Sú sem þjónar.

 

Hvort sem það er kvóta eða fjármagni.

Segir Nei.

Nei við réttlæti, umhverfisvernd, sanngirni.

 

Það fyndna er að viðkomandi er ráðherra í flokki sem kennir sig við vinstri, það er jafnrétti og bræðralag, og "grænt", það er að samfélag okkar og atvinnuvegir eiga að starfa saman með umhverfinu, í sátt.

Leitun er að sanngjarnari bón en þeirri sem smábátasjómenn biðja um í dag, sanngirni sem má alveg kenna við jafnrétti og bræðralag, og umhverfisvænni veiðar er ekki fundnar í dag, jafnvel þó allir kóandi sófakommar landsins leiti með Hubble sjónaukanum sem nam hið smæsta í alheiminum og nemur ennþá í dag.

En nemur ekki umhverfisvænni veiðar.

 

Ef eitthvað er kaldhæðni, þá er það flokkurinn sem Svandís Svavarsdóttir fær umboð sitt frá.

Að hún skyldi ekki hafa verið rekin þegar hún réðst að vinnandi fólki með því að stöðva hvalveiðar daginn áður en þær áttu að hefjast. 

Jafnvel stórkapítalisminn á ekki mörg slík hryllingsdæmi mannfyrirlitningar og það veit allt ærlegt vinstri fólk.

 

Samt situr Svandís í þeirra umboði, og bætir aðeins í.

Gegn Vinstri og gegn Grænum.

 

Vissulega þjónandi sínum húsbændum, en ekki fólkinu sem kaus hana.

Samt þegir það.

 

En ég hef heyrt að það er brambolt í kirkjugörðum borgarinnar.

Því einu sinni var vitað að vinstri þýddi vinstri, og það skipti máli.

 

Og margir börðust og árangur náðist, og féllu frá sáttir.

Sáu ekki fyrir sér svikin sem seinna urðu.

 

Þó aumir í dag kói með.

Þá voru þeir ekki aumir sem féllu í rás tímans.

 

Allavega þeir mótmæla í dag.

Kveðja að austan.

63 þorskhausar inni á Alþingi

Athugasemdir

[Ásgrímur Hartmannsson, 15.7.2023 kl. 20:06]

Hún er kommúnisti, og hún er að sinna sinni hugmyndafræði: að leggja í rúst einkaframtakið.

Þetta er alvöru vinstri.

Ég veit ekki hvaðan þú færð þá hugmynd að vinstrið gangi út á einhverja manngæzku.

[Pétur Örn Björnsson (IP-tala skráð) 16.7.2023 kl. 00:09]

Sæll Ómar

Hvaða brambolt í kirkjugörðum borgarinnar, ertu að tala um?

Hinn alltumlykjandi faðir kolahreyfingarinnar-svarts framboðs, býr í Garðabæ.

Og þar ríkir örugglega grafarþögn,jafnvel gleði yfir leiðtoganum mikla, en mest þó gleði hans sjálfs með sjálfan sig. 

Flokkur hans er reyndar svartari en plágan sem kennd er við dauðann.

[Ómar Geirsson, 16.7.2023 kl. 13:04]

"Þeir segja að rauðir logar logi á leiði".

Það er enginn jaxl grafinn meðal broddborgaranna í Garðabænum Pétur, menn réðu sínum grafarstað.

Kveðja að austan.

[Pétur Örn Björnsson (IP-tala skráð) 16.7.2023 kl. 13:34]

Vissulega rétt Ómar

og öllu viti bornu fólki ljóst að VG er hvorki vinstri né grænn.

[B.N. (IP-tala skráð) 16.7.2023 kl. 19:17]

Hvað eru margir þorskhausar sem taka þátt í skoðunarkönnunum aftur og aftur sem segja nei við kvótabrakkerfinu en kjósa valdið sem standa vörð fyrir hina fáu útvöldu sem telja sig kvótann eiga??

Ég var talinn einn af hörðustu kvótaandstæðingum á sínum tíma gekk svo langt að ég flúði land í fjögur ár. 

Gangi þeim vel sem mótmæla í dag hefði verðið betra að standa betur saman á sínum tíma þá með þjóðarhag að leiðarljósi horft til framtíðar í staðin fyrir sem dæmi þröngan hóp sem er kominn út í horn með sína þrönga hagsmuni sem á endanum verður eytt líklega þannig að sóknardagabátarnir verða settir í kvóta sem þeir svo selja með bros á vör sem mun ekki standa næstu kynslóð til boða nema ske kynni að einn og einn erfi pínu pons    

Bestu kveðjur, Baldvin Nielsen 

[Óskar Helgi Helgason (IP-tala skráð) 16.7.2023 kl. 21:26]

Sælir; Ómar síðuhafi - sem og aðrir gestir Ómars, geri ekki ráð fyrir, að Ásgrími Hartmannsyni þyki mikið til 

kveðju sendinga minna koma: sbr. skæting hans í gær (15. VII.), í minn garð !

Fyrir utan; þína góðu hugvekju Ómar, má alveg þakka fyrir innlegg Péturs Arnar, sem og Baldvins Nielsen, ekki síður.

Er ekki málið komið á það stig; að íslenzkir Sjómenn (ekki bara þeir: hverjir strandveiðarnar stunda) - heldur og

allir sjómenn hjerlendir, hói í Bændasamtökin, fái liðsstyrk .þeirra til, að fara suður að Bessastöðum og ÚÐA

kúahlandfor yfir aðsetur Guðna Th. Jóhannessonar sjálfs ?

Og; hefðu nokkurn haugsugu afgang, til þess að dæla einnig á þinghúss kumbaldann (við Austurvöll Reykvízkra) ekki

síður.

Frakkneskir; sem og Hollenskir Bændur hafa alla vegana ekki, hingað til a.m.k. veigrað sjer við, að sýna Parísar

og Amsterdam stjórnunum neina sjerstaka undirgefni nje hnjábeygjur, fyrir hvítflibbunum, þeirra landa.

Hefði Guðni Th. Jóhannesson snefil manndóms og almennilega mannrænu til að bera, væri hann:: fyrir langa löngu

búinn að sparka Mafíu þríeyki Katrínar Jakbsdóttur - Bjarna Benediktssonar og Sigurðar Inga Jóhannssonar fyrir

róða, og skipa hjer utanþingsstjórn vinnandi stjetta, án aðkomu Háskóla menntaðra blýanta nagara, til þess að 

koma einhverju lágmarks skikki á fáránleg landsmálin, piltar.

Með; beztu kveðjum af Suðurlandi - engum til Ásgríms Hartmannssonar, unz hann biðjist afsökunar á flími sínu

og spotti í minn garð: gærdegis (í síðustu samantekt þinni Ómar - hver, á undan þessarri komið hafði) /   

[Pétur Örn Björnsson (IP-tala skráð) 16.7.2023 kl. 23:16]

Það er full ástæða til að nefna það, að ákvörðun Svandísar er væntanlega með fullu samþykki þingflokka hinna ríkisstjórnarflokkanna, Sjálfstæðisflokks og Framsóknarflokks. 

Flokka sem áður kenndu sig annars vegar við frelsi einstaklingsins til atvinnusköpunar og hins vegar ...

tja, ég viðurkenni að ég hef aldrei vitað fyrir hvað sá armi flokkur Framsóknar stóð, annað en að skapa sér stöðu slepjulegs sjálftökumilliliðar milli bænda og verslunar/neytenda.

[Ómar Geirsson, 17.7.2023 kl. 07:25]

Góðan daginn félagar.

Það er góð hugmynd að taka Frakkana á þetta Óskar Helgi, það er hjáróma og héraskapur í mótmælum Íslendinga almennt, og það mætti halda að það væri enginn bátasjómaður bálreiður út af þessu ofríki Þjónsins.  Varðandi Ásgrím þá á hann þetta til en sér svo að sér, það er eitthvað sem pirrar hann sem snýr ekki að okkur.

Annars þakka ég ykkur fyrir innlit og athugasemdir Baldvin og Pétur, ofríki og ásælni hinna Örfáu hefur verið mannannamein frá því að sögur voru fyrst sagðar, sbr. Öreigaæskan hans Steins sem rammar inn þessa frekju og yfirgang þeirra sem eiga gagnvart fjöldanum.  Ekki að ég mæli með niðurstöðu Steins, en ljóðið lýsir vel plágunni og þörfinni að rétta úr bakinu.

Takk fyrir athugasemdir og innlit.

Kveðja að austan.