Er Morgunblaðið án Sóma??

 

Kannski að breytast í Samtökin Ísland-Palestína??

Eitthvað sem þekkir ekki lágkúruna og verður samdauna henni.

 

Ég man ekki eftir svona fréttaflutningi hjá Mogganum þegar eitthvað hyski taldi sig hafa höggstað á Bjarna Ben, eitthvað Þorláksmessukvöld fyrir langa löngu síðan.

Hyskið gerði ekki greinarmun á opinberri persónu og einkalífi sem allir hafa rétt á, ef það er ekki virt, þá sitjum við uppi sem þjóð með fígúrur, í besta fallli Barbí í bleiku, í þeim embættum sem við kjósum til.

 

Það má vel vera, og er reyndar líklegt að þá hafi Píratar kastað sig á vagn hyskisins, jafnvel ekki getað haldið jól fyrir heilagri vandlætingu.

Jafnvel þurft að sækja í athvarf með obba af heilögum þingmönnum Samfylkingarinnar, sem þá höfðu aðeins eitt stefnumál, að hneykslast, að benda á, og eitthvað sem Bjarni gerði, kallaði á athvarf hneykslaðra, fólks sem finnur sig ekki í samfélagi mannanna vegna eigin fullkomleika.

 

En hvað kemur sú heilaga vandlæting í dag þessu persónulega máli þingmanns Pírata við??

Er þetta einhverskonar síðbúin hefnd, að fyrst að það voru þið, þá getum við það líka.

Að lágkúran sé allra, aðeins spurning um tækifærið.

 

Hvílíkur barnaskapur.

Hvílíkur vanþroski.

 

Hyskið var ekki til eftirbreytni, það hefur aldrei verið til eftirbreytni.

Fólk er betra en þetta.

 

Eða það skyldi maður halda.

Kveðja að austan.

„Ég var dónaleg og streittist á móti“

Athugasemdir

[Magnús Sigurðsson, 29.11.2023 kl. 05:44]

Kjarkaður pistill og góður Ómar, -amen.

Með kveðju úr morgunnmánaskini í efra.

[Ómar Geirsson, 29.11.2023 kl. 14:34]

Takk fyrir það Magnús.

Kveðja úr stillunni að neðan.

[Grímur Kjartansson, 29.11.2023 kl. 18:30]

Píratar haf löngum verið að hneykslast á öðrum svo það er von að þingmaðurinn sé spurður

Helsti glæpur hennar er ósannsöguleiki 

1 þetta voru tröllvaxnir dyraverðir sem ráðust með offorsi inn á mitt prívat

2 allir eru búnir að vera biðja mig afsökunar í baka og fyrir á þessu

3 Æ ég var bara full - hefði hún bara sagt það strax þá hefði fréttin dáið um leið

[Ómar Geirsson, 29.11.2023 kl. 20:13]

Blessaður Grímur.

Mér er alveg sama, hún var full og lenti í því, og mér kemur það nákvæmlega ekkert við.

Aðeins mannlegt, ekki opinbert því hún var ekki á opinberum vettvangi.

Hneykslun Pírata er hins vegar ekki til eftirbreytni.

Við erum ekki öll Píratar, í guðanna bænum.

Kveðja að austan.