Okkur fjölgar og fjölgar.

 

Bráðum orðin 400 þúsund að mér skilst.

 

Og Snorrabúð sem er eins og þjóðskáldið sagði, og enginn mótmælti, orðinn Stekkur, og heilbrigt fólk spáir í hvort bæði pillan og smokkurinn hafi ekki virkað.

Svo fór það út í búð og talaði íslensku, og til happs var að í löngu ósjálfráðu biðröðinni var yndislegur drengur, vart fermdur, og hann gat túlkað að þau vildu aðeins fá að borga. Þessari sögu fylgdi ekki húðlitur drengsins enda hver spáir í það aðrir en rasistar Góða fólksins??

 

Svo var farið í frí, því Ísland skal heimsækja.

Þar var enginn yndislegur drengur sem þýddi, og svo sé gætt allrar rétthugsunar, þá var engin yndisleg stúlka heldur.

Reyndar unnu margar yndislegar stúlkur og drengir á fyrstu viðkomustöðum þess fólks sem í hrekkleysi sínu mótmælti ekki að Snorrabúð væri orðin Stekkur, eða hefði áhyggjur af því að hvorki pilla eða smokkur væri í boði fyrir ofurgraða sem hlytu að valda ofurfjölgun þjóðar sinnar, þar sem þau voru góðir og gegnir borgarar.

Þau gátu bara ekki tjáð sig, eða allavega það skyldi þau enginn.

 

Samt svona réttsýn og viljug, hafa aldrei gert flugu mein.

Samt orðin að útlendingingum í eigin landi.

 

En hvaða væl er þetta??

Ofurfjölgun verður aldrei án vaxtaverkja.

 

Hver er ekki kátur og hress með þetta??

Shit með alla aumingjana; Öryrkja, ohhh kommon!!!, einstæðar mæður; eigum við Góða fólkið að halda áfram að telja upp þetta aumingjafólk??; ólært, tekjulágir einstaklingar eins og þau hefðu lært eitthvað sem réttlætti launakröfur þeirra!!!!!!!; Ekki okkur að kenna (það er Góða fólkinu) að leiga þess eða húsnæðiskostnaður hækki uppúr öllu vald), algjörlega húmorslaust fólk, sem fattar ekki gróðann við hið stöðuga innstreymi sem híft hefur íbúatölu þjóðarinnar frá um 320 þúsund í þessa fallega tölu; 400 þúsund.

Væl og aftur væl, og hver á að þrífa??; hús mín og híbýli, skóla okkar og sjúkrahús??

Svo aðeins sé spurt, en sögumaður þessa pistils hafði ekki geð í sér að spyrja.

 

Það er bara svo.

Okkur fjölgar og fjölgar.

Og það eru einhverjir sem væla yfir því!!!!

 

Segi eins og Kata Jakobs, það þarf bara að senda það fólk á námskeið!!

Og hver segir að þegar ein fjölskylda missir íbúð, og síðan önnur (andskotinn hafi það, geta þau ekki lært eitthvað??) og svo kannski sú þriðja, getur þetta Whæt Trash ekki lært eitthvað??????, smá mistök!!, Öllum verður á, getur það ekki sameinast um eina íbúð??; Þröngt má sátt fólk sitja, sérstaklega ef það er undirmálsfólk, var einu sinni kennt á námskeiðinu um Góða fólkið, og því þykir ekki vænt um.

Svo getur gamla fólkið lært ensku; kommon.

Kommon!!!

 

Og okkur fjölgar og fjölgar.

Svo fjölgar okkur aftur.

Kveðja að austan.

Gætu rofið 400 þúsunda múrinn á árinu

Athugasemdir

[Ingólfur Sigurðsson, 11.7.2023 kl. 19:59]

Þú ert yfirleitt alltaf góður þegar þú loksins skrifar Ómar. (Eða stundum er maður ósammála). Okkur fjölgar hvað tölur áhrærir en fækkar í raun. Fæðingatíðni hefur aldrei verið eins lág og á síðasta ári, öll fjölgunin er vegna innflutnings að utan.

Margir beztu pistlarnir eru skrifaðir í svona tvíræðum tón.

Þetta er svo sem allt gott og blessað ennþá á meðan við höfum ekki alveg sömu vandamálin og önnur lönd út af þessu. En það er eitt sem böggar mann og plagar svolítið, það er að stjórnvöldin leggja eina lína og það þýðir lítið fyrir einhverja að væla sem eru ekki sammála. Vissulega er minnihlutinn að koma með neikvæðar hliðar, en sumt er nokkuð góð gagnrýni þar. Jón Magnússon lögmaður er þó beztur í því, rökfastur og þekkir stjórnsýsluna.

Segjum sem svo að kreppa komi í Evrópu. Hvað gera stjórnvöld þá? Það eru einmitt þessi dægrin að koma fréttir frá erlendum fjármálasérfræðingum sem segja að kreppa sé yfirvofandi í Bandaríkjunum eða fjármálahrun.

Það eru þessar ófyrirsjáanlegu atburðir sem geta búið til púðurtunnu úr því sem virðist friðarríki. 

[Magnús Sigurðsson, 11.7.2023 kl. 20:55]

Sæll Ómar og takk fyrir ádrepuna.

Er ekki staðreyndin sú að hreinræktuðum Íslendingum fækkar á grafarbakkanum og fjölgar í kirkjugarðinum burt séð frá pillunni og smokknum.

Með kveðju úr efra.

[Ómar Geirsson, 12.7.2023 kl. 09:43]

Blessaður Magnús.

Það var eiginlega smá slorlykt af þessari meintu ádrepu, ég fattaði það nefnilega í gær, að dagurinn á morgun, það er dagurinn í dag, væri dagurinn þar sem kvótasmásálin ætlaði að banna skrýtnum mönnum í fallandi byggðum að róa á mið, eiga spjall við múkka og máva, og vitja um fisk í leiðinni.

Ég var eiginlega búinn að ákveða að tjá mig af því tilefni, aðallega vegna aðfarar kvótaráðherrans að vinnandi fólki á Akranesi og nærsveitum, eitthvað svona barmafullur bikar eða þannig. Og ef maður vill segja eitthvað, þá þarf maður víst að vera búinn að segja eitthvað áður, svo einhver lesi það sem maður ætlar að segja, það er ef dvalinn hefur legið lengi yfir Kveðjunni.

Í þeim hugleiðingum um fisk og slor, þá fékk ég þessa frétt uppí hendurnar, og í kjölfar þessa pælingu eða viskumola; "Er ekki staðreyndin sú að hreinræktuðum Íslendingum fækkar á grafarbakkanum og fjölgar í kirkjugarðinum burt séð frá pillunni og smokknum".  Jú ég held það bara, en ekki láta það fréttast, mér skilst að það sé rasismi að tala um eitthvað hreinræktað, nema þá einna helst smalahunda.

En huggun harmi gegn þá er víst nóg land eftir undir kirkjugarða, nema náttúrulega í Kópavogi, þar þurfa þeir kirkjugarðana undir rusl.

Síðan hef ég áreiðanlegar heimildir fyrir að það er aðeins töluð íslenska í Himnaríki, konan hans Jóns ku hafa það fyrir satt.

Þannig að íslenskan lifir þó þjóðin deyi.

Svo kemur alltaf eitthvað nýtt í staðinn.

Kveðja að austan.

[Ómar Geirsson, 12.7.2023 kl. 09:56]

Blessaður Ingólfur.

Það er gaman að þú skulir minnast á Jón Magnússon, sem okkur til heilla á Moggablogginu ákvað að taka við sem The Grand Old Man, eftir fráfall Halldórs Jónssonar.

Síðasti pistill Jóns er einn af hans tærum snilldum (sbr. tær snild), það er fyrir gamlan Hriflung eins og mig, sem fór ungur að heiman til að herja á þá voðatrú sem kennd var við Nýfrjálshyggju og leidd af falspámönnunum Friedman og Hayek, hef síðan barist við þá skepnu án nokkurs árangurs.

Jón sem ungur féll fyrir þessum falsspámönnum hefur þroskast með aldrinum í gegnheilan borgarlegan íhaldsmann, þeirra rætur liggja í kristnum gildum og vestrænum sið.  Og núna brýnir hann kuta sína til að vega að þessari voðaskepnu eða voðatrú, og hvert hans orð er eins og fegursta tónlist í mínum eyrum, nær jafnvel Abba eða Bítlunum þegar best lætur.

Mig langaði ákaflega að vitna í Jón í "Ég ræð" pistli mínum en það hefði verið stílbrot miðað við stíl og efnistök, samt dálítið sorgmæddur að penninn hefði ekki leitt mig í þema þar sem viska Jóns passaði inní.

En þú gafst mér tækifærið Ingólfur, og þar með  læt ég flakka;

"Stjórnmálastéttin hefur brugðist alla þessa öld og raunar lengur, þar hefur auðhyggjan ráðið öllu, en siðræn gildi og virðingin fyrir einstaklingnum vikið algjörlega nema viðkomandi sé auðmaður og skiptir þá ekki máli hvernig auðurinn er tilkominn.".

Þetta held ég að svari miklu af þínum pælingum Ingólfur, stjórnmálastéttin þjónar öðrum en okkur.

Og það eina sem ég veit um framtíðina, að ef eitthvað gerist, þá er það við sem blæðum.

Og auðpúkinn fitnar.

Kveðja að austan.

[Ómar Geirsson, 12.7.2023 kl. 09:57]

Blessaður aftur Magnús.

Kveðjan átti eiginlega að vera að neðan þó hún sé vissulega að austan.

Allavega, kveðja úr sólarglennuglætunni að neðan.