Án þess að skerða sem mest borg­ara­leg rétt­indi fólks.

 

Hefðu Bretar haft krakka til að stýra vörnum þjóðarinnar gegn heiftúðlegum loftárásum Þjóðverja, þá hefði maðurinn sem sagði, "ég má kveikja ljós", og braut þar með bannið um myrkvun borga og bæja, og varð þar með leiðarvísir loftárása Þjóðverja, kostaði líf og eignir samborgara hans, verið í góðum málum.

Krakkinn sem stýrði vörnunum hefði sagt, ég las það í Stjórnmálaskóla Ungra Sjálfstæðismanna að ríkisvaldið gæti ekki þvingað fólk til að sýna samstöðu á stríðstímum.

Og eftirleikurinn fyrir nasistana hefði verið mjög auðveldur.

 

En auðvitað  var þetta ekki svo, fólk sem virti ekki reglur, var fjarlægt, ef brot þess voru alvarleg, þá var það hengt, reynsla kynslóðanna í stöðugu stríði um að lifa af eða vera undirokaður, leyfði ekki annað.

Og aðeins í gjörspilltustu lénsríkjum voru krakkar látin stjórna, en ekki lengi, því slíkt var bein ávísun á ósigur, sem gat kostað fólk og þjóð frelsi, eignir og framtíð.

 

Velmegun nútímans virðist hafa þurrkað út þessa reynslu kynslóðanna, í mörgum löndum eins og Bretlandi fær 5 herdeild óvinarins, þessi sem var strax fjarlægð í upphaf seinna stríðs, að leika lausum hala.

Veiran, þetta ómerkilegasta lífsform sem við skilgreinum, á sér ákafa talsmenn sem berjast fyrir frelsi hennar til að sýkja og drepa, vinna beint gegn vörnum þjóða, með þeim árangri að hún fær að grafa um sig svo ekkert er eftir annað en lokun samfélaga eða dauði sem ekki hefur áður þekkst í nútímasamfélögum.

Síðan eru það börnin, sem finnst frelsi veirunnar vera eðlilegasti hlutur í heimi, þau lærðu allt um frelsi auðs og auðmanna til að ræna samfélög fólks, fyrir þau er frelsi veirunnar aðeins viðbót.

 

Nema að á Íslandi búum við stjórn barna sem ekki einu sinni skilja alvöru drepsóttar, það sannað Áslaug Arna þegar hún mótmælti því að skimun á landamærum í vor skyldi ná líka til fólks sem kom frá Bandaríkjunum.

Þar geisaði óheft drepsótt, hún sagði að þarna hefðum viðskiptahagsmuna að gæta, og því væri eðlilegt að USA væri undanþegið skimun líkt og örugg lönd eins og Þýskaland og Danmörk.

Og bætti því við að hún vonaðist til þess að allri skimun á landamærum yrði hætt fyrir júnílok.

 

Svo mælti æðsti yfirmaður almannavarna þjóðarinnar.

Barn sem sannaði að hún væri líka heimsk.

 

Og á dauðans alvöru tímum sitjum við uppi með hana.

Í boði Sjálfstæðisflokksins.

 

Og enginn gerir neitt.

Kveðja að austan.

Ætlar ekki að herða sóttvarnalög

Athugasemdir

[Ásgrímur Hartmannsson, 2.11.2020 kl. 18:15]

Illa lýst mér nú á hugmyndir þínar um að koma hér á nazisma og nota sem afsökun einhverja veiru.

[Ómar Geirsson, 2.11.2020 kl. 20:15]

Blessaður Ásgrímur.

I þá gömlu góðu daga, sem ég er að vitna í, þá hefði ég verið út á túni að tala um nasista í setningu eins og þessari; "Og eftirleikurinn fyrir nasistana hefði verið mjög auðveldur.", þá var stríðið á milli þjóða og nasistarnir voru eitthvað sem kennt var við "National Socialist" verkamannaflokk.

En þekkingin að berjast í stríði, hvort sem það var í Þýskalandi eða Bretalandi var samt aldagömul, hvað Vestur Evrópu varðar átti hún sér rætur í samstöðunni sem skóp  sigur Germanskra þjóðflokka yfir hernaðarveldi Rómar, þegar sú þekking gleymdist eftir frelsitíma þjóðflutninganna sem endaði í þjóðfélagi stórfyrirtækja sem kennt var við lén, þá rifjaðist hún upp þegar fornrit voru þýdd úr grísku og latínu yfir í þjóðtungur.

Samstaðan, að standa saman, mynda heild, sem við köllum í dag þjóðríki, var leiðin sem virkaði, var árangursrík, enda hurfu stórfyrirtækin og smáríkin sem kennd voru við þau, af landakortinu.

Sem og menn lærðu um aga herja, um stjórnun, sem og það skipulag sem þurfti til að þjóðríki lifðu af í samkeppni þjóðanna.

Í öllum þessum ritum Ásgrímur minn er hvergi minnst á nazisma eða einhverja veiru sem skóp herfræði og hertaktík Rómverja.

Eða þau orð séu notuð um þá reynslu sem Evrópuríki tileinkuðu sér á Nýöld sem og fram á nútímann, enda var nazisminn ekki þekktur, og fólk háði ekki stríð við veirur.

Þú ert eiginlega heppinn að vera uppi í dag Ásgrímur, vegna þess að í dag er til fólk sem kinkar kolli þegar það les athugasemd þína, en ekki fyrir svo löngu síðan, og aldir þar á undan, hefðir þú verið tengdur við farsasögur og farsaskrif, sögur um álfa, tröll og aðrar furðuverur.

Ekki við heimsku Ásgrímur, því það sem þú segir og leggur út af pistli mínum, var fyrir utan og ofan þess raunveruleika sem heimska, fíflska, eða þaðan fáránlegri hegðun eða hugsun var skilgreind.

Fólk hafði einfaldlega ekki ímyndunarafl til að ímynda sér að einhver segði þetta í fullri alvöru, en hins vegar vissi það að til var stétt manna sem hafði lifibrauð sitt af skemmtisögum sem sóttu í furður.

Svona breytast nú tímarnir Ásgrímur minn.

Kveðja að austan.

[Stefán (IP-tala skráð) 2.11.2020 kl. 20:46]

Ómar, það sem þú ert að líkja saman er ekki sambærilegt. Loftárásir nazista á Bretland var viðurstyggileg og þá var mikils vert að föðurlandsvinir stæðu saman, sem þeir og gerðu. Áður hafði landráðagemlingunum Chamberlain og kanadíska ráðgjafa hans verið sparkað. Nazistarnir voru raunveruleg ógn, London var lagt í rúst en byggð upp aftur (að vísu er Sadiq Khan búinn að rústa borginni aftur en það er önnur saga).

Hins vegar er þessi árlega flensa, sem er sögð valda einhverju sem er kallað Covid-19, en ætti réttilega að heita Influenza-20 er engin ógn gegn þjóðinni og engin ástæða til að leggja þjóðfélagið á hliðina, enda var það ekki gert öll fyrri ár þegar flensan hefur gengið, ekki heldur svína- eða fuglaflensan. Að atvinnulífið hefur verið lagt í rúst með alvarlegum afleiðingum og borgaraleg réttindi tekin af almenningi, það er sök núverandi auðtrúa ríkisstjórnar sem er ein duglausasta stjórn á öllum lýðveldistímanum.

Við vorum á góðri leið að mynda hjarðónæmi eins og til stóð, en vegna annarlegra sjónarmiða var horfið frá því. Ég vil minna á að dánartíðnin er enn hverfandi (og sambærileg við alla fyrri flensufaraldra) og ekki víst að þessi flensa hafi orsakað öll dauðsföllin. Bent hefur verið á, að sjúklingar sem lenda á gjörgæzlu og eru uppdópaðir, en fá lítinn og lélegan mat þróa veikt ónæmiskerfi og dayja frekar.

Og alveg óþarfi að kenna Sjálfstæðisflokknum um þetta hörmulega ástand, enda eru þau Bjarni, Áslaug og Reykfjörð eins og auðsveip slytti í höndunum á kommúnistunum Kötu og Svandísi. Bjarni og Siggi ættu að slíta ríkisstjórnarsamstarfinu undireins, áður en ástandið verði enn verra og Ísland verði að "Venezuela norðursins". Þess skal getið, að ég hef aldrei kosið Sjálfstæðisflokkinn.

[Þorsteinn Siglaugsson, 2.11.2020 kl. 22:41]

Ef þetta væri nú drepsótt, eins og Ómar langar svo til ... 0,14% dánarhlutfall er ekki drepsótt!

[Ómar Geirsson, 2.11.2020 kl. 23:00]

Æ-i og ó Þorsteinn, þetta er drepsótt fyrir fólk í áhættuhópum, aðeins nútímalæknavísindi bjarga lífi þess. 

Drepsóttir eldri tíma hefðu flestar lítt drepið ef fólk hefði haft aðgang að sömu þekkingu og tækni og við í dag.

Þess vegna skiptir svo miklu máli að heilbrigðiskerfið haldi, hrynji það þá erum við jafn varnarlaus og áar okkar fyrr á tímum,þessir þarna sem bjuggu til orðið drep-sótt.

Og menn eins og þú, sem berjast hatrammlega fyrir frelsi veirunnar, eru í raun eins og stríðsmenn fortíðar sem sendu lík í valslöngum yfir borgarmúra, til að breiða út sótt sem þeir vissu að yrði drep-sótt.

Munurinn er samt einn, þeir réðust á óvini sína, en þú á samborga þína.

Svona líkt og japanski sértrúarsöfnuðurinn sem dreifði blásýrugasi í neðanjarðarlestarkerfi Tokyo borgar.

Mistókst að vísu, en forsprakkarnir hengdir engu að síður.

Því ennþá eru til þjóðir sem líða ekki svona hegðun Þorsteinn.

Heppinn þú.

Kveðja að austan.

PS. Þetta er annars ritvilla, ég ætlaði að skrifa farsótt, en reyndu að lemja saman pistil undir illu augnaráði eiginkonunnar sem vill fá stofuna undir rafrænan jógatíma sinn, það er meira en að segja.

[Ómar Geirsson, 2.11.2020 kl. 23:27]

Blessaður Stefán.

Það er gott að heyra að þú hafir aldrei kosið Sjálfstæðisflokkinn, það sama gildir um mig, hins vegar tel ég marga af leiðtogum hans vera stórmenni í íslenskri stjórnmálasögu, en það er önnur saga.

Eins er ég ánægður að lesa að þú skulir telja loftárásir Þjóðverja á breskar borgir vera viðurstyggð, ég tel það líka, en vil reyndar bæta við að ég tel allar loftárásir á borgir vera viðurstyggð, en það er líka önnur saga.

Það seinna er skoðun hjá þér, hið fyrra staðreynd, það er ég reikna með að þú farir rétt með.

Allt annað sem þú segir um veiruna, sem snýr að staðreyndum og þekkingu okkar á veirunni, er í besta falli misskilningur, en aðallega rangfærslur, vona þín vegna að þú farir vísvitandi rangt með, ef þetta er vanþekking, þá virkilega vorkenni ég þér.

Varðandi viðurstyggðina sem þú minntist á, þá má þetta lesa í Wikipedíu; "In the eight months of attacks, some 43,000 civilians were killed. This amounted to nearly half of Britain's total civilian deaths for the whole war".

Á 3 mánuðum í vor, frá 11. mars til 11. júní, féllu 39.086 manns úr kóvid í Bretlandi, og færð hafa verið sterk rök fyrir að ekki hafi allt verið talið.

Ef bresk stjórnvöld hefðu ekki lokað landinu í áföngum í mars, og algjörlega þann 23, mars, þá hefði veldisvöxtur dánartalna verið kominn í um og yfir 360 þúsund í byrjun mai, sem er rúmlega þrefalt mannfall óbreyttra borgara en í allri seinni heimsstyrjöldinni.

Lokanirnar komu í veg fyrir það mannfall, og lokanirnar núna eru hugsaðar í sama tilgangi.

Þannig að ef ég hefði verið að bera saman kóvid og mannfall óbreyttra borgara í Bretlandi í seinna stríði, þá hefur kóvid vinninginn þó mannfallið sé aðeins lítið brot af þeim hörmungum sem breska þjóðin þurfti að ganga í gegnum og takast á við.

En ég er bara ekki að því Stefán.

Ég er að tala um forystu á stríðstímum, og benti á hið augljósa, að börn vinna ekki stríð.

Hvað þá heimsk börn.

Og sú skipan er á ábyrgð Sjálfstæðisflokksins, þó flokkurinn sem slíkur hefur stutt formann sinn á þessari Ögurstund þjóðarinnar.

Og það er vel.

En ekki án gagnrýni.

Kveðja að austan.

[Ingólfur Sigurðsson, 3.11.2020 kl. 16:08]

Mér finnst það frábært að þú skulir kalla Áslaugu Örnu krakka, þar er ég sammála eins og ég hef fjallað um í nokkrum pistlum hjá mér. Einna verstu glappaskotin hjá henni er að vilja leggja niður íslenzka málhefð og málnefnd, en þar er hún að skjóta flokkinn sinn í fótinn heldur betur. Sjálfstæðisflokkurinn væri ekkert án hefðarinnar nema gjörspilltur hagsmunaflokkur. 

Þessi kjánalega nýja regla um jákvæða mismunin er á þá leið að ráða konur til að fylla uppí kynjakvóta burtséð frá því hvort þær hafi sannað sig sem betri valkostur. Það finnst mér nú alveg eins mikil kvenfyrirlitning og að hafna þeim alfarið - slíkt vinnulag byggist á að telja þær þurfa slíka vorkunn. 

Sjálfstæðisflokkurinn er í mikilli lægð. Hann er með fólk í embætti eins og dómsmálaráðuneytinu sem skilur ekki útá hvað stefna flokksins gengur en rekur erindi Pírata þess í stað!!! 

Ef Bjarni væri góður formaður væri hann einungis með fólk í embættum sem hefði reynslu og þroska. Ef stjórnmál snúast um að fylla uppí kynjakvóta og að fá nógu fallegt fólk inná alþingi er alþingi orðið ekkert skárra en sápuópera á skjánum, raunveruleikaþáttur einsog Survivor. 

Ég tek undir með þér Ómar með það að við lifum á stríðstímum og veiran er óvinurinn. Á meðan er verið að grafa undan íslenzkri menningu, sem sýnir bara hversu búið er að grafa undan góðum gildum, kristilegum og öðrum, með öfgabulli undanfarna áratugi og kalla það framfarir.

[Ómar Geirsson, 3.11.2020 kl. 16:22]

Blessaður Ingólfur.

Það er gaman að vera sammála um margt, sem og ósammála um annað.

En það má deila um hvort ég kalli hana krakka, eða hún sé krakki.

Það seinna var niðurstaða mín á vissum tímapunkti í umræðunni um Orkupakka 3.

Aðeins börn tjá sig á þann hátt sem Áslaug gerði þá.

Hafi ég efast, þá hvarf sá efi þegar ég horfði á hana með fýlusvip tjá sig um þá ákvörðun ríkisstjórnar Íslands, sem hún nótabene er hluti af, að meina ferðalög frá USA án skimunar.

Blessað barnið, en vera hennar í ríkisstjórn er smán Sjálfstæðisflokksins.

Á dauðans alvöru tímum er ekki hægt að líða slíka smán.

Kveðja að austan.