Af hverju þegja svokallaðir femínistar??

 

Yfir nauðgunum Hamas liða, er það vegna þess " they think Israeli Jewish women are the wrong type of victim" svo ég vitni orðrétt í fyrirsögn The Sun, dagblaðs sem ég hélt að ég ætti aldrei eftir að lesa eða vitna í.

En þessi kjarnaspurning rak á fjörur mínar eftir að ég lagðist í netleit í morgunsárið eftir að frétt Hallgríms Indriðasonar á Rúv í gær, gat ekki yfirgefið huga minn langt eftir nóttu.  Sú frétt var fyrsta skiptið sem fréttastofa Ríkisútvarpsins sagði loksins sannleikann um voðaverk Hamas þann 7. október síðastliðinn, voðaverk sem voru upphaf þeirra hörmunga sem Hamas kallaði yfir íbúa Gasa og hafa samkvæmt síðustu tölum kostað yfir 17 þúsund mannslíf, stór hluti konur og börn.

Svo ég vitni í Hallgrím, hvernig hann uppfræddi Jóhönnu Vigdísi, sem nákvæmlega í 2 mánuði hefur kinnroðalaust lesið fréttir sem hafa upphafið voðaverk Hamas, og lagt þau að jöfnu við réttmæt varnarviðbrögð Ísraelshers.

"Ísraelsmenn sökuðu fyrir nokkrum dögum Hamas-samtökinn um að hafa meðan á árásunum stóð nauðgað konum áður en þær voru drepnar og svívirt lík þeirra. Hamas-samtökin neituðu þessu strax en breska ríkisútvarpið sagðist á vef sínum hafa sannanir fyrir því að ásakanirnar væru réttar og birti afar sláandi lýsingu á hvað Hamas-menn gerðu".

 

BBC birti nefnilega afar sláandi lýsingar á hvað Hamas-menn gerðu, og mesta ógeðið, af öllu þeim hroða BBC loksins staðfest, þá er þessi mest sláandi;

"In the video, the woman known as Witness S mimes the attackers picking up and passing the victim from one to another.

"She was alive," the witness says. "She was bleeding from her back.". She goes on to detail how the men cut off parts of the victims body during the assault.

"They sliced her breast and threw it on the street," she says. "They were playing with it."

The victim was passed to another man in uniform, she continues. "He penetrated her, and shot her in the head before he finished. He did not even pick up his pants; he shoots and ejaculates."".

Svo ég þýði yfir á okkar ylhýra, þá skáru Hamasliðar brjóst af konu sem þeir nauðguðu, á meðan hún var ennþá lifandi, köstuðu því á milli sín á meðan enn einn Hamasliðinn í einkennisbúningi tók við að nauðga hræinu sem eftir var, og rétt fyrir fullnæginguna þá skaut hann hana í höfuð.

 

BBC stendur við þessa frétt, ólíkt blaðamönnum Guardians sem reyna að réttlæta eða upphefja hina ólýsanlegu mannvonsku með því að afneita þeim.

Þar með er fokið í öll þau skjól íslenskra viðrina sem upphefja þessi voðaverk, réttlæta þau með því að láta eins og Ísraelsmenn séu árásaraðilinn í þessum hörmungum öllu saman, láta eins og það sé aukaatriði hver hóf þessar hörmungar með voðaverkum sínum, eða að það skipti engu að allt frá upphafi árásanna 7. október hafi Hamas ásamt öðrum vígahópum á Gasa skotið stanslaust flugskeytum á borgir og bæi í Ísrael.

Að sá sem verst sé sekur, en ekki sá sem hóf árásirnar, viðheldur þeim, og felur sig innan um óbreytta borgara sinnar eigin þjóðar.

 

Næst þegar fólk hlustar á hugljúft jólalag sem Magga Stína syngur, vitna í nafn hennar því það kemur fyrir í viðtengdri frétt, ættu menn að sjá fyrir sig morðnauðgara sem kasta á milli sín afskornu brjósti af fórnarlambi sínu.

Eða þegar Sólveig Anna, formaður Eflingar, sem hefur ítrekað lýst yfir stuðningi við þessi morð og nauðganir Hamas, lætur í sér heyra vegna einhvers óréttlætis á Íslandi, ekki að nógu sé að taka, þá ættu menn að sjá fyrir sér svívirt lík þessarar ungu konu, og rifja upp síðustu mínúturnar í lífi hennar, þar sem hlæjandi Hamas liðar munduðu sveðju og skáru af henni brjóstið.  Sögðu svo, Alla er mikill.

Síðan ættu menn að íhuga þessi orð í frétt BBC; "Several people involved in collecting and identifying the bodies of those killed in the attack told us they had seen multiple signs of sexual assault, including broken pelvises, bruises, cuts and tears, and that the victims ranged from children and teenagers to pensioners. Video testimony of an eyewitness at the Nova music festival, shown to journalists by Israeli police, detailed the gang rape, mutilation and execution of one victim.".

Hópnauðgun, limlesting, aftökur, fórnarlömb á öllum aldri, frá börnum til eftirlaunaþega.  Að ekki sé minnst á annan viðbjóð, þar sem fólk var brennt lifandi, konur, börn, eða misþyrmt, limlest lík út um allt á svæðinu þar sem ungt friðelskandi fólk kom saman til að dansa, skemmta sér, og biðja fyrir friði og sátt við nágranna sína á Gasa og Vesturbakkanum.

 

Og við eigum að spyrja okkur, hvernig getum við liðið þetta fólk meðal okkar, þessi viðrini sem virðast ekki þekkja muninn á réttu og röngu, sem réttlæta ólýsanleg voðaverk, sem aldrei er hægt að réttlæta, sama hver á í hlut.

Svo ég vitni í baráttukonu gegn nauðgunum, jafnt á friðartímum sem stríðstímum, sjálf upplifði nauðgun 17 ára gömul; "Rape is rape, whether or not you like the victim, and a rapist is a rapist, even if you support his cause. Each and every victim of sexual violence should matter, and no condemnation of rape should ever come with caveats.",

 

Þessi meinti fyrirvari (caveates) Góða fólksins, því það er það sem hefur þagað, að fyrst að Ísraelsmenn hafi kúgað Palestínumenn, þá sé það eðlilegt að þeir ráðist með morðárásum inná ísraelskt land, nauðgi og svívirði konur, brenni fólk lifandi, skjóti ungt fólk á friðartónleikum á færi, er vanvirðing við sið og vitsmuni fólks.

Samt gegnsýrir hann opinbera umræðu á Íslandi í dag, og varðandi fjölmiðla þá liggur sektin ekki bara hjá Ruv.

Uppklapparar voðaverkanna eiga sviðið líkt og blasir augljóslega við hvernig blaðakona Mbl.is setur upp þessa frétt, og ennþá hefur Mogginn ekki lagt sig eftir betri heimild um voðaverk Hamas en Birgi Þórarinsson alþingismann.

Og þeir sem hafa ekki geð í sér til að réttlæta þessi voðaverk, steinahalda kjafti, líkt og mennskan ráðist af einhverju gildismati um hver fremur voðaverkin, eða hver verður fyrir þeim.

 

Eins og fólk átti sig ekki á, að það að líða þessi voðaverk, eða leiða þau hjá sér með þögninni, er í raun uppgjöf um að börnin okkar eigi sér einhverja framtíð í þeim válinda heimi sem við lifum í dag.

Eins og ég hef áður bent á þá hefði enginn dáið á Gasa ef alþjóðasamfélagið hefði strax gripið inní atburðarrásina með afdráttalausum fordæmingum á voðverkum Hamas, og síðan krafist þess að stjórnvöld á Gasa myndu framselja voðamennina.

Ásamt því að biðja stjórnvöld í Ísrael að halda að sér höndum á meðan alþjóðlegt herlið sæi til þess.

 

Þar liggur ábyrgðin á hörmungum íbúa Gasa, ekki hjá voðamönnunum sem treystu á forheimsku og fávitahátt Góða fólksins, eða stjórnvöldum í Ísrael sem gátu fátt annað í stöðunni en að senda herlið inní Gasa.

Hjá alþjóðasamfélaginu sem gerði ekki það sem það átti að gera.

 

Ekki að við örþjóðin norður í Ballarhafi hefðum nokkuð um það að segja.

En við ráðum hins vegar hvort viðrinin, uppklapparnir, eigi sviðsljósið.

Eða sæti ábyrgð á stuðningi sínum við óréttlætanlegan viðbjóð og voðaverk.

 

Þar er sæmd okkar sem þjóðar í húfi.

Þó femínistarnir þegi, þá eigum við ekki að þegja.

Kveðja að austan.

 

 

Bjarni: „Ráðstefnan var yfirtekin af mótmælendum“

Athugasemdir

[Grímur Kjartansson, 8.12.2023 kl. 19:46]

Einn af "mótmælendunum" er Bragi Páll Sigurðsson 
Ofstækismaður hinn mesti sem margoft hefur grípið til þess ráðs að saka pólitíska andstæðinga sína um að vera barnaniðinga
Venjulegt fólk hröklast oftast burt úr mótmælunum þegar svona skítseiði mæta

Annars finnst manni að oftast sé verið að keppast við að snúa faðirvorinu upp á andskotann í þessum mótmælum

[Hördur Thormar (IP-tala skráð) 8.12.2023 kl. 21:47]

Eru feministar og hommar gengnir til liðs við Hamas og klerkana í Íran?

[Ómar Geirsson, 9.12.2023 kl. 10:13]

Blessaður Grímur.

Í sjálfu sér veit ég ekki hverjir voru á þessum mótmælum og þó pistill minn var tengdur við þessa frétt, þá var ég að fjalla um voðaverk, þöggun þeirra og meðvirknina með voðamönnunum. Í því samhengi set ég nafn Möggu Stínu því nafn hennar kom fram í fréttinni.  Það er góð regla þegar við fjöllum um nafngreinda einstaklinga hér á Moggablogginu, að það hafi komið skýrt fram í fréttum að þeir tengist viðkomandi umfjöllunarefni, eða sambærilegu.

Varðandi þessi mótmæli sem og önnur af þessu tilefni, þá skil ég vel reiði og angist fólks, það er ekkert fallegt, réttlátt eða neitt annað sem er að gerast á Gasa, en sá sem opnar öskju Pandóru, þarf að axla ábyrgð á þeim verknaði.

Annars opnar hann hana bara aftur og aftur, sem og þeim sem langaði en þorðu ekki af ótta við afleiðingarnar.

Þess vegna verða menn að gera greinarmun á orsök og afleiðingu.

Kveðja að austan.

[Ómar Geirsson, 9.12.2023 kl. 10:22]

Blessaður Hörður.

Allavega er hluti af þeim fast í köngulóarvefnum sem þetta miðaldahyski hefur ofið um mennskuna, síðan megum við ekki gleyma að Hamas og systursamtökin Ríki Íslams eru súnnítasamtök, og hugmyndaheimur morða þeirra og annars viðbjóðs er fjármagnaður hinum meginn við Persaflóann, hjá Saudum og furstadæmunum þar.

Fjárstreymi þaðan skýrir svo að stórum hluta aðgerðarleysi heimsbyggðarinnar.

Það verður ljót martröð sem fólk vaknar upp af þegar þetta miðaldahyski telur sig hafa styrk til að ráðast á stærri skotmörk en ungmenni á tónlistarhátíð eða varnarlaust fólk á samyrkjubúum.

Að sofa að feigðarósi hefur aldrei skilað neinu.

Kveðja að austan.

[Ásgrímur Hartmannsson, 9.12.2023 kl. 12:38]

Hamas liðar eru í grunninn kommúnistar, og eru að reyna að auka veldi kommúnisma.  Þeir reyna að valda niðurbroti vestrænnar siðmenningar.

Feministar eru kommúnistar.  Þær reyna að valda niðurbroti vestrænnar siðmenningar.

Ef þú vilt ekki stanslaust ofbeldi, nauðganir og saur úti á gangstétt, þá ertu stórhættulegur hægri-öfgamaður, og óvinur bæði feminista og Hamas.

[Ómar Geirsson, 9.12.2023 kl. 20:47]

Þú segir það Ásgrímur, þú segir það.

Kveðja að austan.