Fyndin Katrín.

 

Hún kynnir aðgerðir gegn kynbundnu ofbeldi, á sama tíma hefur hún lúffað eins og barinn rakki fyrir stuðningsfólki Hamas á Íslandi.

 

Stuðningsfólk Hamas á Íslandi styður kynníðinga sem þvinga konur og barnungar stúlkur til að hylja hár sitt og höfuð með slæðum.

Stuðningsfólk Hamas á Íslandi styður miðaldahyski sem aflífar homma og lesbíur á Gasaströndinni.

Stuðningsfólk Hamas á Íslandi styður miðaldahyski sem telur nauðganir og limlestingar vopn í stríði.

 

Katrín eins og geimvera kóar með.

 

Og háðung hennar er algjör þegar hún kynnir aðgerðir ríkisstjórnar Íslands gegn kynbundnu og kynferðislegu ofbeldi og áreitni á árunum 2020-2023.

Er hægt að leggjast lægra í aumingjaskap og ræfilshætti??

Svo ég vitni í hápunkt tvískinnungar og hræsni, Viktoríutíma 19. aldar, rúmast tvöfeldni Katrínar innan þess aldarháttar.

Eða eru einhver mörk hve lágt fólk getur lagst í tvöfeldni sinni???

 

Katrín virkar samt sem ærleg manneskja.

Hvaða ótti og hræðsla fær hana til að kóa með skrímslum og voðafólki, afhverju stendur hún ekki með konum gegn miðaldahyskinu??

Voðaverkum þess, gegn myrkrinu sem þetta hyski vill kæfa allt mannlíf í.

 

Gott og vel.

Katrín er kjarklaus gunga með innantóm orð á tungu.

En samt, hún þarf ekki að hæða fórnarlömb miðaldahyskisins, Hamas, Ríki Íslams, eða annarra öfga sem herja á nútímann, með því að láta eins og ekkert sé.

 

Slæmt var viðtalið í gær þegar hún tuggði upp viðbrögð ríkisstjórnar sem hafði ekki frétt af gosinu í Grindavík, en þessi frétt um samantekt ríkisstjórnarinnar gegn Hams og kóurum þeirra á Íslandi, slær samt flest met veruleikafirringar.

Það er eins og Katrín sé ekki í þessum heimi.

 

Eða hún telji að raunveruleikinn sé leikrit sem hægt sé að hafa í flimtingum.

Að þegar Hamas skríllinn kallaði "aumingjar og drullusokkar", að það hafi verið gjörningur nýlistahóps sem ákvað að endurgera hita Búsáhaldabyltingarinnar.

Hrópin hafi beinst að Geir Harde og Davíð.

 

Nema í raunveruleikanum hrópaði miðaldahyskið að henni.

Á Íslandi í dag, þann 16. janúar 2024.

Og það vottar ekki fyrir fyndni í veruleikaflótta Katrínar.

 

Eins sorglegt og það er.

Kveðja að austan.

 

 

Kynnti aðgerðir gegn kynbundnu ofbeldi

Athugasemdir

[Sigurður I B Guðmundsson, 17.1.2024 kl. 18:50]

Hvað ætli ég sé búinn að segja það oft: "Góða fólkið" stendur á bak við þetta allt og vill einhverju vegna fylla landið að múslimum og Katrín J. þorir ekki að gera neitt sem truflar þetta lið. 

[Ómar Geirsson, 18.1.2024 kl. 08:58]

Blessaður Sigurður.

Ekki verri kenning en hver önnur, líklegast betri en sú að Katrín gæti verið geimvera.

Það eina sem ég veit að þetta er mjög flókið samspil margra þátta, en leikstjórnandi brúðuleikhússins eru glæpahópar sem kenndir eru við mannsal- og flóttamannaiðnaðinn, sem er víst sá ábátasamasti í dag.

Stýring þessa iðnaðar er svona svipuð og Rússa á friðarhreyfingum áttunda og níunda áratugarins, sem beittu sér fyrir einhliða afvopnun Vestur Evrópu gegn þungvopnuðu austrinu, og hurfu daginn eftir hrun kommúnismans í Austur Evrópu.

Ég er alltaf að reyna að hætta þessari tímaeyðslu að pistla um kynníðinga og morðóða miðaldamenn, það væri kannski ráð að henda inn einum lokapistli um mannsalsiðnaðinn og ábyrgð hans á stjórnlausri innflytjendastefnu stjórnvalda, svona punkt yfir i-ið.

Það er ekki einleikið hvernig örþjóð getur talið sér í trú um að hún geti bjargað vanda heimsins með því að útrýma sjálfri sér, menningu sinni og tungumáli.

Það eru fleiri illmenni á ferðinni en þau sem má lesa um í Gosa, og breyttu ístöðulitlum unglingum í asna sem voru svo sendir í námurnar.

Það er kannski kominn tími til að tengja.

Kveðja að austan.

[Grímur Kjartansson, 18.1.2024 kl. 11:33]

Rauði Kross Íslands sýnir líka Hamas stuðning
og neitar nú að eiga viðskipti við Rapyd Europe (KORTA ehf) því góða fólkinu líkaði ekki einhver ummæli einhvers stjórnanda þar

[Ómar Geirsson, 18.1.2024 kl. 14:22]

Blessaður Grímur.

Ég rak augun í þessa frétt, og hún er svona framhald af fréttum gærdagsins þar sem Rauði hálfmáninn sagði að 5 píslarvottar hefðu verið drepnir í árás Ísraela á flóttamannabúðir á Vesturbakkanum.  Þær árásir voru greinilegar hefndarárásir vegna hermdarverks þar sem kona var stungin til bana, bíl hennar stolið og keyrt inní mannfjölda.

Mér vitanlega hefur Rauði hálfmáninn ekki talað um þessa konu sem píslarvott, og Ruv sagði að hún hefði látist. Ekki drepin, ekki myrt, hún lést.  Kannski var hún hjartveik og morðingjarnir því ekki morðingjar, heldur menn sem svívirtu lík með því að stinga það eftir andlátið, og síðan voru þeir bara svona slæmir bílstjórar.

Síðan er það tíundað samviskusamlega hjá Ruv hve margir eru drepnir í árásum Ísraela á Gasa, fólk féll ekki í bardögunum, heldur var það drepið eins og enginn hafi verið að berjast við innrásarliðið.

Svona orðanotkun er afstaða, það er til dæmis ljóst að Rauði Hálfmáninn er ekki hlutlaus aðili í átökunum fyrir botni Miðjarðarhafs, og Rauði krossinn lætur það kjurt liggja.

En ef einhver eigandi greiðslumiðlunar sættir sig ekki við einbeittan vilja Íslamista við að útrýma þjóð hans, rúmar 9 milljónir samkvæmt síðasta manntali, þá á að slaufa hann og fyrirtæki hans.

Sem er góð og gild ákvörðun einstaklinga, þeir ráða sinni afstöðu.

En Rauði krossinn, hann er að rjúfa griðabönd hlutleysis síns.

Slíka ákvörðun tekur aðeins ógæfufólk.

Kveðja að austan.

[Óskar Helgi Helgason (IP-tala skráð) 18.1.2024 kl. 14:59]

Sælir; Ómar; mætur síðuhafinn / sem og þið Sigurður I B og Grímur !

Og; þökk fyrir samskipti liðnu áranna:: hjer á vef, piltar.

Ómar !

Katrín Jakobsdóttir; er undirförulla og svikulla kvendi, en þær

Setta í Bollagörðum og Gróa á Leiti náðu nokkurn tíma, að verða.

Tek undir; með Sigurði I B, heilshugar.

Grímur !

Ísraelsmenn (Gyðingar); eru svona ámóta meinvörp í dag, líkt þeim

stjórnendum Rússneska Sambandslýðveldisins, svo og Peking stjórninni

austur á meginlandi Kína:: algjörlega.

Jú; Hamas liðar, eru að uppistöðu lyddur og fáráðlingar, í öllum

sínum athöfnum, þar eystra:: tek undir það.

Rapyd stjórinn Ísraelski; er illfygli / yzt sem innst, í viðhorfum

sínum ganvart Filistea (Palestínskum) almenningi, og því mætti að

skaðlausu, klippa á samskiptin við korta fyrirtæki hans:: alfarið.

Með beztu kveðjum; sem jafnan, af Suðurlandi /

[Ómar Geirsson, 18.1.2024 kl. 16:18]

Blessaður Óskar Helgi.

Þú skefur ekki af því.

En ég vona að þú skiljir að ég er ekki að tala um trú, kyn, eða kynþætti, heldur sjálfa mennskuna.

Það skiptir ekki máli hver fremur voðaverkin, eða hver verður fyrir þeim.

Voðaverk er aldrei hægt að réttlæta.

Ég vona að við séum sammála um það Óskar Helgi.

Kveðja að austan.

[Jóhann Elíasson, 18.1.2024 kl. 21:46]

Katrín er langt frá því að vera FYNDIN, það er hámarkið að hún sé HLÆGILEG...............

[Ómar Geirsson, 19.1.2024 kl. 09:03]

Góðan daginn Jóhann.

Það er misjafn smekkur manna á íslenska fyndni. Mér finnst Katrín fyndin, svona til dæmis eins og atvikið sem fær mig ennþá til að brosa yfir, þó það hafi þannig séð verið hluti af grafalvarlegum hildarleik, en það var þegar upplýsingaráðherra Íraksstjórnar sagði í beinni við fréttamann, "no tanks in Baghdad", og átti þá við að bandaríska innrásarliðið hefði ekki rofið varnir borgarinnar. 

Svo leið myndavélin hægt frá honum og að skriðdrekalest sem brunaði hinum megin árbakkans, raunveruleikaskynið ekki alveg í lagi.

Katrín er drepfyndin, en því miður gunga.

Kveðja að austan,