Jæja, þau kunnu ekki að skammast sín.

 

Og það er sorglegt því að játa afglöp og ábyrgðina á þessari seinni bylgju, er fyrsta skrefið í átt að samstöðu og einbeittum vilja til að þjóðin geti lifað lífi sínu án ótta eða í herkví fólks sem vísvitandi flytur inn veiruna til að viðhalda heljartökum sínum á íslensku samfélagi.

 

Þó vitgrannur blaðamaður, eða réttara sagt blaðamaður sem lifir í stöðugum ótta við að missa vinnuna sína ef fjölmiðill hans fær ekki þöggunarríkistyrk stjórnvalda, kói með og sér fyrir sér milljónaþjóð með opin landamæri að ótal öðrum þjóðum, þá er hann næstum einn um þá heimsku, við vitum öll eins og er að land okkar er eyja, og þjóðin er fámenn.

Það er einföld vinna að útrýma smiti,og það þarf einbeittan vilja hins heimska hægris að flytja það inn.

 

Vissulega getur komið upp smit þó gætt sé ýtrustu sóttvarna við landamærin en þá þarf að díla við það, og þá eru hertar aðgerðir það eina sem dugar.

Um þetta eru allir sammála, um þetta rífst engin.

En það er engin sátt um vísvitandi innflutning á smiti sem Þórólfur og Alma hafa lagt blessun sína yfir til að þóknast þeim ráðherrum ríkisstjórnarinnar sem tilheyra hinu heimska hægri, kannski hugsanlega nauðug ef þeim var hótað að annars yrði Brasilía eða Bandaríkin fyrirmyndin, er þar er veiran stjórnlaus vegna áhrifa heimskra hægrisinnaðra stjórnmálamanna á sóttvarnir viðkomandi landa.

En þetta er aðeins pæling til að reyna réttlæta afglöp og tilræði sóttvarnaryfirvalda við líf og heilsu þjóðarinnar.

 

Það er staðreynd að lokun landamæra var vendipunkturinn við að kveða fyrri bylgjuna niður, fram að því var smitrakningin alltaf að elta skottið á sjálfu sér líkt og hún er að gera í dag.

Um leið og landamærin voru opnuð aftur, það er að þeir sem komu þurftu ekki að fara í sóttkví, þá fóru smit að greinast á ný, og samkvæmt þekktri staðreynd um veldisaukningu smita, breiddust þau hægt og hljótt út um samfélagið svo aftur þurfti að byrja að læsa almenning inni á heimilum sínum.

 

Og aftur hlustum við á sömu afneitunina að þessi útbreiðsla veirunnar hafi ekkert með vísvitandi innflutning hennar að gera, heldur sé um að kenna slökum sóttvörnum almennings.

Plata sem Þórólfur spilaði í nokkrar vikur áður en lét undan og lokaði landamærunum, það er enginn kæmi inní landið án þess að fara í 14 daga sóttkví.

Aðgerð sem Kári kallar eftir í dag, en sóttvarnaryfirvöld ljá ekki máls á.

 

Og hvernig skyldi það nú fara??

Sigrar raunveruleikinn ekki alltaf að lokum??

Svona þegar menn gefast upp á að rífast við hann.

 

Hins vegar var vanþekking eða þjónkun við Brussel skýring þess að ekki var lokað í tíma, afglöp sem kostuðu mannslíf.

En hver er afsökunin í dag??

 

Og hver er afsökun hinna aumkunarverðu sem taka undir órökin um að vísvitandi innflutningur á smiti sé eitthvað sem þjóðin þurfi að lifa við.

Með tilheyrandi efnahagslegum skaða og inngripi í daglegt líf fólks.

Hvernig geta blaðamenn hlustað á svona bull og skrifað svona frétt??

Halda þeir kannski eins og iðnaðarráðherra að líf kvikni af engu, eða telja þeir kovidveiruna vera svona X-fæl, eitthvað sem jafnvel kemur til landsins með loftsteinum, eða jafnvel geimverunum sem gleymdu að mæta á fundinn á Snæfellsjökli??

 

Fjölmiðlamenn gegna skyldum, eru stundum sagðir hluti af hinu fimmta valdi lýðræðisþjóða.

Þeir brugðust þeirri skyldu á blaðamannafundinum í dag.

Og hafi þeir ekki vottorð uppá meðfædda náttúrulega heimsku, þá er afsökun þeirra engin.

 

Þjóðin sætir árásum hins heimska hægris.

Daglegu lífi hennar er ógnað, sem og heilsu og lífi margra samlanda okkar.

Í raun hryðjuverk af áður óþekktri stærðargráðu.

 

Og fjölmiðlarnir dansa með.

Er hægt að leggjast lægra??

 

Ég bara spyr.

Kveðja að austan.

Hert og slakað næstu mánuðina eða árin

Athugasemdir

[Símon Pétur frá Hákoti (IP-tala skráð) 1.8.2020 kl. 19:03]

Það er augljóst að ríkisstjórn Sjálfstæðisflokks, Framsóknar og Vinstri grænna (flokka sem allir gefa sig út fyrir að vera andsnúnir aðild Íslands að ESB) er orðin

harðkjarna stjórn Opingátta stefnunnar.

Það er augljóst að stefna ríkisstjórnarinnar er að landið skuli vera Opingátta (Open Borders).

Það hlýtur að vekja nokkra undrum fylgjenda þessara flokka.

[Esja frá Kjalarnesi (IP-tala skráð) 1.8.2020 kl. 19:20]

Kannski vekur "opingátta stefnan" frekar undrun þeirra sem voru fylgjendur flokkanna en eru það ekki lengur. Fylgjendur kjósa sína menn sama hvað.

[Símon Pétur frá Hákoti (IP-tala skráð) 1.8.2020 kl. 19:38]

Rétt athugað Esja.

[Símon Pétur frá Hákoti (IP-tala skráð) 1.8.2020 kl. 20:54]

Mér virðist sem það verði læti þegar bók Björns Inga kemur út, nú í byrjun mánaðarins. 

Miðað við það sem fram kemur í kaflabroti úr bókinni, sem nú er að finna á mbl.is, þá má spyrja sig hvort þríeykið hafi látið undan þrýstingi frá Guðlaugi Þór Þórðarsyni og konu hans Ágústu Johnson. 

Að þeirra sérhagsmunir hafi verið teknir fram yfir almannahagsmuni, varðandi opnun landsins.

Sé svo, þá er það alvarlegra en orð fá lýst.

Og ekki býst ég við að t.d. Eyjamenn, sem neyddust þess vegna að aflýsa sinni þjóðhátíð í fyrsta sinn í meira en hundrað ár, taki því þegjandi.

[Esja frá Kjalarnesi (IP-tala skráð) 1.8.2020 kl. 21:13]

Bókarskrif einhverra manna úti í bæ mega ekki varpa skugga á sannleikann um að óhrein og subbuleg alþýðan sótti sér smit og útbíaði landið frá fjöru til fjalla, en tandurhrein og kusklaus stjórnýslan, sem er heimsþekkt frá hausti 2008 fyrir að setja almannahagsmuni ávallt fremst, reyndi að hafa hemil á lýðnum en réð ekki við skrílinn.

[Símon Pétur frá Hákoti (IP-tala skráð) 1.8.2020 kl. 21:32]

Nei, það er auðvitað rétt athugað Esja.

Guð forði okkur frá því að halda annað.

[Óskar Helgi Helgason (IP-tala skráð) 1.8.2020 kl. 23:03]

....

Ómar !

Gleymum ekki: þætti vinstri sinnuðu gerpanna, ekki eru þau hætis hót betri viðureignar, í sinni gjörvallar heimsku, fornvinur góður.

Þau eru ekki síður brokkgeng - í smjaðrinu fyrir Brussel - Berlínar öxlinum (EFTA/MATÓ/ESB og EES samsteypunni) !

ÓHH 

[Halldór Egill Guðnason, 2.8.2020 kl. 01:42]

 Það er lítið mál að garga á torgum og gagnrýna allan fjandann, Ómar minn. Ef taka á málefnalegt mark á gagnrýni sumra, væri ekki úr vegi að þeir sem gegnrýna sýnu mest, bendi á aðrar leiðir betri en þær sem nú eru farnar.

 Það er deginum ljósara að þetta óútreiknanlega virusræksni er langt í frá kortlagt til fulls og enginn veit hvað morgundagurinn ber í skauti sér. Eina leiðin til að komast að því, er að þreifa sig áfram. Það mun kosta fórnir á flestum sviðum mannlífsins.

 Það gerði umræðunni gott að koma með tillögur af og til, í stað endalausra eftiráupphrópana og fúkyrða í garð þeirra sem staðið hafa vaktina og eru að reyna, með vísindalegum hætti að komast að því hvernig tækla skuli óværuna. Það er ekkert mál að vera vitur eftir á. Það getur hver sem er.

 Hvernig leggur þú til að staðið sé að málum Ómar, svona í stuttu en hnitmiðuðu máli, svona án pólitískrar naglasúpusamlíkingar?

 Þú verður bara að fyrirgefa Ómar minn, en þegar þú ferð að rugla saman vírus og stjórnmálaskoðunum, hittir pistillinn engar keilur.

 Góðar stundir, með kveðju að sunnan.

[Halldór Egill Guðnason, 2.8.2020 kl. 01:51]

 Biðst velvirðingar á athugasemdinni hér að ofan. Hún átti að koma sem svar við kommenti þínu númer tvö við síðustu færslu þína.

 Góðar stundir, með kveðju að sunnan.

[Ómar Geirsson, 2.8.2020 kl. 11:18]

Blessaður Halldór.

Það getur öllum skjátlast í næturvinnunni, sérstaklega ef ekki er sterkt kaffi innan við seilingar.

Ágætt að fá skýringu þess um hvað þú áttir við með stjórnmálaskoðanir, því hér hafa stjórnmálaskoðanir ekki nokkurs manns komið til tals, ég hef hins vegar notað hugtakið "heimska hægrið" um þekkta staðreynd, og jú, heiðraði svo Frú Andersen með því að tala um ráðherra úr ranni hægri öfga, og ég hélt að það hefði komið skýrt fram í andsvari mínu sem þú vísar í.  En ég var reyndar lengi að koma mér að efninu, en það er nú bara ósjálfráður ávani sem er eins og  hann er.

Annars ert þú farinn að minna mig á gömlu Stalínistana sem ég náði að kynnast í æsku, þeir brugðust svipað við og þú þegar staðreyndir um félagann og sæluna komu til taks.  Vorkunn að vísu því ein forsenda átrúnaðarins var jú að gagnrýni var ekki leyfð, að viðurlagði byssukúlu.

Þórólfur hefur örugglega líka kynnst nokkrum í æsku og hvort sem það er skýringin eður ei, þá fagnar hann allri gagnrýni.

Kjarninn er annars einfaldur Halldór, og hann er vísindi; veirur þurfa smitleiðir til að smita, þar sem skorið var á þær strax í upphafi var bæði minnst röskun á daglegu lífi fólks, sem og að mannfall var lítið sem ekkert, frá 0,0 til 0,eitthvað.

Það var ekki gert hérna í upphafi með þekktum fórnarkostnaði, sem og var tilhneigingin að tala um að fletja út kúrfur og á einhvern hátt aðlaga samfélagið af veiru sem var vitað var bein lífsógn gagnvart um þriðjung þjóðarinnar.

Þegar menn sáu að sér, og gerðu það sem þurfti að gera, og gerðu það vel, þá voru engar forsendur lengur fyrir gagnrýni og hún hvarf eins og döggin núna í morgunsárið hérna á þessari síðu.

Þegar menn voru svo heimskir að opna á ný fyrir smitleiðir, án þess að tryggt væri að smit bærist ekki til landsins, þá að sjálfsögðu bregst fullorðið fólk við, og gagnrýnir.

Því það eru jú ekki allir jarmandi sauðir sem taka ofan fyrir valdinu.

Þekki meir að segja einn slíkan sem sendir oft ádrepur og annað í bland með kveðjur að sunnan.

Og ég sendi þær að austan.

PS.  Ef þú skyldir ekki vita það þá er félagi Trump þjóðrækinn íhaldsmaður sem er eins og hann er, hvorki hluti af heimska hægrinu þó hann vissulega sæki fylgi þangað, sem og er stefna hans andstæða þeirra hægri öfga sem ráðast á samfélagið og stofnanir þess til að veikla það og koma megnið að afrakstri fólks í vasa Örfárra.

Og það eru hægri öfgarnar sem grafa mest undan honum því hann ógnar hinu frjálsa flæði auðs í vasa þeirra.

[Ómar Geirsson, 2.8.2020 kl. 11:25]

Blessaður Óskar Helgi.

Þó ég geti á góðri stund framleitt orð hraðar en gamla góða vélbyssan sem var handsnúin í hringi og má sjá í mörgum góðum vestrum, þá kemst ég samt ekki yfir allt í einum pistli eða raðpistlum um ákveðið mál.

En ég get fullvissað þig um að ég hef engu gleymt, og man allt, nema náttúrlega því sem ég gleymi.

Það er rétt, í kjarna snýst þetta um kenningar Friedmans um hið frjálsa flæði sem af einhverri óskiljanlegri ástæðu eru orðin átrúnaður flestra félaga minna til vinstri, en það fólk er eins og það er, afsakar samt ekki svik Sjálfstæðisflokksins í Orkupakkamálinu, og þar með eru skeytin send þangað með frómri ósk um að flokkurinn ráði nokkrar fóstrur til að hafa vit fyrir óvitunum.

Sú gjörð ein myndi breyta mörgu á Íslandi.

Kveðja að austan.

[Ómar Geirsson, 2.8.2020 kl. 11:39]

Nei sú ósvinna má ekki líðast Esja, rétt er það.

Símon, ég held að málið sé flóknara en það að Guðlaugur Þór sé gerandi, en hann er örugglega hluti af þrýstiaflinu sem var verið að þóknast með þekktri niðurstöðu og afleiðingum.

Bæði læknar og hagfræðingar höfðu uppi aðvörunarorð, en þau voru hundsuð, með rökum sem stóðust ekki og raunveruleikinn hefur lýst ómerk.

Mig langar hins vegar að vitna í minna þekkta aðvörun sem er allra íhugunarverð;

"Takist fyrirhuguð opnun landsins ekki sem skyldi má vænta þess að það gæti orðið Íslendingum mjög kostnaðarsamt. Ekki aðeins myndi það kosta samfélagið „gríðarlega“ að herða aftur samkomubann og aðrar sóttvarnir heldur myndi bakslag í baráttunni hugsanlega skaða orðspor Íslands í útlöndum. Komur ferðmanna myndu stöðvast og ár gætu liðið þangað til Ísland yrði aftur talið traustur áfangastaður".

Þetta mælir Lilja Dögg Jónsdóttir hagfræðingur og ráðgjafi forsætisráðuneytisins.

Ef fjölmiðlafólk okkar væri ekki jarmandi sauðir eða þaðan af grennra í toppstykkinu, þá væri þessi og önnur aðvörunarorð rifjuð upp því eina leiðin til að forðast að röng ákvörðun sé endurtekin, er að ræða gagnrýni á hana, og ræða afleiðingar hennar.

Viðurkenna svo mistökin.

Kveðja að austan.

[Ómar Geirsson, 2.8.2020 kl. 11:57]

Smá viðbótarinnskot Halldór um tengingu mína við hægri öfga, hugrenningartengsl sem heilinn býr til á sekúndubroti var sett á blað, fátt annað sem kveikti annað en hroki Frú Andersen sem telur sig ósnertanlega og vill því dæma samborgara sína til dauða, því þeir hafi ekki gætt nóg að lífsstíl sínu. 

En þetta má lesa á Mbl.is og það mætti halda að maður væri draumspakur;

"Á vett­vangi rík­is­stjórn­ar­inn­ar var málið um­deilt. Guðlaug­ur Þór Þórðar­son ut­an­rík­is­ráðherra talaði mjög fyr­ir opn­un landa­mær­anna sem fyrst, und­ir það tóku Þór­dís Kol­brún Reyk­fjörð Gylfa­dótt­ir ferðamálaráðherra og Áslaug Arna Sig­ur­björns­dótt­ir dóms­málaráðherra. Í þingliði Sjálf­stæðis­flokks­ins var vax­andi kurr yfir stöðu mála og fór Sig­ríður Á. And­er­sen, formaður ut­an­rík­is­mála­nefnd­ar og fv. dóms­málaráðherra, þar fremst í flokki.".

Fréttin heitir Að opna land, og fjallar um væntanlega bók Björns Inga.

Sjaldan hafa eins fáir einstaklingar valdið þjóðinni eins miklu tjóni, þau réðust á sumarið sem er ófyrirgefanlegt.

Og ef þau ná að slátra fótboltanum, þá er þetta sekt skóggangsfólk sem á hvergi griða að njóta nema á þyrlupallinum á Kolbeinsey.

Svei attan.

Kveðja að austan.

[Símon Pétur frá Hákoti (IP-tala skráð) 2.8.2020 kl. 13:22]

Sæll Ómar

Þetta er afar athyglisvert sem þú vitnar í varðandi ummæli ráðgjafa Kötu.  Vandinn við Kötu er hins vegar sá að hún skilur ekki einfaldasta heimilisbókhald, hvað þá þjóðhagfræði.  Af því leiðir að réttmæt varúðarorð ráðgjafans ná ekki inn í vitund hennar.

[Ómar Geirsson, 2.8.2020 kl. 14:02]

Ef það væri nú bara Kata Símon, en það er ekki kjarni þess sem ég er að gagnrýna.

Heldur jarm hinna meðvirku sauða sem láta allt yfir sig ganga, og gera enga kröfu um að staðreyndum sé haldið til haga, og gera engu kröfu á stjórnvöld að standa við og falla með ákvörðun sinni.

Það er svo dýrt að setja dallinn í slipp og þétta rifuna, sagði útgerðarmaður einn, sem og að skrokkurinn er hvort sem er allur grautfúinn.  Látum duga að mála.

Sem dugði alveg þar til að báturinn sökk með manni og mús, þó sáust tvær rottur hlaupa niður landganginn rétt áður en lagt var í síðustu sjóferðina.

Ábyrgð nei, enda gat hann ekki vitað fyrir víst að skipið myndi sökkva, það hafði dugað að mála hingað til.

Aftur með næsta fúadall sem hann keypti??  Já, og hann gat mannað því fyrir mörgum er svo komið að þeir höfðu ekki aðra valkosti.

Til fyrirmyndar??  Nei og hann var almennt fyrirlitinn sem hann kærði sig reynda kollóttan um. 

En hann var ekki fenginn til að setja reglur um öryggiskröfur skipa og báta.

Þar er hnífurinn í kúnni Símon, fólkið sem tók ranga ákvörðun sem hefur skaðað bæði einstaklinga og samfélag, fyrir utan alla röskun á daglegu lífi fólks, það kemst upp með sína ranga ákvörðun, henni er ekki breytt, og þó okkur verði bjargað með því að önnur ríki setji okkur á rauðan lista, þá hótar það að taka strax aftur þessa ákvörðun eftir að fórnir þjóðarinnar hafa sigrað veiruna, og með sömu afleiðingum.

Það er hjörð hinna jarmandi sauða sem er að bregðast, og þar fara fjölmiðlamenn okkar fremstir í sauðakórnum.

Kveðja að austan.

[Óskar Helgi Helgason (IP-tala skráð) 2.8.2020 kl. 15:03]

....

Ómar !

Hárrjett: af þinni hálfu.

Flokks nefnan - sem kennir sig við Sjálfstæði / í FULLKOMLEGA öfugri merkingu við raunveruleikann, er enginn venjulegur stjórnmálflokkur - heldur:: og miklu fremur, HREINRÆKTUÐ samtök glæpa- og missyndis lýðs allra handanna, sem ætti að sitja bak við lása og slár.

Þú nefnir: með rjettu Orkupakka III, fullkominn mælikvarði þar, á þjóðhollustu og tryggð við almannahagsmuni, hvar flestir á þingi brugðust gjörsamlega, nema þau Miðflokksmenn - Flokks fólksins - Jón Þór Ólafsson og já:: meira að segja Ásmundur Friðriksson stóðu í sína fætur, hvað:: sem öðru líður.

Hitt liðið - hvert fylgi Engeyingunum að málum, má að sönnu kalla DREGGJAR samfjelagsins, Austfirðingur mæti.

ÓHH