Fræðilegar rangfærslur

 

Fræðimenn sem einstaklingar mega bulla út í eitt til að ljá skoðunum sínum vægi en þegar þeir koma fram á opinberum vettvangi sem fræðimenn, hvort sem þeir halda fyrirlestra eða láta taka við sig viðtöl í fjölmiðlum, þá mega þeir ekki ljúga út í eitt til að ná markmiðum persónulegra skoðana sinna, áróðri sínum í þágu þeirra.

Og í þessu viðtali lýgur Eiríkur Bergmann út í eitt, barnalegust er sú lygi að kenna stórveldapóltík Bandaríkjanna í Mið-Austurlöndum við meint ýkt áhrif gyðinga í bandarískum stjórnmálum, en út frá staðreyndum sagnfræðinnar er ömurlegast að lesa þessa;

"Grimmd­ar­verk Ísra­els­hers eru for­dæma­lít­il í hernaðar­sögu heims­ins. Hlut­fall óbreyttra borg­ara sem falla í þess­um hernaði er hærra en í nokkru öðru stríði heims, þar með tal­in fyrri og síðari heims­styrj­öld".

 

Ekki að það sé á nokkurn hátt verið að gera lítið úr þeim hörmungum sem almenningur á Gasaströndinni gengur í gegnum þessa dagana, þá á sorgarsaga einn skelfilegan atburð kenndan við Svartan september 1971, þegar vígamenn Bedúína tóku að sér að hrekja Fata-hreyfinguna út úr Jórdaníu, opinberar áróðurstölur, sem þjóna þeim eina tilgangi að gera lítið úr morðunum, tala um 2.000-3.000, en Yasser Arafat sagði að um 20.000 óbreyttir borgarar hefðu verið drepnir í næturárásum Bedúínana á flóttamannabúðirnar.

Gasárirnar á þorp Kúrda í Írak felldu tugaþúsunda, stórskotaliðsárás Assads á Homs, borg í Sýrlandi sem hann taldi vígahreiður Bræðralags múslima,kostaði 20-30 þúsund mannslíf.

Svo vitnað sé í manndráp Seinni heimsstyrjaldar þá kostaði ein eldsprengjuárás á Toyko yfir 100 þúsund mannslíf, umsátur Rússa um Berlín rúm hundraðþúsund, eldárásin á Dressden allt að því þó enginn veit í raun hvað margir brunnu þar lifandi, og svo má aldrei gleyma að fjórði hver Pólverji féll í Seinna stríði.

 

Allt staðreyndir sem þarf aðeins lágmarksþekkingu á sögu til að vita, og þó Eiríkur Bergmann ljúgi eins og nef hans nær, þá á blaðamaður Morgunblaðsins ekki að láta hann komast upp með lygar sínar.

En það er á eina bókina lært þessa dagana, og jafnvel femínistarnir á Morgunblaðinu dansa með í Hrunadansinum sem Hamas hóf þann 7. október síðastliðnum.

 

Góður blaðamaður hefði spurt Eirík hvort það sé í lagi að hópnauðga konum, jafnt börn sem gamalmennum, skera þau lifandi í tætlur, misþyrma líkum þeirra, brenna fjölskyldur lifandi, afhausa fanga, skjóta saklaust fjölskyldfólk í tætlur í bílum sínum, myrða og nauðga saklausa unglinga á friðartónleikum, og ef það er ekki í lagi, hvernig áttu þá viðbrögð Ísraelamanna að vera??

Láta þetta yfir sig ganga, líða stanslausar flugskeytaárásir á landið, eiga von á nýrri morðárás hvenær sem er, eða snúast til varnar líkt og kveðið er á um í stofnsáttmála Sameinuðu þjóðanna að sé löglegt.

 

Spyrja og fá heiðarlegt svar.

Það er fyrsta skrefið til að fá heiðarlegt svar, að fólk átti sig á að ábyrgðin er þeirra sem ábyrgðina bera, og að voðaverk hafa alltaf afleiðingar.

Sama hver á í hlut.

 

Og að mennskan spyr ekki um kyn, litarhátt, þjóðerni eða trú, hún er algild, og fyrirvaralausar morðárásir á saklaust fólk eigi aldrei að líðast.

Eitthvað sem Góða fólkið virðist ekki átta sig á á Íslandi þessa dagana.

 

En það er samt óþarfi að ljúga til að réttlæta voðaverkin.

Kveðja að austan.

 

Bandaríkin gætu einangrast í afstöðu sinni

Athugasemdir

[Bjarni (IP-tala skráð) 10.12.2023 kl. 13:07]

Ertu nokkuð að gleyma árásunum á Sabra og Shatila flóttamannabúðirnar í Líbanon 1982 sem ísraelar stóðu fyrir þó svo aðrir hafi verið fengnir til verksins?

Þessar flóttamannabúðir voru fullar af palestínumönnum sem höfðu flúið þjóðernishreinsanir ísraela í Palstínu.

Kveðja úr neðra.

[Ómar Geirsson, 10.12.2023 kl. 15:04]

Nei Bjarni, en fræðimaðurinn sem laug lengra en nef hans, talaði um hernað án fárra fordæma úr hernaðarsögunni,og að hlutfallslegt mannfall óbreyttra borgara hærra en í nokkru öðru stríði heims. Þar með gaf hann forsendu þessa pistils, og í ljósi að mannfall á Gasa var áætlað rúm 17. þúsund í gær, þá komast smærri atburðir ekki til tals í þessum pistli.

Eins og "The Sabra and Shatila massacre was the killings of around 460 to 3,500 civilians—mostly Palestinians and Lebanese Shias", eða til dæmis mannfallið í stríðinu 1948, sem um margt var grimmilegasta stríðið sem háð var um Palestínu, og þá vegna hermdarverka skæruliða beggja fylkinga gagnvart óbreyttum borgurum, gyðingar þó mun afkastameiri því þeir voru sigursælari.

Ég hefði líka getað rakið lauslega framferði systursamtaka Hamas, Ríki Íslams í Norður Írak og Sýrlandi, framferði Tyrkja gagnvart Kúrdum, morðin nauðganirnar, slátrun óbreyttra borgara, nefndu það bara, saga þessa heimshluta síðustu 100 árin eða svo er harmsaga ofbeldis og viðbjóðar gagnvart venjulegu fólki.

En þó ég viti að oft er kátt á hjalla í neðra, þá hef ég heyrt fáa þaðan upphefja verstu voðaverkin.

En maður lærir alltaf eitthvað nýtt.

Kveðja að austan.