Hví er vændi eða fylgdarþjónusta frétt í dag??

 

Fá blaðamenn Morgunblaðsins prósentur á að auglýsa þessa þjónustu á Íslandi í dag??

Af hverju láta þeir ekki fylgja með netfang því þessi þjónusta er víst bókuð þar í dag eftir að tölvunördar í Bandaríkjunum fundu uppá Internetinu.

Varla eru blaðamenn Morgunblaðsins svo heimskir að trúa að leikmenn í stífri sóttkví, hafi skroppið á barinn og tekið ljóskur á löpp??

Og í kjölfarið falsað hótelpantanir svo þær kæmust í rúmið til að ylja þeim.

 

Hve óendanleg heimska býr að baki þessari frétt??

Ekkert er vísað í afhjúpun um að sóttkví enska landsliðsins hefði ekki virkað betur en það að leikmenn þess hefðu stundað djammið stíft á öldurhúsum Reykjavíkur.

Eftir stendur myndbirting og auglýsingar sem má fá í tugþúsunda tali frá rússneskum vefsíðum, og áráðleikinn eftir því.

 

Ef það er hægt að leggjast lægra í blaðamennsku, þá er fábúlerað um meintan aldur eða meint bólbrögð þeirra sem keyptu, og voru svo mikil fífl að halda ungæðisháttur þeirra yrði ekki fréttamatur korteri seinna eftir að þær sem seldu þjónustu sína, kæmust í síma sinn.

Skiptir samt ekki máli, hví leggst Mogginn svo lágt að hann náði að gera Samúel að virðulegu borgarlegu blaði, og þó eru allavega 30 ár síðan Samúel þraut örendið??

 

Það liggur við að þetta sé sorglegra en hinn nýráðni hægri öfgi sem fékk breytt ritstjórnarstefnu Morgunblaðsins á þann hátt að stefna blaðsins væri að leggja niður pappírsútgáfu sína með því að berjast hatramt fyrir ótímabærum dauða áskrifenda blaðsins.

Hvað sem má segja um það eðli, eða óeðli, þá er það ekki lágkúra sem gjörsleikir botn enskra götublaða.

 

Það er allavega af sem áður var.

Morgunblaðið, einn af síðustu hornsteinum borgarlegra gilda, virðist genginn fyrir ætternisstapa.

Og flýtirinn svo mikill að hann skal ganga á undan lesendum sínum og stuðningsfólki Sjálfstæðisflokksins.

 

Það er eins og Mogginn hafi verið yfirtekinn.

Kveðja að austan.

 

 

Lára opnar sig um kvöldið með Foden

Athugasemdir

[Sigurður Kristján Hjaltested, 11.9.2020 kl. 17:41]

Algjör snillingur Ómar.

Eb því miður er það svo, að það þarf að sykurhúða allar fréttir

svo allt líti vel út.

Sannleikann má aldrei segja.

M.b.kv.

[Esja frá Kjalarnesi (IP-tala skráð) 11.9.2020 kl. 17:42]

Ágæti Ómar, af orðum þínum ræð ég að þú hafir lesið um hana Láru sem "opnaði sig." Manstu eftir sögu af einhverjum sem "lokaði sér?" Mig myndi langa til að lesa svoleiðis, ef þú veist um.

[Ómar Geirsson, 11.9.2020 kl. 18:37]

Góð tilraun Esja.

En Nei, ég hef ekki lesið um það, og þér að segja þá hraðlas ég þessa frétt, en ég las hins vegar fyrstu frétt um ljóskuna sem ekkert vissi, og þar rak ég mig á eitt, hvernig er hægt að kynnast stelpum, ef þú ert alltaf inná hótelherbergi??

Gott og vel, meint frægð í útlöndum getur skýrt að minnimáttarkenndin telji frægðina vera frétt, án þess að spyrja sig hvað að baki bjó.

En að eltast við hana, þegar hið augljósa blasir við, þá er komið út yfir allan þjófabálk, svo mikinn að pistillinn um kvennakúgarann egypska sem fær alla samúð góða fólksins, fékk að bíða.

Við eigum að gera kröfur til Moggans, og svarið er ekki að segja honum upp.

Kveðja að austan.

[Ómar Geirsson, 11.9.2020 kl. 18:37]

En stundum þarf að segja hann Sigurður.

Kveðja að austan.

[Hörður Þórðarson, 11.9.2020 kl. 19:24]

Aðgát skal höfð í nærveru sála.

Vonandi verða allir þeir sem rægja aðra og bera þá röngum sökum kærðir og síðan refsað á viðeigandi hátt.

Ungt fólk hittist nú til dags mun oftar í gengum net öpp en á börum, Ómar. 

Ég óska þessum yndisleg stúlkum alls hins besta. Skilaboð mín til freðinna fornaldarkalla er: "Mind your own business".

[Þorsteinn Siglaugsson, 11.9.2020 kl. 20:27]

Tek undir með síðasta ræðumanni. Mér finnst það illa gert að ráðast á þessar ungu stúlkur og saka þær um vændi. Og hvaðan tengingin við einhverjar "hægri-öfgar" kemur er auðvitað alveg hulin ráðgáta, enda stundum erfitt að sjá hvað snýr upp og niður þegar heilaþokan er orðin mjög þétt.

[Ómar Geirsson, 11.9.2020 kl. 21:12]

Blessaður Hörður.

Trúir því í eina mínútu að ungir vel fjáðir drengir nýti sér netöpp til að kynnast random ungu fólki af gagnstæðu kyni??

Í öðru landi, þar sem þeir þekkja ekkert til, og hafa ekki haft margar mínútur til setja sig inní hin random kynni??, til dæmis að ganga úr skugga um að baki netmyndinni hafi ekki verið gamall dónakarl í Þingholtinu, eða eldri konan í Vesturbænum sem fóðraði Velvakanda á slúðursögum hér á árum áður.

Nei, bíddu við annars, hún er dauð, en allt feikið að baki netímynd er það ekki, hvort sem það er bólugrafinn drengur, kynskiptingur eða eitthvað, nema það eina sem er öruggt að alvöru gellur, og strákar, liggja ekki yfir símanum á föstudagskvöldi, í þeirri veiku von að herra wonderful, búsettur á hóteli, við mjög skringilegar aðstæður, að sjálfsögðu ekki sóttkví, hver hefur heyrt um slíkt í dag, en einhver vondur forráðamaður, jafnvel fjárhaldsmaður, eða var það aftur vonda stjúpan í Mjallhvít, neyddi viðkomandi að bóka herbergi undir fölsku nafni, svo hin nýju kynni, varla hvað 30 mínútur, 60 mínútur??, gætu átt sér stað, gætu fullkomnast í rauntíma, með stefnumóti og síðan ennþá sneggri ástarblossa sem endaði í rúminu.

Ég spyr þig með fullri virðingu Hörður, ertu bjáni??

"Ungt fólk hittist nú til dags mun oftar í gengum net öpp en á börum,".

En það er rétt að ungt fólk hittist hér og þar og alls staðar, og á náin kynni, hvort sem það er til einnar nætur eða lengra.

En ungt fólk kastar því ekki um leið á netið, gerandi sér upp fávisku um það að það viti ekki hver það var sem það var að hitta, hvað þá að það lýsi einnar nætur gaman á þann hátt sem gert er í þessari frétt.

En það þarf tvo til, og ég er að gagnrýna þann miðil sem gjörsleikir lágkúru enskra götublaða.

Hvort viðkomandi aðilar séu yndislegir eða óyndislegir kemur þessu fréttamati ekkert við.

Öll þessi frétt frá A til Ö er fyrir neðan virðingu Morgunblaðsins.

Ritstjórninni til skammar og það er ekki einu sinni afsökun þó blaðið hefði lagt út kostnað með Daily Mail og þyrfti að fá þann kostnað til baka með klikki á lágkúruna.

Kveðja að austan.

 

[Ómar Geirsson, 11.9.2020 kl. 21:41]

Blessaður Þorsteinn minn.

Góð grein hjá þér í Mogganum í gær þó ég væri ekki sammála henni.

Alltaf gaman að eiga sér dygga lesendur, hvað þá að viðkomandi gefi sér tíma til fylgjast með athugasemdarkerfi mínu.

Við getum verið sammála um að það er lítil umræða í þögninni.

Ég hef oft rekið mig á lesskilning þinn og játa að stundum gef ég mér ekki nægan tíma til að leiðrétta hann, en hef það mér til betrunar að þú ert ekki mikið fyrir langan lestur, og því miður er erfitt að leiðrétta vanskilning, óskilning eða misskilning í fáum orðum.

Reyni samt (láttu ekki dálksentímetrana blekkja þig, ég skrifa sjaldan heila málsgrein án þess að ýta á bil takkann, það er takkann sem býr til bil, og því er lengdin, það er í orðum talið mun minni en virðist).

Ég var ekki að ráðast á ungar stúlkur og saka þær um vændi, ég er að gagnrýna fréttaflutning Morgunblaðsins á þessari ófrétt allri saman.  Og þar sem Ekkert er vísað í afhjúpun um að sóttkví enska landsliðsins hefði ekki virkað betur en það að leikmenn þess hefðu stundað djammið stíft á öldurhúsum Reykjavíkur þá liggur í hlutarins eðli að blaðið er að auglýsa upp þekktasta form skyndikynna milli frægra annars vegar og ófrægra hins vegar.

Eitthvað sem blasir við ritstjórninni og ef hún telur sig vita um þriðja möguleikann þá ber henni skylda til að útskýra hann fyrir lesendum blaðsins fyrst það taldi næturgaman ungra manna við ungar stelpur eiga erindi sem frétt í blaðið.

Þetta er svo augljóst Þorsteinn minn að það á ekki að þurfa hafa um þetta orð, Mogginn er jú ekki netsíða almannarómsins.

En þar sem þér tókst að skrifa grein sem hélt þræði, með mörgum réttmætum ábendingum, og þú segist ekki þjást af heilaþoku, ef ég til dæmis stama, þá hæðist ég ekki að öðrum sem stama, þá skil ég ekki alveg, þrátt fyrir stundum skort á almennum lesskilningi, að þú skulir ekki skilja þessa einföldu setningu þar sem hinn nýráðni hægri öfgi kemur við sögu;

"Það liggur við að þetta sé sorglegra en hinn nýráðni hægri öfgi sem fékk breytt ritstjórnarstefnu Morgunblaðsins á þann hátt að stefna blaðsins væri að leggja niður pappírsútgáfu sína með því að berjast hatramt fyrir ótímabærum dauða áskrifenda blaðsins.",

Jafnvel þó vísustu menn yrðu spurðir þá efast ég um hvort þeir kæmu sér saman um hvort væri sorglegra fyrir eitt blað, ritstjórnarstefna sem óskar lesendum sínum ótímabærs andláts eða afleiðingarnar, að lítt verður um tekjurnar ef stefnan gengur eftir, og í því samhengi notaði ég orðlagið "það liggur við".

En kannski er ég bara svona orðvar, hvað er eiginlegar sorglegra en að Mogginn breytist í enskt götublað??

Seg þú mér Þorsteinn.

Kveðja að austan.

[Símon Pétur frá Hákoti (IP-tala skráð) 11.9.2020 kl. 22:13]

Löngum gengu auglýsingar helstu stórfyrirtækja  íslensku "ferðaþjónustunnar", ekki síst í Bretlandi, út á að gefa það í skyn að íslenskar stúlkur væru lauslátar.

Þannig átti að fá breska kalla til að flykkjast hingað til lands? til að þiggja greiða hinna meintu lauslátu íslensku stúlkna.  Og vitaskuld að gista á hótelum nokkrar nætur.

Á tímum veirunnar hefur þessi óbeina hórmangsstefna gengið fremur brösuglega hjá helstu mógúlum "ferðaþjónustunnar"

En þar kom ljósið, allt enska landsliðið mætt.

Held ég þurfi ekki að segja meira, hverra erinda þessar stúlkur gengu (eða lágu), fyrir utan eigin hlut þeirra að málum.  Hvort kom á undan eggið eða hænan?  Breska slúðurpressan var alla vega virkjuð og Mogginn hossar undir.  Skv. hinu fornkveðna að slæm auglýsing selji og sé því miklu betri en engin.

[Ómar Geirsson, 11.9.2020 kl. 22:54]

Blessaður Símon Pétur.

Allt örugglega mikið rétt.

Breytir samt ekki þeirri staðreynd að það voru engar aðstæður í raunheimi fyrir þessa stráka að komast í kynni við hitt kynið, að taka stúlkur á löpp eins og það var kallað á öldum áður (allavega um og uppúr miðri síðustu öld), og ef einhver trúir því að svona kynni verði af því bara út úr engu, þá má hann trúa því mín vegna.

Eigum við ekki að segja að fólk sem á pening viti betur, og sú vitneskja er óháð landamærum, þó einhver íslenskur molbúi reyni að telja sig í trú um annað.

En það er ekki issjú gagnrýni minnar, mér er slétt sama hvernig fólk hittist og kynnist, að því gefnu að engin þvingun sé að baki.

Það er ritstjórn Morgunblaðsins sem er að nýjum botn í lægðum, svo ég vitni næstum því í orð eins af ritstjórunum, og þennan botn eigum við ekki að sætta okkur við.

Ef einhverjum finnst það trúlegt að fólk kynnist það vel uppúr engu að hinn meinti saklausi aðili leigi sér hótelherbergi til að borða nammi með ókunnum karlmönnum, hvað þá unglingum sem þurfa að ljúga til um aldur, að sögn, og síðan sé stundað kynlíf, sem þykir frásöguvert eftir á, og þráðurinn er ekki í léttblárri sögu í Tígulgosanum sem má finna og lesa á Þjóðminjasafninu, heldur staðfesting á hrekkleysi viðkomandi, og viðkomandi sé bara að segja frá smáatriðum, eftir á, því það er svo gott að opna sig til að sýna fram á sakleysi sitt og hrekkleysi, þá má þessum einhverjum þykja það trúlegt.

En hann á ekki að lesa um það í Morgunblaðinu, þó fórnarlömbin séu fræg.

Eða ófræg, skiptir ekki máli, samlíf einstaklinga á ekki að bera á torg, slíkt er alltaf gert í annarlegum tilgangi og þar með er meint sakleysi fyrir bí hjá þeim sem það gerir, og ef það er gert, þá á næsti maður ekki að taka það upp og auglýsa á veggspjöldum eða í gjallarhornum slúðursins.

Það er bara svo og þetta á fólk að skilja.

Kveðja að austan.

[Þorsteinn Siglaugsson, 12.9.2020 kl. 01:19]

Já, þetta var kannski svolítið ósanngjarnt Ómar. Ég viðurkenni það.

[Sigurður Kristján Hjaltested, 13.9.2020 kl. 11:38]

Báðar skvísurnar búnar að viðurkenna að að hafa farið á hótelið til að

stunda "vændi". Hvað skyldi kvennréttindahreyfingin segja núna..??

Er ekki vændi ólöglegt.?? Á ekki að sekta strákana vegna þess að ekki má sekta

kvenfólk sem stundar svona. Bara segi svona..

[Ómar Geirsson, 13.9.2020 kl. 11:57]

Blessaður Sigurður.

Hét það ekki að skila skömminni?? en hvaða erinda þær eru þarna er þeirra mál, strákanna og líklegast löggjafans ef hann hefur áhuga að kynna sér hvernig svona meint skyndikynni eiga sér stað með netöppum eins og Hörður orðaði svo hnyttilega.

Mér persónulega er nákvæmlega sama, hef vissulega skoðanir á þeirri forræðishyggju að banna keypt kynni, finnst það púrítanískt og fullreynt að það gerir ekkert annað en að glæpavæða elstu atvinnugrein heimsins.  Eins er mér sama um þann fíflagang að draga eitthvað meint sakleysi inní umræðuna eða forheimskuna sem birtist í hinni femínísku skjaldborg um það athæfi að útvarpa kynnum við frægt fólk inná netið, eða gera sér síðan þau kynni að féþúfu með því að selja ensku götublaði krassandi lýsingar á einkamálum svefnherbergjanna.

En mér er ekki sama um að Mogginn taki þátt í þessu athæfi.

Og ég held meir að segja að góðvinurinn minn Þorsteinn hafi áttað sig á því að lokum.

Enda dregnum ekki alls varnað.

Kveðja að austan.

[Theódór Norðkvist, 13.9.2020 kl. 19:13]

Viðurkenndu þær að hafa stundað vændi? Ég hef ekki séð neina frétt um að þær hafi fengið borgað fyrir næturgamanið. Ég veit ekki betur en að þær hafi veitt sína "þjónustu" alveg ókeypis.

Fengu ekki einu sinni endurgreiddan útlagðan kostnað eins og t.d. nammi, þrátt fyrir (óverðskulduð) ofurlaunin sem þessir tuðrusparkarar eru að fá.

Sannast hið fornkveðna í þessu máli - Overpaid, oversexed, and over here.

[Theódór Norðkvist, 13.9.2020 kl. 19:28]

Já, þurftu m.a.s. sjálfar að borga hótelherbergið. Hér kemur líka fram að Mason mútaði öryggisverði fyrir að smygla þeim inn. Einbeittur brotavilji sýnist mér.

https://www.givemesport.com/1599039-phil-foden-icelandic-girl-reveals-all-about-the-night-she-spent-with-man-city-star

[Ómar Geirsson, 13.9.2020 kl. 20:46]

Blessaður Theodór.

Það ríkti mikil ringulreið í þessum heimi ef raunverleikinn færi eftir þeim orðum sem um hann er haft.

Ef einhver trúir að ungar flottar gellur (prófíll þeirra gæti alveg fylgt myndrænni útskýringu á þessu gamla góða íslenska orði) eyði helgum sínum í að bíða eftir deiti á stefnumótasíðum með ókunnum karlmönnum, á hótelherbergi til að borða nammi, þá hann um það.

Sá hinn sami hefði örugglega trúað Nixon líka þegar hann sagðist illa rakaður í beinni að hann væri ekki crook.

Ég er bara ekki að fjalla um trúgirni í þessum pistli mínum, eða á nokkurn hátt að setja mig í dómarasæti um hegðun viðkomandi fullorðna einstaklinga, tel hana vera þeirra einkamál.

Það er lágkúra Morgunblaðsins að éta upp hið keypta slúður í ensku pressunni sem er tilefni þessa pistils, jafnt efnistaka sem og fyrirsagnarinnar.

Vísa í athugasemdir mínar hér að ofan og ítreka að það er sorgleg örvænting sem drífur áfram svona ritstjórnarstefnu.

Kveðja að austan.

[Theódór Norðkvist, 13.9.2020 kl. 21:16]

Hegðun er tæplega einkamál, ef hún getur smitað 50.000 manns af illvígum veirusjúkdómi og komið a.m.k. einhverjum af þeim í gröfina.

[Ómar Geirsson, 14.9.2020 kl. 00:01]

Það er líka réttmæt nálgun Theodór, en mér skilst að meint fáfræði sé notuð til að afsaka þá hegðun.

Ítreka enn og aftur að Mogginn á ekki að keppa við Tígulgosann sem í dag er til húsa Landsbókasafni.

Smartland hefur samt haldið áfram að gera það, og nuddar þar með Mogganum áfram uppúr skít lágkúrunnar.

Sorglegt.

Kveðja að austan.