Afneitun raunveruleikans.

 

Nær inní efstu þrep sóttvarna líkt og lesa má í þessu viðtali við yfirlækni smitsjúkdómadeildar Landsspítalans.

Persónulegar sóttvarnar eru lykilatriði ásamt samfélagslegum sóttvörnum líkt og tveggja metra reglan er, samkomutakmarkanir og svo framvegis.

 

En það er útilokað að halda heilli þjóð í herkví svo mánuðum skipti vegna þess að stjórnvöld, með blessun sóttvarnaryfirvalda flytja vísvitandi inn smit svo almenningur er í stöðugri hættu, lifir í stöðugum ótta líkt og fólk á stríðstímum sem þarf að gæta sína á leyniskyttum, forðast sprengjuárásir, eyða öllu nóttum í loftvarnarbyrgjum vegna stöðugra loftárása.

Þá gerir fólk það vegna þess að það treystir á að það sé gert sitt ýtrasta til að verja þjóðina og sigra árásaraðilann, en ekki ef stanslaust er sagt við það;

Gætið ykkar, þetta er bara svona, ekkert við þessu að gera, árásirnar hætta einhvern tímann ef við látum nógu lítið fyrir okkur fara, þraukum góuna og þorrann eða alveg þar til árásarmennirnir nenna ekki að drepa okkur lengur.

Hvað þá ef árásunum linnir, að þá sé sent fax og óvinurinn beðinn um að taka upp fyrri iðju, því þeir sem ábyrgðina bera á vörnunum þola ekki lengur við að vera ekki í sviðsljósinu og brýna fyrir fólki persónulegar sóttvarnir.

 

Þannig er Ísland í dag.

Þegar við vorum orðin smitlaus, þá var sest á rökstólana og hugsað upp ráð til að fá veiruna aftur inní landið.

Og þegar hún kom þá hófst söngurinn um persónulegar sóttvarnir.

 

En að stöðva innflutninginn; Nei, nei, nei, það má ekki, þá er sviðsljósið ekki lengur okkar.

Hve hlálegt allt þetta er er fréttin núna rétt áðan á Mbl.is um ástandið í Leifsstöð í morgun.

 

Heimskan og vanvitið ríður ekki við einteyming.

Og sauðirnir jarma með.

Kveðja að austan.

Mikilvæg vika fram undan

Athugasemdir

[Kolbrún Hilmars, 2.8.2020 kl. 15:48]

Mér varð nú skemmt við að lesa fréttina um ástandið í Leifsstöð; það var jú við brottfararhlið!

[Ómar Geirsson, 2.8.2020 kl. 18:31]

Er eitthvað skárra að dreifa smiti út úr landinu?

Kveðja að austan.

[Kolbrún Hilmars, 3.8.2020 kl. 10:17]

Eru ekki sýnatökur á hinum endanum hvort sem er?

[Ómar Geirsson, 3.8.2020 kl. 12:54]

Ja það fer eftir hvort tilgangur sóttvarna sé að koma í veg fyrir smit, eða mæla smit og loka svo öllu og læsa??

Kveðja að austan.

[Kolbrún Hilmars, 3.8.2020 kl. 13:59]

Það er nú tvennt í þessu. 
Annað er að farandfólk sem hefur verið hér í viku eða tvær fara þá bara aftur heim til sín.  Með gamla smitið sitt, eftir atvikum.
Hitt er þetta fólk vill líklega frekar vera í sóttkví heima hjá sér - sé það smitað á annað borð. 

Hvað smitin varðar þá virkar það jú í báðar áttir er það ekki?  Ef þeir teljast ekki smita útfrá sér hérlendis þá mætti á sama hátt álíta að þeir geti ekki smitast hér.  Það þarf jú að vera "system i galskabet".