsamtök að fleyta kertum á Reykjavíkurtjörn til minningar um þá.

Í leiðinni mætti minnast allra hinna píslarvottana sem hafa fallið við að myrða og drepa óæðra fólk, til dæmis ISIS liðann sem var stunginn í magann þegar hann nauðgaði óæðri konu af trúarhópi Yazinída þegar ISIS vígamenn réðust á þorpið Hardan í Norður Írak, drápu karlpeninginn og nauðguðu og rændu konunum og seldu í kynlífsþrældóm.

Þessi stríðsmaður guðs sem hlaut svona ótímabæra dauða, fékk ekki lengur að nauðga og drepa, að afhausa fanga eða brenna þá lifandi, að ekki sé minnst á þá guðlegu dýrð að henda hommum fram af háhýsum, en píslarvætti hans lifir, alveg eins og hjá píslarvottum Hamas.

Íslenskir hommar eiga kannski eftir að minnast hans einn daginn með því að ganga niður Laugarveginn með nýtt og endurbætt baráttuskilti, "íslenskir hommar styðja Hamas og Isis.

Hvað veit maður á tímum þar sem Glæpir gegn mannkyni eru upphafnir, taldir réttlætanlegir, og þeim hampað sem fremja þá.

 

SS mennirnir sem ég minntist hérna á að ofan, drápu reyndar líka homma, þó þeir hafi ekki kastað þeim fram af háhýsum líkt og Hamas á Gasa eða ISIS í Mósul, heldur sendu þá í útrýmingarbúðir, kannski munu íslenskir hommar einn daginn líka ganga með skilti niður Laugarveginn þar sem þeir taka skýrt fram að þeir styðji SS.

Hvort aðrar kjötvinnslur myndu þá mótmæla veit ég ekki, á þeim furðutímum sem við lifum í dag, getur allt gerst.

 

Á tímum þar sem píslarvottarnir deyja.

Aumingja þeir.

Kveðja að austan.

 

 

 

Dulbúnir sérsveitarmenn drápu þrjá á spítala

Athugasemdir

[Jón Magnússon, 31.1.2024 kl. 11:09]

Takk Ómar enn einn snilldarpistill frá þér. 

[Sigurður Kristján Hjaltested, 31.1.2024 kl. 11:56]

Algjörlega sammmála Jóni.

[Ómar Geirsson, 31.1.2024 kl. 14:22]

Takk fyrir það félagar.

Þessi pistill krafðist þess að vera skrifaður, og leyfði mér ekki að sofna fyrr en ég lofaði að hann yrði mitt fyrsta verk í morgun.

Það má eiginlega segja að hann eigi sig sjálfur.

Kveðja að austan.

[Rafn Haraldur Sigurðsson, 31.1.2024 kl. 16:28]

Þarfur og sannur pistill gegn öllum lyga áróðrinum sem kemur frá RUV

[Eggert Guðmundsson, 31.1.2024 kl. 16:43]

Hræsnin er margvísleg og það má hæðast að henni.

Góður pistill

[Ómar Geirsson, 31.1.2024 kl. 18:12]

Blessaður Eggert.

Eiginlega er háðið sterkasta vopn gegn henni.

Vonandi fatta menn einn daginn að það eru deilur alls staðar, og deilur þarf að leysa.

En þær eru aldrei leystar með voðaverkum eða afstöðu með þeim sem þeim beita.

Mennskan er hornreka í dag, öfgarnar hafa tekið yfir leiksvið alþjóðamála, vopnaskak, vígbúnaður.

Á meðan heimurinn er að brenna, eða örfá auðfyrirtæki sækja að framleiðslu þjóðanna, vega að grunnstoðum eins og matvælaframleiðslu, að ekki sé minnst á stýrða þróun gervigreindarinnar sem á víst að gera mannshöndina óþarfa.

Hæðnin skorar kannski ekki feitt (nútímaíslenska, mér skilst á drengjunum mínum að ég tali og skrifi forníslensku) gegn þessum ógnaröflum, en hún er yfirlýsing um það að við dönsum ekki öll sama taktinn í Hrunadansinum.  Tökum jafnvel ekki þátt í honum.

Betra en ekkert allavega.

Kveðja að austan.

[Ómar Geirsson, 31.1.2024 kl. 18:17]

Blessaður Rafn.

Vissulega var frétt Rúv kveikjan af þessum pistli, en hann vísar samt í frétt femínistanna á Mbl.is.

Það blasir einhvern veginn við að strákarnir á Rúv hafa verið ráðnir út frá vaxtalagi sínu, ekki viti eða þekkingu. En hver er afsökun Moggans??, hann er jú borgarlegur fjölmiðill sem dansar í kringum áróðurskálf Íslamistanna í Hamas.

Hvað er þá eftir að þeir sem eiga að verja gildin, bregðast??

Það finnst mér vera málið en ekki hvernig fyrirsjáanleg hegðun Rúv er.

Þetta hefur eitthvað með krosstrén að gera.

Kveðja að austan.

[Eggert Guðmundsson, 31.1.2024 kl. 18:23]

Sæll Ómar

Það er merkilegt hvað hæðnin hefur mikil hughrif, því flestir verða hugsandi þegar hæðninni er beitt að þeim sjálfum.

Því miður er svo lítill hluti fólks sem getur hugsað.