Ísland ber skyldur.

 

Katrín Jakobsdóttir varð ber að kjarkleysi þegar hún ákvað að verja lögbrjótara innan ríkisstjórnarinnar, ráðherrann væri hafin yfir lög og reglur.

Verra er þegar Katrínu skorti kjark gagnvart manni sem telur voðaverka gagnvart konum og börnum réttlætanleg sem vopn í stríði.

 

Kjarkleysi Katrínar gagnvart lögbrjótnum Svandísi Svavarsdóttur er kannski skiljanlegt, því ef Svandís hefði verið látin sæta ábyrgð líkt og aðrir krimmar, þá hefði hún tekið ríkisstjórnina með sér, það öflugur er gamli stalínisminn í kringum Svanhvíti.

Þar er Katrín forsætisráðherra, stjórnmálamaður, en femínistinn Katrín, móðirin Katrín á að standa ístaðið gagnvart feðraveldi sem svívirðir, nauðgar, limlestir og myrðir.

 

Katrín átti að segja Hjálmtý Heiðdal að hún hefði ýmigust á manni sem teldi það réttlætanlegt að líkami kvenna væri notaður sem vopn í stríði, og hún átti að segja honum að konur hafa þagað of lengi.

Hún átti að segja honum að hún skammist sín fyrir þögnina þegar þetta blóðuga feðraveldi skar brjóstin af nauðguðum konum í borgarstríðinu á Balkanskaga, og að þögn femínista hafi verið æpandi þegar hið sama feðraveldi nauðgaði og skar síðan brjóstin af sigruðum stríðskonum Kúrda í kjölfar innrásar Tyrkja á heimalendur Kúrda í Sýrlandi.  Og hún viti að ekki var mikið sagt þegar hið sama blóðuga feðraveldi nauðgaði, myrti, svívirti jafnt kristnar konur sem og konur af trúarhópi Jasída í Írak og landamærahéruðum Sýrlands.

Alltof lengi hafi konur þagað, alltof lengi hafi mæður þagað, alltof lengi hafi femínistar þagað.

 

En nú sé komið nóg af þögninni.

Hún geti ekki lengur stutt þetta blóðuga feðraveldi, nauðganir,limlestingar, sem vopn í stríð verði ekki lengur liðið, allavega meðan hún fær einhverju um ráðið.

Sama hver á hlut, sama hver réttlætingin er.

Þetta blóðuga feðraveldi sem kennt er við Íslam og Íslamista, þarf að stöðva.

Þar liggja skyldur Íslands.

 

Katrín Jakobsdóttir gat líka bent þessum manni sem finnst það "alltí góðu lagi" að limlestingar og nauðganir á konum, jafnt frá kornungum til aldraðra, séu hluti af vopnabúri hinna "réttlátu", að það er þjóðarmorð að gera morðárásir á landsvæði meintra óvina þar sem eini tilgangurinn er að drepa allt kvikt.

Það er eins og það gleymist oft í umræðunni hér á Íslandi í dag, enda er henni stjórnað af fólki sem sér ekkert athugavert við morð, nauðganir og limlestingar, ef því er beint af "réttu" fólki eins og til dæmis íbúum Ísrael eða vestrænum kennslukonum sem voga sér að segja múslímskum unglingsstúlkum frá nútímanum.

En þetta á Katrín að vita og hún á ekki að láta Hjálmtýr Heiðdal vaða yfir sig á blóðugum skóm feðraveldisins.

 

Hún gat líka bætt því við að íslensk stjórnvöld leggi hart að Ísraelum að gæta hófs í árásum sínum og gefa almennum borgurum tækifæri á að forðast vígahópana sem berjast við ísraelska innrásarliðið.

En samtökin Ísland Palestína gætu líka lagt sitt af mörkum með því að skora á hið blóðuga feðraveldi á Gasa að leggja niður vopn sína og hlífa þannig samborgurum sínum.

Það voru jú morðárásir þess sem hóf styrjöldina sem bitnar svona hart á óbreyttum borgurum Gasastrandarinnar, og það eru vígasveitir þess sem berjast innan um óbreytta borgara, sem viðhalda stríðsátökunum.

Ef hún væri kvikindi í sér, þá gæti hún líka bent þessum stuðningsmanni hins blóðuga feðraveldis að það væru aðallega konur og börn sem falla á Gasa, er skýring þess að ræflarnir fela sig í jarðgöngum sínum á meðan konurnar og börnin er í skotlínu Ísraela??

 

Katrín gat nefnilega sagt svo margt.

En sagði ekki.

 

Hún gat staðið með kynsystrum sínum.

En til þess hafði hún ekki kjarkinn.

 

Að mæta hinu blóðuga feðraveldi.

Þar sem nauðganir og limlestingar kvenna eru vopn.

 

Í stað þess kóar hún með.

Kveðja að austan.

 

Benda á að Ísland ber skyldur

Athugasemdir

[Sigurður Kristján Hjaltested, 9.1.2024 kl. 16:53]

Sammála þér í öllu.

Ótrúlegt hvað þessar HAMAS sleikjur geta náð langt og þessir aumingjar

í forsvari okkar þjóðar hversu lágt þeir leggjast.

Farin að hallast meir og meir af því að VG standi fyrir Vinstri Geðveikir.

[Hrossabrestur, 9.1.2024 kl. 17:32]

Gleðilegt nýtt ár.

Sammála líka, alveg ótrúleg úrkynjun og klikkun komin í stjórnmálin hjá okkur, mál er að linni.

Katrín Jakobsdóttir er komin í algjöran ruslflokk með öllu sínu föruneyti.

Er farinn að kalla VG Vinstri Glæpó.

kv. hrossabrestur

[Ómar Geirsson, 9.1.2024 kl. 17:35]

Blessaður Sigurður.

Ég er sammála þér varðandi um viðbjóðinn sem telur nauðganir og limlestingar vera "part of programmed" í meintri réttlátri baráttu Palestínuaraba fyrir að endurheimta land sitt, hefur stjórnað opinberri umræðu, og komist upp með það.  Núna síðast með að vaða á skítugum, blóðugum skóm yfir forsætisráðherra þjóðarinnar.

En í alvöru Sigurður, þetta eru ekki Vinstri Grænir, vissulega er hluti af þessum viðbjóði sem kinnroðalaust telur að nauðganir og limlestingar kvenna eigi að vera vopn í stríði, en sá ræflalýður hefur samt ekki stjórnað VG, eða kom í veg fyrir einarða afstöðu ríkisstjórnar Íslands að fordæma voðaverk Hamas, sem er ein birtingarmynd hins blóðuga feðraveldis Íslamista.

Það sem síðan gerðist, og ég í raun er að hæðast að í þessum pistli, er flótti frá þeim grunnprinsippum að fordæma voðaverk, og krefjast að voðamennin sem nota voðaverk gagnvart konum sem vopn í stríði.

Og Sigurður, ef eitthvað er, þá var flótti Bjarna Ben ennþá ómerkilegri.  Og ekki er hann Vinstri Geðveikur.

Ég hef tekið Ríkisútvarpið fyrir í pistlum mínum, lágkúra þess náði ákveðnum botni þegar það lét feita strákinn sjóða saman fréttina um málsókn spillingaraflanna í Suður Afríku gagnvart Ísrael, einhver hefði kannski spurt hvað það spillingarlið hefði fengið borgað frá Persaflóanum??  Of það eru engir fordómar hjá mér að tala um feita strákinn, það er eina hugsanlega skýring þess að ég hygg að hann sé fréttamaður, það er hvað hann er pattaralegur, svona dúlla.  Alla vega er það ekki þekkingin eða vitsmunirnir.

Málið er að Mogginn er í raun engu betri Sigurður.

Og þar er skömmin.

Heimska er allavega ekki afsökun hans.

Kveðja að austan.

[Ómar Geirsson, 9.1.2024 kl. 19:09]

Blessaður félagi Hrossabrestur og gleðilegt nýtt ár.

Ég er sammála þér með úrkynjunina og klikkunina sem hefur grafið um sig í íslenskum stjórnmálum í dag, það er líkt og allir séu orðnir Píratar, eða jafnvel það sem verra er, úrkynjunin sem kennd er við Samfylkingu.

VG er vissulegar orðið að Vinstri Glæpó eftir fund þingflokksins þar sem þingmenn flokksins ákváðu að slá skjaldborg um krimmann, mun einarði skjaldborg en flokkurinn sló um heimili landsins í þáverandi ríkisstjórn Jóhönnu Sigurðardóttur.  Ég gat ekki annað en vorkennt greyinu sem var titlaður formaður þingflokksins, sem gat ekki leynt óbragðinu, en ákvað að fela það með einhverju tali um þessi mikilvægu mál, alltaf þessi mikilvægu mál.  Eins og ráðherrar gætu látið geðþótta ráð hvort þeir virtu lög landsins, og það væri aukaatriði að brjóta stjórnarskrána í leiðinni;  Heppinn að hann lenti ekki á fréttamanni, eins og til dæmis Arnari Björnssyni.

En þessi lúffun fyrir hinu blóðug feðraveldi og dindlum þeirra á Íslandi, er ekki bundin við VG, eða ríkisútvarpið ef því er að skipta, líkt og ég benti félaga Sigurði á hér að ofan.

Mér ofbauð framsetningu Morgunblaðsins á fréttinni um fall blaðamanna Al Jazeer fréttastofunnar, ekki áróðursmatreiðslu Rúv, þar er vitið ekki meir en það er, en Mogginn á að geta gert betur, og seint verður hann talinn útbú frá VG-glæpum.

Mig langar að vitna í þann pistil minn (Al Jazeer for­dæm­ir árás­ina);

"Við hér á Íslandi eigum hins vegar ekki að vera þátttakendur í þeim hildarleik, og við eigum að fordæma það sem á að fordæma.  Við eigum ekki að vera svo skini skroppin að skilja ekki hver ber ábyrgðina á hörmungunum á Gasa, og hvernig á að stöðva þær hörmungar. Og í raun er enginn svona heimskur, fréttafólk okkar hefur tekið afstöðu, það styður í raun voðamenni, og lýtur framhjá ólýsanlegum þjáningum og morðum sem aldrei er hægt að réttlæta.

Uppsetning á þessari frétt er dæmi um það. Úr ranni hinna margbreytilegu ásýndum voðafólks sem þrífst á morðum og stríðsátökum.

Samt yrði enginn á ritstjórn Morgunblaðsins kátur ef einhver í þágu göfugs málstaðar Alla, með orðunum Alla er mikill, tæki uppá því að höggva í spað ungabörn þess, eða nauðga og skjóta ungmennin þess á friðartónleikum, til dæmis á Arnarhvoli. Eða þeir eða samstarfsmenn þeirra yrðu dregnir út úr bílum sínu og skotnir, sem og börnin í bílstólunum sem var verið að keyra á leikskóla.

Hvað er að fólki, sið þess og uppeldi að geta ekki fordæmt slík voðaverk?? Af hverju eru þau í lagi ef þau eru nógu langt í burtu, og rót þeirra má rekja til deilna sem fólk tekur afstöðu til??".

Sektin liggur hjá fleirum en VG.  Fréttin sem ég pistla út frá gaf mér hins vegar færi á að leggja Katrínu orð í munn.  Og ég veit það fyrir víst að hún sem móðir væri ekki kát með að senda börn sín á friðartónleika og fá þau myrt og svívirt til baka.  Hvað þá í bútum þar sem brjóstin væru sér í poka.

Samt henti hún ekki Hjálmtý út.

Þetta voru jú ekki hennar börn.

Heppin hún.

Kveðja að austan.

[Hrossabrestur, 9.1.2024 kl. 19:49]

Já Sæll félagi Ómar.

Það er allt stuffið við Austurvöll við sama heygarðshornið, fyrsta siðrofið er að BB skuli ekki hafa hypjað sig úr ráðherrastól eftir að Umbi tók hann í gegn.

Núna er þetta allt með böggum hildar þegar Samfylkingin fer með himinskautum í skoðanakönnunnum en stjórnarflokkarnir einhverstaðar niður við gólf,

því er allt dótið í algerri úlfakreppu.

kv. hrossabrestur.