"Mín leið er lík­ari margtugg­inni sænskri leið".

 

Sagði þingmaður Sjálfstæðisflokksins, Sigríður Andersen í forkastanlegu viðtali við Mbl.is þar sem hún útskýrði árásir sínar á stefnu íslensku sóttvarnaryfirvalda.

 

Tilefnið var yfirlýsing sem hægriöfgaveita, svona veita sem berst fyrir skattleysi auðmanna, réttlætir fjármagnsflutninga í skattaskjól, vil afnema samneyslu eins og ókeypis menntun eða heilsugæslu, afnema verkalýðsfélög auk annarra samtaka launþega, réttlætir útvistun starfa í þrælabúðir Kína og svo framvegis, fékk nokkra vísindamenn til að skrifa undir yfirlýsingu þar sem hvatt var til að veiran fengi svipað frelsi og alþjóðavæðingin hefur gefið auðmönnum til að ræna og rupla vestræn samfélög.

Frelsi sem óhjákvæmilega mun kosta milljónir Evrópubúa lífið, en hvað geri hægri öfginn ekki fyrir sínar minnstu lífverur eins og drápsveirur??

 

Enginn borgarlegur vestrænn fjölmiðill hefði birt þetta viðtal við Sigríði Andersen án þess að leiðrétta rangfærslur hennar með nýjum spurningum.

Nema Morgunblaðið því þar stjórnar fólk sem hefur barist gegn sóttvörnum þjóðarinnar, og allar slíkar árásir átt þar öruggt pláss, og yfirleitt hampað líkt og þetta símaviðtal Sigríðar Andersen við þessa vísindamenn hægri öfgaveitunnar sem berst fyrir þeirri leið að veiran fái frelsi til að drepa þar til hið svokallaða hjarðónæmi sé náð.

Líkt og lifandi fólk sé einhverjir gripir sem megi slátra.

 

Ég hef fjallað um helstu rangfærslu Sigríðar í síðustu 2 pistlum, vitandi vel að það les enginn svona skrif, útbreiðsla rangfærslnanna er ekki stöðvuð nema Mogginn sé dreginn til ábyrgðar, eða að Sjálfstæðisflokkurinn sé látinn svara til saka fyrir allt það tjón sem andóf hans gegn sóttvörnum þjóðarinnar hefur valdið.

Í því samhengi má ekki gleyma ábyrgð hans á því að landamærunum var lokað of seint í sumar, vegna tregðu flokksins að samþykkja tvær skimanir með sóttkví á milli, glæpsamlegt athæfi sem ber beina ábyrgð á andláti 14 samlanda okkar, auk allra þeirra hafta sem við höfum upplifað frá því að þriðja bylgju frönsku veirunnar hófst.

 

Franska veiran komst inní landið 14. ágúst, sóttvarnaryfirvöld náðu loksins að brjóta andstöðu Sjálfstæðisflokksins á bak aftur með lokun landamæranna 19. ágúst.

Ef Þjóðaröryggisráð hefði staðið undir hlutverki sínu og skipað ríkislögreglustjóra að handtaka þá þingmenn og ráðherra Sjálfstæðisflokksins sem börðust gegn sóttvörnum á landamærunum, þá hefði landamærunum verið lokað mun fyrr, og við værum ekki að berjast við núverandi bylgju.

Um þetta þarf ekki að rífast, núna síðast í dag staðfesti Þórólfur Guðnason að þriðja bylgjan væri öll vegna frönsku veirunnar, undantekningin væri 2 hópsmit sem hefðu verið staðbundin, og hefðist strax náð að einangrast.

 

Við sem þjóð erum lítilmenni ef við látum hægri öfga fólkið komast upp með þetta.

Við snérumst til varnar í Icesave, en látum þetta yfir okkur ganga.

Eins og ekkert okkar eigi feður, mæður, afa eða ömmur líkt og fólkið var sem féll fyrir kórónuveirunni

Þetta var ekkert shit happens, þetta var viljaverk, frá fyrsta degi hefur verið grafið undan sóttvörnum þjóðarinnar, þær sagðar ganga of langt, úr takti við alvarleik veirunnar eða það sem aðrar þjóðir gera.

 

Allt hefur sannast rangt, það eru allar þjóðir að loka.

Og núna í dag Svíar.

Síðasta haldreipið um það að það virki að gera lítið sem ekki neitt, sem er reyndar ekki rétt, sænsk stjórnvöld gerðu margt, en bara of seint, með þeim afleiðingum að þúsundir Svía féllu að óþörfu.

 

Féllu að óþörfu.

Samt er því mannfalli hampað af ákveðnum þingmönnum Sjálfstæðisflokksins, og sjálfur formaður flokksins sagðist vera stoltur af þeim röddum.

Og þetta er fólkið sem stjórnar okkur.

Það hampaði fjöldamorðum því þegar sænsk stjórnvöld gripu ekki til aðgerða þá var vitað hvað veiran var banvæn, þau brugðust þeirri grunnskyldu að vernda alla þegna landsins.

 

Í dag var sænska leiðin kvödd, síðasti naglinn í líkkistu hægri öfganna í Sjálfstæðisflokksins.

Í gær barst frétt frá Bretlandi um alvarleik veirunnar fyrir þá sem sýktust en lifðu;

"Talið er að um 60 þúsund Bret­ar glími enn við ein­kenni Covid-19 mörg­um mánuðum eft­ir að hafa greinst með kór­ónu­veiruna. Ung­ir og heil­brigðir ein­stak­ling­ar hafa sýnt ein­kenni líf­færa­bil­un­ar og skertr­ar lík­ams­starf­semi allt að fjór­um mánuðum eft­ir sýk­ingu. Ein­stak­ling­ar með langa Covid hafa lýst viðvar­andi ein­kenn­um á borð við þreytu, and­leysi, verki og heilaþoku".

Annar naglinn í stuðningi hægri öfganna í Sjálfstæðisflokknum við þær raddir sem gera lítið úr alvarleik kóvid farsóttarinnar.

"Hvað með þá sem fá veiruna og virðast lengi glíma við eftir­köst henn­ar? (spurning blaðamanns) „Það eru ein­hver dæmi um slíkt. Sér­fræðing­ar segja mér að það komi eng­um á óvart en það er ein­kenni á svona veir­um. In­flú­ens­ur hafi líka þess­ar af­leiðing­ar en sér­fræðing­ur benti á að þetta væri ekki í meira mæli vegna Covid en annarra veiru­sýk­inga".

Einhver dæmi já, en þó blaðamaðurinn hefði ekki þessa frétt frá Bretlandi við höndina, þá átti hann að vita um þessar hliðaverkanir kóvid sýkingarinnar, svo mikið hefur hún verið í fréttu og umræðunni, bæði hér á landi sem og erlendis.

En kannski var hann eins og blaðakonan sem tók viðtalið við Khomein æðstaklerk, hún leyfði honum bara að tala, og það viðtal jarðaði ímynd hans hjá öllu vitibornu fólki, aðeins trúaröfgarnar kinkuðu kolli.

 

Samt var óþarfi hjá blaðamanninum að láta þessa setningu fara óátalda í gegn, allavega hefði Twitter ekki gert slíkt.

"Þess vegna er svo skrítið að menn hafi gefið í í þess­um sótt­varnaaðgerðum þegar líður á far­ald­ur­inn og þegar það er al­veg ljóst að menn eru að veikj­ast minna og höndla far­ald­ur­inn bet­ur. Þá er gripið til harðari aðgerða. Það þarf að út­skýra það".

Svona í ljósi þess að bara þennan mánuðinn hefur Mbl.is sagt á annan tug frétta um hertar sóttvarnir í löndum Evrópu, þar sem tilkynnt er um samfélagslegar lokanir af einhverju tagi.

Skoðanakannanir sýna að það eru einhverjir einfeldningar þarna úti sem trúa svona vitleysu, hundsa fréttaflutning en móta sér skoðanir út frá rugli og rangfærslum.

En það má víst ekki gleyma hinum nýráðna yfirmanni sem vill að svona rugl fari ómengað í gegn, tilgangurinn, að stuðla að ótímabæru andláti samlanda okkar, helgar víst meðalið.

 

Eftir stendur Alþingi sem líður svona lygaþvætting án þess að viðkomandi þingmaður sé knúinn til afsagnar.

Ásamt því að tafarlaust sé rannsakað hve margir þingmenn eru að baki þessu bulli og rangfærslum.

Tilgangurinn er augljós, það er verið að þrýsta á ótímabæru opnun landamæranna sem og að slakað verði of snemma á sóttvörnum.

Síðast kostaði svona atlaga 14 mannslíf, og ekki útséð um hvort þau verði fleiri sem tengja má við frönsku veiruna.  Enn og aftur, hún slapp inní landið 14. ágúst, tregðan við að loka á lekann við landamærin seinkaði augljósum aðgerðum til 19. ágúst.

Staðreyndir sem er ekki hægt að rífast við, eða rífast um.

 

Það er ekki að ástæðulausu að þeir sem afneita Helförinni eru sóttir til saka í Þýskalandi og Austurríki.

Þar brenna vítin sem þarf að varast beint á fólki.

 

En í alvöru, það er enginn minni glæpur að afneita alvarleik kóvid veirunnar.

Hún drepur ef það er ekki skorið á smitleiðir hennar, við eru aðeins í upphafi faraldursins, og enginn veit endinn fyrr en lækning finnst.

Að líða afneitunina er eins og að líða réttlætingu fjöldamorða.

 

Og ef afneitunin vinnur beint gegn sóttvörnum þjóða, þá er hún tilraun til slíkra morða.

Í upphafi vissu menn ekki, en síðan í vor hefur hafa menn vitað.

Aðeins annarlegur tilgangur grefur undan þeirri vitneskju.

 

Í dag var sænska leiðin kvödd.

En það er tími til kominn að fleiri séu kvaddir.

Til dæmis þeir sem ógna lífi og limum samborgara sinna.

 

Það hefur verið sagt bless af minna tilefni.

Kveðja að austan.

 

 

 

 

 

 

Átta manna samkomubann í Svíþjóð

Athugasemdir

[Theódór Norðkvist, 16.11.2020 kl. 20:12]

Er sammála þér að mestu, finnst ótrúlegt að til sé fólk sem notar þann árangur gegn plágunni sem hlaust af hörðum lokunum, sem rök gegn hörðum lokunum.

Þó vil ég spyrja aðeins út í nokkur ummæli þín.

Samt var óþarfi hjá blaðamanninum að láta þessa setningu fara óátalda í gegn, allavega hefði Twitter ekki gert slíkt.

Ertu að mæla ritskoðunarstefnu Twitter (og fleiri samfélagsmiðla) bót, sem birtist t.d. í nýafstöðnum (eiginlega ekki) forsetakosningum, sem augljóslega var ætlað að taka málstað annars frambjóðandans hefta tjáningu á stuðning við hinn?

En það er tími til kominn að fleiri séu kvaddir. Til dæmis þeir sem ógna lífi og limum samborgara sinna. Það hefur verið sagt bless af minna tilefni.

Mér finnst þetta svolítið óhugnanleg orð. Ég vil trúa að þú meintir þau ekki þannig, en það má túlka þetta sem tillögu um að taka eigi þetta tiltekna fólk af lífi.

Ég er sammála þér að svona málflutningur er hneyksli. Mér finnst samt ekki rétt að meina þeim að tjá sínar skoðanir. Fólk verður að geta hlustað á öll sjónarmið og einfalda reglan að treysta engum reynist mjög vel.

Ef þú meintir þessi orð ekki sem í besta falli hvatningu til ritskoðunar í verra falli fangelsunar og í versta falli aftakna, vil ég biðja þig um að skýra nánar hvað þú átt við með orðalaginu það er tími til kominn að fleiri verði kvaddir og að það hafi verið sagt bless að minna tilefni.

[Ómar Geirsson, 17.11.2020 kl. 09:29]

Blessaður Theodór.

Nei, nei ekki er ég að mæra ritskoðunarstefnu og tek undir þessi orð þín; "Mér finnst samt ekki rétt að meina þeim að tjá sínar skoðanir. Fólk verður að geta hlustað á öll sjónarmið".  Ef útí það er farið þá er nokkuð langt síðan ég tók þá afstöðu varðandi Þýsk/austurrísku lögin sem banna afneitun Helfararinnar að slíkt gerði meir ógagn en gagn, menn yrðu að hafa styrkinn til að taka umræðuna.

Ég er með tvær tilvísanir í þessum kafla mínum þar sem ég er eitthvað að hnýta í Mbl.is fyrir að hleypa bullinu athugasemdarlítið í gegn sem er reyndar ekki sanngjarnt því viðtalið er um margt ágætt.

Sú fyrri er úr mínum þekkingarheim, heiminum fyrir nútímann, ég vísa í viðtal ítölsku blaðakonunnar Oriana Fallaci við Ayatollah Khomeini, eina blaðaviðtalið sem kallinn veitti á sínum ferli, og ég skil vel að hann hafi ekki veitt annað.  Magnað viðtal þar sem þröngsýni miðaldaklerksins var afhjúpuð, með því að láta viðtalið flæða með beinskeyttum spurningum þar sem viðmælandinn er ekki truflaður í svörum sínum, en Fallaci hlustaði á svörin, og leiddi viðtalið út frá því.

Ógleymanlegt viðtal Theódór en það veit ekki nokkur maður um hvað ég er að tala.

En það kannast allir við Donald Trump og Twitterinn hans sem og þann stráksskap Twitters að setja sannleikssíu á forsetann.  Eftir stendur svo hvað er sannleikur?

En ef þú setur þessi orð mín í samhengi við texta minn í heild þá er ég að vekja athygli á margtugginni rökvillu Sigríðar og samherja, að það sem gert er hérna, er ekki einstakt, það liggur þekking að baki aðgerðunum, og henni er beitt um allan hinn vestræna heim, eða þegar viðtalið er tekið, allan fyrir utan Svíþjóð.  Og viðtalið hefði verið betra ef hún hefði verið spurð og fengið að svara, þannig hefði henni verið hjálpað að grafa sér sína eigin gröf líkt og Khomeini var hjálpað á sínum tíma.

En í sjálfu sér er ég ekki að hugsa þetta þannig þegar ég hendi inn textanum í öllu því áreiti sem hvílir á heimilisföður korteri fyrir mat.  Ég skrifa út frá ákveðnum þræði, en svo er það flæði augnabliksins sem ræður þeim myndleiftrum sem ég kasta fram því ég er maður orðsins en ekki textans, ég leita að áhrifum og hugrenningartengslum, í sjálfu sér þarf þessi augnabliksmynd sem ég kasta upp ekki að vera sérstaklega rétt í heildarsamhenginu, svona í ljósi þess að það er alveg hægt að skrifa um sama hlut af meiri sanngirni og skilningi á þeim sjónarmiðum sem ég er að gagnrýna.

Varðandi seinni hlutann að segja bless við sumt fólk, blasir það ekki nokkuð við að ég er að hvetja til að það sé kvatt úr valdastól??

En ég skil svo sem alveg hvað þú ert að fara, en ég hef alltaf verið svag fyrir gömlu spámönnunum úr Gamla testamentinu, ég sé alltaf í anda skeggjaða dómsdagsspámanninn úr Tinna bókunum, hann var allavega í Dularfullu Stjörninni og mig minnir í fleiru bókum.

Ætli stíll minn mótist ekki af því á einhvern hátt en ég er friðarins maður, og er meira svona fyrir afsökunarbeiðni og loforð um betrun en að fólk sé stungið inn í tíma og ótíma.

Síðan skal ég bara alveg játa að þó ég skammi Sjálfstæðisflokkinn endrum og eins blóðugum skömmum, þá vil ég hann ekki úr stjórn, eða þessa ríkisstjórn frá völdum. Hinn kosturinn er ekki val og maður þarf bara að feisa það.

En það þarf að halda fólki við efnið, það voru mistök gerð í sumar, og það er í farvatninu þrýstingur á að gera þau aftur.

Það þarf að mæta þeim þrýsting.

Svo einfalt er það.

Kveðja að austan.