Uppgjöf fyrir sérhagsmunum.

 

Hins frjálsa flæðis sem flytur inn ódýrt vinnuafl, og er nákvæmlega sama hvort viðkomandi sé sýktur eður ei.

Þetta eru götin á landamærunum, sem sóttvarnaryfirvöld gátu ekki þvingað ríkisstjórnina til að stoppa upp í.

Aur í vasa er mikilvægari en almannahagur.

 

14 daga sóttkvíin hefur lekið og valdið hópsýkingum, þó eðli málsins vegna hefur tekist að hemja þann leka því ekki er mikill samgangur milli vinnuþræla hins félagslega undirboða, og almennings.

Eftir stendur fólk með blóð á höndum sem ekkert hefur lært.

Mannsal og hin félagslegu undirboð hins frjálsa flæðis Evrópusambandsins eru æðri þjóðarhag eða lífi og limum landsmanna.

Rökin sjálfsagt að það eru svo  litlar líkur, en þau rök höfum við heyrt áður.

Fyrir utan samfélag í frosti sóttvarna hafa þau kostað 16 líf, og eyðilagt jólahald þjóðarinnar.

 

Afhverju.

Afhverju?

 

Afhverju??

Kveðja að austan.

Óbreytt fyrirkomulag á landamærum til 1. febrúar

Athugasemdir

[Eyjólfur Jónsson, 20.11.2020 kl. 17:03]

Sæll Ómar, aur í vasa bara ekki okkar vasa heldur í vasa þeirra sem koma til landsins!

[Þorsteinn Briem, 20.11.2020 kl. 21:52]

Enginn stjórnmálaflokkur sem á sæti á Alþingi vill segja upp aðild Íslands að Evrópska efnahagssvæðinu (EES), ekki einu sinni Flokkur fólksins eða Miðflokkurinn.

"Fjórfrelsið gildir á öllu Evrópska efnahagssvæðinu og það felur í sér frjáls vöru- og þjónustuviðskipti, frjálsa fjármagnsflutninga og sameiginlegan vinnumarkað.

Að auki kveður samningurinn um Evrópska efnahagssvæðið á um samvinnu ríkjanna á svæðinu í til dæmis félagsmálum, jafnréttis-, neytenda-, umhverfis-, mennta-, vísinda- og tæknimálum."

En Mörlendingar sem vilja segja upp aðild Íslands að Evrópska efnahagssvæðinu geta að sjálfsögðu gengið í Íslensku þjóð"fylkinguna" sem fékk 0,2% atkvæða í alþingiskosningunum í október 2016. 

[Eyjólfur Jónsson, 20.11.2020 kl. 23:27]

Svo skulið  þið sjá hvað verður í vor þegar hvellurinn verður!

[Magnús Sigurðsson, 21.11.2020 kl. 06:27]

Góðan daginn Ómar, það var steypt á svellunum í neðra manbroddalaust í gær og ekki nema einn steypubíll sem skautaði utanvegar inn Fannardalinn.

En þetta er nú ekki umræðu efnið heldur sé ég að þú hefur sett fjórfrelsið á framrúðuna og menn tala hér fjálglega um mörlendinga og aura í vasa fjórfrelsaðra.

Það er svolítið síðan fjórfrelsið féll, nú eru það ekki lengur Rúmenar á Danskri kennitölu í vinnu fyrir Vegagerðina sem eru á hagkvæmustu laununum samkvæmt íslenskum reglu ramma fjórhelsisins.

Á þessu ári fór að bera á því að harðduglegir Moldóvar sjái um vinna verkin og eru þeir að mér skilst leigðir á 1/3 af því sem íslenskir iðnaðarmenn kosta. En þess ber að geta að íslenskir iðnaðarmenn kosta augun úr samkvæmt frelsis regluverkinu.

Þegar ég rak mitt fyrirtæki undir lok síðustu aldar þá var þumalputta reglan sú að það þurfti að taka það sem starfsmaðurinn fékk á tímann og margfalda með tveim til að hafa fyrir kostnaðnum sem honum fylgdi og hafði það þá því sem næst tvöfaldast á 20 árum.

Núna þarf þessi þumalputta regla að vera X 3 að mér sýnist, og enn fjölgar afætunum sem stunda þægilega innivinnu á bak við tölvuskjá við umsýslu vegna iðnaðarmannsins.

Mér sýnist samkvæmt þessum þumalputtum mínum að Moldóvarnir séu með um 4-500 kr á tímann og er þá spurning hvenær þeir eignast fyrir farinu heim.

Þeir hafa örugglega ekki efni á að vera lengi í sóttkví eða borga fyrir skimun frekar en Rúmenarnir sem reistu sígauna tjaldbúðirnar hjá ykkur í neðra í vor og unnu við að viðhald vega á dönsku kennitölunni.

Hvort Moldavía er innan fjórhelsisins veit ég hreinleg ekki, en það virðist vera að Svarti Víkingurinn lifi ennþá góðu lífi á Íslandi, enda taldi Landnáma hann vera ættgöfugasta Landnámsmanninn.

Með allhvössum kveðjum úr efra.

[Ómar Geirsson, 21.11.2020 kl. 10:04]

Blessaðir félagar og takk fyrir innlitið.

Eyjólfur fyrsti, jafnvel vinnuþrælar fortíðar fengu að borða en skil ekki þann þriðja.

Steini, alltaf með kjarnann, þetta er skýring þess að það þarf að stofna þjóðfrelsishreyfingu í ætt við Viet Cong og hrekja ráðstjórnina að höndum okkar.

Blessaður Magnús, takk fyrir að fylla inní pistil minn, þetta fer samviskusamlega bak við eyrað.  Moldóvarnir eru örugglega á skammtímaleigu og því ekki hagkvæmt að skima þá, þeir koma og fara örugglega á einhverjum þjónustusamning.

En það keppir enginn við þetta og þessa óhæfu þarf að stöðva.

Við lifum 2020, ekki 0020.

Kveðja að austan.