Hún svaf hjá honum

 

Það er gömul saga og ný að þegar alltí einu dúkkar ung og þá oftast íturvaxin kona í ábyrgðarstöðu sem hún hefur enga burði til að gegna, að þá var sagt að hún hefði sofið hjá forstjóranum, eigandanum eða öðrum þeim sem valdið hafði.

Í dag er það gömul saga að slíkt sé borið uppá hæfar ungar konur, samfélagið er farið að viðurkenna að þær geta unnið fyrir frama sínum.

Dæmin enda mýmörg, hver man ekki úr mannkynsögunni eftir stríði Friðriks mikla við pilsin þrjú, það er keisaraynjur Rússlands, Austurríkis og hjákonu Frakkakonungs sem réði öllu þar í ríki í krafti bólfimi sinnar.  Í Hollywood var það lenska að til að kvikmyndahlutverk þá þurfti ung og upprennandi leikkona að sofa hjá, sumar allar sinn feril. Kalhæðnin í Meetoo byltingunni var einmitt fórnarlambavæðing þeirra en ekki hrósyrði gagnvart þeim leikkonum sem sögðu Nei við til dæmis Harry Weinstein.

 

Hafi hins vegar einhvern grunað ég væri að impra á að sterkasta hvöt mannsins, þessi þarna sem er forsenda dreifingu genanna skýri skipan Svanhildar Hólm í stöðu sendiherra, þá er samviska mín hreinni en hvíta nýfallna mjöllin úti, slíkt hvarflar ekki að mér.  Ég meina, hver skiptir á Loga Bergmann fyrir Bjarna??

Sem og þessi óskiljanlega ákvörðun Bjarna er grafalvarlegri en hana megi skýra með hinu augljósa.

 

Þessi skipan Svanhildar er mjög skaðleg fyrir Bjarna og flokk hans, fylgi beggja á fallandi fæti, og í slíkri stöðu fremja menn ekki slíkt Hari Kari, þetta er eiginlega of heimskt til þess.

Flokksmenn hans hafa varið marga spillinguna í gegnum tíðina en vandséð er hvernig þeir kyngja þessu, líklegast gera það fáir aðrir en laumu Evrópusinnar sem vilja stuðla að falli Bjarna og gráta ekki fylgistap flokksins því þeir reikna með að það leiti til dótturfélagsins; Viðreisnar.

Það er nefnilega svona atburðir sem afhjúpa fólk, fyrir hvern og hvað það vinnur fyrir í raun.

 

Nærtækari skýring er því kúgun af einhverju tagi, Bjarni sé neyddur til að skaða flokkinn á þann hátt sem hann gerir með þessari skipan sinni.

A,ha gæti þá einhver hugsað, sagan kann líka mýmörg dæmi um að greddan hafi komið valdamönnum í þannig klandur að afhjúpun bólfara sé það ógnvænleg að þeir láti undan kúgun og geri það sem þeim hefði aldrei dottið í hug að gera annars. 

Það er ein birtingarmynd; "Hún svaf hjá honum" skýringarinnar.

 

Augljós veikleiki, fyrir utan sjarma Loga Bergmans, er að Svanhildur Hólm er dyggur flokksmaður, og hefur lengi unnið fyrir flokksbatteríið.  Hún veit því mætavel hve staða flokksins er veik, og hún myndi aldrei láta persónulegan metnað eyðileggja flokkinn sinn, en einmitt svona rugl gæti farið langt með það.

Sem og hún er klár ung nútímakona, hefur alla verðleika til að vinna sig á toppinn, það síðasta sem hún vildi væri að eyðileggja framtíð sína með stimplinum; Já, já, hún er þarna út af flokknum og þá sérstaklega Bjarna.  Þú veist, þú skilur sko.

Það er ekki draumur ungra kvenna í dag að vera gæludýr ráðandi karla, í heimi sem er að gera upp við slíkt valdaójafnvægi.

Og hún veit að frá fyrsta degi sem hún birtist meðal fólks í Washington, þá verður pískrað á bak við hana; Þarna kemur ljóskan sem svaf hjá ráðherranum.  Það mun samstarfsfólk hennar í utanríkisþjónustunni sjá um, þar nær enginn frama nema að hafa vald á rógtungunni, og henni verður samviskusamlega beitt til að grafa undan hinum nýskipaða sendiherra.

 

Nei, þetta meikar engan sens, ekkert í þessari satíru allri saman verður skýrt með einhverjum skynsemisrökum.

Ef ég vissi ekki betur þá myndi ég halda að ég væri staddur í góðri Harry Potter mynd, og að þessum afglöpum hefði verið plantað í huga Bjarna, og þá náttúrulega að sjálfsögðu af Voldimort, hann var jú illmenni sem stefndi á heimsyfirráð.

 

En það skyldi þó samt ekki vera, ekki þetta með að vera í miðjum Harry Potter, heldur þetta með auðrónana og stríð þeirra við íslensku þjóðina??

Stanslaust niðurbrot hennar hefur átt sér stað síðasta áratuginn eða svo, eða alveg frá því að heimildir hermdu að hrægammarnir hefðu ráði yfir 300 innlenda málaliða til að tryggja völd þeirra yfir íslensku samfélagi.

Íslensk þjóðvitund og menning er í útrýmingarhættu vegna taumlaus innflutnings á farand- og förufólki, allir innviðir þjóðarinnar eru grotnandi og myglandi, það er talað um orkuskipti, en samt er ekkert virkjað, við höfum ekki lengur efni á lágmarks umönnun aldraðra og sjúkra því okkar ríka samfélag er mergsogið vegna reglna sem kenndar eru við hið Frjálsa flæði Evrópusambandsins og er hannað til að gera þá ofsaríku, ennþá ríkari.

Á meðan er þjóðin eins og froskur sem er hægsoðinn til dauðs.

 

Það er engin tilviljun að þjóðmálaumræðan stýrist af upphlaupum og fábjánahætti.

Að samnefnari hins lægsta sé hampað og stýri okkur að stórum hluta.

Því vanhæfari því meiri er ábyrgðin, virðist vera einhver regla í íslensku samfélagi í dag. Snjómoksturinn í Reykjavík er aðeins birtingarmynd stjórnsýslu sem er regla, ekki undantekning því sem næst hvar sem borið er niður hjá sveitarfélögum landsins.

Vissulega er ennþá til hæft fólk í ábyrgðarstöðum, og ennþá finnast sveitarfélög sem er vel stjórnað, en trendið er í átt til vanhæfni þar sem kerfið sýgur í sig fjármagn en skilar æ minna frá sér í þjónustu eða gæfulegri ákvarðanatöku.

 

Í þessu samhengi má skoða hið nýja útspil Bjarna, það er augljóst mál að manninum er ekki sjálfrátt, ég efa að frá því að hann hóf stjórnmálaferil sinn hafi heimskulegra viðtal verið tekið við hann en er í þessari frétt sem ég tengi þessar hugleiðingar mína við.

Það eru undirliggjandi, sígráðug öfl í þjóðfélaginu sem vinna gegn okkur, okkur hinum venjulega, þjóðinni.

Það er eitthvað mikið að þegar formaður fyrrum stærsta stjórnmálaflokks þjóðarinnar, hefur eitthvað sjálfseyðingarferli, og virkar eins og bjáni þegar hann reynir að afsaka það.

Bjarni er ekki í Samfylkingunni, hann er ekki Pírati, þessi fingurbrjótur er út úr kú miðað allan hans stjórnmálaferil fram að þessu.

 

Hvernig honum er hins vegar stjórnað, veit ég ekki.

En það má velta því fyrir sér??

Ef ég væri í stjórn flokksins myndi ég í kyrrþey allavega senda hann í heilaskanna til að láta athuga með einhverja ígræðslu.

Það er sagt að tæknin sé komin á það stig að það sé hægt að stjórna fólki, við erum kannski að upplifa dæmi um það í dag??

 

Ruglandinn í samfélaginu er allavega engin tilviljun, og hefur ekki verið frá Hruni.

Niðurbrot þess er heldur engin tilviljun, að baki liggur óheft gróðasókn örfárra auðróna.

Aulavæðingin á þingi kemur úr sama ranni.

 

Erum við að upplifa næsta skref??

Veit ekki.

 

En alltí lagi að velta því fyrir sér.

Kveðja að austan.

„Tilefnislausar upphrópanir“ um skipan sendiherra

Athugasemdir

[Nonni (IP-tala skráð) 21.12.2023 kl. 11:20]

"Stanslaust niðurbrot hennar hefur átt sér stað síðasta áratuginn eða svo, eða alveg frá því að heimildir hermdu að hrægammarnir hefðu ráði yfir 300 innlenda málaliða til að tryggja völd þeirra yfir íslensku samfélagi."
Áttu einhverjar heimildir fyrir þessu, tengil eða annað slíkt? Þetta er forvitnilegt að kynna sér, hverjir þessir málaliðar voru?

"við höfum ekki lengur efni á lágmarks umönnun aldraðra og sjúkra því okkar ríka samfélag er mergsogið vegna reglna sem kenndar eru við hið Frjálsa flæði Evrópusambandsins og er hannað til að gera þá ofsaríku, ennþá ríkari."
Hvernig mergsýgur frjálst flæði okkur? Hvernig gerir það hina ofsaríku ríkari?
Væri ekki nú ekki gott að útgerðin greiddi markaðsverð (leigu) fyrir afnotin af auðlindum hafsins? Þá væri meira til skiptanna og ríkir útgerðarmenn yrðu ekki ofsaríkir heldur bara ríkir. ;-) 

[Ómar Geirsson, 21.12.2023 kl. 11:59]

Blessaður Nonni.

Það er alltaf gaman að fá svo sjaldgæfa fugla eins og Samfylkingarmenn hingað inná Moggabloggið, þó skemmtilegra væri að fá þá í öðrum tilgangi en að verja frjálshyggjuna kennda við hið Frjálsa flæði.

Varðandi málaliðaherinn þá er ég að vísa í færslu hjá Styrmi heitnum, manni sem sannarlega var með puttann á púls þjóðmálanna, en hann sló fram þessari tölu, nærri 340, nenni ekki að tékka á því, í pistli hér á Moggablogginu, og hann varaði sterklega við neikvæðum áhrifum þessara málaliða eða lobbýista eins og mig minnir að hann hafi kallað þá.

Þú spyr hvernig hið frjálsa flæði mergsýgur okkur, stutt svar því nennan er í augnablikinu annars staðar, innflutningurinn á fátæku förufólki til að vinna skítastörfin heldur niður kjörum vinnandi fólks, það kippir lögmálinu um framboð og eftirspurn úr sambandi, sbr ef enginn vill vinna á skítatöxtum, þá hækka þeir, og síðan er þjónustutilskipunin sem notuð er til réttlætingar að kjör skammtímaförufólks eru samkvæmt kjarasamningum heima fyrir, beint tilræði við íslenska kjarasamninga, líka skítataxtana.

Fjármagnsflutningar úr landi, eignarhald í gegnum skúffufélög eru dæmi um fjármalareglur sambandsins. Sjálfstæði Seðlabanka um hugmyndafræði frjálshyggjunnar, vaxtaokur, er afleitt af hugmyndafræði hins frjálsa flæðis um markaðslausnir.

Hið síðastnefnda er síðan dæmi um þar sem öfgar til hægri ná saman með öfgum til vinstri, þrælahalda kommúnismans í þágu stórfyrirtækja.  Það er beint samhengi milli markaðsleigu og slæmra kjara vinnandi fólks, sem og að byggðarlögin eru mergsogin.

En þetta er aðeins fljótheit, pistill minn fjallaði um hina stóru spurningu, var sofið hjá, eða býr eitthvað annað dýpra að baki.

Kveðja að austan.

[Guðjón E. Hreinberg, 21.12.2023 kl. 13:54]

... eða reið á toppinn, fákum fráum mishöstum.

[Ómar Geirsson, 21.12.2023 kl. 17:51]

Æ Guðjón, það er ljótt að láta mann hlæja svona, ég var nú að reyna vera grafalvarlegur í þessum pistli mínum sem átti benda á að það væri ekki allt sem sýnist, þó sitt sýnist hverjum, og ég reikna ekki með að allir séu sammála mínum útleggingum.  Þó vissulega þætti mér það skynsamlegt að þeir sem áhrif hefðu, myndu senda Bjarna í heilaskanna, svona Just in case.

En það er eins og það er,  eftir einart loforð um ekki fleiri pistla fyrir jól, þá réðst þessi á mig snemma morguns, rétt fyrir sex og krafðist þess að vera skrifaður. Var verri en kötturinn, prinsessan á heimilinu sem á það til að krefjast klórs árla morguns, og veitir engan afslátt þar á.

Ég hefði samt kosið svefninn í tuttugu mínútur í viðbót, nógu snemmt vaknar fyrsta sturtuvaktin á heimilinu, en fyrst svona fór, þá er allavega sárabót að fleiri en ég spá í þessa sjálfseyðingarhvöt Bjarna Ben, þess mæta stjórnmálamanns.

Svo uppskar ég stórt og mikið bros, og er ennþá brosandi þó í millitíðinni hafi ég lagað kaffi handa vinnandi ungviðinu, og pikkað svo inn þessar línur.

Hafðu þökk fyrir það Guðjón.

Kveðja að austan.

[Pétur Örn Björnsson (IP-tala skráð) 21.12.2023 kl. 19:36]

Mjög athyglisverðar pælingar.

Það er ekki ofsagt að forysta Sjálfstæðisflokksins stefnir ekki að fjölgun meðlima í flokknum með sínu háttalagi, þessu sem öðru, undinfarin ár.

Segi ekki meir, nema óska þér og fjölskyldu gleðilegra jóla og gæfuríks árs.

[Ómar Geirsson, 21.12.2023 kl. 20:33]

Blessaður Pétur.

Eða kannski smá satíra, alveg í átt að fáránleikaleikhús Dario Fo, spurningin er hvar er manni alvara, og hvar er maður að grínast.

Hef ekki hugmynd því eins og ég sagði Guðjóni hér að ofan, þá samdi þessi pistill sig að mestu leiti sjálfur þegar ég alltí einu glaðvaknaði á undan vekjaraklukku minni í morgun.

Persónulega fannst mér það góður punktur þegar ég útskýrði hvatir þeirra sem munu reyna að verja hið óverjanlega.  Á erfitt með að sjá að flokkshollir reyni að bakka upp gjörð sem mun virkilega skaða flokkinn, sem þegar var í mikilli vörn.

En þetta er eins og það er Pétur, ég náði allavega að koma að skömmum mínum um hið Frjálsa flæði Friedmans sem er geirneglt inní kjarnastefnu Evrópusambandsins, ásamt því að viðra kenningar mínar um hverjir standi að baki hinu augljósa niðurbroti samfélagsins, sem og fávitavæðingu stjórnmálanna.

Sem til dæmis þessi skipan er dæmi um, og hvergi Pírati nálægur.

En það eru að koma jól, nóg að gera hjá betri helmingnum að undirbúa þau, og eitthvað reynir maður að gera líka.

Það þýðir ekki að láta tortímingaröflin yfirtaka jólin, þó maður gráti hvernig þau geta spilað með það góða í fólki.

Gegn þeirri depurð þá spila ég grimmt írska pönkarann Shane MacGowan, og ævintýra-jólasöng hans um jólin í New York, bregst aldrei, þvílíkur snillingur sem núna er genginn, flott söngkona Kirsty MacColl.

Sömuleiðis Pétur, óska þér og þínum gleðilegra jóla og gæfuríks árs.

Með kveðju að austan.

[Ómar Geirsson, 21.12.2023 kl. 21:22]

Og við hæfi að birta beinan link á söng Shane og Kirstyar um jólaævintýrið í New York.

https://youtu.be/j9jbdgZidu8