Hvaða sjúkleiki hefur grafið um sig.

 

Þegar sóttvarnarglæpamenn komast upp með það sem lýst er í þessari frétt.

Sem er svo ill að hægri öfginn á Morgunblaðinu hefur ekki náð að þagga niður í blaðamanninum sem skrifaði fréttina, og ólíklegt er að hún verði fóður í Reykjavíkurbréf sem fjallar um meinleysi kóvid veirunnar.

 

Og þá hlustum við á sóttvarnarlækni sem segist ekki  hafa kynnt sér málavexti, og geti ekki tjáð sig um þá illmennsku að veikir sjómenn hafi verið neyddir til að standa vaktir, og sóttvarnaglæpamenn í landi hafi komist upp með að hundsa beiðni sóttvarnaryfirvalda að keyra í land.

Hver eru ítök hægri öfganna innan ríkisstjórnar Íslands, hvert er hið daglega nag sem fær Þórólf Guðnason til að bregðast algjörlega skyldum sínum sem sóttvarnarlæknis þjóðarinnar, sem manneskju sem ærlegt fólk ól upp.

 

Það er ekkert fyndið við þessa frétt.

Mannvonskan drap engan, en öllum er hollt að lesa nýlega frétt á Mbl.is um alvarleik veirunnar;

"Ut­an­rík­is­ráðherra Belg­íu, Sophie Wil­mes, hef­ur verið lögð inn á gjör­gæslu­deild fár­veik af kór­ónu­veirunni. Wil­mes, sem er 45 ára göm­ul, greind­ist með Covid-19 í síðustu viku og hef­ur verið í ein­angr­un síðan. Henni elnaði sótt­in og í gær­kvöldi var hún lögð inn á gjör­gæslu­deild sjúkra­húss í Brus­sel.".

Fjörtíu og fimm ára gömul manneskja elnaði svo sóttin á innan við sólarhring bjargaði það lífi hennar að vera lögð inná gjörgæslu.

 

Hvaða gjörgæsla var í boði fyrir skipverja Júlíusar Geirmundssonar ef þeim hefði elnað sóttin??

Og ef Þórólfur Guðnason getur ekki bent á það, þá er hann ekki starfi sínu vaxinn.

Ef sóttin hefði elnað, þá væri hann að réttlæta morð.

 

Við hin, meirihluti þjóðarinnar sem er ekki siðblindur, ekki hægri öfgi líkt og ritstjórn Morgunblaðsins, Fréttablaðsins eða hluti af þingflokki Sjálfstæðisflokksins, og nær inní ríkisstjórn þjóðarinnar, eigum að spyrja okkur, hvað beygði Þórólf svo að hann hefur ekki kjark og dug að mæta sóttvarnarglæpamönnum, og gera kröfu um tafarlaust varðhald öðrum til viðvörunar.

Það er vitað að stjórnendur Gunnvarar eru hugmyndafræðilega úr ranni hægri öfga, fjármagna slík viðhorf innan Sjálfstæðisflokksins.  Jafnvel ráðherra ef út í það er farið.

En að því gegndu, að þeir hafi ekki leigumorðingja á starfsmannalista sínum, þá eru viðbrögð Þórólfs og sóttvarnaryfirvalda með öllu óskiljanleg.

Munum að glæpahyski kemst aðeins upp með glæpi sína ef það getur mútað réttarkerfinu til að horfa í hina áttina.

 

Það er líka vitað að hægri öfgar innan Sjálfstæðisflokksins undir forystu Sigríðar Andersen hafa leynt og ljóst grafið undan sóttvörnum þjóðarinnar, með þeim beina árangri sem við upplifum sem þriðju bylgju kóvid í dag.

Líkleg skýring er bandalag Guðlaugs Þórs við þessi öfgaöfl.

 

Eftir stendur samskipti Þórólfs Guðnasonar eða Ölmu landlæknis við þessi öfgaöfl.

Hverju hefur þurft að fórna til að gera þó eitthvað að viti.

 

Það rífst enginn um það að það voru mistök hjá Þórólfi að ráðast á lækna Landsspítalans sem vöruðu við opnum landamæranna í vor, og öllum er ljóst að fagmaður sem hefði ekki þurft að taka tillit til hægri öfga innan ríkisstjórnar Íslands, hefði lokað miklu fyrr á lekann á landamærunum, þegar ljóst var að sóttkví og seinni skimun var nauðsynleg.

Hægri öfgarnir og nag þeirra skýra líka af hverju Þórólfur virkaði stjarfur af streitu þegar þriðja bylgjan sprakk út, og gerði allt of seint, með þekktum afleiðingum.

 

En hversu hræddur sem Þórólfur er, og kúgaður af hægri öfgum innan ríkisstjórnar Íslands, þá réttlætir ekkert viðbrögð hans gagnvar sóttvarnarglæpamönnunum sem gera Júlíus Geirmundsson út.

Hann hefði verið margflengdur á Eskifirði í gamla daga þar sem hann ólst upp, mannleysa sem lætur óhæfu viðgangast, hefur aldrei verið norm í sjávarbyggðum landsins.

Þegar ég pistla inn þessi orð, þá hlusta ég á óhugnanlegar lýsingar skipverja á Júlíusi, sem jafnvel hið aumkunarverða fólk sem starfar á fréttastofu Rúv, gat ekki þagað yfir, þó tengslin við almannatengil hinna þröngu sérhagsmuna sem fóðra og fjármagna hægri öfganna sem naga niður sóttvarnir þjóðarinnar, seú sterkari en nokkur þráður.

 

Hvað er að??

Af hverju er ekki búið að handtaka þá sem ábyrgðina bera??

ER mannvonskan stikkfrí vegna þess að hún á sér ekki hliðstæðu í áður þekktum glæpum?

 

Til hvers eru sóttvarnir, til hvers eru sóttvarnalög, ef illmenni geta brotið svona gróflega gegn þeim.

Hundsað þau, látið eins og þeir séu ríki í ríkinu.

 

Svarið við þessari spurningu vita allir.

Þetta er ekki líðandi.

Ekki nema hjá sóttvarnaryfirvöldum sem eru undir hæl hægri öfga í Sjálfstæðisflokknum og formaður flokksins er slík mannleysa að mæta ekki þessu liði.

 

Guð og gæfan forðaði þessu ógæfufólki frá því að drepa ekki skipverja á Júlíus Geirmundssyni.

Guð og gæfan eru ekki hluti af flokkseigandafélaginu fyrir vestan.

Guð og gæfan er ekki hluti af þeim sjúkleika sem bregst ekki við.

 

Það má vera að sóttvarnarglæpamennirnir telji sig komast upp með glæpsamlega hegðun sína því þeir eiga Sjálfstæðisflokkinn í Norðurlandi Vestra.

Þeir séu hluti af því fjármagni sem Bjarni þorir ekki gegn þó skylda hans sem leiðtoga sé að þagga niður í þessum hagsmunum sem fjármagna aðförina að sóttvörnum þjóðarinnar.

Og að ægivald þeirra sé svo mikið að þeir séu ósnertanlegir, ríki í ríkinu sem engu þarf að lúta nema þeirri eigin græðgi.

 

Það afsakar samt ekki Þórólf, Ölmu eða Víði.

Þeim var treyst.

Þau brugðust því trausti.

 

"Ég get ekki lengur lesið þessa lygi" sagði ungur fréttaþulur Rúmenska sjónvarpsins eftir að þjóðin reis upp, sú sannfæring kostaði hana tafarlausa aftöku.

En orð hennar afhjúpuðu ekki lygi einræðisafla, heldur líka hvað fólst í því að vera manneskja á Ögurstundu.

 

Eitthvað sem þremenningarnir þyrftu virkilega að íhuga.

Lögreglustjórar landsins eiga flestir hægri öfgum frama sinn að þakka.

Þeir takast ekki á við æxlið sem hefur grafið um sig.

Þeir eru innst inni hluti af naginu sem hefur grafið undan sóttvörnum þjóðarinnar.

 

En að aðrir skulu þegja, eða afsaka sig með vanþekkingu að algjörum skorti á siðferðislegri afstöðu.

Það verður ekki skýrt með ítökum hægri öfga.

 

Þau fengu próf.

Og þau féllu á því.

 

Fall þeirra þarf samt ekki að þurfa að vera okkar fall.

Kveðja að austan.

„Haldið nauðugum og veikum við vinnu“

Athugasemdir

[Sigurgeir Árnason (IP-tala skráð) 23.10.2020 kl. 20:23]

 Ágætis pistill hjá þér það er skömm af svona útgerðarmönnum er láta græðgina stjórna öllum sínum aðgerðum,það stjórnar sumum flokkum, er að íhuga hvernig er aflinn um borð sem unninn er af sjúkum mannskap er veiran ef til vill það öflug að hún geti lifnað við þegar fiskurinn er þíddur upp,þolir veiran frostið eða drepst hún.

[Ómar Geirsson, 23.10.2020 kl. 20:40]

Veit ekki Sigurgeir.

Verra þætti mér samt að innan um fiskinn hefði verið frosin lík áhafnarmeðlima.

Að baki liggur algjör fyrirlitning á alvarleik veirunnar, og þó það gerist ekki oft, þá getur fólk orðið illaveikt uppúr þurru, og þurft bráðlæknismeðferð.

Vissulega reikna ég með að þyrla hefði náð að bjarga í tíma, en samt, hugarfarið er forkastanlegt, en það er samt valkostur viðkomandi fyrirtækis.

En það er ekki valkostur hjá lýðræðisþjóð.

Þó ættarveldið fyrir vestan eigi ráðherrann með mörgu nöfnin, þá er hann ekki dómsmálaráðherra, eða yfir höfuð ríkisstjórn með einum ráðherra.

Eftir að ég henti þessu inn þá hlustaði ég á sjónvarpsfréttir Ruv, og þetta var verra en ég hélt.

Það reynir á réttarríkið á morgun.

Kveðja að austan.

[Sigurgeir Árnason (IP-tala skráð) 23.10.2020 kl. 21:45]

Að sjálfsögðu hefði skipstjórinn átt að sigla í land um leið og hann gerði sér grein fyrir veikindum skipverjanna, ábyrgðin er hans gagnvart mannskapnum hvað sem sjallarnir muldra í landi, þeirra við brögð stjórnast einungis af græðgisvæðingunni.

[Ómar Geirsson, 23.10.2020 kl. 22:04]

Mikið sammála Sigurgeir, lögin er skýr hvað varðar ábyrgð skipstjóra, þá vissulega sé raunveruleikinn sá í dag að þeim er stjórnað úr landi og látnir fara ef þeir andmæla.

Það er allavega svo hjá stórútgerðunum.

En í þessu tilviki fríar það hann ekki ábyrgð, þetta getur jú verið dauðans alvara.

En mín nálgun er gagnvart þeim sem beittu ekki neyðarúrræðum réttarríkisins, og sendu lögreglumenn um borð til að setja skipstjórann í varðhald.

Og miðað við lýsingar áhafnar um fyrirmæli útgerðar, þá er það forkastanlegt að fangageymslur séu tómar fyrir vestan.

En jú jú, við erum ekki alvöru þjóð, það er margt leyfilegt hér sem myndi aldrei líðast hjá þjóðum sem vita á sínu eigin skinni hvað það kostar að vanhæft fólk stjórni, eða fólk sem gengur annarra hagsmuna en hagsmuna þjóðarinnar.

Hvort við séum síðan í betri eða verri málum, það er önnur saga.

Kveðja að austan.

[Símon Pétur frá Hákoti (IP-tala skráð) 23.10.2020 kl. 22:54]

Því miður er þetta hvorki betra né verra hjá "okkur" en öðrum þjóðum.

Vandinn er hnignun siðrænunnar.

Eins og þú hefur margoft minnst á Ómar,

þá eru sundurtroðin, hædd og spottuð þau orð

sem eiga þó við alla tíð:

"Gjör þú ekki öðrum, það sem þú vilt ekki að aðrir geri þér" 

Hvort þessi plága sé af biblíulegri stærð,eða ekki, þá er alveg ljóst að kristilegur kærleikur er horfinn.  Sjálfhverfan, hégóminn og oflæti sturlaðrar græðgi og óttans við að tapa tíma að græða enn meira.  Hvort sem það er Gunnvör, Arion, Samherji (ekki hinn miskunnsami), fjölmiðla, ríkistoppa, eða hvaða hégómlega orðu Bessastaða lið sem er.

Við lifum tíma myrkursins. 

Í því þykir sjálfsagt að fórna lífum.

[Helga Kristjánsdóttir, 24.10.2020 kl. 01:43]

Sæll! Hvað ertu að segja að Sigríður Anderssen hafi grafið undan sóttvörnum þjóðarinnar? Nei ég er ekki að rengja þig en var rétt áðan að lesa blogg Bjarna Jónssonar þar sem Sigríður Anderssen benti á að ESB hefði engin ráð á vatnsréttindum á Íslandi gegnum EES. Hugsaði hana rettláta þrétt fyrir að tilheyra þessu öfga hægra liði. Ég hefði átt að byrja með að taka undir með þér en byrjunin lá efst í framheilanum(jók)-- En ég er líka bálreið út í meðferðina á skipverjum sem gátu ekkert flúið áttu engra kosta völ út á regin hafi. Ég vona að ég verði bænheyrð að ég sjái Íslandi stjórnað af Íslendingum. (vefst fyrir mér að stimpla ákveðna póitiska samherja nöfnum þar sem þetta er allt í kaos.)

[Sigurgeir Árnason (IP-tala skráð) 24.10.2020 kl. 09:30]

Gagnrýni á stjórnvöld og dómskerfi hafa aldrei verið vinsæl hjá ráðamönnum.Á sínum tíma kostaði gagnrýni Sókrateus hann lífið,kristur gagnrýndi valdhafa og var krossfestur fyrir,þannig hefur gagnrýni kostað ótal marga lífið hvernig er í Rússlandi þar er eitrað fyrir stjórnarandstæðingum,Trumparinn rekur sína gagnrýnendur enginn veit hversu margir í heiminum eru líflátnir í dag þrátt fyrir fagurgala stjórnmálamanna um tjáningarfrelsi og lýðræðishætti þá er það meira ósannsögli og yfirvarp,reyndin er allt önnur það sést í framkomu valdhafanna of víða í heiminum.  Siðferðið er einskis metið í alltof mörgum löndum af stjórnvöldum sem eiga að gæta hagsmuna allra en ekki einhverra flokksgæðinga er ráða í krafti auðvaldsins.Þú skalt ekki gjöra öðrum það sem þú vilt ekki að aðrir geri þér er ágætis regla ef farið væri eftir henni. En hún er ansi víða marklaus.

[Símon Pétur frá Hákoti (IP-tala skráð) 24.10.2020 kl. 11:41]

Allt er á hverfanda hveli.

Við sjáum birtingarmyndir illskunnar alltof víða.

En það verð ég að segja að það er alltaf von.

Nú lesum við í fréttum að einn prestur á Nesinu

hafi risið upp og andmæli boðum

fariseanna og tollheimtumannanna á Biskupsstofu.

Andmæli hinum myrku öflum trúða og loddara

sem þar hafa hreiðrað um sig eins og snákar.

[Ómar Geirsson, 24.10.2020 kl. 13:07]

Blessuð Helga.

Já Sigríður Andersen hefur gert það, og ef þú hefur ekki fylgst með fréttum sumarsins, þá ættir þú allavega geta lesið um það á blogginu hans Bjarna, sem telur Sigríði ljós skynseminnar í sóttvörnum þjóðarinnar.

Síðan hef ég aldrei skilið upphafningu Sigríðar hjá EES andstæðingum, hún var í hinu liðinu í orkupakkamálinu, og í raun öllum þessum frelsismálum þjóðarinnar, þú hún megi eiga að hún hefur reynt að standa vaktina gagnvart þeim hluta stjórnkerfisins sem vill kópera allt regluverkið athugasemdarlaust.

Ef þið sjálfstæðisfólk hefðu mann eins og Bjarna Jónsson í þingflokknum, þá væruð þið loks með alvöru þjóðfrelsismann þar.

Það er síðan langt í að þú verðir bænheyrð um að Íslendingar stjórni Íslandi, flestir eru ligeglad með hjáleigusambandið við Brussel.

En Helga, það er merki um mennsku að reiðast yfir þessum fréttum.

Við eigum það þó sameiginlegt.

Kveðja að austan.

[Ómar Geirsson, 24.10.2020 kl. 13:09]

Takk fyrir innlit ykkar og athugsemdir félagar Símon og Sigurgeir.

Þetta snýst allt um mennskuna.

Kveðja að austan.

[Símon Pétur frá Hákoti (IP-tala skráð) 24.10.2020 kl. 13:57]

Nú er vert að hafa í huga að sóttvarnalæknir

heyrir undir Landlæknisembættið.

Þannig heyrir Þórólfur undir Ölmu Möller.

Og eins heyrir Víðir undir Ríkislögreglustjóra.

Þrumupistill þinn, kæri Ómar, ætti því

fyrst og fremst að fjalla um ábyrgð/ábyrgðarleysi

Ölmu Möller og Sigríði Bjarkar.

Og, sem þú vissulega gerir,

hverra erinda þær, fyrst og fremst, ganga?

[Þorsteinn Siglaugsson, 24.10.2020 kl. 20:43]

Hvers vegna ertu að skammast út í Þórólf? Hann er ekki lögreglumaður. Lögbrot eru eitthvað fyrir lögreglu til að fást við, ekki lækna. Þórólfur gerir tillögur um reglur. Hann framfylgir þeim ekki. Ertu alveg búinn að tapa týrunni (því litla sem eftir var)?

[Ómar Geirsson, 24.10.2020 kl. 21:08]

Blessaður Símon Pétur.

Mér er slétt sama um goggunarröðina í þessu máli, það var viðtalið við Þórólf í fréttunum þar sem hann sagðist ekki þekkja til málvaxta og vildi því ekki tjá sig um það, sem yfirfyllti bikar reiði minnar sem ég skilað svo í þessum pistli.

Síðan þá hefur ýmislegt komið uppá yfirborðið sem gerir allt þetta mál ennþá óhugnanlegra, jafnvel hjartleysingjar hljóta hafa fundið til með áhöfninni eftir viðtalið við unga skipverjann í fréttum Ruv í kvöld.  En vissulega dygði betur að ná í brunabíl til að sprauta á gæsir en að ætlast til að þeir sem hafa selt sálu sína Mammon sýni einhver viðbrögð.

En þetta kom fram og var haft eftir í frétt Mbl.is; "Hann sagði enn­frem­ur, að þar sem skip­stjór­inn hefði haft sam­band sótt­varna­lækni í byrj­un túrs­ins þá hafi menn talið að allt væri gert í sam­ráði við hann.".

Það þurfa margir að svara fyrir sinn hlut í þessu máli öllu saman, hvernig gat skipið verið 3 vikur út á sjó við þessari aðstæður án þess að varðskip var sent til að fylgja því í land.

Og svarið er ekki að skella skuldina á skipstjórann líkt og fyrstu drög voru lögð að í fréttum kvöldsins.

Þetta er án alls fordæma.

Kveðja að austan.

[Ómar Geirsson, 24.10.2020 kl. 21:10]

Nei ert þú þarna ennþá Þorsteinn minn, hver er það núna, fýlu Þorsteinn, eða hinn nýi frelsaði sem er hættur að tala um meinlitla flensu?'

Skiptir mig svo sem litlu, ég nenni ekki að skattyrðast við þig í þessu máli.

Ekki að ég haldi ekki að þú hafir hjarta, ég bara nenni því ekki.

Kveðja að austan.