Af hverju á Efling að starfa með erindreka??

 

Manni sem lætur nota sig til óhæfuverka??

Ég bara spyr.

 

Aðalsteinn Leifsson hefur vanvirt embætti Ríkissáttasemjara.

Í dag gengur hann erinda atvinnurekanda líkt og ofbeldismennirnir sem bandarískir atvinnurekendurnir nýttu til að lemja á verkamönnum í átökum kreppuáranna á síðustu öld.

Nema hann er aðeins fínni og í stað þess að nota vöðvaaflið, þá misnotar hann lögin um embætti sitt.

 

Með þessum manni á enginn að starfa og verkalýðshreyfingin, ekki bara Efling, á að senda skýr skilaboð til stjórnvalda að embætti Ríkissáttasemjara er dautt þar til Aðalsteinn er látinn víkja.

Allt annað er óeðlilegt, samsinnun eða samdaunun með lagaofbeldi manns sem gengur erinda.

 

Þetta er ekki spurning, þetta er ekki val, þetta er nauðsyn.

Sjálfar leikreglur vinnumarkaðarins eru undir.

 

Þær þarf að verja.

Kveðja að austan.

Ekkert bólar á skrá Eflingar

Athugasemdir

[Vagn (IP-tala skráð) 27.1.2023 kl. 09:39]

Já, það er ekkert eins hættulegt fyrir verkalýðsbaráttuna og að láta verkalýðinn kjósa um samninga. Gullkálfarnir í stjórnum þurfa alvöru átök og læti til að stimpla sig á síður sögunnar. Taka verður tillit til þess.

[Ómar Geirsson, 27.1.2023 kl. 09:41]

Góður félagi Vagn, það er ekkert eins hættulegt, mikið rétt.

Kveðja að austan.

[Þorsteinn H. Gunnarsson, 27.1.2023 kl. 10:02]

Framsögumaður ríkisins í svokölluðum sáttageira reynir að narra félagatal Efnlingar til að hægt sé að skoða það í bak og fyrir. Hann virðist bara bjóða nýgerð samning SA fram, ekki kartöflu meir og ræðir við Eflingu í 1/2 mínútu samkvæmt Halldóri. Hann fær þá sennilega lítið kaup þann dginn ef hann þarf að bóka 1 mínútu fund í dagbóksína sína.  Það virðist sem hann sé að taka stjórn Eflingar yfir þ.e.a.s.framsögumaður svokallaðrar sáttatillög sem hann gumar af. Ég hef aldrei vitað um að félagatal verkalýðsfélags færi á flakk og ljósritað af Pétri og Páli. þetta er sorglegt.

[Óskar Helgi Helgason (IP-tala skráð) 27.1.2023 kl. 12:40]

Sæll Ómar æfinlega; sem og aðrir gestir, þínir !

Þakka þjer; drengilega og vel fram setta færzlu:: Alþýðuhetjunni Sólveigu Önnu Jónsdóttur og hennar fólki til handa, Austfirðingur mæti.

Getur hugsazt; að Aðalsteinn Leifsson Ríkissáttasemjari, sje einfaldlega handbendi Engeyinga - Samherja Mafíu samsteypujnnar, sem er að kollsigla öllu eðlilegu þjóðlífi þessi misserin, í landinu ?

Og; að Aðalsteinn, sje ekki einungis, að ganga erinda Samtaka atvinnulífsins / nje hótel eigendanna og ferðaþjónustunnar, einna:: og sjer ?

Við sjáum í hendi okkar Ómar; að lungi liðsins á alþingi, sem og í embættismanna kerfinu, eru að ganga erinda Evrópusambandsins og loftslags trúar trúða samfjelagsins, meðfram öðrum skemmdarverkum víðs vegar - ekki hinna RAUNVERULEGU hagsmuna íslenzks almennings ! ! !

Með beztu kveðjum; sem oftar af Suðurlandi, austur í fjörðu /

[Ómar Geirsson, 27.1.2023 kl. 15:24]

Blessaður Þorsteinn.

Tek heilshugar undir orð þín, þetta er mjög sorglegt allt saman.

Kveðja að austan.

[Ómar Geirsson, 27.1.2023 kl. 15:33]

Blessaður Óskar Helgi.

Það má vel vera, en ég bendi líka á þann möguleika að Góða fólkið hafi einhverja putta í þessari atburðarrás.

Þú veist Óskar að það nær ekki uppí nef sitt, það telur það jarða við dauðsök að krefjast þess að ómenntað fólk geti lifað mannsæmandi lífi af launum sínum.

Ég held að menn gleymi því stundum að hatrömmustu andstæðingar Sólveigu Önnu er innan raða Samfylkingarinnar og VinstriGrænna, sem og þeirra Pírata sem eru ekki bara vitlausir, heldur líka hluti af hópi Góða fólksins.

Taktu eftir því Óskar, að enginn af svokölluðum flokkum Góða fólksins hefur krafist umræðu utan dagskrár á Alþingi, um þetta gjörræði að verkfallsrétti ófaglærða.  Eða á nokkurn hátt lagt orð í belg til stuðnings Sólveigu Önnu frá því að hún hóf þá vegferð sína að skora kerfi Auðhyggjunnar á hólm.

En það  stendur ekki á þessu fólki að hrópa hástöfum um meint misrétti gagnvart kynsegin eða meintum brotum á réttindum túristaflóttamanna.

Sólveig Anna hefur afhjúpað þetta fólk sem skrípi, það er bara svo.

Kveðja að austan.

[Theódór Norðkvist, 27.1.2023 kl. 16:34]

Öfugmæli ársins, ef ekki það sem er af öldinni, hlýtur að vera það að kalla þetta miðlunartillögu. Embættið heitir Ríkissáttasemjari, er þá ekki hlutverk þess samkvæmt orðsins hljóðan, að reyna að koma á sáttum? Miðlunartillaga ætti að vera tillaga til að miðla málum. Síðast þegar ég gáði í orðabók felst það í merkingu orðanna að miðla málum að reyna að ná niðurstöðu í deilumáli, þar sem gengið er til móts við báða aðila, reynt að ná einhverri millilendingu þar sem fallist er á kröfur beggja aðila að einhverju leyti og ekki einungis kröfur annars aðilans. Ef málamiðlunin tekur einungis tillit til krafna annars deiluaðilans, þá er það tæplega málamiðlun.

Ef ég hef skilið þetta mál rétt, þá ákvað Efling(eða Sólveig a.m.k.) að fara í verkfall af því félagið var ekki sátt við tilboð SA. Síðan tekur Ríkissáttasemjari þetta tilboð SA hrátt upp sem var ástæða áætlana Eflingar um verkfall, leggur það fram og kallar það miðluunartillögu! M.ö.o. þá gengur hann í lið með SA. Ætti ekki embættið núna að heita Ríkisdeild Samtaka Atvinnulífsins?

[Ómar Geirsson, 27.1.2023 kl. 17:36]

Blessaður Theódór, svo mikið rétt að það hálfa væri nóg.

Spurningin er síðan, af hverju eru svo margir að spila með ríkissáttasemjara, til dæmis fréttafólk með því að spyrja eins og það sé eitthvað vit í þessu??

Er fréttafólk laust við vitglóru, eða gætir það annarra hagsmuna en að upplýsa almenning um það sem er í gangi??

En líklegast er vitið ekki meir en það er, en ekkert slíkt afsakar þetta Harikari ríkissáttasemjara, og að stjórnvöld eða Samtök Atvinnulífsins skuli ekki opinberlega leggjast gegn þessum afglöpum.

Vanvirðing á leikreglum vinnumarkaðarins er engum til góðs, sama hvað viðkomandi óttast réttlætisbaráttu Eflingar.

Síðan spyr ég, hver getur í raun, og þá er ég að tala um innri mann fólks, gert ágreining við þessi orð Sólveigu Önnu??

"Það er einkenni siðmenntaðra samfélaga að fólk geti séð fyrir sér með þeirri vinnu sem það ástundar".

Væri ekki nær að menn settust niður og ræddu málin, hvað hefur farið úrskeiðis í þessu landi okkar, landi alsnægta og velmegunar??

Geri menn það, þá leysist þessi deila.

Kveðja að austan.

[Theódór Norðkvist, 27.1.2023 kl. 18:48]

Fjölmiðlarnir eru meira og minna ónýtir, feitir þjónar valdsins og ekki lengur magrir þrælar. Eins og þú veist þá hafði ég efasemdir um þetta verkfall, en nú er ég að snúast á band Eflingar. Sigur vinnst ekki alltaf á miklum fjölda.

Eigi sigrar konungurinn fyrir gnótt herafla síns, eigi bjargast kappinn fyrir ofurafl sitt...En augu Drottins hvíla á þeim er óttast hann...Hann...heldur lífinu í þeim í hallæri.

Ég veit ekki hvort sósíalistinn í formannssæti Eflingar taki mark á þessum orðum úr Davíðssálmi 33:16 o.n.v. en ég ætla að biðja fyrir sigri Eflingar. Vonandi verður aftur hægt að segja aldrei hafa jafnmargir átt jafnfáum jafn mikið að þakka. Þú veist hver mælti þau orð.

[Theódór Norðkvist, 27.1.2023 kl. 18:56]

Já og harakiri er rétta orðið, Sátti (sem ég þyrfti að setja í gæsalappir núna) slátraði trúverðugleika sínum með því að leggja fram kröfu annars deiluaðilans sem málamiðlun.

[Ómar Geirsson, 28.1.2023 kl. 08:14]

Já vörn fárra hefur oft vakið með fjöldanum baráttuhug, eru ekki Frakkar ennþá að kyrja um hetjulega vörn Rolands og allir þekkja söguna um vörn hinna 300 Spartverja við Laugaskarð??, það þarf einhver að spyrja hinna réttmætu spurningu hvort hægt sé að byggja velferð á innfluttu láglaunavinnuafli sem við borgum ekki mannsæmandi kaup.  Sem er náttúrlega ekkert annað en nútíma þrælahald.

Alveg eins og orrustuflugmenn Breta vörðust ógnarafli, þá er samninganefnd Eflingar að kljást við ógnarafl siðblindunnar sem telur það alltí lagi að meðhöndla náunga sinn eins og hvern annan skít, og sú siðblinda hefur mengað svo siðgæðisvitund þjóðarinnar að Efling er næstum eitt í réttlætisbaráttu sinni.

Fyrst að þú vitnar í eldri hluta hinnar helgu bókar, þá veistu að í nýrri hluta hennar er sú kvöð lögð á trúaða að þeir skuli gæta bróður síns, og það sem þú gerir þínum minnstu bræðrum, þá gerir þú líka honum í efra.

Ég held Theódór að það sé tímabært að við förum að ræða þessa hluti hér á landi.

Kveðja að austan.