Ég styð Kára.

 

Þórólfur styður Kára, þjóðin styður Kára.

 

Rök hans eru kristaltær.

Eðlilegt líf er undir og við þurfum að stöðva vágestinn við landamærin.

 

En hvað með ríkisstjórnina, hvort verður það sérhagsmunir eða almannahagsmunir??

 

Kári trúir á vit hennar og skynsemi og það boðar gott að þingflokkur Sjálfstæðisflokksins fékk þau Gylfa Zoega og Tinnu Laufey Ásgeirsdóttur á sinn fund og kynnti sér málflutning þeirra.

Boðar gott því þar er kjarninn af því fólki sem er slétt sama um líf og heilsu náungans á meðan arðgreiðslurnar streyma inn.

Þess vegna er það formanni flokksins mikill styrkur að fá til liðs við sig óháða einstaklinga sem hafa þekkingu og getu til að vega og meta hin efnahagslegu rök í þessari deilu sem annars ætti aðeins að standa um líf og heilsu fólks sem og hin samfélagslegu áhrif af lokun landamæranna án undangenginnar sóttkvíar versus hin lamandi áhrif á allt mannlíf ef veiran verður af samfélagslegu smiti líkt og þessi faraldur er orðinn að sögn Kára.

 

Núna reynir á gott fólk í öllum flokkum, jafnt í stjórn sem og í stjórnarandstöðu að það rísi upp og lýsi yfir stuðningi við þá Kára og Þórólf svo það fari ekki á milli mála að hinar raddirnar eru fámennar og einangraðar.

Því í dag er hin æpandi þögn sem glymur um allt samfélagið vísbending um annað.

Að arðgreiðslurnar og fjármunir í vasa séu almannahag æðri.

 

Núna reynir á að allir styðji Kára.

Og Þórólf.

Og þjóðina.

Og hlýði Víði.

 

Þannig mun mannlífið aftur taka sinn eðlilega gang, óttinn mun halda út í óbyggðirnar og halda áfram að hræða þar, hugsanlega ef ímyndaraflið er sterkt mun sjást í einn og einn útilegumann, eða jafnvel forynju á skuggalegum slóðum, en hann mun ekki herja á samborgara okkar, þá eldri og þá sem glíma við undirliggjandi sjúkdóma.

Tíminn mun svo halda áfram að fljúga eins og hann hefur alltaf gert, allavega eftir að ég varð fimmtugur.

Innan ekki svo skamms mun mannsandinn hafa fundið örugga tækni við að skima á landamærum og sóttkví verður þá óþörf.

Þetta er eins og að bíða af sér harðindafrostið og stórhríðina, pirrandi vissulega en lítil skynsemi að flækjast út í slíku verðri, hvað þá að leggja upp í langferðir um heiðar og firnindi.

 

Það lægir alltaf, það styttir alltaf upp, það hlýnar.

Það vorar.

Og áður en við vitum af er kóvid að baki.

 

Trúum því og treystum.

Styðjum Kára.

Styðjum okkur sjálf.

 

Og það vorar á ný.

Kveðja að austan.

 

Stjórnvöld neyðist til aðgerða

Athugasemdir

[Símon Pétur frá Hákoti (IP-tala skráð) 13.8.2020 kl. 19:46]

Auðvitað styður allt viti borið fólk tillögu Kára.

Og það væri með ólíkindum vitlaus stjórnvöld 

sem færu gegn henni, sem Þórólfur hefur sagt vera

áhrifaríkustu leiðina til að stemma stigu við

að veiran berist til landsins.

Skima alla (ALLA) komufarþega til landsins,

5 daga sóttkví og endurskimun að henni lokinni.

Og vitaskuld eru það vitlaus stjórnvöld

sem færu gegn tillögu Tinnu um að komufarþegar borgi allan raunkostnað af skimunum.  

[Esja frá Kjalarnesi (IP-tala skráð) 13.8.2020 kl. 22:06]

Kári segist vera sammála Þórólfi og þú segir að Þórólfur styðji Kára.

Svo er fólkið sem hlýðir Víði og hrópar það á torgum internetsins

En kannski er skynsamlegast að hlusta á þau sem hafa vit á, tileinka sér visku þeirra en gleyma því ekki að hugsa sjálfstætt. Þrömmum ekki í takt á eftir einhverjum af hlýðni. Hlustum, spyrjum, skiljum og hugsum.

[Ómar Geirsson, 14.8.2020 kl. 06:56]

Blessaður Esja.

Ég held að það sé eitthvað að vinstra heilahvelinu þínu, þú ert allur í svarthvítu.

Kveðja að austan.

[Ómar Geirsson, 14.8.2020 kl. 07:09]

Blessaður Símon Pétur.

Og við megum heldur ekki gleyma vitleysingunum, þeir styðja Kára, allir til sjávar og sveita, til fjalla sem innstu dala, jafnt á kaffistofum 101 eða matstöðum erfiðisvinnufólks.

Allir nema Esja, hann er í einhverri tilvistarpælingu, vantar að hann taki slaginn þar sem Nietzsche gafst upp á torfærubraut rökhugsunarinnar, og skammi mig líka fyrir að trúa og treysta.  Hvað er trú??, hvað er traust, eitthvað guðlegt af ætt skynvillu??

Í stað þess að gleðjast og kætast yfir undanhaldi sérhagsmunanna.

En yfir í alvöruna, þá hérna held ég að við þurfum að gæta meðalhófs varðandi innheimt gjalda við landamærin, þá má ekki vera spurning um stétt eða stöðu hvort fólk treysti sér hingað til að heimsækja ættingja eða vini, eða annað sem knýr þá til landsins.

Síðan er hóflegt gjald samfélagslegur styrkur til ferðaþjónustunnar, því ef við og það er náttúrulega ekkert ef í því, drepum veiruna, þá mun Ísland aftur verða fýsilegur kostur til ferðalaga, þrátt fyrir þessa örfáa daga sóttkví, sem mætti alveg hugsa að útfæra með geimverum, geimverubúningum (það er starfsfólks sem flytur á milli á sérútvalda staði) og friðsælum stað uppí sveit, sem fyrir veiruþreytta ferðalanga gæti jafnvel verið upphaf endurlausnar og líf án ótta, og í kjölfarið dásamlegt frí í veirulausu landi.

Ég er ekki viss um að þetta yrði svo þungt högg fyrir ferðaþjónustuna, heldur ný tækifæri.

En nú falla öll vötn til gleði og vonar, og það vorar á ný.

Kveðja að austan.

[Símon Pétur frá Hákoti (IP-tala skráð) 14.8.2020 kl. 20:58]

Sæll Ómar

Við getum glaðst yfir því að stjórnvöld skyldu hafa það vit að velja meiri hagsmuni fyrir minni.

Það breytir því hins vegar ekki, að ríkisstjórnin hefur litla, ef nokkra, stefnu hvað varðar atvinnumál og hvað þá sýn til lengri tíma litið.

Hún er sem stefnulaust rekald, hvað það varðar.

En ég er bjartsýnn á að sú þróun ferðaþjónustu sem hófst fyrir bólutúrismann, s.s. bændagisting og hefðbundin íslensk ferðaþjónusta, eigi sér bjarta framtíð, byggða á hugviti, útsjónarsemi og dugnaði þjóðarinnar. Enda má það teljast gott hversu margt yngra fólk kynntist landi sínu í fyrsta sinn í sumar og tók ástfóstri við.  Það er hið jákvæða.

Bólutúrismi lundabúða og hótelagers bankadrengja í borg óttans og græðginnar er hins vegar dauðanum merkt, blessunarlega.

[Ómar Geirsson, 15.8.2020 kl. 09:39]

Blessaður Símon Pétur.

Þetta hófst, þökk sé að Þórólfur ákvað að taka að skarið og segja hvað sé sóttvarnir og hvað sé stjórnmál, eins fannst mér það klókt hjá Bjarna að boða hagfræðingana á fund þingflokksins, einangra þannig hinar hjáróma raddir sérhagsmuna og misskilið frelsis.

En kjarninn er mannamál Kára, hann las stöðuna rétt og sagði hana á máli sem fólk skyldi.

Þetta er upplit og vonandi verður það nýtt til góðs.

Að öðru leiti tek ég undir orð þín, hef ekkert á móti ferðamönnum en vill sjálfur ekki enda sem framandi í gullgrafarnýlendum marsbúa, og vera flokkaður á sömu hillu og bangsalundi, eitthvað svo krútt.

Stjórnvöld eru rekald, já, en þó samt.

Treystum á að það þroskist og þróist.

Kveðja að austan.