Sigur!! segir skemillinn.

 

Og óhætt er að segja að hrollur fór um margann íhaldsmanninn sem hefur grátið nýja tíma í Hvítahúsinu.

 

Það er sagt að Trump ali á sundrungu en í raun er leitun að manni sem hefur náð að sameina eins marga, jafnt hefðbundna íhaldsmenn sem hefðbundna vinstrimenn, gegn sjálfum sér.

Utan Bandaríkjanna liggja stuðningsmenn repúblikana til áratuga á hnjánum og þylja; Kæri guð, kæri guð, ekki láta Trump vinna.

Innan Bandaríkjanna var hann einn í framboði, valið stóð á milli hans, og Ekki hans.

Og núna segist hann ætla að stela sigrinum líkt og Trölli sem stal jólunum, það er ef hann hefur ekki sigrað.

 

Augljós niðurstaða hlýtur að vera að lýsa Trump sigurvegara hér og nú.

Koma þannig í veg fyrir glundroða og upplausn í bandarísku samfélagi sem og heiminum öllum, því kvef í Bandaríkjunum er flensa í heiminum.

Sem og það viðurkennir þann raunveruleika að það var aðeins einn maður í framboði.

 

Líka besta niðurstaðan því það veit enginn hvort Biden lifir náttúrulegu lífi eða einhvers konar Frankenstein lífi.

Hinn slétti Biden í dag er mun líkari gínu í stórmarkaði en hrörlega gamalmenninu sem dregið var niður í kjallara fyrir nokkrum mánuðum síðan.

Hvað gerðist eftir það er ekki einu sinni efi, allavega kýrskírt þeim sem unna góðum B-mynda hrollvekjum.

Hrörnun tímans snýst aldrei við af náttúrulegum orsökum, jafnvel íslenskt þorskalýsi getur ekki unnið slíkt kraftaverk, það hægir á ellinni en snýr henni ekki við.

 

Þess vegna er ótrúlegt að það skuli finnast fólk sem telur eðlilegt að Biden verði næsti forseti Bandaríkjanna.

Hann var ekki í framboði og það er álitamál hvort hann er lifandi.

Burtséð frá skoðunum fólks á Trump, þá snýst þetta bara ekki um hann á nokkurn hátt

Nema jú hann var í framboði.

 

Spurningin snýst um þá aðför  að lýðræðinu sem framboð Joe Biden var.

Að það jákvæðasta sem hafi verið sagt um hann af hans eigin stuðningsmönnum hafi verið að hann muni ekki lifa lengi í Hvíta húsinu og að varaforsetaefni hans er hæf manneskja.

Sem er örugglega rétt en hængurinn er að hún var ekki í framboði.

 

Sjái menn ekki óeðlið við þetta þá er á því aðeins ein skýring.

Þeir eru ekki lýðræðissinnar, virða ekki lengur leikreglur lýðræðisins.

 

Svo tala menn um Trump.

Svo tala menn um Trump.

Í stað þess að líta í eigin barm.

 

Það var ekki Trump sem sendi lýðræðið á vergang.

Það eitt er víst.

Kveðja að austan.

 

 

 

 

 

„Satt að segja unnum við þessar kosningar“

Athugasemdir

[Helga Kristjánsdóttir, 4.11.2020 kl. 13:06]

Góðan dag Ómar, Þetta eru ekki venjulegar kosningar og það segi ég vegna þess að ég hef upplifað svo margar og sé þetta undarlega skrítna.Eins og kosningar í Bandaríkunum eigi að skipta okkur svona miklu máli.Maður þarf ekki annað en horfa á RÚV.þar sem það er svo greinilegt hvað mikið er undir fyrir ráðamenn Íslendinga. Eg og aðrir gamlingjar erum ekki alveg skini skroppin og skilningsvana,sjáum lýðræðið okkar í sigti slóttugra Glópalista allt frá ráni/hruni,særa fyrst og klára svo.      

[Ómar Geirsson, 4.11.2020 kl. 14:03]

Blessuð Helga.

Þú ert farin að sjá í gegnum þetta; "sjáum lýðræðið okkar í sigti slóttugra Glópalista allt frá ráni/hruni,særa fyrst og klára svo.".

Og ert vonandi þá farin að sjá líka í gegnum lygina að þetta hafi eitthvað með vinstrið að gera, nema þá á þeim forsendum sem ég benti á í fyrri pistli mínum; "Harmleikur vinstrisinnaðra flokka á Vesturlöndum í hnotskurn, þeir ekki aðeins gáfust upp fyrir alþjóðavæðingunni og frjálshyggjunni, heldur gerðu hana að trúarsetningu sinni".

Höndin sem fæðir og stýrir er glóbalauðurinn, hagfræðin sem kennd er við þann í neðra kallast frjálshyggja dagsdaglega (ekki rugla við frjálslyndi), vinstri greyin eru aðeins aumkunarverð verkfæri.

Og ég get alveg játað Helga að á dauða mínum hefði ég frekar átt von fyrir ekki svo mörgum misserum, en ég ætti eftir að telja mann eins og Trump valkost lýðræðisins.

En það er svo og skynsemin rífst ekki við staðreyndir.

Ef hún er ósátt,þá breytir hún þeim, en afneitar ekki.

Svona er þetta bara.

Kveðja úr sólinni að austan.