Vítin eru til að varast.

 

Sú sláandi heimska og veruleikafirring að halda að samfélög fólks geti þrifist í miðri drepsótt á rætur að rekja til Mammons, þessa blóðuga guðs græðgi og auðsöfnunar;

Boðskapur hans vel orðaður í þessari frétt;

"Síðan var ný­lega látið und­an þrýst­ingn­um frá hags­muna­öfl­um og borg­ur­um um að koma efna­hagn­um aft­ur í gang, með of­an­greind­um af­leiðing­um.".

Eins og fólk átti sig ekki á að Mammon er falsguð, boðskapur hans blekking og sýnd.

Það blómstrar ekkert efnahagslíf í miðri drepsótt.

 

Í dag er frétt frá Balkanlöndum, að fórnir síðustu vikna og mánaða hafi að engu orðnar vegna forheimskunnar og græðginnar.

Í gær voru fréttir af fyrstu einangrun samfélaga á Spáni.

Áður voru fréttir frá Leicester, Texas, Arizona, drepsóttin grefur um sig á ný.

Óhjákvæmilegt því fals rífst ekki við raunveruleikann.

 

Þessi víti ættu að vera þjóð okkar lærdómur.

Ekki óvitunum sem stjórna okkur, heldur okkur, almenningi.

 

Það er hugsanlegur möguleiki, sem aðeins tíminn einn veit, að við höfum aðeins fengið aðvörun, að það hafi tekist að einangra fyrst hópsýkinguna, en slíkar aðvaranir verða ekki margar í viðbót.

Við þurfum að fara út í samfélagið með opin augun, það er hvergi verið að spritta sig eða halda fjarlægðarmörk, ef það er smit þarna úti þá er það að breiðast út.

Og aftur verður allt lok lok og læs og alltí stáli.

 

Til hvers??

Til hvers í fjandanum??

 

Ég bara spyr.

Kveðja að austan.

Sláandi tölfræði frá Balkanskaganum

Athugasemdir

[Halldór Jónsson, 6.7.2020 kl. 19:32]

Og Kári hættur á landamærunum  og ríkisstjórnin getur ekkert gert nema sett upp aulaglottið á Katrínu.

[Þorsteinn Siglaugsson, 6.7.2020 kl. 20:47]

Þetta er engin andskotans drepsótt Ómar. Frekar saklaus flensa, sem vill bara svo til að frekar fáir hafa fengið ennþá.

[Ómar Geirsson, 6.7.2020 kl. 21:48]

Blessaður Halldór.

Þetta skar dálítið í augu, og það er sárt að í raun á enn einu sinni að rífast við raunveruleikann með aulaglotti, það er engin alvöru vinna í gangi við að takast á við afleiðingar efnahagskreppunnar sem er óhjákvæmileg (lágmarkið hefði til dæmis verið að hreinsa út úr Landsvirkjun og fá nýja stjórnendur sem vinna með atvinnulífinu í stað þess að bögga það sem við þó eigum ennþá) sem og að framfylgja stefnu ríkisstjórnarinnar um opnun landamæra.

Þar er allavega þremur spurningum ósvarað??

1. Hvað á að gera þegar fjöldi ferðamanna fer yfir 2.000 á dag??

2. Hver átti að skanna þessi 2.000 sýni, miðað við Kára þá hafði ekki verið gerður þjónustusamningur við ÍE, heldur bara reiknað með að fyrirtækið gerði þetta.??

3. Hver er stefna B ef seinni bylgja skellur á við opnun landamæra Evrópu, líkt og þegar er orðið á nokkrum svæðum, og varla liðin vika frá opnun landamæra??

Svona vinna bara óvitar Halldór.

Og í þessu samhengi skulum við ekki gleyma að margt mátti segja um vanhæfustu ríkisstjórn lýðveldissögunnar, en ekki að þetta væru óvitar, þó flest önnur skammaryrði mætti nota um þau Steingrím og Jóhönnu.

Það hefði enginn róið með þessu fólki á árum áður, það eitt er víst.

Kveðja að austan.

[Ómar Geirsson, 6.7.2020 kl. 22:10]

Blessaður Þorsteinn.

Ég var nú ekkert að sneiða að þér í upphafssetningu minni, svo það var nú óþarfi hjá þér að minna á þig í þessu samhengi.

Þú veist það Þorsteinn að það er enginn að loka og læsa út af "frekar saklausri" flensu, ég held að meir að segja að þessi fullyrðing stæði í Trump á góðum degi, og þó kallar hann ekki allt ömmu sína þegar hann þarf að fóðra þann hluta kjósendahóps síns sem kýs að afneita tengslum sínum við upprunann, það er að við séum af tegundinni sem kennd er við hina vitibornu.

Ég hlýt að hafa æst þig alveg óvart fyrst að þessi glöp sluppu frá þér.

Ég skil hins vegar alveg afneitunina á hugtakanotkuninni "drepsótt", því vissulega ferðast drápvírusinn með saklausara afbrigði sem nær ekki að æsa upp ónæmiskerfið þannig að kröftug varnarviðbrögð þess kæfi fólk, en það er ekki verið að loka heiminum út af flensuskítnum heldur lungnapestinni.

Hún drepur, strádrepur, og ef við byggjum ekki við nútíma lækningar, og þekkingu okkar og hæfni til að loka á smitleiðir, þá væri þess drepsótt örugglega á toppi 10 yfir skæðustu drepsóttir mannkynssögunnar.

Í þessu samhengi er hollt að hafa í huga að talað er um 3 heimsfaraldra kýlapestarinnar sem við kennum við Svarta dauða, sá þriðji og síðasti var uppúr miðbiki síðustu aldar að mig minnir þó ég nenni ekki að fletta uppá því á Vísindavefnum. 

Varst þú eitthvað var við Svarta dauða þá Þorsteinn, eða foreldrar þínir því þú ert vart farinn að grána??

Ég skal svara spurningunni fyrir þig, svarið er Nei.  Þökk sé nútíma lækningum og þekkingu á smitvörnum.

Annað sem gott er að hafa í huga með Svarta dauðann, er að hann hafði verið þarna lengi á gresjunum áður en hann varð að fyrsta heimsfaraldrinum, eitthvað gerðist, hugsanlega stökkbreyting í bakteríunni sem gerði hana skæðari.

Það er ekkert sem útilokar að það sama gerist með Kóvid veiruna, að hún smitist hraðar, og það afbrigði hennar sem drepur, verði algengari.

Fullorðið vitiborið fólk áttar sig á þessu.,

Og vonandi kemur þess tími áður en drepsóttin nær að sprengja þolmörk heilbrigðiskerfisins, því eftir það fellur fólk sem fær lungnapestina, það verður engin lækning í boði.

Kveðja að austan.

[Þorsteinn Siglaugsson, 6.7.2020 kl. 22:56]

Drepsótt er pest sem drepur stóran hluta þeirra sem fá hana Ómar. Á þann mælikvarða er þetta engin fjandans drepsótt. Svarti dauði var drepsótt. Þessi pest gerir ekki mikið meira en drepa möguleika Trumpsa vinar okkar á endurkjöri. Ef það kemur pest, og 0.2% þeirra sem fá hana drepast af henni, þá er það engin drepsótt. Bara flensuskítur. Og hafðu það félagi!

[Ómar Geirsson, 7.7.2020 kl. 00:12]

Þorsteinn, það eina sem er rétt hjá þér að ofan er að drepsótt drepur stóran hluta þeirra sem fá hana, og það er það sem Kovid lungnapestin gerir, annað afbrigði hennar sem gerir fólk illa veikt, en fellir fáa, virðist hins vegar valda langverandi heilsubrest hjá fólki þannig að það er aðeins skugginn af sjálfum sér á eftir.

Þetta með Trump er barnalegt, héldi ekki einu sinni vatni þó Kóvid væri aðeins bundið við USA, eða heldur þú að indversk stjórnvöld, sem nota bene sækja umboð sitt til kjósenda í lýðræðislegum kosningum, hefðu skyndilega lokað á allt mannlíf, til að reyna ná höggi á Trump?

Dánarhlutfallið, 0,2% er bara bull, sem meir að segja félagi Trump léti ekki út úr sér þegar hann er að fóðra vitleysingana.

Veiran fer illa með áhættuhópa sem eru hlutfallslega fjölmennir í vestrænum samfélögum, það er eldra fólk og fólk með svokallað undirliggjandi sjúkdóma.  Þetta er hins vegar hóparnir sem sóttvarnir hafa að mestu leiti náð að vernda.  En til að fá einhverja hugmynd um hve veiran er skæð, þá er fróðlegt að skoða ætlaðar dánartölur frá Bergamo, 125 þúsund manna bæ í miðju Lombardy héraði á Ítalíu, en hann fór illa út úr veirunni, og líkleg skýring er útbreiðsla veirunnar áður en gripið var til strangra sóttvarna. 

Þetta má lesa í frétt frá 2.apríl í einhverju helth blaði; "According to the study by data analysis firm InTwig, whose findings were published in local daily L’Eco di Bergamo, about 4,500 people have died from COVID-19 in March around the northern city of Bergamo", í greininni er ekki tekið fram hvað þetta "around" nær yfir stórt svæði, en á móti kemur að veiran náði aðeins til hluta af fólki í áhættuhópum, fólk sem var í áhættuhópi og gerði sér grein fyrir hættunni, það fór í sjálfskipaða sóttkví löngu áður en formlega var gripið til hennar.

Eins var hjúkrunarfólk á besta aldrei að falla víðsvegar um heiminn áður en það fékk fullnægjandi hlífðarbúnað, sem út af fyrir sig gefur vísbendingar um hver skæð þessi veira er. 

Þú viðurkennir að Svarti dauði var drepsótt, en sá sjúkdómur er ennþá til, en nútímavísindi og sóttvarnir halda honum í skefjum.  Það var hins vegar misminni hjá mér að fullyrða að þriðji heimsfaraldurinn hafi gengið yfir uppúr miðri 20. öldinni, hið rétta er sá kom uppí Kína í lok 19. aldar og dreifðist út til hafnarborga í flestum heimsálfum.  Það sem var í huga  mér var hins vegar þetta;

"Á árunum 1954 til 1997 varð svartadauða vart í 38 þjóðlöndum. Alls veiktust ríflega 80 þúsund manns en af þeim létust einungis um 8% því að yfirleitt hefur reynst auðvelt að lækna menn með sýklalyfjagjöf ef skjótt og rétt hefur verið brugðist við þegar menn smitast.".  Það hefði sjálfsagt enginn dáið eða því sem næst ef strax hefði verið lokað á smitleiðir með jafn harkalegum hætti og var gert í upphafi kóvid faraldursins.

Þegar menn bera saman epli og appelsínur þá er lágmark að þær komi úr sama garðinum svo aðstæður séu þær sömu.

Svarti dauði gekk yfir i bylgjum, það veit enginn hvað hefði orðið með kóvid veiruna hefði hún fengið sama frelsi.

Nútíma lækningar voru ekki til á þeim tíma þar sem kýlapestin fékk viðurnefnið Svarti dauði, það veit enginn hver síendurtekin kóvid faraldur hefði gert ef honum væri leyft að ganga yfir eins og flensskít þar sem menn fá í mesta lagi magnyl.

Feisaðu þetta Þorsteinn áður en veiran nær í skottið á þér, í dag eru margir afneitarar að veikjast í  Suðurríkjum Bandaríkjanna, engar fréttir samt borist að þeir afneiti læknishjálp með þeim orðum að um flensuskít sé að ræða. 

Og þeim fer það hratt fjölgandi að heilbrigðiskerfið er að springa, og eftir það er litla hjálp að fá.

Hvenær gerðist það í síðasta flensufaraldri??

Kveðja að austan.

[Þorsteinn Siglaugsson, 7.7.2020 kl. 09:38]

Dánarhlutfallið er um 0,2% Ómar. Það er langsótt að túlka það þannig að pestin drepi "stóran hluta" þeirra sem fá hana. Hún drepur tvo af hverjum þúsund. Það er ekki stór hluti. Einhverjir fá slæm eftirköst, en þeir eru ekki margir.

Ég sé ekki alveg tilganginn með því að rangtúlka hlutina á þennan hátt Ómar.

[Ómar Geirsson, 7.7.2020 kl. 10:14]

Þorsteinn, vitleysan verður ekkert réttari þó þú endurtekur hana oftar.

Dánarhlutfallið af lungnapestinni var um 25% þegar faraldurinn skall á, nútímalæknavísindi hafa náð því niður, það sást á hinum góða árangri sem náðist á kovid deild Landsspítalans.

En bráðadeildir ráða aðeins við brot af þeim sem sýkjast þegar faraldurinn fær að ferðast óhindrað, þá væri sýking því sem næst ígildi dauðadóms.

Það skýrir harkaleg viðbrögð sóttvarnaryfirvalda og flestra ríkisstjórna út um allan heim.

Að þykjast vita betur og nýta sér einhverja hundalógík í því samhengi er barnalegt þegar skynsemisvera á í hlut. 

Með sömu hundalógík, það er að horfa framhjá inngripum smitvarna og læknavísinda í framrás drepsóttarinnar, er hægt að halda því fram að Svarti dauði sé sögufölsun, lýsingin á pestinni eigi við bakteríuna "Yersinia pestis" sem er þekkt í umhverfinu víða heima og hefur ekki valdið neinni drepsótt í nútímanum, eða þekkir þú einhvern sem hefur fengið Svarta dauða??  Líklegast skýringin á flökkusögunni sé að munkur á fyllerí ákvað að skrifa niður horrorsögu sjálfum sér og öðrum munkum til skemmtunar, en seinna hafi einhver tekið mark á skáldsskap hans og afritað og sagan orðið að sannleik í tímans rás.

Og hvað með ebóluna Þorsteinn??, hefur þú fengið ebólu, veistu ekki að ebólan er tilbúningur Bill Gates og konu hans til að fá heimsrétt til að framleiða tilbúið bóluefni sem sýkir fólk af ýmsum sjúkdómum??

Og vissir þú ekki að Kóvid faraldurinn er uppsett leikrit Djúpríkisins til að ná algjörum völdum yfir einkalífi fólks, fá einhverskonar alræðiseftirlitsþjóðfélag.  Hefur þú ekki lesið nafna þinn Scheving, hann linkar á myndir og leikara, og fólk sem hefur afhjúpað þessa ráðagerð valdaelítunnar.

Þú fylgist greinilega ekki með í bjánafræðunum sem eiga það sammerkt að hugmyndir þeirra hafa þau einu mörk sem takmörk ímyndaraflsins setur, annað en þau blessuð mörk sem rökhugsun og þekktar staðreyndir setja vitibornu fólki.

En hvernig þér datt í hug að barnaskapurinn eða heimskan hefði eitthvað með Trump að gera, það finnst mér skrýtið hvernig fólk heldur að það sé hans hagur að klína svona vitleysu á hann.

Ef það tekst, þá þarf Trump enga andstæðinga, hans eigin stuðningsmenn sjá um að fella hann.

Það skýrir kannski að gjörspillt elliært gamalmenni er að baka Trump í skoðanakönnunum.

Og varla er það tilgangurinn.

Kveðja að austan.

[Þorsteinn Siglaugsson, 7.7.2020 kl. 14:01]

25%? Hvaðan í ósköpunum færðu þá hugmynd? Ertu algerlega úti að aka? Hér hafa um 1% þjóðarinnar smitast og það eru 10 látnir. Nenni ekki að munnhöggvast við þig um þetta. Þetta er svo stjarnfræðileg þvæla.

[Ómar Geirsson, 7.7.2020 kl. 15:04]

Blessaður Þorsteinn.

Það er hollt að lesa skrif þess sem þú ræðir við áður en þú kýst að gera þig að fífli, það er ef þér leiðist að gera þig að fífli.

Kovid flensan sem þér er svo tíðrætt um er ekki ástæða þeirra harkalegu aðgerða sem þjóðir heims gripu til að hindra útbreiðslu veirunnar hvað þá að um sé samstilt átak ríkja heims til að hindra endurkjör Trump forseta.

Það er hreinræktuð heimska að láta sér detta það í hug, hitt er í ofanlagi barnalegt.

Skýringin er lungnapestin og það er hún sem drepur, það er hún sem er drepsóttin, og hún kemur í kjölfar flensueinkennanna.  Það er hún sem er með þetta ætlaða dánarhlutfall, tala sem ætluð var út frá gögnum Kínverja.

Á Norður Ítalíu þegar heilbrigðiskerfið hafði ekki undan og læknar þurftu að velja hverjir fengju súrefni, þá var þessi tala hærri.  Það var hægt að sjá hana með því að fylgjast með þróun talna á https://www.worldometers.info/coronavirus/ með því að bera saman dálkinn Serious/Critical og New Death.  Við Íslendingar vorum svo heppnir að fá lítinn skammt, ekki skæðustu útgáfu veirunnar, og nutu reynslu annarra í að meðhöndla þennan sjúkdóm.

Síðan er ekki vitað hve margir hefðu dáið ef þeir hefðu ekki átt kost á súrefni á þeirru stundu þegar lungun gátu ekki séð þeim fyrir súrefni, kannski hefðu þeir lifað samt en Boris Johnson og hann er ekki eini sjúklingurinn um þá skoðun, þakkar súrefninu lífgjöf sína.

Síðan ertu ennþá í þeirri gryfju að fullyrða eitthvað um alvarleik veirunnar út frá þeirri staðreynd að smitvarnir komu í veg fyrir mikla útbreiðslu hennar hjá helstu áhættuhópum, sem í þessum faraldri var eldra fólk og fólk með undirliggjandi sjúkdóma.

Trúðu mér, Ebóla drepur þó hún hafi ekki drepið neinn á Íslandi, og kýlapest líka, þó aldir séu liðnar frá síðasta dauðsfalli af völdum hennar.

Þetta snýst að sjálfsögðu um hvort veiran fái tækifæri til að sýkja eður ei.

Eiginlega er það ekki hundalógík að segja þegar varnir virka, að það hafi ekki verið þörf á þeim.  Til hvers þarftu flóðvarnagarða þegar aldrei flæðir yfir þá, til hvers þarftu úðakerfi þegar það slekkur allan eld áður en nær að breiða úr sér. 

Bara heimskt ekkert annað.

En meinið er Þorsteinn að það ert þú ekki.

Svo hvað veldur??

Kveðja að austan.

[Þorsteinn Siglaugsson, 7.7.2020 kl. 18:13]

Ég spurði hvaðan þú hefðir þær upplýsingar að fjórðungur þeirra sem fengju pestina dæu úr henni. Þú ert greinilega að draga ályktanir um hversu hættuleg flensan sé með því að telja bara þá sem eru nánast við dauðans dyr til veikra. Hvers vegna einfaldar þú ekki bara málið og telur eingöngu þá sem hafa látist. Þá færðu 100% dánarhlutfall og getur væntanlega verið ánægður.

[Ómar Geirsson, 7.7.2020 kl. 23:04]

Hvað, ósköp ertu farinn að spyrja óljóst Þorsteinn, hvernig átti ég að fatta að hugmynd væri sama og upplýsingar.

Þá hefði ég góðfúslega sagt þér að kynna þér umræðuna og afla þér upplýsinga um hvað er að gerast útí hinum stóra heimi, og af hverju kínversk stjórnvöld gripu til svona harkalegra aðgerða eftir að þau loksins horfðust í augun á hvað það þýddi að láta drepsótt ganga lausri í landinu.  Aðgerða sem önnur ríki töldu sig svo nauðbeygð til að grípa til þegar drepsóttin var stjórnlaus í þeirra eigin löndum.  Þá hættirðu kannski að spila þig með því að tala um flensuskít.

Þú getur notað leitarorðið "it is not a flue", svona til að fá grunnupplýsingar ásamt myndum af fórnarlömbum, bæði þeim sem þú notar orðið "voru við dauðans dyr", og svo alla hina sem áttu mörg góð ár eftir.  En orðalag þitt bendir til þess að þú sért mjög ósammála nýlegum dómum í Japan og Þýskalandi yfir hjúkrunarfræðingum sem hjálpuðu fólki yfir móðuna, því það var hvort sem er við dauðans dyr. 

Síðan getur þú notað leitarorðin "lung pneumonia covid", þá getur þú lesið þér betur til um lungnapestina.

Og fyrst þú ert kominn í samband við Gúgla frænda, þá getur þú spurt hann um Kastljósviðtalið við Kára Stef þar sem hann útskýrði þá sjúkdóma sem kenndir eru við kovíd veiruna.  Hann notaði vissulega orðið "meinlaus flensa" sem flestir fengju, síðan nefndi hann alvarlegu veikindin þar sem fólk yrði hundveikt, og jafnvel mikið lasið lengi á eftir.  Um þetta hafa síðan verið stofnaðir margir feisbókarhópar, bæði hér á landi og útí hinum stóra heimi, þar sem fólk lýsir vanlíðan sinni og jafnvel síendurteknum hita og máttleysisköstum, jafnvel þó vikur séu liðnar frá því það var sagt vera laust við veiruna.

Svo er það drepsóttin sagði Kári, og útskýrði lungnapestina. 

Hvar ég nákvæmlega heyrði fyrst eða las um fjórðungs dánarhlutfallið man ég ekki, en veit að einn fyrsti pistill minn, frá því um miðjan febrúar var skrifaður undir áhrifum af þeim upplýsingum.  En það var kannski ekki augljóst að ég var að skrifa um innflutning á hráum kjöti og hættuna af fjölónæmum sýklum.  Ég las mikið á þessum tíma, nýtti mér meir að segja þjónustu Gúgla frænda til að þýða úr ítölsku.  Og gerði það sem ég geri sjaldan, hlustað á viðtöl á Youtube á útlensku sem ekki er mín sterkasta hlið.

Og að sjálfsögðu skrifar maður ekki mínútuna hjá sér þegar maður leggur ákveðnar upplýsingar uppá hillu bak við eyrað þó ég seifi helsta linka bæði á greinar og myndbönd.  Það er svo að einn Ari getur haldið heilli fjölskyldu upptekinni við að svara spurningum og þá umræðutækni nýta sér margir, án þess þó að vera fyndnir eins og Ari.

Ef ég væri að fara gegn viðurkenndri þekkingu eða gegn staðreyndum samtímans, héldi því til dæmis fram að dánarhlutfallið væri aðeins 0,2%, og þetta væri flensuskítur og aðeins samsæri gæti útskýrt harkaleg viðbrögð stjórnvalda allra ríkja heims nema Svíþjóðar, og jú þann hluta stjórnvalds sem hinn nýsýkti forseti Brasilíu ræður yfir, þá myndi ég þefa upp gögnin, enda held ég samviskusamlega til haga því sem fer gegn fjöldanum.

En í svona máli segir maður bara við Ara, Ari minn, hugsaðu, reyndu jafnvel að fatta sjálfur.

Ég hefði komið fyrr inn Þorsteinn ef ég hefði ekki fengið kvöldgesti, en var nú samt búinn að slá inn öndunarvél, covid, bara svona til að rifja upp á ástkæra ylhýra, áður en ég setti mig inní umræðu sem ég hef lítt spáð í rúma 2 mánuði, og þar fann ég þetta.

"Töl­fræðin er á heims­mæli­kv­arða. Fjór­ir hafa lát­ist eft­ir gjör­gæslumeðferð hér á landi af sam­tals 27 sem hafa þurft á henni að halda. Það þýðir að tæp 15% þeirra sem hafa lagst inn á gjör­gæslu hafa lát­ist. Í upp­hafi far­ald­urs­ins var allt að 50-90% dán­ar­hlut­falli lýst á Ítal­íu, í Kína og á Bretlandi.".

Þú getur sjálfur komist að því úr hvaða viðtali ég tek þessi orð, og já, þetta er ekki fjórðungur.  +

En ég ætlaði jú ekki að vinna vinnuna fyrir þig.

Mér finnst miklu skemmtilegra að eyða tíma mínum í að skemmta þér með andsvörum mínum.

Gangi þér vel.

Kveðja að austan.

[Þorsteinn Siglaugsson, 7.7.2020 kl. 23:44]

Dánarhlutfall merkir það hversu margir af þeim sem smitast deyja. Ekki hversu margir sem fara á gjörgæslu deyja. Ekki heldur hversu margir af þeim sem eru dauðir hafa dáið. Þú verður að byrja á að reyna að skilja hugtökin sem þú ert að nota.

Samkvæmt þeim gögnum sem nú orðið liggja fyrir eru það um 0.2%, ekki 25% þeirra sem smitast sem deyja úr Covid. Það sýna rannsóknir, bæði hér, í Þýskalandi og víðar.

Þessar staðhæfingar þínar verða ekkert réttari þótt þú skrifir fleiri orð Ómar. Ég skora á þig að reyna að koma röksemdum þínum fyrir í einni eða tveimur skýrum og skiljanlegum málsgreinum. Það gæti verið ágæt æfing.

[Magnús Sigurðsson, 8.7.2020 kl. 06:27]

Svona til að árétta það, þá er dánarhlutfall lífsins 100 %.

[Ómar Geirsson, 8.7.2020 kl. 10:35]

Þorsteinn, færðu ekki á áverka að berja höfðinu svona í stein??

Hvað er svona flókið við að skilja að ég er að tala um drepsóttina sem fylgir flensuskítnum þínum, lungnasýkinguna??

Og hví kýstu að vitna í lönd þar sem bæði af tvennu gerðist, afbrigði veirunnar var ekki illvígt og aðgerðir á fyrstu stigum heftu útbreiðslu hennar svo hún náði ekki til áhættuhópa.  Ertu ljúgari eða hvað??

Krabbamein er banvænn sjúkdómur, samt ekki drepsótt því hann er ekki smitsjúkdómur.  Það telst gott að fólk sem fær krabbamein sé á lífi 5 árum eftir greiningu, misjafnt eftir krabbameinum þó, með verra hlutföllum er vélindakrabbamein þar sem  11% kvenna getur ætlað að vera á lífi 5 árum eftir greiningu.

Samkvæmt þinni skilgreiningu er krabbamein ekki hættulegt, eitthvað brotabrot af prósenti, því allt byrjar þetta með óeðlilegum frumubreytingum sem byrja fljótlega eftir að líf kviknar, en líkaminn gerir við fram eftir öllum aldri, eins og með kóvid þá eru það undantekningar að viðhaldskerfi líkamans sem við köllum oft ónæmiskerfi, nái ekki að lagfæra skemmdir hjá ungu fólki, en misbrestur á því eykst eftir því sem aldur færist yfir.  Samt aðeins brotabrot af heildarfjöldanum sem mælist með óeðlilegar frumubreytingar.

En málið er bara ekki skoðað á þessum forsendum heldur er á ákveðnum tímapunkti eru hina óeðlilegu frumbreytingar skilgreint sem krabbamein og lífslíkur skilgreindar út frá meðferð.  Þegar 70% er á lífi eftir 5 ár, þá er það meðferðinni að þakka, en ekki að 70% hefði lifað ef ekkert hefði verið gert.  Þá er hlutfallið prómil af einhverju, í mörgum tilvika krabbameina 0%.

Það veit enginn hve margir hefðu dáið af lungnapestinni, ef annars vegar hún hefði fengið að grassera óáreitt eins og flensa, og fólk hefði ekki fengið nútíma læknishjálp.  Eins og það veit enginn hve margir hefðu læknast af Svarta dauða ef læknar þess tíma hefðu haft súrefnistæki, öndunarvélar, stera til að stöðva bólgumyndun í lungum, að ekki sé minnst á sýklalyf.  Það eru allavega ekki margir sem deyja úr honum í dag.

Samt er enginn svo heimskur, mér vitandi, að segja að það hafi enginn eða mjög fáir fallið í Svarta dauða, og haft til vitnis skráðar heimildir sem og uppgröft mannvistaleifa á því fenjasvæði sem í nútímanum er í Litháen og Belarus.  Hins vegar held ég að íbúarnir á þeim tíma hafi sagt; heppnir við.

Kóleran er skilgreind sem ein hættulegasta drepsótt mannkynsögunnar, en í dag er dánarhlutfallið samt komið undir 1% með einföldum læknisaðgerðum.  Sem og að smitvarnir halda henni í skefjum eins og öðrum plágum.

Hið alvarlega við smitsjúkdóma er að þeir geta stökkbreyst og orðið hættulegri.

Það átti sér stað með kýlapestina, sem hafði grasserað við Svarta haf í þúsundir ára, hvað það var vita menn hins vegar ekki, alltí einu varð hún að heimsfaraldri.  Í dag dytti engum manni í hug, nema kannski þér Þorsteinn, að leyfa henni að grassera í friði við Svarta hafið, og sjá svo til hvort hún héldi sig ekki þar.

Spænska veikin byrjaði sem meinlítil flensa í Kansas, en þegar sú bylgja fjaraði út, þá komu önnur mun hættulegri, og svo sú þriðja.

Kóvid flensuskíturinn þinn byrjaði svona.  Það er öruggt að hún hafði blossað upp í Kína haustið 2019, og hún hafði borist til Norður Ítalíu allavega í desember, og alveg örugglega á svipuðum tíma til Bandaríkjanna.  Það skýrir hin útbreiddu mótefnamælingu á þessum stöðum.

Svo bara gerðist eitthvað, alveg eins og með spænsku veikina, veiran varð hættulegri og þróaði með sér lungnapestina.  Og það var þá sem gripið var til aðgerða, ekki á meðan hún var leiðinda flensa.

Og það er ekkert sem segir að hún haldi ekki áfram að stökkbreytast, og verða illvígari. 

Og að hundsa þann möguleika er bara hámark heimskunnar Þorsteinn minn, sorrý með það.

Þetta er það sem farsóttarfræðingar vita og óttast, það skýrir aðvörunarorð þeirra, og því miður virðast spár þeirra ætla að rætast.

Þetta er svo sem ekki mikil vísindi, sagan er þekkt þegar heilu samfélögin komust í snertingu við óþekktar veirur.  Það var ekki byssukúlan sem stráfelldi frumbyggja Ameríku, það voru smitsjúkdómar.  Fornleifafræðin hefur staðsett þrjá megin flensufaraldra sem gengu yfir Missippi dalinn á 17. öld (minnir öldina, nenni ekki a fletta) og dalurinn sem áður var þéttbýll með þróuðum landbúnaði, var auðnin á eftir.  Líklegast vegna þess að eftirlifendur forðuðu sér úr "þéttbýlinu".  Það var þeirra smitvörn.

En ég sé Þorsteinn að þú hefur ekki tekið upp spjall við Gúgla frænda með spurningunni hvort þetta væri flensa, þá værir þú ekki áfram svona fáfróður.

Slíkt er reyndar talinn dyggð á stórum svæðum í Bandaríkjunum, að vita sem minnst um flest, þeim dugar Biblían og stjórnarskráin, og jú að hafa borgað skatta.

En meira spúki hérna á Íslandi, sérstaklega þegar dauðans alvara er undir og þú veist aldrei hvenær hún snertir þig og þína.  Það er enginn svo heilbrigður að hann sé ósnertanlegur, og öll eigum við vini og ættingja sem eru í áhættuhópum. 

Að óska þeim dauða, er eiginlega ekki heilbrigt Þorsteinn, jafnvel þó það sé ekki meiningin.

Hafðu það bak við eyrað.

Kveðja að austan.

[Ómar Geirsson, 8.7.2020 kl. 10:47]

Blessaður Magnús.

Rétt er það en það sakna samt fáir þeirra tíma þegar hetjur riðu um héruð með ófrið eða baráttu höfðingjanna í Evrópu sem skildu eftir sig sviðna jörð og jafnvel frjósöm héruð auðnir einar.

Það er í eðli okkar að fresta þessu dánarhlutfalli, ég held að í dag séu margir ekki svo einbeittir í skoðun sinni að náttúruna eigi að hafa sinn gang, að þeir leggist upp í rúmið og bíði dauðans eftir að þeir hafa fengið blóðeitrun.  Flestir fara út í apótek og fá sér pensilín.

En víkjum að öðru; Múlaþing??

Eruð þið þarna uppfrá orðin að landshluta eða kjördæmi??

Af hverju ekki bara fallega gamla góða orðið Hérað??

Undanvillingunum þarna á Seyðisfirði sem og þeir þarna í Kongó geta alveg látið kalla sig Héra, það er ekki leiðum að líkjast, og ósköp væru Austfirðirnir snauðir, ef við hefðum ekki ykkur þarna uppfrá.

Ég vona að þið náið að forða þessu stórslysi, það er nauðgun á okkar ylhýra að láta þing ná yfir sveitarfélag.

En að eiga heima á Selfossi eða Héraði, hvað er að því??

Kveðja að austan.

[Magnús Sigurðsson, 8.7.2020 kl. 13:35]

Sæll Ómar, Múlaþing er ágætis nafn. Hérað er ekki síðar, hinsvegar þótti mér Fljótsdalshérað heldur bratt þegar Austur-Hérað og Norður-Hérað sameinuðust á sínum tíma án Fljótsdalshrepps, rétt eins og er nú. En eins og þú væntanlega veist þá standast áttirnar Norður og Austur á á Héraði.

Þið eruð náttúrulega komnir með Múla núna neðra í Litlu-Moskvu og eigið bara eftir að verða ykkur út um þing. En varðandi nauðganir, þing og sameiningar, þá er til Norður-þing þar sem eyðibyggðunum fjölgar eftir því sem norðar dregur í fyrrum fornfrægum hreppum.

En það má vissulega segja að hið forna Múlaþing hafi náð yfir stærra svæði en þessi ný sameinuðu sveitarfélög, en nafnið er sennilegast fyrst tengt Þingmúlanum í Skriðdal.

Kannski hefði sveitarfélagið allt eins mátt heita Krakalækjarþing eftir þingstað sem var til forna í Hróarstungu til að valda síður óöld á Austurlandi, og freista þess að koma í veg fyrir að sameinaðir sveitarstjórnarmenn flengist um til að stinga augun úr næstu nágrönnum.

En hvað mig varðar þá finnst mér sameiningar sveitarfélaga með því mislukkaðasta sem gerst hefur á síðari tímum, -hrein eyðibyggða stefna, -og fer því hvorki á kjörstað til að kjósa um sameiningar eða ósnefni.

Í mínum huga eru Egilsstaðir Egilsstaðir,Djúpivogur Kongó, Neskaupstaður Litla-Moskva og þannig man ég glæsta fortíð þessara byggða, þegar kaupstaðurinn á Nesi var höfuðstaður Austurlands.

Drekabyggð gat allt eins orðið líklegt niðurlag nafnavals, svona til að skjóta á Vopnfirðinga fyrir að vera ekki með líkt og sneitt var að Fljótsdælingum um árið. Þess vegna fannst mér Múlaþing vel valið úr því sem komið var.

Með sumarkveðju úr sólinni í efra.

[Ómar Geirsson, 8.7.2020 kl. 14:46]

Mér finnst nú reyndar Norðurþing svipað ónefni, en það er svo í miklum fjarska að ég veit ekki einu sinni hvort þar sé ennþá búið.

Hvort þetta sé ekki orðin ein allsherjarleikmynd í Hollýwood.

En Héraðið er þungamiðja hins nýja sveitarfélags, og það á ekki láta minnipúka niðri á fjörðum ræna ykkur því góða nafni.

Augljóst nafn þegar Fljótsdalurinn er tekinn burt.

En að sjálfsögðu höfum við smáfuglarnir ekkert með það að gera, en við getum tíst engu að síður um það.

Hinsvegar er það rétt að hinir nýju kommúnistar hætta ekki við sameiningar fyrr en við erum öll komin í eitt sveitarfélag, og þá munu þeir sjá að sveitarfélög eins og Köben eða Osló séu miklu stærri og hagkvæmari, ómæld tækifæri þar að þenja út stjórnsýslubáknið, svo þeir munu leitast eftir að sameinast annarri hvorri borginni.

Hin fyrst verður það svo sameinað sveitarfélagið Austurland, og svo framvegis og svo framvegis.

En Hérað er samt nafnið.

Kveðja úr neðra.

[Ómar Geirsson, 8.7.2020 kl. 14:49]

Úr sólinni vissulega, mér skilst að það sé sól og hiti hér líka.

Megi hún skína eitthvað frameftir, allavega fram að næstu rigningu, því vatnið er víst líka lífgjafi eins og sólin.

Sólarkveðjur uppá Hérað.

[Þorsteinn Siglaugsson, 8.7.2020 kl. 16:19]

Flestir sem fá þessa pest fá engin einkenni, aðrir fá einkenni, en yfirleitt svo væg að þeir veita þeim ekki athygli. Sumir veikjast og þeim veikindum svipar til annarrar flensu. Svo eru einhverjir sem veikjast alvarlega, og fáeinir deyja. Þetta er alltaf sama veiran, bara misjafnt hversu alvarleg áhrif hennar eru. Þetta eru ekki tveir eða fleiri mismunandi sjúkdómar. Ekkert frekar en að flensa sé margir mismunandi sjúkdómar, þótt um 0.1% þeirra sem fá flensu fái af henni lungnabólgu og deyji úr henni. Og það hefur ekkert komið fram um að Covid sé að stökkbreytast með neinum hætti. Það er einhver ímyndun hjá þér, eins og allt hitt reyndar er líka.

Munurinn á þessari flensu og öðrum er ekki sá að hún sé svo miklu hættulegri út af fyrir sig, heldur að það eru svo miklu fleiri móttækilegir fyrir henni. Það veldur álaginu á heilbrigðiskerfið og viðbrögðum til að halda því í skefjum.

Þú getur galað "drepsótt, drepsótt" út í það óendanlega, og þvælt og þvargað eins og þig lystir. En það breytir ekki staðreyndunum.

[Ómar Geirsson, 8.7.2020 kl. 19:37]

Þorsteinn minn.

Þá skulum við bara kjósa að vera ósammála en ósköp hljóta bæði ráðmenn heimsins auk heilbrigðisyfirvalda að vera tornæm að fatta ekki orð þín.

Hins vegar er ljótt að vera ljúgari varðandi prósentutölur og ég vona að sannfæringarkraftur þinn sé ekki svo mikill að þú náir að sannfæra brunayfirvöld að afnema reglugerðir um eldvarnir með skírskotun í að þær virki.

Síðan myndi ég ráðleggja þér að spjalla við Gúgla frænda undir leitarorðinu "it is not a flue", þá reikna ég í fyrsta lagi með að fá athugasemd frá þér númer 22 þar sem þú biðst afsökunar á vanþekkingu þinni um að Covid veiran stökkbreytist ekki, það er jú það sem veirur gera.  Og kannski myndir þú láta það fljóta með að þú sjáir mótsögn þína að halda því annars vegar fram að þetta sé meinlaus flensa og hins vegar að margir séu svo móttækilegir fyrir henni  að það valdi álaginu á heilbrigðiskerfið og viðbrögðum við að halda henni í skefjum.  Það fer enginn á gjörgæslu út af kvefi er það nokkuð??

Og kannski þegar þú ert búinn að átta þig á að þetta er ekki flensa, þá kannski íhugar þú aftur angistarsvipinn á Þórólfi þeirra Bandaríkjamanna, veiran  er sannarlega orðin skæðari og það er þetta með seinni bylgjuna.

"In each of the eight influenza pandemics to hit the United States since 1763, a relatively mild first wave — no matter what time of year it arrived — was followed by a larger, much more lethal wave a few months later, noted Michael T. Osterholm, director of the Center for Infectious Disease Research and Policy at the University of Minnesota.

More than a third of all the people killed by the Spanish flu, which lasted from March 1918 to late 1920, died in the short stretch between September and December 1918 — about six months after a first, relatively mild version of what may have been the same virus broke out in western Kansas". (NT)

Aldrei of seint að læra Þorsteinn.

Kveðja að austan.

PS.  Leiðinlegt að þú skulir ekki hafa fattað dæmið um óeðlilegu frumubreytingarnar sem á ákveðnum tímapunkti enda í krabbameini.  Ennþá leiðinlegra að þú skulir ekki skilja hvað það þýðir að veikjast alvarlega af vírus og vera með ónýta heilsu á eftir, margfalt hærri tala en þeir sem hafa fallið, og nógu margir eru þeir samt.  En leiðinlegast af öllu er kuldinn þinn gagnvart fólkinu í kringum þig.  En það ræður enginn við sjálfan sig.

[Þorsteinn Siglaugsson, 8.7.2020 kl. 20:26]

Hvers vegna ertu að rugla saman flensu og krabbameini. Hvers vegna reynir þú ekki að kynna þér mál áður en þú byrjar að þvaðra um þau og saka þá sem hafa kynnt sér þau um ósannindi? Hvers vegna skilur þú ekki að það skiptir máli hvort stórir hópar fólks eru ónæmir fyrir smiti eða ekki? Hvers vegna ertu yfirleitt að þvaðra einhverja vitleysu um mál sem þú skilur ekkert í? Þú ert heimskur maður, og það versnar bara sífellt sýnist mér, því miður.

[Ómar Geirsson, 8.7.2020 kl. 23:09]

Hvað er þetta Þorsteinn.

Þú átt ekki að lesa PS hjá fólki ef það gerir þig svona æstan.

Mundu að það geta allir kallað alla heimska, en sumir færa bara rök fyrir því, aðrir hrópa. 

Það er þetta með dæmin, ég veit það ekki, þú ættir frekar að fara til miðils, samt ekki Þórhalls, og biðja hann að spyrja Esóps af hverju hann væri alltaf að tala um asna, ekki skildu þeir mannamál, hvað þá að þeir væru læsir.

Af hverju segir þú að ég kynni mér ekki málin??

Ég veit ekki hvað ég er búinn að koma að mörgum þekkingarmolum að í andmælum mínum, sem hafa verið mér mjög hjálpleg að rifja upp, því þannig séð hætti ég alveg að hugsa um þessi mál eftir að ég sá að málin væru komin í ásættanlegan farveg hér heima, og hef lítið fylgst með síðan, nema þá fréttum frá Svíaríki. 

Bíddu við hvað er ég búinn að benda þér á hér að ofan? Fyrst í almennu máli og síðan bein tilvitnun í sérfræðing um af hverju sporin hræða varðandi seinni bylgjur, og síðan minnti ég þig á að það voru sjúkdómar sem felldu innlenda í Ameríku, ekki vopn.  Vegna þess að nýir sýklar sem ónæmiskerfið þekkir ekki geta farið langt með að útrýma samfélögum sem þekkja ekki lækningu við þeim.  Hver er vanþekkingin í þessu og hvar er þvaðrið??

Eigum við að tala um stökkbreytingu, þessa fullyrðingu þína að ".. það hefur ekkert komið fram um að Covid sé að stökkbreytast með neinum hætti."  Hvað er ég oft búinn að biðja þig um að láta Gúgla frænda finna viðtalið við Kára þar sem hann lýsti Kóvid faraldrinum, "meinlausa flensan (þín), alvarlegu veikindin (skoðaðu feisbókarhópana, þú finnir vísanir í íslenskan og sænskan hér Mbl.is) og síðan þau banvænu.  Og hann lýsti hinum ýmsu stökkbreyttu afbrigðum hennar, þannig gat hann til dæmis séð að eitt smitið ætti rætur að rekja til Íran.  En þú þráast við að ráfa um myrkri vanþekkingarinnar og ekki veit ég hvort þessi tilvitnun í frétt frá 28. febrúar hjálpi þér, en hún var um að veiran hefði verið á Ítalíu í einhvern tíma áður en hún var fyrst greind af sóttvarnaryfirvöldum.

"The claim follows laboratory tests that isolated a strain of the virus from an Italian patient, which showed genetic differences compared with the original strain isolated in China and two Chinese tourists who became sick in Rome.

Massimo Galli, professor of infectious diseases at the University of Milan and director of infectious diseases at the Luigi Sacco hospital in Milan, said preliminary evidence suggested the virus could have been spreading below the radar in the quarantined areas.".

Þetta er bara svo lítið dæmi af mörgum sem ég hef lesið, mundi bara að ég hafði bókmarkað þessa grein.  Og hvað sagðirðu aftur, þvaður, kynnir þér ekki málin??

Eigum við þá að fjalla um af hverju it is not a flue?? Í árdaga faraldursins, þegar Ítalskir læknar sendu ítarlega út neyðarkall, og ég lét Gúgla frænda þýða og birti hluta á bloggi mínu, þá voru enskumælandi sérfræðingar að vara við því sama, og hvetja stjórnvöld að grípa til aðgerða í tíma.  Þetta mátti lesa á Viljanum 11. mars.

"Michael Osterholm, einn þekktasti smitsjúkdómafræðingur heims sem árum saman hefur varað heimsbyggðina við aðsteðjandi heimsfaraldri á borð við Kórónaveiruna, segir að faraldurinn nú sé rétt að byrja. Hann geti orðið tíu til fimmtán sinnum skæðari en hefðbundin árstíðabundin inflúensa með tilliti til fjölda sýktra og látinna í heiminum og flest ríki heims séu vanmáttug til að takast á við afleiðingar þess sem koma skal.

 

Osterholm, sem er prófessor við Háskólann í Minnesota, skrifaði bók um heimsfaraldra árið 2017 þar sem hann varaði við því að stutt væri í næstu árás veirusjúkdóms á heimsbyggðina. Í grein í tímaritinu Foreign Affairs árið 2005 sagði hann að tíminn til að búa sig undir næsta heimsfaraldur væri að renna út.

Hægt er að sjá viðtal við Osterholm hér í hlaðvarpi Joe Rogans, en þetta viðtal getur eiginlega talist skylduáhorf fyrir alla þá sem vilja fræðast betur um Kórónaveiruna sem tröllríður nú heimsfréttunum".  https://youtu.be/cZFhjMQrVts

Og þann 6. mars birtist þetta viðtal á Channel 4 við Dr. Richard Hattchet þar sem hann sagði að þetta væri "This is the most frightening disease I’ve ever encountered’".  Slóðin er hér https://youtu.be/NxmJaXsl56g.  Þegar teljarinn er á 6 þá segir hann, þetta er ekki flensa og útskýrir það vel.  Alvarleikinn felst í hve veiran er smitandi (infectiousness)og getu hennar (ability sem Cambridge þýðir the physical or mental power or skill needed to do something) til að valda alvarlegum veikindum eða dauða (severity diseases or death).  Mig minnir að eftir þetta hafi ég verið einbeittur í að tala um drepsótt, það er sótt sem drepur.  En hvað var þetta aftur, að kynna sér ekki málin, þvaðra??

Alvarleiki, hvert dánarhlutfallið er??

Það veit það enginn, en því var slegið fram í upphafi faraldurins út frá gögnum frá Kína að fjórði hver sem fengi lungnapestina félli.  Og fyrirgefðu mér Þorsteinn að ég skuli ekki hafa ljósmyndaminni Arnolds í Terminator.  Svona var umræðan hvort sem þú trúir því eða ekki.  En öll þessu alvarlegu orð, allar þessar aðvaranir í upphafi faraldursins, öll skelfingin sem náðist á mynd í sjúkrahúsum Whuans eða beinar frásagnir lækna á Norður Ítalíu staðfesta þessi orð mín.

En af hverju veit enginn dánarhlutfallið??

Jú faraldurinn hefur aldrei fengið að ganga laus, það hefur alls staðar verið gripið inní. 

Í dag er dánarhlutfallið af völdum Kóleru innan við 1%, eigum við þá að hafna að sú sótt sé talin eins skæðasta drepsótt sögunnar, að sagan ljúgi um hvað hún hafi verið skæð??

Að vitna í Ísland sem dæmi um dánarhlutfall, er því hrein fölsun, sé það ekki gert af barnaskap, eða vitskorti.  Hér náðist að hindra að hún næði til áhættuhópa, hún náði ekki að breiðast út áður en gripið var til skipulagðra sóttvarna.

Síðan er það þekkt að smit sömu sjúkdómsvalda eru misskæð og þess vegna var ég að segja þér frá Svarta dauða.  Hafir þú lesið sögubók þar sem ítarlega er fjallað um miðaldasögu, þá hefur þú örugglega rekist á kortið sem sýndi útbreiðslu Svarta dauða sem og áætlað dánarhlutfall hans milli landsvæða.  Sama bakterían en misskæð, af hverju veit enginn.

Læknir í Texas sagði í sjónvarpsfréttum í síðustu viku að veiran væri skæðari núna, smit hennar væri öflugra og sjúklingar væru að koma fyrr á gjörgæslu illa veikir.  Er hann að þvaðra vegna þess að ég hringdi í hann og bað hann að taka þátt í spilerí með þig, eða er hann að segja frá því sem hann upplifði??

Síðan er það ekki frá mér komið að veiran hafi allavega verið komin á kreik í Kína síðastliðið haust og borist þaðan til allavega Ítalíu og Bandaríkjanna, og þá hafi hún ranglega verið greind sem flensa.  Skýringin; hún var ekki svo mjög að leita í lungun þó fólk hefði orðið illa veikt.  Svipað og Guðmundur vakti athygli á á þingi.  Þetta stemmir við mismunandi mótefnamælingu milli landa sem hafa farið illa út úr veirunni, mótefni á Norður Ítalíu og New York er miklu útbreiddara en til dæmis á Spáni, svo munar tugum prósenta.  Allt annað við faraldurinn er svipað milli þessa svæða.

Menn eru ekki að spá í þetta til að rífast við menn eins og þig um tölfræði dánarhlutfallsins, heldur til að gera sér grein fyrir hegðun veirunnar, og það þá hvort hún eigi eftir að verða illvígari.

Þetta og svo margt annað skýrir alvöru orða og alvöru svipbrigða Fauci fyrir Bandaríkjaþingi, og trúðu mér, hann er ekki síamstvíburi minn, og hann veit hvað hann er að segja.  Hefur þekkinguna og reynsluna.

"Hvers vegna skilur þú ekki að það skiptir máli hvort stórir hópar fólks eru ónæmir fyrir smiti eða ekki? ", svo ég spyrji þig kurteislega, hvað hefur þú fyrir þér að ég skilji það ekki??

Ósannindi með prósentur, það er fullyrðing þín um að 0,2 prósent sem fá veiruna deyi.  Það er einfaldlega rangt, svona álíka rangt og að segja að það sé hægt að leyfa vélbyssur því þær drepi ekki þó skotið sé að hópi fólks, sönnun tilraun sem var gerð í eyðimörk og skotmarkið var langferðarúta í fimmtánhundruð metra fjarlægð.  Þetta veistu fullvel Þorsteinn því þú hefðir alveg getað farið alla leið og sagt að dánarhlutfallið væri 0,0 prósent með því að vitna í tölur frá Grænlandi og Færeyjum, í stað Þýskalands og Íslands.  Eða 0,0000 eitthvað prósent með því að vitna í Taivan eða aðeins minna 0,00 eitthvað með því að vitna í Suður Kóreu.

Og það er ljótt að ljúga með tölfræðinni í þeirri von að þarna úti sé einhver vitleysingur sem trúir þér.

Að lokum þetta Þorsteinn.

Það má vel vera að ég sé heimskur en sá er munurinn á mér og þér, að ég eyði aldrei tíma í að rökræða við heimskt fólk.

Það er allavega gott að við séum ekki eins hvað það varðar.

Kveðja að austan.

[Þorsteinn Siglaugsson, 9.7.2020 kl. 19:19]

Til þess að vita hvert dánarhlutfallið er, þá verður maður að vita annars vegar hversu margir hafa smitast og hins vegar hversu margir hafa látist. Það er lítið vitað um hversu margir hafa smitast. Til þess þarf rannsóknir með tilviljanakenndu úrtaki eða á heilum hópum. Hérlendis var gerð slík rannsókn og niðurstaðan var að 1% þjóðarinnar hefðu smitast. Það eru um 3.600 manns. 9 Íslendingar létust. 9/3600 eru rúm 0.2%. Hin rannsóknin sem ég veit um var gerði í þýskri borg og þar var niðurstaðan svipuð.

Nettröll eins og þú geta fleiprað endalaust og rennt tilvitnunum í eitthvert fólk sem þau finna á netinu fram á færibandi. En það eru ekki upplýsingar. Það er þvaður. Upplýsingar byggja á traustum gögnum, og einu traustu gögnin sem nú eru til svo ég viti eru þessar tvær rannsóknir.

En haltu endilega áfram að saka mig um lygar, og þvaðra vitleysuna eins og þín er von og vísa greyið.

[Ómar Geirsson, 10.7.2020 kl. 08:14]

Æ Þorsteinn, þegar fólk er rökþrota þá er best að hafa vit á að þegja.

Þú valdir lönd sem náðu að hamla útbreiðslu veirunnar.

Þú gast líka alveg tekið heimsálfur, mér vitanlega dó enginn á Antartíku, má því ekki færa rök fyrir að veiran sé sauðmeinlaus??

Og þó þú finnir mótefni veirunnar í 90% Færeyinga þá er dánarhlutfallið samt 0,0%, líka í Grænlandi þó þú fyndir aðeins mótefni í 3% þjóðarinnar.  Af hverju valdir þú ekki þessar þjóðir??

Eða Singapore, þó þeir hefðu náð að mæla alla með veiruna, það er enginn einkennalaus sloppið, þá eru þeir með tæp 0,06% dánarhlutfall.  Eða Taivan með sín skráðu 449 tilvik og 7 dauðsföll, þar er hlutfallið 0,15, og það hraðlækkar ef við reiknum með fólkinu sem greinist með mótefni án þess að hafa greinst með veiruna.

En núna ætla ég að leggja fyrir spurningu sem vitsmunaveru.

Hvernig getur þú fullyrt um dánartölur kóvid veirunnar á Íslandi þegar þú veist að það tókst að halda veirunni frá áhættuhópum hennar?? 

Smitvarnirnar héldu, lokun landsins og einangrun áhættuhópa, það voru tugþúsundir landa okkar sem héldu sig til hlés, bæði vegna aldurs og undirliggjandi sjúkdóma, virkaði.

Útfrá því gagnályktar þú að smitvarnirnar séu óþarfar, veiran sé ekki svo banvæn.

Skyldir þú ekki dæmi mitt um brunavarnirnar sem virkuðu og manninn sem lagði þá til að þær væru ekki skylda því það væru svo fáir eldsvoðar?

Tökum þá þessa stórkostlegu setningu þína;

"Nettröll eins og þú geta fleiprað endalaust og rennt tilvitnunum í eitthvert fólk sem þau finna á netinu fram á færibandi. En það eru ekki upplýsingar. Það er þvaður. Upplýsingar byggja á traustum gögnum, og einu traustu gögnin sem nú eru til svo ég viti eru þessar tvær rannsóknir.".

Upplýsingar já, vel upplýstur maður Þorsteinn.  Hvernig dettur þér virkilega í hug að mannkynið stendur frammi fyrir mestu smitógn frá Spænsku veikinni, að það hafi aðeins verið gerðar tvær rannsóknir um útbreiðslu veirunnar??  Á Íslandi og í einni borg í Þýskalandi.  Þó þú gerðir ekkert annað en að hlusta á ríkisútvarpið, þá er innan við vika þar sem það kom frétt í öllum fréttatímum um að "Rétt rúm 5% Spánverja eru með mótefni gegn COVID-19", og einföld netleit skilar þér fleiri niðurstöðum.  Til dæmis um mikla útbreiðslu mótefna á Norður Ítalíu og New York.  Sem þú hefðir alveg getað nýtt þér til að draga dánarhlutfallið ennþá meir niður.

Síðan hef ég aldrei heyrt að maður sem rökstyður fullyrðingar sínar á sínu eigin bloggi sé kallaður nettröll, og upplýsingarnar sem hann byggir skoðanir sínar á séu kallaðar þvaður.

Sá sem segir slíkt þarf að færa rök fyrir sínu máli og hvar eru rök þín sem takast á við rök mín??

Að heimsþekktir sérfræðingar séu bullukollar og viti ekki hvað þeir segja??

Að heilbrigðisyfirvöld víða í heiminum séu móðursjúk og viti ekki hvað þau geri, en ég Þorsteinn Siglaugsson veit betur, og segi, það er lítið sem ekkert að óttast.

Viltu andsvar við þessa setningu??  "Þetta er alltaf sama veiran, bara misjafnt hversu alvarleg áhrif hennar eru.".  Í sjálfu sér alveg rétt en hin mismunandi alvarlegu áhrif geta verið ólíkir sjúkdómar, sama veiran getur valdið vægum iðraóþægindum, lagst á hjartað og valdið ofþenslu hjartavöðva sem er lífshættulegt, eða skroppið uppí heila og valdið heilahimnubólgu.  Bakterían sem veldur kýlapest (Svarta dauða) á sér birtingarmynd í þremur ólíkum sjúkdómum, kýlapestinni sem drap ekki nema um helming, en blóðeitrun slátraði því sem næst öllum,

Af hverju vita menn ekki, og menn vita ekki af hverju sama veiran er misskæð, en menn vita að sama veiran þróar hratt stökkbreytingar, sumar draga úr alvarleika, aðrar gera hana skæðari.

Þetta er rökræða um staðreyndir, ekki þvaður og bull.

Rökræða sem þú ræður oftast við, en stundum bara missir þú þig.

Sorry.

Kveðja að austan.

[Þorsteinn Siglaugsson, 10.7.2020 kl. 08:26]

Þú skilur bersýnilega ekki hvernig farið er að því að komast að niðurstöðum um mál af þessum toga. Slíkar niðurstöður þurfa að byggja á rannsóknum. Það vill þannig til að rannsóknirnar voru gerðar í þessum tilteknu löndum, en ekki öðrum. Fréttir um hitt og þetta annars staðar eru ekki rannsóknir. En heimska þín, eða óheiðarleiki veldur því að það snúist um að "velja" lönd. Þetta segir það sem segja þarf um getu þína til að skilja málefni.

[Ómar Geirsson, 10.7.2020 kl. 12:08]

Æ Þorsteinn minn, núna er ég virkilega farinn að vorkenna þér.

Hvernig heldur þú að ég sé að vísa í þessi dæmi, til dæmis um New York og Norður Ítalíu, án þess að einhver rannsókn liggi að baki??

Af hverju heldur þú að ég hafi talað um flensuskítinn sem gæti útskýrt útbreitt mótefni??

En þú lagðir ekki einu sinn á þig ákveðna frumvinnu áður en þú hentir inn andsvari þínu, vitna beint í Rúv.

"Nærri 70.000 sýni tekin

Rannsóknin stóð yfir í átta vikur. Hún var framkvæmd af vísindafólki opinberrar stofnunar sem segir hana einstaka á heimsvísu. „Landsmæling á mótefni gerir okkur kleift að reikna út magn mótefna eftir mjög stóru aldursbili, allt frá nýburum til sjúklinga á tíræðisaldri. Þetta er ein fárra rannsókna í heiminum þar sem þetta er mögulegt,“ segir Raquel Yotti yfirmaður Carlos III stofnunarinnar. 

Blóðsýni voru tekin úr nærri sjötíu þúsund manns í þremur hópum. „Í þriðju lotu höfum við fundið að almennt algengi er mjög svipað, raunar nákvæmlega eins og niðurstaða annarrar lotunnar, það er að 5,2% íbúa Spánar hafa mótefni gegn COVID-19,“ segir Marina Pollán forstjóri Faraldsstofnunar Spánar.".

Þetta var það nærtækast sem ég hafði, það vill svo til að þegar ég les mér til, þá peista ég ekki öllu, til dæmis greininni um dánarhlutfallið í New York. Eða það sem ég las aðeins fyrr um útbreiðslu Kóvid á Ítalíu.

Hvað sagði Yotti aftur??  "Þetta er ein fárra rannsókna í heiminum þar sem þetta er mögulegt,“ segir Raquel Yotti yfirmaður Carlos III stofnunarinnar".

Svo ég endurtaki spurningu mína, hvernig datt þér í hug að heimurinn snérist ekki til varnar.

Kveðja að austan.

[Ómar Geirsson, 10.7.2020 kl. 12:20]

Svo er annað að ég fattaði ekki hvað þetta er gamall þráður, frétt Ruv var frá 6. júlí líkt og þessi pistill er.

Meinlausa flensan Þorsteinn, bull og þvaður helstu vísindamanna heims, ég Þorsteinn veit allt betur.

Hollt að lesa þessa frétt í dag hjá Mbl.is.

"Ekk­ert lát virðist vera á út­breiðslu far­sótt­ar­inn­ar í heim­in­um. Í gær var staðfest fyrsta smitið í norðvest­ur­hluta Sýr­lands og ótt­ast er að far­sótt­inn eigi greiða leið inn í flótta­manna­búðir.

 

Í Als­ír segja lækn­ar að stjórn­völd verði að setja regl­ur varðandi smit­varn­ir enda ráði þeir ekki leng­ur við aðstæðurn­ar.

 

„Við erum stöðugt að. Við erum gjör­sam­lega úr­vinda,“ seg­ir dr Mohamed Yous­fi, yf­ir­lækn­ir á Boufarik sjúkra­hús­inu skammt frá Al­geirs­borg. Hann seg­ir að starfs­fólk sé orðið svo úr­vinda að það líði yfir það af þreytu og ein­hverj­ir hafa lent í bíl­slys­um þar sem þeir eru ófær­ir um akst­ur. Svipaða sögu er að segja í Panama en þar er enn í gildi út­göngu­bann og smit­um fjölg­ar jafnt og þétt.

 

Á sama tíma mót­mæltu þúsund­ir Serba í höfuðborg­inni, Belgrad. Telja þeir að stjórn­völd taki ekki rétt á mál­un­um en þetta er þriðji dag­ur­inn í röð sem mót­mælt er í borg­inni. 

 

Ítalsk­ir vís­inda­menn segja að sterk­ar lík­ur séu á að verðandi mæður sem eru smitaðar af COVID-19 geti smitað ófædd börn sín. Þar í landi rík­ir ótti um að ný smit­bylgja sé á leiðinni en Ítal­ía fór afar illa út úr far­aldr­in­um fyrr á ár­inu. 

 

Í Par­ís stend­ur til að opna Eif­fel-turn­inn fyr­ir gest­um en ekki hef­ur verið hægt að fara upp í turn­inn í þrjá mánuði. Á Englandi verða lík­ams­rækt­ar­stöðvar og sund­laug­ar opnaðar að nýju síðar í mánuðinum.

 

Ekk­ert lát er á far­sótt­inni í fjöl­menn­um ríkj­um eins og Indlandi, Pak­ist­an og Bras­il­íu og í Mið-Aust­ur­lönd­um lét­ust yfir 220 manns í Íran síðasta sól­ar­hring­inn en þar eru yfir 12.300 þegar látn­ir úr COVID-19.".

Ég held að þú þurfir virkilega að fara róa liðið Þorsteinn.

Áður en allt fer úr böndunum.

Kveðja að austan.